大壽司

營業中

休息中

食左好多年的壽司店，平時已經好多人幫襯， lunch 被學生佔領。 難得今日附近做野，又可以早少少食飯，終於可以食返我個 # comfort food , 幾次都唔記得星期三休息，冇冇食。😭😭😭今日介紹同事嚟， 同事大讚抵食 好味 😋　隔離檯頌要係日本人，有品質保證。 三文魚係真挪威， 唔係紅鱒魚。 雖然好飽， 但都清曬。 光盤行動。

媽媽生日🎂點名話要去大壽身食生日飯🤭每次食大壽司，我地屋企必嗌有兩樣野❤️三文魚刺身1磅真係好正，入口好香三文魚香而且非堂厚切，每啖都好滿足！第二樣必嗌係：❤️加州卷6件（$50）叫左兩客🤭依味係細佬嘅至愛佢唔太鐘意食刺身，依味岩曬佢佢一個人都食左一客！❤️蒲燒鰻魚壽司2件（$22）個樣送到上黎覺得好普通但食落去有驚喜唔係平時食開好霖嘅口感反而係好彈牙😮幾好！❤️鹽燒鯖魚定食（$58）（唔記得影相）定食包括：一碗飯、一碗湯、一碗沙律燒得好香！外脆內軟！❤️蔥燒牛肉玉子石鍋飯（$72）滿滿嘅牛肉！隻温泉蛋好正！而且個飯重有飯焦！👍🏻❤️海老天婦羅5蝦（$66）炸得好鬆化，而且蝦肉好彈牙！😍唔夠喉😆再Encore❤️三文魚刺身一磅+帆立貝三文魚刺身加埋紫蘇葉食好襯帆立貝夾住塊檸檬咁食，原來又配搭得好好 ！❤️三文魚頭鍋（壽喜燒汁）（$75）最後仲有個熱騰騰嘅鍋店員好有心思，將個蘿蔔切成鱷魚同埋長頸鹿形狀😆叫我哋一定記得要影😆呢餐超級滿足💯十分推介呢間壽司店俾大家！又抵食又新鮮！

嘢食非常之一般，完全唔係幾年之前街坊不斷盛讚嘅大件夾抵食。壽司完全冇落到壽司醋，面頭嗰件刺身未去到話唔新鮮，不過就唔係特別好食。Wasabi就用超級多先會有味嘅低級Wasabi。然後服務態度先係最極品，有位男職員，問佢蜂蜜綠茶有冇得少甜，佢又唔答我，淨係行去廚房嗰度，拎咗成支大陸蜂蜜綠茶過嚟我度。我心諗，咩事呀？請我飲成支？佢過咗幾分鐘之後行過嚟，就同我講，話攞支嘢飲俾你，原因就係想俾你知道唔可以少甜。咁我當堂就明白點解佢好似做嘢要做到咁忙咁樣，因為佢會做一啲冇需要嘅額外工作。直接同我講話係現成嘅，唔可以少甜唔可以咩？然後朋友話其實全部嘢都唔好飲，只係得朱古力叫做入得口，咁我就轉左飲朱古力。都係唔掂，淡過水。飲左兩啖，成杯唔要。

週末同屋企人出去食晚飯，小朋友話想食壽司，第一時間就霖起屋企附近果間“大壽司”抵食夾大件，先可以滿足我128G既胃🦐火炙芝士牛油香草赤蝦壽司：牛油稍過之後好香，芝士未都好濃。🐟辣味三文魚手卷：小小辣帶出三文魚鮮味，整個手卷滿滿都系三文魚。🦑芥辣八爪魚軍艦：芥末有點多，可能因為我本來唔太食得芥末，所以覺得接受唔到，食得既可以試試。🐷黑豚軟骨拉麵：湯底豬骨味香濃，軟骨軟糯，容易嚼開。拉麵軟硬適中。🐷吉列豬扒拉麺：豬扒香脆金黃，系即點即做既。🐮石鍋蔥燒牛肉玉子飯：牛肉嫩滑，打開溫泉蛋搞勻d飯再加d醬油落去，我可以一個人食完一碗🐮牛肉溫泉蛋胡麻撈讚岐烏冬：麻醬同烏冬原來都幾夾，唔會有太膩既感覺。🐟三文魚腩刺身(1磅)：斤兩足，油脂分布均勻，紋理清晰，色澤鮮艷，入口金香，鮮美好甜。🪿鵝肝壽司：鵝肝肥美，帶有少少淡淡既奶香味。🍣帶子壽司：帶子新鮮清甜，基本沒有腥味。🪿石鍋鵝肝帶子軟骨芝士飯：鵝肝同帶子加起身簡直就系鮮上加鮮既組合，除佐好食真系蚊唔到其他更貼切既形容詞環境：地下入門上2樓，餐位唔算太多，所以想食需要早d去，避免要排隊，7點後人較多。服務態度好，上菜快。

大壽司係一間日式餐廳，而佢嘅特色就係佢嘅壽司同埋卷物都係大大件，每一件嘅尺碼比平時所食到嘅壽司或者卷物都有成一倍咁大。雖然整得大大件，同傳統嘅整法有啲差距，但係仍然可以保持住高嘅質素，而且每一件大大啖咁樣食落去又真係有另一番嘅滿足感。我哋叫咗三文魚卷同埋炸蝦卷，炸蝦卷入邊嘅蝦大大件，炸到超級脆，上面再鋪埋三文魚子，食落口感十足。另外我哋再嗌咗佢嘅三文魚刺身，呢度可以根據重量咁樣叫，佢比嘅份量十足，又有鮮味，好抵食。

今日心血來潮嘅我，揀咗間西灣河傳聞中嘅暖胃食府。一坐低，望住個餐牌，我已經覺得好興奮！一開始，我就叫咗份蔥燒牛肉烏冬！呢個烏冬喺嘴裏頭滑溜溜嘅，啲牛肉更加係軟綿綿、鮮美得滯，一啖牛肉一啖湯，嘩，暖笠笠，正叻嗰種！仲有個小沙律辣辣哋，添上咗色彩同層次。轉個彎，我埋單咗嗰份忌廉芝士三文魚卷，係真喺有少少期望落差，芝士濃過咗頭，三文魚食落有啲被蓋過味，不過，幸好有我那份最愛嘅石鍋芝士黑豚軟骨飯拯救返場面。嗰份芝士，嘩，拉絲得嚟目迷五色🧀；黑豚軟骨又軟又香，濃郁醬汁掛住，一口咬落去令人難以忘記！熱辣辣嘅石鍋底，仲偷偷做咗啲嘩啲飯焦，啖啖燥香。整體黎講，呢一餐食得溫馨，又食得甜蜜。每一樣嘢嘗過之後，都令人覺得值得嚟轉一轉。下次街坊朋友想揾真材實料又慳家嘅地方，記得話我向佢哋推介一下呢度嘅暖味！🍜🍣🍲

買外賣就係想快，但係呢間餐廳晚市落單後過咗40分鐘先出我嗰個外賣，又唔跟落單次序出餐，連遲過我15分鐘落單嘅人嘅三份餐都出咗，我嗰一盒炒烏冬都仲未出，要你等到天荒地老。盒海鮮炒烏冬係有鑊氣嘅，海鮮都係急凍貨，唔好期望佢會攞做壽司嗰啲新鮮材料頭俾你，主要都係蜆、魷魚嗰啲。醬汁係夠味嘅，但係至於呢盒嘢值唔值佢個價 ——$100 ，再加埋你要等成40分鐘先有得食，就見仁見智啦。過晒返工食飯時間，想好好地食個飯都唔得。

#鼠尾草食飲玩 #sagefoodiehk煙靭😚 × 朱古力🍫 × 回憶🌅今次繼續係食日本嘢，不過餐廳唔使特別介紹，因為係 #西灣河名物 #大壽司 😍！不如就講午市套餐送嘅甜品啦😋。雪糕糯米糍🍨大家會想抽倒咩味？私心生果味💁🏻‍♀️，例如係士多啤梨、芒果✨。而今次抽到朱古力味，不過食落又似阿華田☕️，有冇人解答到真正係咩味😚？雪糕糯米糍雖然細細粒，一啖食得晒😳。不過每次都唔捨得一啖就食晒，所以一定要分幾啖，慢慢嗒真啲煙韌嘅外皮，同埋好凍好正嘅雪糕餡🤤。

#搞串個pantry喺香港食異國菜🌏，無可避免一定貴啲💸，不過原來仲有一啲街坊🏘️ #小店 ，做到當地正宗嘅質素，而且仲要係老實、抵食嘅價錢🤑！今次嚟到位於 #西灣河 嘅 #日本菜 🇯🇵餐廳，可以稱得上係 #西灣河名物 😍。今次我哋嗌咗兩個午市套餐☀️，分別係🌦️🔴碎蔥魚腩蓉飯+6件三文魚小卷($73)，同埋🔵葱燒牛肉讚岐烏冬+2件帆立貝壽司($72)。套餐本身仲包埋前菜🟢沙律、🟡唐揚炸雞、同埋甜品🟣雪米糍，價錢好抵食，食到超級飽🫃🏻，好滿足🤤。餐廳裝修係街坊🇭🇰日本菜嘅風格。碎蔥魚腩蓉飯🌟🌟🌟🌟🌟除咗碎蔥 #吞拿魚蓉 🐟，仲有唔同配料🍱，超級多料，賣相好豐富，好吸引😍！撈埋一齊食，一啖食到吞拿魚蓉嘅油脂香味😋、蔥香味🧅、Wasabi三文魚粒嘅嗆口🌶️，味道同口感好多元化，超級滿足🤤！葱燒牛肉讚岐烏冬🌟🌟🌟牛肉🐮超級香，除咗有油脂香味，仲有洋蔥🧅嘅甜味，幾正😋。湯底係豬骨湯🦴，似係中式嘅味，加咗七味粉🌶️之後感覺和風🇯🇵好多，而且味道好夾、好豐富🤤！而且入面有好多粟米🌽同海帶🍙，令到味道同口感更加豐富🫦。烏冬用咗粗烏冬🍜，好有口感，而且唔會過硬。不過椰菜🥬太過大嚿，會食到菜中間有草青味🌱，而且鳴

店內壽司果然同個名一樣，全部都好大件，第一次食咁大件嘅壽司，質素尚可以接受，款式都多，熟食方面味道還可以接受，如果想食得飽肚，嚟呢度食，絕對可以食到好飽，因為佢件壽司飯真係好大舊，呢個就係佢嘅賣點，不過場內環境座位比較迫，坐得比較唔舒服

今日小編幫朋友大清潔位於西灣河既新居，就清潔完既時候就開始諗食咩晚餐好呢🤭最後大家都同意食壽司。於是就開始搵下附近既壽司店，見到呢間大壽司好似平民得嚟又多選擇，咩菜式都有：壽司，剌身，爐端燒，麵類都有。睇到張雙面既餐牌咁大張都知🥴石鍋蕃茄濃湯燒雞讚岐烏冬 （4.5/5）$69呢個蕃茄烏冬不得不讚！佢既蕃茄濃湯味道超級的出，每一啖烏冬都沾到香濃既蕃茄汁，真係超開胃🤤食完呢碗烏冬，以後的係呢區搵麵食，一定會諗起大壽司既蕃茄濃湯烏冬🙌壽司 （3.8/5）壽司種類非常多，只要你諗得出佢都有，唔會餐牌款式多多但落order既時候就咩都話缺貨👍 小編就試左既壽司有：三文魚、花之戀、海膽軍艦、火灸珍寶帆立貝、火灸左口魚群邊和炸軟殼蟹卷😽當中要讚一讚炸軟殼蟹卷，$64 四件係真係用左足足一隻蟹切開4份放份卷中，真係啖啖都係軟殼蟹，CP值爆分！其他壽司既都合乎標準，好滿足😽唯一美中不足就係壽司飯握得唔夠實同比較大舊，但小編覺得值得原諒，最緊要舊剌身好味😉特選大盛刺身 （3.7/5）$208如果唔想既咁多飯既朋友仔，可以考慮叫碟刺身。刺身配搭非常多，實有一款岩成張枱既人食😎 新鮮度方便都合乎標準👍👍 $2

一入門口就見到長長既樓梯，只需行上一層就可以入座。午餐時間，空位算多，多數分成四人枱同六人枱。枱面放上兩份餐牌。一份附有圖片，另外一份點餐。午餐餐牌種類豐富，個個套餐都係一個定食，會配送飲品、前菜同麵豉湯。飲品我點選熱朱古力。前菜有唐揚炸雞一塊同一小碟沙律。麵豉湯入面有豆腐同埋紫菜，調味適中。唐揚炸雞微冷，但不失脆度。套餐我選擇：火灸海鮮蟹棒丼。三文魚先淋上沙律汁之後微微灸燒。魚皮有少少燒燶，但口感更嫩。口感嫩滑，入口即溶，唔洗點用力就已經落肚。蟹棒就點都好食架啦。整體來講，環境唔錯，午餐性價比極高。唔使$100嘅價錢，有小菜、有湯、有飲品奉送。

📍#大壽司 #MFJ西灣河 #MFJ日本菜 人均消費: HKD115話說早排先講唔會去食大壽司，唔知做咩神推鬼打走咗去食🤦🏻‍♀️🤮 刺身拼盤 $58🔴 三文魚 X3 🟠 油甘魚 X2 🟡 赤蝦 X2午市有啲特價刺身，咪揀個試下囉，真係後悔到不得了！ 一上枱係有陣臭味傳出黎，雖然入口無臭味，但真係好嘔心！赤蝦都已醜樣，真係未見過油甘魚係咁嘅樣，真心痴線👎🏻 帆立貝壽司 +$18叫刺身可以平少少叫「一客」壽司，未試過食壽司啲帆立貝係咁，比平時啲得一半大細，仲要係冇味，而且仲有啲雪味…👎🏻 壽司午市盛合 $78🔴 三文魚壽司 🟠 劍魚腩壽司 🟡 帆立貝壽司 🟢 象拔蚌壽司 🔵 蝶魚邊壽司 🟣 魷魚壽司 ⚫️ 赤蝦壽司 ⚪️ 加州卷壽司 🟤 前菜 🔴 麵豉湯 🟠 菊花蜜$78有10件壽司係平，但真係冇一件係新鮮！八瓜魚好似橡膠咁，魷魚細塊得濟竟然用兩塊，蝶魚邊口感唔正常，劍魚腩冇味，加州卷好似唔夠蟹籽用咁，係得個象拔蚌正常啲沙律都算，個炸雞係凍嘅，個麵豉湯簡直垃圾，仲衰過湯包沖出嚟，水都有味過佢🆗 象拔蚌壽司 $24另外叫多咗份，好彩叫係所有野之中最正常🆗 辣味三文魚手卷 $28點解個色咁怪，佢

印象中十幾年前已經有大壽司，太耐冇幫襯過唔知中間有冇轉過手。星期二晚幫襯，場面有d冷清，樓上閣樓好多吉位。上菜速度唔算快，應該係因為即叫即整。千祈唔好因為太肚餓已order太多，因為佢嘅壽司size大到超乎想像🙈係大件夾抵食嘅平民之選🤤七吋長蟹棒壽司，真係長到嚇死人，適合打卡，蟹棒唔係最cheap果種面粉蟹棒腐皮壽司，但腐皮唔夠甜雜錦壽司套餐，得三文魚係特長，印象中以前都有特長鰻魚，可能散嗌先有辣味三文魚加州卷，後悔叫左呢個，因為兩個人食完上面嘅野都飽飽地，再黎六件大壽司真係太飽石鍋蔥燒牛肉玉子飯，唔太有特色，但煲得出飯焦嘅石窩飯都算係好嘅石窩飯啦🤣

喺西灣河住咗咁耐，一直以來大壽司都係出名抵食，大大嚿壽司飯，大大嚿刺身喺壽司上面。以上所講大壽司嘅風格已經變咗，依家的而且確係變咗正常size，亦都冇之前大大嚿刺身喺壽司上面，不過總體來講，都覺得佢個價錢係合理嘅。今次主要叫外賣，咁大家都需要用啲時間等一等，大約都要15分鐘左右，喺度叫外賣都有少少心理準備，啲職員都幾casual下，如果第一次叫既朋友，都或者需要研究一下餐牌，入邊有好多幾抵食嘅選擇，而且種類繁多，相信一定有一個款啱你！再補充一點，喺度叫外賣定食，我記得好似冇咗個小食，同埋麵豉湯，但係亦都有盒紙包飲品俾你嘅。大家去幫襯嘅時候可以問一問職員。