大快活 (萬年大廈)

營業中

休息中

起中環自己一個唔想食貴野都係要揀連鎖店，其實行左好多間，mx，吉野家，大家樂，麥當勞，望住個餐牌無特別我就會行番出來，入到大快活反而有驚喜，48蚊tea time 有個mini雜扒餐，係抵薦嘅。

其實我好少會幇襯 這間快餐店，時常覺得佢D 食物麻麻，但經過今朝一試，只想講一句，我睇漏眼了，😅😅⋯⋯收銀姐姐及弄食物姐姐和清潔姐姐，服務和禮貌👍👍⋯⋯這間快餐店系間商業大廈二樓，地方寬闊，坐位舒適，燈光光猛，地方收拾有條理和乾淨，工作效率快！而且佢地有限時優惠餐。 今日就試下個優惠餐，睇下有冇唔同！$30一個早餐，有面包，2條脆皮腸，一塊大魚柳，一杯奶茶。對於一個女仕來講，綽綽有餘⋯⋯，面包🥯柔軟，魚柳炸都恰到好處（曾經食過炸到條邊好乾，應該系翻炸），條腸...脆口，彈牙。以後早餐又多個地方選擇啦⋯⋯😉😉

I work out lately and eating healthy outside is a big headache to me, especially in working days. Fairwood is the perfect restaurant for gym guy to eat especially for those who works in office. It has a wide range of healthy selections. The chicken chest with red rice is always my favorite. The chicken chest is always cooked softly and juicy. Healthy choice

好日唔食大快活D下午餐，㸃知都係十年如一日，亳無改善。叫咗個炒烏+紅豆沙，唸住32蚊都包野飲，點知唔包，加野飲要比多六蚊，有無攪錯! 講真呢D邊係炒烏冬嚟架，油到爆炸，如日日食，肥死您! 入面有椰菜，紅蘿蔔，都OK，但D肉片，鞋柴柴，包你nur都nur唔切，個烏冬又炒到汁笠笠，D汁又唔好味，食到歪晒嘴，難食! 個紅豆沙，水稀稀，無咩紅豆，我重以為係紅豆粉開水煮成，有D漿晒口，無紅豆成沙爆開狀的口感，極失敗之作。其實炒烏冬+紅豆沙配撘係吸引，但佢唔包野飲，失敗，另外D炒野出品差成咁，廚房出品真要檢討下，紅豆沙咁簡單都攪成咁

夜晚要返學嘅關係, 5點幾偷偷地落去整個窮人恩物當晚餐是常職吧,嘟左個QR CODE, 用支付寶可以減$2-3, 下午茶變得更抵食.下午茶時間都坐左唔少人, 大多係年長一輩, 搵坐唔難.點了豉油雞脾+米粉, 熱奶茶, 扣左優惠都係$32, 中環黎講真係邊度搵?!豉油雞脾夠入味, 但外表仍然係乾爭爭咁, 無咩肉汁, 唔可以用好食黎形容, 碗米粉有幾條豆角作伴, 湯夠熱, 米粉份量亦足夠, 呢個價錢真係唔可以要求太多.係公司個大雪櫃落到大快活都仍然未融雪, 碗咁熱嘅湯真係加晒分,熱奶茶茶味十分夠, 飲完醒醒神.....再出發LU

在中環這些高尚地段 要吃個平價午餐並沒有太多選擇幸好有大快活這些快餐店咖喱吉列魚柳飯魚柳炸得香脆 大件 沒有油膩感咖喱味道調配得很好 很香濃 辣度剛好配有兩大件薯仔 咖喱汁配上白飯十分好吃讓人忍不住一口接一口

天氣愈來愈凍，又係一個打邊爐季節了，一個人收左工最好就係一人一爐🍴🍲份量比其他連鎖店少，以肉類同蔬菜為主，但勝在有人送餐👍唔洗怕一個人又要找位同拎餐湯底飲落清醇帶膠質😋入邊仲有幾件雞件花膠同蘿蔔，清清淡淡咁打邊爐幾好飲即刨牛肉好新鮮，肉味濃郁，帶兩至三成肥😋食落肉香且帶少少肥每個火鍋仲配有個雜錦菜盤，蔬菜種類多且新鮮👍仲有春卷芝士腸貢丸公仔麵，都幾豐富仲可以叫其他配料恰下恰下，價錢都唔太貴總括黎講:食物質素幾新鮮但款式較少，不過最一敗筆係飲品，要成10蚊一杯凍檸茶(個人上唔夠打邊爐飲)🍳🍴味道: 7/10👩👨服務: 7/10🏠💺環境: 6/10💰💸抵食: 7/10總消費: $78 (1人)

本人甚少來中環，中環給我的感覺是香港中心，是繁華的象徵，自自然然就是葱葱忙忙的地方，個個都趕時間似的，租金特別貴，相對食嘢亦相對少和貴，呢間連鎖餐廳，開係中環黃金比段，提供打工一族一個比較平價又舒適的空間，其實已經很不錯！上到樓上環境也十分舒服

你話我大快活打手都好，但我一定要讚大快活早餐！至少中上環呢間係絕對屈機。每朝都會食，呢個$27.5餐有多士、蛋、湯面、飲品，食完精神飽滿開始工作，咁正既早餐邊到搵！熟客一定識收銀姐姐，記性實在前無古人 後無來者，每朝都講得出你食咩，萬人斬成條隊既單好快比佢禁哂，證明佢真係好有心打呢份工，底讚，欣賞！出餐員工有效率、趕得黎對食客又友善有耐性，好底讚。野食唔在講，真係一食就知好過市場其他主要對手好多好多，夠熱夠足料已經好好啦！希望大快活可以一路keep it up! 我做硬你打手！

老實講已經唔知幾多年無幫襯過連鎖快餐店，今晚實在太肚餓，個心淨係諗住想食個飯，一個人又唔想搞得太複雜，又要快，見到橫街隔離，有間大快活就衝左入去。入到去見到有素食選擇，仲有紅米飯添，完全啱心水，睇咗唔使半分鐘就已經決定。送餐到面前，雜菜份量都唔算少，飯又唔係特別多，呢個配搭都幾唔錯，因為夜晚真係唔需要食太多野落肚。因為實在太肚餓，好快咁就吃完碗飯。對於我來講個南瓜汁偏鹹，菜係烚過再加南瓜汁上去，所以油份並唔係太多，呢一點係有啲驚喜架，紅豆冰飲咗半杯都冇，食咗啲紅豆仲要求少奶走冰。轉嘢飲之後最後埋單＄44，老實講係我平時返工嘅地方午餐都食唔到，更何況係一個晚餐呢，所以我覺得性價比真係唔錯。

我原本諗住要個雙拼瀨粉，叉燒拼燒肉，但原來大快活係無燒肉賣既，所以就咁單拼。叉燒瀨粉 $36叉燒係瘦叉，啱我口味，我唔係幾鐘意肥膏既口感～湯底中中等等，瀨粉都好滑，味道合格。

早餐 $26.5早上八點半前黎到，人流唔多，好易搵位。醬料係自助既，我拎左練奶同花生醬整奶醬多。炒蛋夠滑，多士烘完暖笠笠，查上花生醬就有半溶效果，正。雪菜肉絲米都唔錯，米粉軟硬適中。杯鴛鴦茶既比例多得濟，變左有茶味但好少咖啡味～

我鐘意黎大快活食早餐，皆因佢夠靈活彈性，蛋可選炒蛋，太陽蛋，荷包蛋，熟蛋等。多士除左牛油外又可以揀花生醬練奶。連麵粉都可以隨意配搭。早餐　$25.5好豐富，食完大滿足。多士厚實綿密，烘得外脆內軟。炒蛋夠滑溜，但就多油左少少。辣肉醬米粉，辣肉醬原本係配上海麵既，但轉米粉、通粉等都OK。微辣，有啲冬菇粒。奶茶夠香濃，醒神！

最近喜歡了阿活，店子夠大，座位不算擠。在中環煩忙的午飯時間，一两個人也不難找到座位。它的阿活咖喱雞飯，咖喱味不太濃，對一些不愛辣，但又想吃咖喱的我，真合口味。要一讚的是它的雞肉，有四大件，完完整整的，都是雞脾的部份。比起另一間大xx只有零碎乾“鞋“的雞肉的咖喱雞飯，真好很多很多。伴飯也有多一點的菜。另一間，大xx只有三粒小蕃茄!

見到廣告有新出既厚切黑豚飯, 便到大快活一試汁料可配咖哩汁, 賣相第一感覺好大份, 同廣告照片大致相同厚切豬扒炸後仲好Juicy, 肉質仲好彈牙, 脆醬夠薄, 以快餐店黎講都自做得出色日式咖哩汁香而不辣,咖哩汁又夠多, 足夠撈晒成碗飯,配飯一流, 飯內仲配有少少薯仔粒同蘿蔔粒, 多啲蔬菜感覺更健康另配上日式前菜漬物, 感覺無咁漏, 只嫌漬物淡淡的, 酸味不夠