大壽司

營業中

休息中

d野食幾過引，真係大件到唔識講，第一張相冇影到對比，第二張有隻手比大家睇下，個花之戀有個拳頭咁大，真係想講反句有冇見過花之戀咁大既拳頭呀，哈哈，食落其實都普通啦，不過貴少少又咁大件真係幾抵食，絕對推介，聽fd講話佢地d 炒都好大碟好抵食，一碟夠三個人分，聽落應該幾抵。下次一定要試。野食黎講，d魚生幾新鮮，肥度適中，仲有食左個海南雞飯，雞就正常，飯都係一般油飯，不過奇蹟地一間主要食日本野既地方d油飯既然唔差，油度適中，仲有少少雞香味 tim，幾驚喜。

前晚同朋友西灣河開完會打算食飯想食下日本野 又唔想成日來來去去都係幫襯個幾間大集團店行過見到依間野 嘩見到話用特大壽司做主題咪入去試下囉入到去 店舖職員都叫有禮貌同我地打招呼環境亦都企理 唔錯！我地叫左個壽司拼盤黎食單件既份量真係幾足啊 一碟都夠一個女仔食三文魚既好足料好大 無偷工唯一唔鍾意係啲飯唔知係咪太大 好易一夾就成件壽司散價錢中等 同出面同級餐廳食個壽司拼盤差唔多但用份量去講就真係性價比一流如果食慣大集團壽司 可以去試下

由好變差其實真係好可惜. 到底是廚師還了還是班子換了? 食材就好肯定是用差了幾等的貨色.三文魚芝士卷, 難食. 墨魚夀司, 味道很淡而且水水的很難入口. 劍魚多筋難食, 非常不值得.煙三文魚壽司, 好難食又咸. 鰻魚壽司, 很一般. 火炙三文魚壽司, 非常一般. 整體水準不合格.

這間食店絕不合適眼闊肚窄的人士,如果要我評這間食店,我只會給合格的分數,在抵食的角度,這間的確抵食,這個價錢有一個大份量還好。不過第一,日本餐廳,連最基本的SUSHI都做不好,飯沒有握實,拿起一會,很快就分屍所以點豉油時會制造到不少豉油飯 第二,這是泰式虎蝦SUSHI,本預期叫泰式會有點泰式的風味,可能會有醬汁等等。但原來只是一隻普通的生虎蝦SUSHI,而且有點腥...干脆叫虎蝦SUSHI我會甘心點... 而且這張相可以看到飯很多,但蝦是完全覆蓋不了飯。 但值得一讚是,這間的魚生亦算新鮮,甜蝦完隻有頭,鮮甜,三文魚刺身大大舊,亦OK新鮮(但計時價和榜數) 總結,想求飽肚,這裡不錯;眼闊肚窄,這不合適 

如果你諗住黎食大壽司係食正宗野你可以離開呢個頁面睇其他食店大壽司顧名思義係大~由佢day one開呢間餐廳都係以大為主！所以想食飽一定要黎今次叫左5樣野: 火炙三文魚壽司、芝士吉列蠔卷、忌廉薯餅、日式炒雜菜同埋牛油焗帶子其實成日都食佢，都係為左飽。已經唔expect佢好食...但今次再黎覺得佢又差左啲壽司飯冇味，我自問都幾啖口味，但係都係覺得太冇味好似食緊白飯咁，仲要勁散...由於佢太大冇可能一啖吞哂，一咬開就成碟都係飯三文魚都幾肥美既~帶子都真係好大粒，叫做有誠意冇昆水架啦！最後埋單$180，我覺得貴左不過而家乜都加價，好難避免既...

裝修前成日黎食, 特別喜歡佢個鰻魚, 好正。裝修後第一次黎食, 坐位同樣係迫到爆, 有得簡寧願坐樓下個幾張。點了一客鰻魚壽司, 一客三文魚壽司及一客煙三文魚壽司, 加多個滑蛋牛飯, 等了大約15分鐘先有野食。三文魚壽司: 不過不失, 放得入口, 吞得落肚。煙三文魚壽司: 後悔叫哩碟, 好難食又咸。鰻魚壽司: 可以話係勁難食, 咬了一口感覺條魚"梅梅爛爛"的, 唔想多咬一啖。滑蛋牛飯: 飯太濕, 蛋同牛都可以, 份量都大碟。總體食物黎講, 係完全退步的, 已經無咗食物新鮮度。

之前有朋友介紹過, 所以就試下幫襯.行上樓上, 發現裝潢好平民.落單時望下隔離枱食咩, 真係嚇親, 件件夀司有我半個拳頭咁大...... 二人點咗6款夀司(各2件)、1/4 lb三文魚刺身(4片)、1人份冬蔭公湯、1份芒果軟殼蟹米紙卷(6件).夀司好大件, 例如墨魚夀司, 每件上面都有兩塊墨魚, 若果同平時好精緻既夀司比較, 幾乎有2-3件咁大, 但風味當然不同. 好明顯呢度係港式變種~意料之外係個飯團應該係手握? 因為唔似機壓咁實.而且三文魚(夀司&刺生都係) 好肥美, 最為推介!最差係劍魚, 頗多筋, 顏色好粉紅, 同平時食開既唔同, 可能係唔同種啩...講真, 雖然以大件作賣點, 但加埋條數唔算好平, 埋單約$260.但以質素來說都算值得, 不妨一試!

大壽司未裝修前成日同屋企人唻幫襯，一直都覺得唔錯。前兩日突然好想食壽司，於是嗌左外賣，其中包括带子同三文魚芝士卷。個卷好鬆散，無辦法成個夾起。一放入口已經覺得有啲怪，唔太新鮮，諗住係咪芝士嘅味，都勉強食晒咁多個卷，冇一個係感覺良好嘅。之後食我最愛嘅帶子。第一件都唔係新鮮㗎啦，但都可以吞落肚。第二舊嚼幾口後頂唔順吐咗出唻。一兩個鐘後重要肚疴。先此聲明，對上一餐係下午一兩點嘅事。咁大個人都未食壽司食到肚疴，好彩唔嚴重啫。搞到第二日食咗成日粥清腸胃，第三日都仲唔太舒服。嘢又貴咗，質素又差到咁，無必要都唔會再唻囉。做生嘢嘅餐廳唔注意衛生都真係唔會俾第二次機會！