大宅

都好幾年沒有寫食評了，突然好想再分享下食後感，就由這食評開始。之前睇過KOL介紹這食店的點心任食，覺得無論價錢都幾合理，所以就上美麗華eshop買了2張任食(每位$249) ，如果即埸付款每位要比多$50(是茶錢和加一) 。當日我們預早到達食店，服務員很貼心提議可以在上層酒店大堂休息一下。時間到了12.00pm, 我們已安排入座，點心任食時間由 12.00-3.00pm。食店環境選用西式風格的水晶燈但亦掛上中式字畫，有家的感覺，呼應食店名字-大宅；店內有8張方形枱和兩張圓抬，另外亦有一間房可供訂房，近門口有幾張户外枱。餐具以純白色為主，茶壺是金色很懷舊，另送上辣醬、豉油、醋、喼汁作調味。任食點心加埋甜品一共有20款如下：我們先點選普洱茶和龍井，龍井茶味清香而普洱茶有噙味，不太理想。過了一會，每位送上1碗花膠東菇竹笙燉湯和1隻炸蠔，燉湯味道清甜沒有味精，花膠厚和大件而且膠質重，東菇菇味濃郁，炸蠔的口質香脆和肉質煙煒，很美味，但可惜每位只得1隻。可能是週末比較人多，點心要落單後40分鐘才陸續送上。百花脆蟹蚶：這點心通常要在飲宴才可嘗到，炸漿香脆不油膩而且不算太厚皮，啖啖蟹肉沾些喼汁一起吃可減油膩感，但份量畧為小巧。芝麻蝦多士：這是我很喜歡的點心之一，不知是否擺放久了，多士口感不夠香脆加上蝦份量少，而芝麻尚算多。香煎蘿蔔糕：煎得香脆，每啖都有蘿蔔絲不會只有粉糕，臘味濃郁香口。焗叉燒餐包：餐包的皮畧厚但裡面的叉燒肉飽料太少。紅油炒手：炒手裡肉碎份量大粒，醬汁微辣惹味，將餐包沾些醬汁很美味。魚肚雞扎：魚肚的味道畧淡，雞肉口感較硬，東菇口感淋身菇味濃。鵪鶉蛋燒賣：這是老牌點心之一，已經很多酒樓沒有提供，蛋味濃，肉的調味剛剛好不會太咸。醬皇金錢肚：肉質口感淋身而且入味，調味到位不會過咸，值得encall。上湯灌湯餃：這是回本位的點心之一，所以每人吃了3碗，上湯清甜，料豐富，花膠厚肉大塊但欠鮮味，肉碎份量多而且包裹著肉碎的外皮口感不會過淋。金絲芋卷：味道少甜芋泥軟滑，金絲外皮香脆但不油膩，是不錯的甜品。黑椒牛仔骨：味道微辣口感軟淋，但肉質比較肥油膩。金沙流心煎堆：煎堆的質感不夠香脆而且餡料不流心。馬豆糕和桂花糕：最後的甜品亦送上，馬豆糕的豆太硬，桂花糕口感畧比硬，可能魚膠粉太多。**雖然價錢不算貴，但選擇不算多而且一般點心如蝦餃燒賣都沒有提供，而且方形枱是比較細小所以不太適合任食。…查看更多

位於銅鑼灣的粵菜專門店，始終以傳統廣東手藝為核心，融合現代烹調巧思，為食客帶來一場味覺的嶺南之旅。這次品嚐的幾道招牌菜，不僅展現廚師的功力，更將食材的本味發揮得淋漓盡致，每一口都是對經典的致敬。首道 「金腿蟹肉燴冬蓉羹」 一上桌，香氣已令人傾心。湯羹質地綿密細滑，冬瓜蓉熬至幾乎化開，入口即融，卻仍保留一絲清甜。金華火腿的鹹香與新鮮蟹肉的鮮甜相互交融，勾勒出深邃的層次感，輕嚐一口，溫潤而不膩，彷彿冬日中的暖陽，既舒心又滿足。這道湯羹盡顯粵菜對湯品火候的執著，堪稱宴席的完美開場。緊接而來的 「乾燒椰菜花龍躉」 則展現了粵菜的另一風貌。龍躉魚塊外皮煎至微脆，內裡肉質卻依舊飽滿多汁，椰菜花吸滿了魚鮮與醬汁的精華，口感爽脆中帶着濃郁。以乾燒方式烹調，醬香撲鼻卻不掩食材原味，微焦的香氣更添風味，讓人回味無窮。主菜之外，「蝦子花膠濃雞湯手工拉麵」 同樣令人驚艷。雞湯熬製得濃厚如金，每一滴都蘊含著雞骨的醇厚與花膠的膠質，入口豐潤綿長。手工拉麵彈牙有勁，吸附湯汁後更顯滋味；蝦子的鮮香點綴其間，與花膠的軟滑形成巧妙對比，整道麵食無論是湯頭還是口感，均屬上乘之作。至於前菜 「鴛鴦海蜇絲」 ，則以清爽口感打開味蕾。海蜇絲爽脆彈牙，搭配兩種不同風味的醬汁拌製，酸香中帶微辣，滋味輕盈卻不失層次，為整場盛宴拉開清爽的序幕。整體而言，這家銅鑼灣的粵菜專門店不僅注重傳統風味的傳承，更在細節中注入創新思維。從湯羹到主菜，每一道皆能感受廚師的用心與技藝，無論是家庭聚餐或宴請賓客，這裡都是品味正宗廣東菜的絕佳選擇。…查看更多

問月酒店內有家精緻的私房餐廳，佈置有品味，仿如從前富貴人家的大宅，兩個人無需花時間思考，點吃嘗味菜單，可以多吃幾款！每位$688，前菜三款、五道菜加一款甜品，菜色多元很豐富。竹炭鹽腰果我覺得這個腰果非常好食，鹽香出眾，我甚至覺得有多少黑松露香。椒鹽糖心鮑魚.鴛鴦海蜇絲(Crispy Abalone with Salt & Pepper, Jelly Fish in Szechuan TPepper Sauce e French Scallion Sauce)最欣賞鴛鴦海蜇絲，尤其是法蔥造出綠色醬汁，口感清新討好，與爽口的海蜇是很合拍。另一口味是麻辣，香港人口味的中辣，都唔錯。鮑魚也可以。金腿蟹肉燴冬蓉羹Winter Melon Soup with Crabmeat & yunnan Ham湯清味醇厚，蟹肉的鮮、金腿的鹹香與軟綿綿的冬蓉混合，每一口都是滋味，這個湯羹我很鍾意。廿年陳皮拔絲虎蝦球Sweet Sour Tiger Prawns with 20 years aged Dried Tangerine Peel整體做得唔錯，拔絲黏調起絲，濃甜帶少許酸，除了有整粒蝦球之外，有荔枝肉及炸漿脆脆。不過個人口味而言，我就覺得過甜了，而且覺得濃郁的咕嚕汁奪了蝦的鮮味，還是咕嚕肉比較夾。文火和牛Slow cooked wagyu with homemade sauce慢煮和牛點可能會唔好食，炆到完全軟透，配合秘製牛肉汁，仲有炸腸粉，豐富飽肚。乾燒椰菜花龍躉Braised Giant Grouper Fillet, Cauliflower, Pepper Oil椰菜與龍躉皆煎得很香口惹味，龍躉肉厚嫩滑，好吃！蝦子花膠濃雞湯拌菜苗手工拉麵Chinese Noodle in Chicken Broth with fish Maw, Dried Shrimp,Vegetable這一道手工拉麵我也很喜歡，簡單就是美，湯頭濃郁，拉麵有彈性。陳皮蓮子紅豆沙粒粒幼沙，充滿陳皮香，同伴是紅豆沙專家，告知做法隔了沙，這是大戶人家的喜歡的吃法。#大宅 #銅鑼灣 #粵菜…查看更多

### 【銅鑼灣五星酒店中餐廳食評】 放工之後同老婆去咗銅鑼灣問月酒店入面嘅「大宅」中餐廳，試咗佢哋嘅 Tasting Menu。成個用餐體驗由環境、服務到食物，都幾有水準，值得寫低分享。 ---#### 🍴 環境同服務 餐廳裝修偏向中式典雅，燈光柔和，枱與枱之間間隔夠大，唔會有逼促感，無論係商務飯局定情侶約會都啱。坐低即刻有茶水同迎賓小食，店員態度專業，介紹菜式時有交代重點，感覺貼心。 ---#### 🥢 食物體驗 **1. 前菜拼盤** - **麻辣海蜇、八角蔥油海蜇**：爽口彈牙，調味分明。麻辣果款真係有辣勁，要有心理準備。 - **椒鹽糖心鮑魚**：外脆內嫩，保留住鮑魚鮮味，椒鹽香氣加分，好香口。 **2. 金華火腿蟹肉冬蓉羹** 羹底夠熱，口感稠滑，蟹肉份量足。金華火腿嘅鹹香令成碗湯更有層次，飲落暖胃。 **3. 陳皮拔絲虎蝦球** 蝦球大粒彈牙，外層拔絲香甜，仲有油炸鬼脆脆做配搭，食第一啖好有驚喜。不過食到底，醬汁偏多，有啲甜膩。 **4. 文火和牛** 和牛炆得軟腍，差唔多有牛面頰嘅口感，好入味。底下鋪住炸腸粉，再吸埋濃味醬汁，幾惹味。 **5. 乾燒椰菜花龍躉** 龍躉球無骨，肉質滑，椰菜花炒得香口。整體味道麻而不辣，算中規中矩，未算太驚喜但唔失禮。 **6. 花膠雞湯手工拉麵** 雞湯帶膠質，清中帶濃，花膠上面有蝦子增添鮮味。拉麵口感煙韌，食到最後一碗麵有種「收尾」嘅舒服感，啱啱好解膩。 **7. 陳皮蓮子紅豆沙** 紅豆沙煲得夠時間，好綿滑，冇紅豆衣，蓮子粒粒軟腍，甜度適中，收尾好滿意。 ---#### 💰 價錢 兩位 Tasting Menu 埋單連茶位、服務費大約 **$1595**。以五星酒店餐廳嚟講，呢個價錢算合理，特別係食材選擇同整體體驗都有質素。 ---#### ⭐ 總結評分 - 環境：★★★★★- 服務：★★★★★- 食物：★★★★★- CP 值：★★★★☆ 整體嚟講，呢間餐廳食物質素高，味道偏濃郁，適合鍾意重口味精緻中菜嘅人。Tasting Menu 每隔一兩個月會轉款，有新鮮感，下次會考慮再試其他菜式。 …查看更多

晚市套餐餐牌 👀金磚豆腐。金沙白飯魚兩樣都係新鮮炸好攞上檯夠熱，夠脆，夠香口唯一要彈既係份量可以多啲大宅佛跳牆實物比相大碗，一打開個蓋，香氣撲鼻可算係名副其實既佛跳牆入面配料豐富，有鮑魚、大大隻乾元貝、花膠等等星級食材湯頭香濃厚重，膠質豐富食完會有種難以忘懷既感覺蟹黃銀針燴玉帶帶子半熟，輕微煎過外層，鮮香味美蟹黃汁味道偏淡，略顯單調20年古月龍山花雕蛋蒸虎蝦球幾有驚喜，蒸蛋每啖入口果然有微微花雕香味味道不濃不嗆，可以話岩岩好虎蝦新鮮，咬落肉質回彈拔絲咕嚕肉呢個菜式相對普通，拔絲係做到，但係口感方面爭啲裡面有油炸鬼，食落反而比豬肉突出酸甜口味算係中和下先前幾個菜既飽腹感香煎一夜鮮麒麟魚魚塊炸得脆口，連埋外皮食口感更豐富處理得幾好既地方係即使魚塊係炸過，但係內裡肉質依然保持水嫩多汁蝦子花膠濃雞湯。伴菜苗。手工拉麵湯麵黎講湯底好重要呢個雞湯好香濃，就算食唔曬啲麵都會想飲曬啲湯芋茸燉鮮奶上層係桃膠，中層係燉鮮奶，底層係芋泥整體甜度控制得好好，芋泥唔會好似潮州菜有時太甜之餘，亦唔會唔會油稱得上係有心思既甜品…查看更多