大廚料理

6月尾既時候 一家大細去左食自助餐 刺身係靚既 好食新鮮 熟食呢味道係唔錯但可能真係因為做自助餐 D野食整好左攤曬係到曬住 結果食落去變左又乾又柴 係物款式唔夠多相比起佢社交平台page寫出黎既真係較少款花膠好腥… 同埋得個汁係熱 花膠係凍… 冬菇都只係暖… 個汁太多生粉… 3百幾一位 比我揀多次 我會選擇出去食放題…Read More

一行8人想食個生日飯，朋友介紹下去咗呢間大廚料理食私房菜，連茶芥加一人頭$500多啲。坐低冇耐就冷氣機滴水，滴正係我頂帽到，簡單嘢坐過啲就解決到，不過之後提咗幾次上菜位滴水都硬係要係滴水位上菜🤷‍♂️人齊上菜。第一碟 - 鵝肝煎豆腐、蟹皇醬配法包。我個鵝肝正常但煎得唔太夠香，蟹皇法包普通。屋企人食食下件鵝肝叫我哋［好聲呀］我諗佢哋可能見裡面生生哋，叫我哋留意下，中意食鵝肝嘅我就冇乜為意；之後老婆叫我食埋阿囡件鵝肝，一咬之下，我感覺被成千上萬嘅死魚重重包圍我嘅味蕾，腥到癲！我終於明白屋企人係話件鵝肝［好腥呀］，唔係叫我［好聲呀］！第2碟 - 炸松葉蟹鉗配柚子雜果沙律。味道同去飲嘅炸蟹蚶相約，沙律係生果加沙律醬。我食到個蟹蚶中間，突然咬到啲硬嘢，原來個蟹蚶連殼藏咗係舊肉裡面，好在啲牙夠硬淨，比較之後嘅餸亦好小事。跟住第3第4度菜不過不失就唔多講。直接講上弦級數嘅第5碟 - 蠔皇南非28頭乾鮑扣澳洲海參鵝掌/花菇。鵝掌花菇係2揀1，我哋要4個鵝掌4個花菇，上菜時竟然係鵝掌花菇有齊，真正被抽走嘅係海參。能夠將扭蛋概念用於係私房菜上，呢條橋食神都未必諗到。不過之後有換返條海參俾我哋就算啦，但條海參好似冇乜洗冇乜刷過咁樣，個面鋪住一層白色嘢帶有粒粒，喚醒咗我底子裡嘅密集恐懼。隻乾飽個鮑邊就好似飽歷滄桑咁，望住佢化化哋嘅鮑邊，我以為自己食到散光。隻鮑魚就如臨煮前中咗化骨綿掌，啲毒未入晒去而外圍就化化哋，裡面實如擦膠，可見師傅內功深厚。之後乳鴿部分太咸；蝦乾啫啫通菜煲又反而甜多過咸，最後一個海鮮泡飯已經食到冇晒求生慾望。講咁多經點解當時唔投訴呢？其實啲餸未上晒我都驚俾人加料，食完埋單我有投訴，個收銀姐姐話應該食嗰時同佢講，但每上一道菜投訴一次嘅話，相信都係覺得我玩嘢。整體嚟講十分難食。呢一餐飯嘅所有嘢都完全癲覆我對私房菜嘅認知，刷新咗我對私房菜嘅三觀，人生第一次啲餸未齊就想走人。…Read More

睇Open Rice見呢間私房菜評分唔錯，特意訂檯慶祝老公生日，約左星期六食午市。之前一個禮拜會有同事打黎同你確認時間，同預先落order。嗰日中午去到餐廳第一下有點愕然，因為一個客都無，我仲以為睇錯營業時間，照理一般星期六日餐廳都應該幾多人。接待的阿姐我只可以形容為頗為「慢熱」。第一嘢入去餐廳，佢只係望住我同我老公，乜嘢歡迎說話都無。同佢講我訂左檯啊姓X,佢先話「坐啦」咁囉。我訂左2位午市「廚師發辦」套餐，先上黎既幾道小食都很開胃，之後既主餐都很有誠意，就是上菜時間很長。成間餐廳得我同老公2個人，但差唔多食左2個鐘（唔係我坐得耐，係等嘢食到）最搞笑既係，唔知係咪D員工都肚餓，加上我地個餐出餐好慢，食到中途全餐廳職員一起係隔離檯開檯食員工餐，連大廚Steven都一齊食😂，個觀感有點奇怪。如果你純粹黎食野，咁無乜嘢既。但叫得做「私房菜」，人均消費都唔平，我又覺得咁既餐廳氛圍有D兒戲太casual，呢個係我個人睇法。之後有特別日子都會去酒店，唔黎呢度lu。…Read More

經開觀塘搵下附近有咩好野食，比我發現左呢間隱蔽既午市自助餐，睇個名都知，呢間餐廳以大廚料理聞名😜只需要在菜單上點一個其中一個餐便可以享受午市自助餐🔥是日最喜歡的菜必定是鮮茄大虎蝦配西班牙黑豚咕嚕肉😊這道菜的明星是虎蝦，非常新鮮，肉質細嫩多汁，令人回味無窮💯搭配上西班牙黑豚咕嚕肉則是一大額外驚喜，這些咕嚕肉煮烤得剛好，口感嫩滑、外皮鬆脆😋蟹柳蕃茄仔沙律亦是非常新鮮，蟹肉入口甜甜的，而番茄也非常爽口。配上恰到好處的芝麻醬汁，是非常健康而爽口的前菜😚乾燒伊麵是「大廚料理」自助餐的其中一款菜式，加上雜菜之後又可以變成一個主菜🤣好味指數：8/10 性價比指數：7/10 餐廳名稱：大廚料理 餐廳地址：觀塘成業街15-17號成運工業大廈1樓15室 電話：90825588…Read More

⭐️大廚料理📍位於：觀塘成業街15-17號成運工業大廈1樓15室朋友補祝我食生日飯，訂左依間私房菜，日本象拔蚌配環球海膽刺身（七人份量）象拔蚌好鮮甜好爽口，海膽好新鮮挪威長腳蟹三食：1）清蒸蟹腳凍食2）米香避風塘蟹身3）蟹膏蟹肉茶碗蒸三款唔同味道嘅蟹，份量啱啱好X0醬煎焗東星班魚肉嫩滑鮮甜羊肚菌水鴨響螺花膠湯 （$98）個湯套餐冇嘅另外要加，勁足料，湯好入味好甜脆皮百花雞佢雞肉入邊係有蝦滑，好特別豆漿浸菜苗用豆漿做汁勁特別，清清地好好味🤤脆米瑤柱龍蝦海鮮泡飯呢個泡飯都冇得輸，仲要我最鍾意食乾瑤柱，份量真係啱啱好另外佢有幾款甜品可以揀，我就揀咗朱古力心太軟，即時整熱辣辣，甜度啱啱好😋…Read More

是次一行四人試了大厨料理的私房菜，食肆枱與枱之間空間較少，幸好安排了貼牆位置給我們，讓我們四人可暢快食，暢快傾。整體食物質素中規中矩，不過不失，但沒有大驚喜。最大驚喜應該是進食途中，露芙逐張枱去social，又和我們拍照，怎懂生意之道。…Read More

觀塘近年由工業區搖身一變成為了隱世覓食天堂，為數不少的實力食肆進駐了其中，加上工廈的老舊環境，往往增添了一份神秘和自家秘藏的滿足感。最近就造訪了一家由名廚麥師傅主理的中餐「私房菜」，品嚐一下中菜Omakase。🔹落戶於成業街，就近地鐵站交通方便。雖然位於工廈內帶點神秘感，餐廳裝潢卻是時尚光鮮整潔，環境闊落坐得舒適。🔹師傅擁有近30年的入廚經驗，將傳統中式菜餚配搭世界各地的烹調手法，泡製出健康美味的無添加菜式，務求令食客感受到食材的原味道。🔹中式「廚師發辦」有幾款套餐可供選擇，定價由$598 至 $798，菜式豐富度絕不馬虎，當中不乏名貴食材鮑參翅肚及海鮮，任君選擇追加。今次點選了$598/位的大廚發辦特選套餐🍱小食三重奏吉列東星斑，大大件東星斑肉裹上麵包糠炸成金黃，外脆內嫩肉質富彈性，較一般炸魚來得鮮甜可口。🌊涼拌花甲花膠，花膠滑嫩入味，花甲則鮮甜帶微辣，兩者搭配出清爽的開胃菜。🥓蜜汁火腿配蜜瓜，平時意大利菜用巴馬火腿配哈蜜瓜，大廚神來之筆轉上以薄薄金華火腿片配上哈蜜瓜，入口鹹香甘香，清甜多汁，相對巴馬火腿多上了中式風乾的感覺，頗有驚喜。🐚冰鎮清酒煮南非五頭鮑魚，鮑魚隻頭夠份量，大廚輕灼後以醬汁浸足六個鐘，意想不到的入味，享用時再加點清酒，口感十分Q彈鮮美，清酒香更是吊出了鮑魚鮮味，火候控制得宜簡單中見細膩。🦐XO醬玻璃蝦球北海道元貝，爽脆厚肉的蝦球加上勁大粒的北海道帶子，以XO醬和蘆筍雜椒炒香，鮮爽惹味。🐮紅酒日本和牛面肉，牛面肉煮得軟腍，近乎入口即化，配上爽口雜菌和蘆筍，濃郁中見清爽，美味得讓人難以自控食完一件接一件。🐷冰鎮脆皮黑豚咕嚕肉，另一道精緻特色的料理。黑豚肉拍粉炸脆後裹上醬汁，埋在拉糖冰底下，入口冰火外冷內熱，皮脆多汁，肉質軟嫩富果香，傳統粵菜新式處理，頗有新鮮儀式感。🌱龍蝦湯菠菜苗，自家熬製的龍蝦湯是這道菜的靈魂所在，湯頭鮮香濃郁，佐上翠嫩無渣菠菜苗，滿滿的蝦香鮮濃清新兼備。🍛慢煮西班牙黑豚叉燒意大利飯，半肥瘦黑豚叉燒鬆軟多汁，加上點點意大利黑醋調味有助減膩；以忌廉煮開的意大利飯濃稠Creamy富咬口，中西合璧配搭得宜沒有違和感。🥘瑤柱蛋白炒飯，經典粵菜主食，米飯炒得粒粒分明，伴上菜粒和炸瑤柱清爽鹹鮮，多吃兩口也不覺油膩。🍮朱古力心太軟，很驚喜在中式餐廳居然見到西式即製甜品，心太軟送上來滿是朱古力牛油香，切開後朱古力漿蜂擁而出十分治癒，佐上雲呢拿雪糕同吃，冰火對比下濃郁甜美，可可香滿瀉，加上伴碟生果讓人倍感滿足愉悅。🍡杏仁茶湯圓，清甜幼滑，滋潤暖心，作為整餐結尾最適合不過。整頓晚餐的出品味美又見心思， 每款菜式的配搭都能體現出大廚的精湛技藝和用心製作，賣相味道更是出眾，讓客人期待著下一道菜的驚喜；服務親切細心，環境優雅舒適，實在值得推送支持一下。…Read More

6月2號星期五第一次試食自助晚餐，魚生海鮮拼盤是新鮮，其他食物只是上了一次已經唔再有，尤其是西蘭花魚，另外就係個蒜蓉蟹腳都係上咗一次就冇啦，但呢咕嚕肉就上咗兩次，但係見到有一兩張枱係可以有得點嗰個蟹腳嘅，另溫泉蛋叉燒飯一啲都唔吸引，好似下午賣剩嗰啲，大蝦沙律響社交平台嗰度見到係可以任食，但只係每人上咗一次，可能琴日第一日，做得冇咁好。唯獨是送咗每人一份鮑魚花膠，但都係唔多嘢食的，其實可以加啲炒飯炒麵或者係清炒時菜，但都係咁講啦$350嘅價錢都可以接受，但唔會再試。唔知點解佢又要加$20茶介嘅？…Read More

一行十二人訂了枱，好久之前聽朋友推介，來到之後食了一次唔會要番轉頭，成晚食飯只有我地一圍枱，說好了送長腳蟹並沒有做到，十二人邊食邊媽媽聲，因為比起一般酒樓食物質素真的太有距離，意大利飯好似翻叮再翻叮既咁，叉燒又乾又柴皮，象拔蚌同海膽刺身超級腥同出水，最正常只有個菠菜，冷氣又大令人愈坐愈凍簡直趕客，其實如果沒有心經營，不如算數吧啦影衰晒私房菜呢個名，真係茶餐廳任何一樣野都好食過佢，大家如果想中伏可以不妨一試。…Read More

觀塘工廈吃什麼？中式便當令人感覺特別，所以決定去試試看吧。店舖位於成運工業大廈，環境是中式簡約風。午餐時間有數款套餐選擇，還有自助吧任飲全吃，可以吃到飽飽的🙈。-餐廳把傳統烹調製成創新中式料理🥰，用的是矜貴食材，但價格親民決定一試。食物不含味精，食得健康又放心☺️。-自助區有多款食物，每天款式也會不同。包括：前菜、沙律、小吃、小菜、米飯、湯飲、甜品及飲品。一個價錢可以吃到飽😆，性價比是挺好的。-▪︎盲盒便當 HKD$128每天的款式不同，所以是有驚喜的，感覺是中式的Omakase😎。這個需早一天預訂的，當天食材用料豐富，包括：龍蝦、帆立貝、鮑魚雞肉、西班牙黑豚叉燒及溫泉蛋。龍蝦和帆立貝肉質爽口鮮味😍，鮑魚挺有嚼感的。雞肉和豚肉肉質嫰滑，是個挺吸引的便當。-▪︎鮑魚西班牙黑豚叉燒日本溫泉蛋 HKD$88這個是店家推介，所以決定一試。黑豚叉燒份量多，肥瘦均勻肉質厚身🥰。黑豚叉燒吸入醬汁口感濕潤，醬汁濃稠微甜。還有切件溫泉蛋，半流心狀態蛋味香濃。-…Read More

🥢【觀塘隱世高質私房菜 】爆膏火焰鹽焗奄仔蟹日本直送海膽大拖羅🥢有時想食好啲或者有重要日子要慶祝?今次有好介紹，觀塘一間私房菜一個價錢可以食到六道菜包括日本直送海鮮刺身，餐廳提供傳統技術配合創新的中式料理方法炮製，用上矜貴食材用平民價錢就可以食到，每道菜都係不含味精 ,一個價錢就食到咁健康高性價比的私房菜，所以記得要必須預先致電餐廳訂座喔🥢「大廚發辦」特選套餐 HKD $698 (原價為$798)🥢日本和哥山南高梅酒/黑杞子冬蜜茶飲品仲可以二選一，所以就揀咗黑杞子冬蜜茶，口感酸酸甜甜咁幾開胃🥢前菜經理特別攞咗一啲自家製嘅合桃同埋腰果，口味甜甜的而且非常脆口，一問之下，原來佢哋可以一樽樽咁購買 $88 就可以帶返屋企，另外仲有一個蒜辣凍蜆，香辣的感覺幾鮮味🥢特選日本飛機直送海膽大拖羅刺身拼盤用上矜貴食材，上檯時會有煙冒出，係視覺享受，由日本直送到香港的大拖羅，用上矜貴食材，大拖羅厚肉又肥美，入口即溶，海膽大大片鮮甜甘香🥢大虎蝦多士配蘋果柚子沙律酥脆的大虎蝦多士，蝦肉厚實爽彈，外層吉列炸得好鬆脆，配上清新的蘋果條及新鮮柚子沙e,剛剛好平衡了炸物嘅感覺🥢雀巢夏威夷果仁油泡龍蝦球日本螺片由細到大都好喜歡的炸雀巢，好似近年都已經比較少中菜會做這個菜式，今次迷你雀巢可以獨享真係實在太開心，口感脆卜卜的盛載夏威夷果仁及新鮮油泡龍蝦及爽脆日本螺片🥢火焰鹽焗奄仔蟹用鹽焗的方法焗爆膏奄仔蟹，上檯時灑上酒再點火， 蟹肉鮮甜且充滿陣陣酒香 , 蟹膏甘香軟滑滿滿的鮮味🥢野生松茸蝦乾魚肚雞湯浸白菜苗大大塊魚肚吸收曬雞湯精華，配上新鮮白菜苗，有營之選🥢龍蝦湯松葉蟹肉意大利飯意大利飯用上龍蝦湯煮成，每口都充滿蟹肉，陣陣海鮮風味🥢環球時令水果或 中西甜品任選甜品仲可以選新鮮水果或心太軟，芝士蛋糕，桂花糕，紅豆沙，芝麻糊，等中西甜品，今次揀了蛋白湯圓杏仁茶及芒果奶凍，前者陣陣杏仁香，芒果奶凍夠奶滑，散發陣陣芒果味📍大廚料理 @headchefhk九龍觀塘成業街15至17號成運工業大厦📞訂座號碼：67732262…Read More

觀塘美食林立，工廈區更是食店的大型戰場，不少店鋪以價錢優惠配獨特食品突圍而出。 是次介紹的餐廳為二訪，午市主打$88/位半自助餐，主菜均配鮑魚/花膠/海參等較昂貴的海味食材，唯是次到訪時食物質素相比首次到訪大大降低，人流亦由全場滿座變為冷清，頗為可惜🥺🐷 主菜 - 花膠鮑魚黑豚漢堡扒海味食材用料沒有因午市半自助而馬虎，有普遍中式私房菜的質素。黑豚漢堡扒咬下去充滿豚肉香味，有豚肉較紮實的口感，並非市面一般以內臟和脂肪為主，唯鮑汁味道較淡，伴菜的西蘭花亦無任何味道。🐔 主菜 - 南非28頭乾鮑煎雞扒驚喜位是加送了一條花膠，雞扒口感屬平凡，沒有特別的滑嫩或老韌。🍝 自助區 - 沙律/小食/飯麵/湯水/飲品/甜品是次到訪最大失望就是自助區款式質素及數量大大下降🥺 首次到訪時有海鮮炒菜、鴨掌、雞翼、糕類甜品等等，這次均無提供並變成較廉價的食品。- 牌子寫着咖哩魚蛋，但真身是咖哩豬肉丸，在盤內找不到任何一顆魚蛋，配菜只有三色椒、洋蔥、薯仔及淡味咖喱，並沒有期望中的靈魂配菜蘿蔔。- 藕片炒鹹肉、碗仔翅、炒雜菜屬平凡水准- 飯麵有伊麵及乾硬的藜麥白飯/淨白飯，胃部脆弱人士不建議吃飯類。- 沙律為煙三文魚雜菜，菜類算新鮮，三文魚條較少，味道正常，沒有因放出來太久而變壞發臭。- 飲品有玫瑰/洛神花蜜及熱茶，玫瑰花蜜沒有玫瑰的芳香和蜜糖的清甜，反而苦澀味最為突出。茶類亦屬普通，人參烏龍沒有香濃和回甘等正面口感味道，屬一般快餐店提供的免費熱茶等級。- 甜品只有綠豆沙和芋頭西米露，糖水比較稀身，甜味最為突出，食材味道較清淡。🗒️ 總結由於跟首次到訪對比太大，是次感覺頗為失望，但如屬首次到訪沒比較的食客來說，$88能吃到鮑魚花膠等海味，還有小吃任食，對於想脫離沉悶的茶餐廳和cafe的人來說亦算是不錯的選擇。希望店家能改善自助區的質素，令再訪支持的客人不會因與預期差距太大而不再回頭。…Read More

去咗吃人氣盲盒便當🥰高質食材+親民價，果然很有驚喜！而這裡每道菜式都不含味精㗎。廚師會因應當日食材而定盲盒便當嘅菜式，我嗰日嘅盲盒便當有龍蝦🦞伊麵丶帶子炒蛋丶鮑魚丶咕嚕肉丶溏心蛋，超級豐富！開邊龍蝦啖啖肉，鮮味十足，伊麵香口入味，仲有彈牙鮮美嘅鮑魚💗食材用料上乘，食到好滋味。依家每逢週一至週五1200-1400時段，只要堂食「盲盒便當」（$128），仲可以免費享用自助區嘅美食，有熱盤丶餐湯丶糖水丶沙律丶水果拼盤，好豐富。食完豐富便當其實都好飽😊再嘆碗老火粉葛湯，濃郁又足料，飯後糖水唔少得，當日有紅豆沙同綠豆沙，都煲得好靚。這個平日半自助lunch ，主菜除咗有「盲盒便當」揀，另外仲有四至五款主菜揀（$88），都好吸引，午市仲唔收加一添。…Read More

以傳統烹調技術製作創新中式料理，矜貴食材平民化價錢，菜式不含味精，食得更健康。餐廳除咗晚市有提供套餐外，午市仲有便當。便當用高質素食材以親民價錢出售，廚師新鮮製作。盲盒便當會跟據當日食材而定便當內容，所以每日便當菜式都會不同，便當數量有限，所以需要一天前預訂。🌟鮑魚雞扒、🌟叉燒炒蛋、🌟西蘭花魚柳🌟蒜蓉龍蝦粉絲、🌟炒雜菜今日嘅便當有呢幾款菜式，便當嘅份量好多好豐富，呢個價錢竟然食到鮑魚同龍蝦。鮑魚煮得非常軟腍，龍蝦大隻新鮮仲有蝦膏，加咗蒜蓉蒸，口感爽彈。其他嘅菜式味道都唔錯。另外仲有一碗足料中湯，飲完真係會好飽。…Read More

估唔到Omakase都有中式私房菜版 仲要採用新鮮食材同埋無添加味精🍽午市時段最低只要$88就可以享用半自助餐🤑除咗可以食到花膠, 黑豚豬扒, 星斑球 仲有仼食區 相當豐富😍而且佢哋每個月都會轉Menu 真係唔會厭😎.📌午餐俠-盲盒便當 $128今次試左盲盒便當 意思係由廚師發板 ‍因應當日食材而決定菜式👨🏻‍🍳每日都唔同架 數量有限 想食就要前一天預定喇‼️上到枱充滿驚喜 食材用料矜貴 有半隻龍蝦伊麵, 鮑魚炆雞, 咕嚕肉, 帶子韭黃炒蛋, 溏心蛋沙律🥳食物好新鮮 仲好有住家嘅味道🏠以親民價錢出售 性價比超高呀 難怪咁受歡迎💯龍蝦大大嚿肉 食落爽口彈牙 仲有唔少蝦膏添🦞咕嚕肉炸得好脆身 肉質好嫩滑 酸酸甜甜超好食🐷鮑魚炆到好淋又入味 雞扒啖啖肉好Juicy🐔溏心蛋一流 滑得嚟蛋香味超出 而且底下嘅沙律都好新鮮🥚韭菜炒蛋雖然唔算好滑 但係炒得好香口 不過帶子就有少少過熟🤏🏻…Read More