大快活 (MegaBox)

營業中

休息中

買左早場戲飛睇戲,見未食早餐但仲有少少時間,即刻衝去食個快早餐唔想食太油ge野,叫左個蕃茄雞扒通粉,好耐無食過大快活,但記得以前通粉係有紋,大粒啲同口感實啲ge通粉,依家變左無紋同埋細粒啲ge通粉,口感都無咁好,跟餐餐飲揀左奶茶,未飲已經見到杯奶茶好淡,好茶同奶都好淡,飲落一樣係一杯淡奶茶XD不過值得讚ge係用左雪條棍代替塑膠製Ge攪拌匙,減少使用塑膠製品,為環保出一分力,快快食完快快衝返上去睇戲,呢個價錢算係咁,唔太貴,填一填肚都係一個唔錯ge選擇

辦理完要事後，決定跟兒子在附近吃晚飯，由於肚子有少少肚餓的關係，決定跟兒子去鋸扒，盡享親子樂！點了1個鋸扒餐，包括了1塊雞扒，1塊豬扒，1塊牛扒，1條芝士腸，1個粟米魚柳飯，1杯可樂。還有2）牛肋肉煲配白飯。先來了鋸扒餐（$56）很大碟哦，配以黑椒汁，其實挺不錯，不夠飽的話還有粟米魚柳飯，絕對是一個能填飽肚子的飯菜，可惜份量比以往少了一點，但沒法子了，要就著成本吧！之後來了蘿蔔牛肋肉煲配白飯($56)，驟眼一看並不覺得有什麼特別，但吃下去驚覺牛肋肉很嫩滑，十分出色。但個人覺得如能配以黑椒或會更惹味！真的是一頓豐富的晚餐！

返工日日都出外面食飯，最大的問題就係冇咩又平又健康的選擇。好多時比較健康的選擇就係沙律三文治，凍冰冰長期食對身體都唔太好。點知有一次去食大快活就發現佢地LUNCH有個雞胸的選擇，真係好驚喜。因為快餐店通常都係得雞排同雞脾，有咁樣一個雞胸嘅餐，成本唔平，所以真係好少有。佢地依度$46就有一個SET，有原個雞胸配雜菌汁加紅米飯仲有菜，加有飲品，係好大眾化的價錢。好多人唔中意食雞胸都係因為比較嚡口，有時西餐廳會用慢煮，但價錢唔平，起碼要成百幾蚊一份，但依度快餐店出品應該唔係咩SLOW COOK架喇，但係出乎意料都係幾嫩滑，係有一整雞胸，即超市生的都要幾十蚊兩個果Ｄ。食過幾次，有時再高水準Ｄ，但又唔會差，唔會嚡或者又乾又硬。我有時唔太餓，再想健康Ｄ就走埋飯，淨食肉同雜菜。佢Ｄ雜菜都幾有誠意，有菇有菜，唔會淨係得椰菜咁頹，仲會俾好多，正式有菜有肉，想搵健康Ｄ嘅外食選擇嘅朋友可以考慮依度。見到佢個鴨脾好似都幾得意，下次試下先。

🔹南瓜粟米汁雞胸紅米飯 $46本來想試羽衣甘藍汁嗰個但係無曬所以食呢個🤣以我嘅作風當然係叫佢少飯汁另上!! 今次我又用磅磅左啲野有幾重😂大家可以參考下👇🏻雞胸肉🥩 :143g紅米飯(少飯)🍚 :163g菜🥦:93g我覺得大快活真係好有誠意!!件雞胸真係好大件!重點係唔會乾,味道同KxC嘅有啲似😆為左可以打多啲information出黎所以試左少少個汁,真係好南瓜omg😂我完全有理由相信佢係真係就咁用南瓜打出黎無加其他奇奇怪怪嘅野😤紅米飯嘅紅米比起出面多啲(?)at least唔會另我覺得佢hea我😂菜望落就油左啲所以我無食到

小秘書星期日下晝陪咗阿爸阿媽去飲茶，不過點心味道實在麻麻，我好快又要去搵嘢食😝我喺Megabox買完嘢，經過見到「大家快活」仲有下午茶，而當時我又奶茶癮起，正好入去charge charge電😝喺排隊買嘢食嘅時候，聽到前面果位先生要即食麵併雞翼餐... 咁我就要個一樣啦！小秘書同朋友拎住張飛去水吧等咗大概五分鐘左右，全因即食麵要排隊等加湯👀 水吧個阿姐又只掛住派其他餐，根本無時間幫我哋😌 眼望住碗麵又無得食... 慘慘豬👉🏻👈🏻 好彩等多無耐就到我👍🏻 以萬分期待嘅心情埋位開餐😋 隻燒雞嘅味道都幾好👍🏻👍🏻 輪到講碗麵，廚師將成個麵餅擺落個碗就算😌 確係十分慳功夫之作💨 而個湯底就似乎落咗幾倍嘅鹽... 味道令人難受🤐 成碗麵就咁浪費咗👎🏻👎🏻 咁粗製濫造嘅食物，又點可以留住啲客呢？

今日同朋友行街，2個女仔四圍行，行到攰。上次經過大快活見到人地食個鐵板餐好吸引，甘今次就試下啦。mega box 間大快活吾算好多人，清靜又坐得舒服。原來仲有專人送餐，坐定定等食，讚讚鐵板餐:有豬。牛。雞各一件，仲有2塊蒜蓉法包同一杯可樂，$72。成個鐵板餐，牛肉最普通，完全食吾出係牛，無牛味既。豬就一般啦。雞係最好食！雞皮煎得好香又滑，正蒜蓉法包沾汁都好好味，烘得岩岩好，脆卜卜咖加埋杯大可樂，大滿足🤤咖哩牛腩飯：個咖哩汁吾會好辣，仲好香。我個朋友仔忍吾住話想出去加多碗白飯🍚。因為真係好好食。哈哈！牛腩都有4舊，又有2舊牛根同2舊薯仔！全部炆得夠淋夠入味！我已經好耐無食過大快活晚餐，原來真係幾好食啲職員仲好nice，又有禮貌！有送餐真係加分位！！

同阿媽嚟到Megebox行街，諗住食ikea下午茶，但係阿媽冇興趣，結果都係食番大快活下午茶。迷你豬扒包+低糖綠茶($27.9)雖然話係迷你，但係個包其實都唔算細。即叫即烘，所以個包係脆脆地，豬扒算淋，亦都大塊嘅，但係唔係特別好食，生菜份量唔多但係都新鮮嘅，沙律醬係甜甜地果種，總括嚟CP值未去到雪菜肉絲米咁高，但係可以再encore。雪菜肉絲米拼珍寶腸及奶醬多($26.9)阿媽嘅至愛，依個餐絕對係大快活裡面最高CP極嘅下午茶餐。阿媽話官塘廣場嘅好食d，雖然依邊雪菜嘅份量多d，但係煉奶同花生醬嘅份量唔夠，野食又好似放咗好耐唔熱咁。睇嚟佢就嚟可以做依個餐嘅評論專家。

我相信香港就快一連四季都有得打邊爐😂今次黎到Mega Box既「大快活」好難得晚市都好少人 座位變相好闊落🤣🤣花膠雞湯湯底🍲🍲花膠好少好少好少 得一，兩舊雞質素也麻麻地跟餐的食物蔬菜加腸 魚蛋 餃子蔬菜份量好多🥦🥒🍅🥗有菜 有金菇腸仔 魚蛋 餃子 份量偏少 如果要添加 要額外加錢烏冬 擺設 賣相都欠奉質素平平 無特別豬肉份量（小份）🐽🐽由於無咩胃口 揀少份量既肉算擺設要俾Dislike 佢👎🏻👎🏻打邊爐質素普通同價錢的 也有其他餐廳選擇

沒有了工作，下午得閒周圍遊，也可以看多一點下午茶餐的市道。是日經過這邊，在沙塵滾滾的工廠區，見有這座紅色的商場。下午茶就選擇大快活下午茶餐是中規中舉，賣相是吸引人，煎太陽蛋和午餐肉，算豐富了。仲使只是普通麵，不是出前一丁，我已經收貨了。此餐有提供半燒香滋味十足的雞翼，外皮炸得香口，涼了少許，但肉汁仍在，不錯不錯。順手看了下午市況如何，坐了一會，三十元已經可以找數。以前那有空閒去悠閒的喝下午茶，不是這些日子，也做不到。