大家樂 (利安商場)

好耐冇食佢個一哥豬扒飯佢個汁同出面唔同，唔係就咁蕃茄榨汁or茄汁，佢係有額外調整，所以唔會好酸，仲有少少甜同咸，叫一哥真係唔同k家樂其他野食都一般，今餐就叫得豐富個温泉蛋有驚喜，只係加4 蚊，好好味湯同甜品都大大碗豬扒飯其實都好食，不過太多野食唔晒…查看更多

今日想食吓快餐就食附近有嘅大家樂見啲嘢食都可以一試本身心郁郁嗰個湯飯，但係見到佢有個餐$39好似好靚仔又有雞又有豬扒白汁仲送紅豆冰就嗌咗嚟試吓阿媽就食過肉丸意粉我加$10要個細湯再加桌菜幾十蚊有兩份不過佢最後比錯咗中湯我都照食，係木瓜湯嘩，一見到原來同我想像中嘅有啲出入，根本就係煎豬扒飯….本身我諗住有雞就算豬扒唔啱食都唔怕，雞肉原來係得好少好少㗎咋 兩舊仔，我鍾意食又冇油 豬扒就好薄嘅一片，同埋煎一定用好多油 唔好期望靚質素 側邊有啲急凍嘅蔬菜，飯都係正常嘅思邈白米 比較硬反而個湯幾驚喜，幾好飲，而且都幾多豬肉喺入面冇油嘅生菜健康阿媽呢個肉丸蕃茄意粉好靚仔，阿媽唔食牛，特登問佢呢個係咩肉，呢個係豬肉嚟嘅，估唔到有幾少油，蕃茄汁都好足料幾天然嘅感覺，仲有青紅椒同埋南瓜瓜洋蔥等配菜，健康好味，意粉冇撈過油 非常好整體而言雖然食得唔飽，因為唔算話太啱食我個飯 食咗好多阿媽個意粉哈哈紅豆冰唔會太甜都OK 快餐之選…查看更多

位於馬鞍山的大家樂帶來熟悉的港式風味！這次試的是他們的鴛鴦炒飯，蛋炒飯粒粒分明，炒得乾身不油膩，帶有淡淡蛋香。上層淋上中式白汁與茄汁雙拼，與炒飯完美融合。配料如蝦肉與雜菜分量足，整體味道豐富，是一款簡單卻令人滿足的快餐選擇。 環境： 店內整潔明亮。 價格： 午市套餐價錢合理，附飲品更具吸引力。 食物質素： 炒飯乾爽不油，雙醬調味出色，配料新鮮。 食物種類： 港式快餐選擇多樣，經典與創新兼備。 如果你喜歡炒飯又想試試雙重醬汁的滋味，這款鴛鴦炒飯值得一試。…查看更多

今日唔想煮飯，所以就喺樓下揀咗呢一間餐廳。平時食開都不過不失，所以今日都係揀返呢間大家樂。我今次都係揀左港式咖哩牛筋腩飯，今次超感動！因於終於唔係牛三寶啦 ，食到我lamlam 利😋而佢嘅咖喱唔係話好難，一般嘅人都可以接受到。如果次次都係就好啦🤤🤤牛筋腩搭配濃郁的咖喱醬汁，口感韌實，配埋白飯絕對是令人回味無窮！至於服務上面，每一次接近食完嘅時候都會有職員過嚟底紙巾同埋牙籤。都係幾窩心，唔使每一次都出去拎。以快餐嚟講呢一間都算係不過不失㗎喇…查看更多

咩啊？早起身陪阿爸落嚟大家樂食早餐，佢係呢度嘅上下所以好熟手，仲教我電子落單🤣呢度有麥當勞茶餐廳或者大家樂見大家樂嘅款式已經包羅萬有，就去揀爸爸嘅選擇我揀咗個銀針粉嘅餐，因為俾佢個標題話有雜菜吸引咗！可以配餐包或者一件蘿蔔糕，餐包咁普通梗係要食蘿蔔糕啦！再有兩粒太陽蛋，黐埋一齊，粒太陽蛋好好味，蛋黃冇熟晒，撈落個湯度一流！個銀針粉好鹹，可能係賽寶再加味精湯，銀針粉亦都林咗少少🤏蘿蔔糕係份囉，冇一絲絲嘅佩佩正正常常嘅熱咖啡，不過不失阿爸九碗牛尾湯通粉好味好多！嗰啲通粉螺絲卷型，雖然唔係好多牛肉粒，但係個湯同埋通粉好彈牙下次都係唔食銀針粉了評分嗰度見到服務先諗返起呢度姐姐嘅服務態度好好，彬彬有禮亦都會出嚟問你哋需唔需要紙巾估唔到大家樂嘅服務質素咁好…查看更多

同阿爸游完水過嚟呢度食星期日早餐，咩人假期唔多人，因為啲人出晒去旅行玩求其揀咗兩個咩都有啲嘅早餐一齊食，咁就可以咩都試吓我想食粥同蘿蔔糕，所以揀咗呢個，自己再問佢拎包甜醬一早已經知道炒麵一定會好油，已經諗住食兩啖俾晒阿爸阿爸嗰個湯通粉比想像中少料同埋冇咁龍尾，因為佢係牛尾湯蕃茄通粉，冇牛肉亦都冇乜蕃茄味，主要係味精，正常快餐店質素吧阿爸話大家樂嘅通粉煮得通常都冇美心咁煙un，會淋少少🤏佢個炒蛋好明顯落咗牛油，一食就知道有牛油味，阿爸夾埋麵包同埋牛油食得好滿足🤣$70…查看更多

食過單拼同雙拼，覺得單拼其實抵好多！份量又會足啲雙拼成日俾埋啲奇怪位冇錯呀你睇張相好靚呀，今次亦都好好彩有幾多菜！不過其實壓得勁少肉，有一次仲比好多吉位！叉燒就偏瘦，賣相食水幾靚，可惜承諾就係冇咁出色冇乜特別覺得佢應有嘅叉燒調味，只有物質嘅甜味多丹萍你見到佢俾咗好多肉你，不過係咪相對就會小菜啲呢？呢盒得壹片咋喎飯就正正常常，都係偏向乾爽硬啲口感嘅中國米非常正路～態度方面唔錯嘅，同埋都感覺衛生！始終收錢同埋斬料分開…查看更多

今日好好彩！成個晏晝去到下午茶都有焗豬扒飯賣？！平時成日買晒㗎嘛好耐冇食啦！難得今日出去買餸，就買個外賣返屋企食焗豬扒飯嘅賣相好靚！蕃茄識落好新鮮！而且今次蔬菜嘅比例非常平均亦都重重，有青豆蘿蔔、洋蔥、菠蘿、紅椒，仲有白蘑菇添啊！雖然其實啲外買飯俠唔算太大，我感覺好似細咗少少添，但係料嘅份量好足啊！豬扒仍然大大塊，亦都有煎蛋黐住豬扒就變好似平時咁大家樂嘅焗豬扒飯果然唔會令人失望豬扒亦都幾好，成件事只係啲飯同埋整體份量細少少🤏如果呢個價錢包埋餐飲就好啦…查看更多

冇餸買呀所以去買外賣！食咗超值選， $38嘅意大利蕃茄肉丸意粉都估到佢唔會係太高級製作或者份量唔會特別大，不過賣相都幾靚仔！而家係買菜好難嘅時期因為wave 5covid,但係呢度都俾得好多蔬菜🥬營養搭夠肉醬嘅調味適中但係唔夠濃厚，蕃茄味唔係太出/特別，偏淡～整體唔係太油膩，健康程度合格肉丸有三大粒！每一粒都比正常嘅打邊爐嘅丸大粒，大約係1.5倍～相信同唔少丸類製品一樣，都係溝咗唔少肥油同埋肥豬肉～唔算太香口（可能我唔係特別鍾意食豬肉，但係阿哥事緣都話好有肉嘅感覺）…查看更多

星期六懶懶地，同阿爸落咗樓下食下午茶 快靚正慳時間好耐冇去快餐店食呢啲下午茶，我就嗌咗雞髀西多士餐好彩可以揀燒雞髀，炸嘅話我就唔食㗎啦幾正啖啖肉！阿爸呢個沙嗲牛肉包就一般啦，破埋，而且沙嗲牛肉好似冇乜配料～ 不過我幾欣賞佢用瘦牛肉好神奇嘅就係，估唔到呢度冇質素出餐定係樓面送餐嘅男士，就算幾忙都好有禮貌！阿爸幫我點錯野都可以幫我換西多士就正常質素，呢個價錢嘅快餐廳係唔錯㗎啦！唯一一個問題就係，喺天氣咁熱嘅情況底下，佢嘅室內溫度真係有啲問題，唔知係冷氣問題定係乜嘢，除咗我哋之外，周圍嘅人都係度嗌熱…查看更多

今晚自己一個食晚餐， 求其去大家樂食個快餐醫飽個肚， 見到有鐵板餐， 有牛扒餐，豬扒雞扒司華力腸餐， 可跟燒汁/黑椒汁/洋蔥汁， 最後決定要 豬扒雞扒跟洋蔥汁， 仲有酥皮週打海鮮湯 ， 可能岩岩晚餐開始，廚房整得靚d攞餐竟然有驚喜擺得好靚又好味自己倒汁落去，嘩！塊鐵板夠熱，真係“咋咋聲”，仲“咋”咗好耐 酥皮湯都夠足料係快餐店飲都唔會其望太高，總括嚟講，分量足夠😏 可以再encore🤗…查看更多

利安大家樂有驚喜！原來打邊佬都有早鳥優惠，真人估佢唔到！一來到，大大碗，有菜有菇，乜都有，正啊！最最重要係咩？係有兩碟肉啊！有牛肉有豬肉， 50幾蚊真係扺到難啦！啲餸其實都幾新鮮，可能我早啦，其實啲肉未解完凍，但係其實都真係幾好食， 50幾蚊仲想點啊！推介大家去！…查看更多

今日早上往利安大家樂食豐盛早餐, 豐盛早餐有雞扒和炸魚柳兩款選擇, 我選擇了雞扒, 豐盛早餐除了雞扒外, 有茄汁荳, 蕃茄、煙肉、薯餅、炒蛋、多士和凍奶茶。雞扒有很香蜜糖味, 雞扒肉質鮮嫩、雞皮香脆；茄汁荳甜度適中, 食落開胃；蕃茄大大件, 食落甜酸度適中；煙肉食落香脆, 食落口感不油膩；薯餅炸得金黃香脆, 食落惹味；炒蛋炒得香滑, 有濃香蛋味；多士好香脆, 食落有啖啖蛋香；最後凍奶茶茶味香濃, 奶味香滑。雞扒豐盛早餐賣相吸引,份量十足, 食落口感美味十足, 價錢合理, 有驚喜的雞扒豐盛早餐。…查看更多

今日放假去咗利安探朋友，就去咗商場既大家樂黎過下午茶聚☕️炒麵配燒雞全翼$27，配熱檸茶個豉油王炒麵都算炒得幾乾爽，唔會太油，又唔會太鹹。雞翼煎得幾香脆，仲有d蜜糖味，加埋杯熱檸茶真係夠晒飽，$27抵食！叉燒油雞瀨配熱檸水$31呢個賣相好靚，油雞係雞脾，而且雞皮夠黃，义燒半肥瘦適中，仲有菜心。油雞肉質夠嫩滑，加埋薑蓉食就無得頂👍🏻叉燒嘅火候亦控制得很好，唔會好乾好硬，以快餐店既價錢就食到高水準既燒味，正!值得一提既係有阿姐拎住盒餐巾同牙簽，問有無食客需要，呢個服務又唔錯呀！…查看更多

今晚落大雨，都冇乜食慾，所以係大家樂醫飽個肚就算。叫左醇香酥排高湯菜飯，但係就比較失望...因為我唔食薑，但係可能個菜飯太傳統，除左有白菜之外，仲有薑粒飯粒都比較硬同散。至於豬扒，肉質唔錯，淋同入味，一份有3塊。另外有少少酸菜 - 紅蘿蔔絲，白蘿蔔絲同青瓜絲。酸酸甜甜平衡豬扒嘅油膩，哩個值得一讚。不過飯同餸都唔熱...睇住隔離滾住邊爐燒緊鐵板雜扒嘅時候整體感覺唔太好... 唯一熱嘅嘢就係我杯熱檸蜜，為寒冷嘅晚上增添一點溫暖。…查看更多