大少燒味茶餐廳

營業中

休息中

睇完九龍城寨部戲入咗逸東街市打卡影相🤳順手食埋個便飯先番屋企。鄰近報紙檔出口見到一間黃金色字體的「大少燒味茶餐廳」，櫥窗掛滿燒鴨燒燒雞非常吸引，仲有多款小食、小菜、燒味提供。甫踏進餐廳🍴，恍如回到八九十年代，綠白色懷舊地磚，充滿香港元素的壁畫（啟德機場、珠寶行等）開放式水吧配上直掛餐牌、七彩階磚圓柱、仲設有卡位雅座，餐廳光猛明亮，乾淨衛生。主打明爐燒味自設工場，當然要叫燒味。叉燒：肥瘦適中，半肥瘦叉燒就最好食！外層焦香，充滿焦香的蜜糖，焦香的外皮增添了口感的層次感。內部柔嫩多汁，咬下去的時候不會感到筋道，而是非常柔軟，油光色澤均勻，有一部份帶點肥膏半肥瘦有咬口之餘又非常柔軟。乳豬： 係至愛的芝麻皮而非玻璃皮，用猛火將豬極速燒熟，油脂因高溫而爆開，形成密麻麻氣泡狀，入口鬆化，果然係上品，仲係蘸上適量乳豬醬，增加甜味解一解油膩感，外脆內軟不止，不會過鹹，剛剛好，食到停吾到口。大少潛艇：鬆軟熱辣辣烘烤的潛艇長包，充滿牛油香，再夾上自家製蜜汁半肥瘦叉燒加上半融芝士，溢出的太陽蛋汁，一啖咬落，層次感十足，果然係餐廳必點！啫啫乾蔥滑雞煲：呈上時滋滋聲，鑊氣十足熱辣辣！雞件沾滿雞煲醬，香氣十足，雞件

路過呢間餐廳見佢有專門斬料的地方, 就試下叫左d燒味斬料返去試下. 叉燒食落發現比想像中正. 叉燒我叫左瘦叉. 肥肉比較少. 諗住會硬小小. 點知食落之後肉感好鬆軟. 我食左咁耐叉燒未試過呢隻肉感. 大家可以試試. 其他味道上就同出面差不多. 主要係口感不同.乳豬我覺得就無叉燒咁出眾. 正常嫩口得黎又爽口. 姐係肉質係新鮮既.單論食物質素的話. 係唔錯既. 但今次只試左燒味類既野. 大少潛艇 (40$)見佢招牌就試下. 係一個類似熱狗咁既包. 但入面係蛋同叉燒加芝士. 當然佢叉燒比較出色. 但整體我覺得唔算好夾. 燒味既味道配包,味道上有d怪怪地既感覺. 叉燒主要係油感比較重.包同芝士同蛋都係偏乾, 要加返小小濕滑既食物落去, 整體口感就唔會太乾.

因臨時工作關係，食左一星期，有以下差評！1）阿姐無禮貌，掛住同熟客吹水，見到你嗌寫單，都扮傻2）11am頭，當時餐廳唔太多人，Request卡位，呢度唔俾果度唔俾座，我地2個客已經in左入鋪，感覺極差只留枱俾熟客，或4～6個果D地盤佬3）餐牌明明寫住：食午餐送咖啡及湯但當你叫左午餐，阿姐會話2選1，但你一望4周圍，好多人都有湯，又有凍飲，問返隔離枱，佢話係熟客專利咁我覺得，廚房野食唔差，但樓面全部都唔係好態度，好似入來食野要求你地咁逸東咁多餐廳，我就永遠唔食你呢間，亦會4圍同人講呢間係垃圾服務，無冷氣，又迫為咩要食個Lunch受你氣？你慢慢做地盤佬客啦好多地盤就快起貨，睇你到時有無街坊幫襯 😌

東涌逸東大少燒味，晚飯叫咗個豆付火腩煲，無一件係食得的火腩！同老闆娘講，佢話"你未食就換俾你"！一句抱歉都無！喂，我唔食點知咁不堪，唯一一嚿似火腩的都好似滿佈淋巴咁，其它都係乾柴，除咗無味豆付無一件食得！無下次！

呢间东涌逸东邨既大少燒味茶歺廳啲燒鹅只有肉没有皮的，重点是啲员工话係正常现像，態度超差（就好似话食就食，唔食就点其它野食，唔好左住佢做生意）咁既態度仲可以生存咁耐，真利害，唔知啲燒鵝皮是不是给员工收工打包回家宵夜既呢

---位於東涌的「大少」，是間提供家常小菜的餐館，氣氛簡單而親民。最近嘅一次造訪，我尤其欣賞了他們的蒸菜系列——蒸魚、蒸蛋和蒸肉餅。首先，蒸魚令人印象深刻。魚選得新鮮，肉質鮮嫩，配上調味料後，蒸製出的魚肉既保留了海鮮的鮮味，又吸收了豉油和蔥姜的香氣，每一口都是對味道的一次純粹體驗。蒸蛋則是輕盈細滑，傳統的家常味道讓人懷念。蛋汁比例掌握得宜，蒸出來的蛋羹既不會過於堅實，也不會過分水汪，口感剛剛好，是溫馨午餐的理想選擇。至於蒸肉餅，則是另一道令人回味的經典菜。肉餅調味均勻，肉質鮮美不油膩，蒸得時間恰到好處，肉香四溢，配上一點點的醬油或辣椒醬，味道更佳。總結來說，「大少」的家常小菜非常符合對於舒適家常飯菜的期望。這裡沒有過多的裝飾或誇張的色彩，只有質樸無華的好味道。如果你在東涌尋找一個像家一樣的飯館，想要一頓簡單且滿足的飯菜，「大少」絕對值得一訪。---

好耐冇幫襯過呢間茶餐廳，今日心血來潮落樓下食個下午茶。點知成個體驗係超級差。想落單既時候啲阿姐全部扮聽唔到咁。我要某一種粉麵，佢地賣晒係唔會同你講，而係佢地自選一種粉麵黎替補上菜俾你。同佢講既時候就話唔啱食可以轉俾你。邊敢同你講唔啱食啊？你連問聲個客都唔肯就幫個客揀咗啦，同你sayno唔驚你加料咩？我附近幾台客都因為遇到嗰啲問題X晒鬼。呢間嘢永久back list唔會再幫襯。再講下啲食物：下午茶份量少，味道麻麻哋，平平無奇咁。我諗東涌區最差嘅茶餐廳就係呢間。環境方面亦都見到有啲烏蠅飛來飛去。

晏晝去左食午餐叫左咸魚豆卜排骨飯 $50碟野來到啲肉 係粉紅色 食落去熟係熟但一啲味都冇仲要舊舊都係骨 仲要痴住啲肥膏已經唔開胃唯一有幾舊肉仔一夾落去 散晒成碟野勁嘔心 完全食唔落茶記係唔要求得甘多 仲要甘既價錢 但係真係過份左食左好多間茶記 從來未食過一間甘差同行既人叫左炒麵啲野肉凍既好明顯啲肉之前已經整好左 有人叫就求其炒2下 但冇完全整番熱啦呢間野 真係好差 作為一間屋邨茶記價錢唔係特別平 叫做正常 但質素 係差到冇得再差

大少小菜兩人套餐好抵食😋140個套餐，有兩道小菜👌🏻送埋例湯同飲品😁西蘭花肉片👅西蘭花肉片的口感非常豐富。西蘭花烹飪後保持了一定的脆度，而豬肉或牛肉片則鮮嫩多汁。這種組合使得每一口都有不同的口感，令人愉悅，這些調味料與豬肉或牛肉的鮮香相互融合，使得整道菜的味道更加濃郁而美味。咸蛋肉餅👅咸蛋肉餅的口感非常豐富。豬肉末經過炒煮後變得鮮嫩多汁，而咸蛋黃則帶來了獨特的咸味和細膩的口感。這種組合使得咸蛋肉餅在咀嚼時有一種細膩的感覺，非常令人愉悅。三色蒸蛋👅三色蒸水蛋的口感非常柔滑和細膩。蒸煮的過程使得蛋液變得十分嫩滑，入口即化。整體來說，它有一種絲滑的口感，非常令人滿足。沙拉骨👅沙拉肉排的味道豐富而美味。肉排自身帶有肉的鮮美和香氣，通過烹調的過程更加突出。蔬菜的清新和沙拉醬的酸甜或咸香調味，為菜餚提供了一種美味的平衡。

等到老友「洪哥」星期六短週，加上地鐵有半價，所以，兩支公專登入到嚟大嶼山行山，而今次選擇嘅喺由梅窩起步行，經南山古道、南大嶼郊遊徑上到伯公坳，再過對面接地塘仔郊遊徑，然後落返石門甲，再去逸東邨食番個下午茶補一補，行得夠晒皮。因為上年年尾嚟過呢邊住民宿Staycation，所以對「滿東」、「逸東」都有啲認識，而今次所試嘅喺「大少燒味」，因為好似睇見啲食評都唔錯。 一入去，以舊式大排檔嘅鐵皮綠作主色，再加上唔少懷舊元素，尤其喺地下懷舊嘅紙皮石地磚。臨尾跟收銀阿姐傾開，原來租舖時喺應房署要求相配合，跟番整個逸東街市所走嘅懷舊路線，如果有入過逸東街市嘅朋友都知，嗰個室內冷氣街市裝修好特別。下午茶餐有唔少選擇，而平時行完山食下午茶都喺食得輕怡啲，三文治餐呀、菠蘿油餐呀之類，但今次一早入嚟行山，預咗會早少少完，只預咗少少乾量墊墊肚，所以，下午茶兩支公都喺食返碟頭嘢。餐具、餐紙、糖包就照茶記一貫設定，擺晒喺枱側嘅抽櫃裡邊，大大個枱號手寫咗喺枱邊，喺好老派嘅做法，又多添半分懷舊味道。乾炒肉片烏冬 $44雖然話喺下午茶餐，但蛋份量一啲都唔可以少覷，分量非常十足，而且喺即叫即炒，嚟到分外熱焫焫，好有鑊氣咁

今日無人煮飯，就叫屋企人順便去大少買個雙拼外賣，點知返到黎一開個飯盒，冇幾舊係食得，肥肉，同骨。成個飯盒得飯最多，我記得以前叫外賣都唔係咁，仲衰過美心，以後唔幫襯。

同媽媽諗住是但食個飯，去到叫左2個餸，等左20分鐘先出左一個餸，食到個餸就就食完，隔離台遲過我過入黎2台都走埋，第2個餸等左40分鐘都未到，個個客係到叫魚食就係咁出，完全無理過我地，淨係話已經吹左，野已經唔係好食，你話個場滿客人我都無野好講，個場又唔爆，仲要同我講蒸炒係同一個爐，你開餐廳夠膽死話得一個爐開餐廳，唔好玩了你唔好咁大細超了，叫魚食就即出，遲過我地入黎叫魚食都食完走左2台，遲過我地入黎幾台但係叫魚食就上哂菜會唔會過分左

一家三口一齊食下午茶，有說有笑共度一個下午。我們點了~ 燒味單拼粉麵，燒腩仔瀨粉加例湯😋~ 紅豆冰餐，迷你日式海鮮炒烏冬配紅豆冰😋~炸雞髀沙律配凍咖啡😋燒腩仔有八件連少少菜心，燒腩仔肥膏略為多，瀨粉幾大碗唔會碎濕濕，青紅蘿蔔湯幾大碗😋迷你日式海鮮炒烏冬都好大碟，雖然只是日式魚蛋及蟹柳，但烏冬唔會油淋淋，紅豆冰唔係咁甜幾好但紅豆略小，紅豆唔夠淋😋炸雞髀幾大隻唔會太多油，沙律唔夠凍，凍咖啡都幾好飲😋我們歡渡了一個開心的下午。

平時絕對唔會開post寫食評…. 但係今次就算要寫200字都要俾劣評🤬如果唔係OpenRice只可以俾一星我服務會比零分對茶餐廳的服務態度從來都無要求.. 有得食就算但係都唔可以咁無理！今日入去買外賣 收銀處無人淨係企左幾個夥計喺度傾偈⋯⋯我同屋企人企左係戴眼鏡短頭髮嘅女收銀前面 佢一直無視我哋叫左2聲唔該買外賣 肯落單啦想嗌個單拼燒味飯….. 佢用相對差既態度問 飲咩？我哋答佢唔使 就咁飯就ok..佢再用唔耐煩嘅語氣問 飲咩我哋再答唔使 就咁一個飯 佢好唔禮貌咁話 飲乜啊？咁我既理解就係…. 可能無得就咁叫飯 一定要連飲品 咁無所謂啦 本身只係諗住反正買翻屋企食有飲品唔好浪費之後佢再問: 要唔要湯我哋未答。佢就反左個白眼🙄️ 話: 送架！我唔知平時你serve既係咩客定係覺得呢啲細餐廳唔需要有服務但係每個人有唔一樣需要即使我係為左慳錢唔想叫餐 都唔deserve你既白眼..我當下覺得自己係乞衣 要慳幾蚊仲要乞你碗湯餐廳都係服務性行業 客人入嚟係為左醫肚唔係為左受氣非常不友善和失望的體驗.唔會再幫襯！

今天晚上視察完新居之後，我和老公便到逸東邨找餐廳吃晚飯，其實逸東商場都沒有什麼餐廳選擇，所以我們便隨便來到這間茶餐廳吃飯了No.1【椒鹽雞中翼】$60由於雞翼是即叫即炸的關係，所以外皮十分香脆可口，而內裡的肉質則嫩滑可口，鮮美多汁，我們都吃得津津有味，不亦樂乎No.2【芝麻西檸雞】$68雖然西檸雞的味道酸酸甜甜，可惜炸皮比較厚，實際上雞肉只有很少，並不太抵吃，同時白飯的質感比較濕潤一些，我還是喜歡硬一點的白飯No.3【柑桔蜜】$3柑桔蜜的味道咸咸酸酸的，個人並不太喜歡這種味道，我都是喜歡柚子蜜多一些No.4【凍奶茶】$3奶茶充滿著淡淡的茶香之餘，奶味亦相當濃郁，老公很喜歡價錢方面，椒鹽雞中翼 $60，芝麻西檸雞 $68，柑桔蜜 $3，凍奶茶 $3，餐廳不用加一服務費，最後兩人總共 $134總結來說，今次的小菜味道還算可以，大家經過的話都可以一試的