大圍小食

營業中

休息中

尋晚睇完YouTube, 見到有人整雞蛋仔, 發覺自己係無可能整到 (因為唔會轉登買部雞蛋仔機去整)今日放工經過見到有就買黎食, 佢係即整既, 大約等左5分鐘就有見佢係即整, 跟住整完又放左係個架度抖一抖氣, 我真係滿心期望, 點知一食! 好難食!入面d粉多到喊, 完全填滿晒, d粉唔值錢都唔洗咁落法, 我覺得好似食緊光酥餅咁然後蛋漿個味都係唔好味, 個面又唔脆…真心未食過咁難食既雞蛋仔, 爭d喊左出黎…究竟識唔識得整雞蛋仔??

📍#大圍小食 (大圍)大圍富嘉花園22號地舖▪️▪️▪️▪️▪️▪️▪️▪️▪️▪️▪️▪️▪️▪️喺大圍屹立20多年嘅大圍小食，一直都係大圍嘅地標，冇理由冇聽過佢嘅名。屹立多年依然係質素保證，到今時今日街坊行過依然會去篤串魚蛋😆✨#煎釀三寶除咗平時常見嘅茄子、紅腸、青椒，亦有豆腐、炸魚蛋，特色在於仲有炸餃子同西蘭花🥦，選擇非常豐富。煎釀三寶真係要即叫即食，非常香口。✨#肉碎銀針粉除咗串燒之外，亦有粉面類可以選擇，肉碎銀針粉性價比都唔錯，銀針粉煙煙韌韌有咬口，唔會太腍，仲有好多肉碎、冬菇，亦有炸蒜蓉同埋香蔥，鍾意食辣嘅話仲可以加啲辣菜譜😍✨#即烤串燒 (豬頸肉、魷魚)超級推薦豬頸肉🔥 大圍小食嘅串燒必食！豬頸肉厚肉之餘充滿油脂，唔會燒得好乾，口感彈牙，下次去一定encore豬頸肉😍 魷魚都好好味！即叫即燒，上面加咗啲孜然粉更加惹味✨#魚蛋拼燒賣 配秘制沙嗲辣汁(自家制)傳統嘅魚蛋燒賣配秘制汁真係冇得輸，食到停唔到👍🏻🤩咬落去好有口感✨#生菜魚肉及碗仔翅加左醋同胡椒粉，味道啱啱好，唔會好酸🤤超級足料，每食一啖都食到豐富嘅食材，魚肉好新鮮，食完好飽😝✨#港式炸大腸最鍾意食炸大腸，好特別，炸到好脆，唔會覺得好肥好油，加

今日好充實😎 去咗沙田文化博物館，張國榮個館細咗D, 李小龍館好睇，其他館都好好睇跟手就行去呢幾日勁多人既圍方，簡單行個圈即閃 😅嚟得大圍當然要去食我最愛既臭豆腐及串燒豬頸肉、魷魚啦🤩大圍小食有哂我平時掃街會食既野，就連狗仔粉、油渣麵都有😋唔怪得咩時間嚟都咁多人排隊啦燒賣、魚蛋、煎釀三寶、炸大腸呢D絕對必食，掃哂返屋企慢慢嘆每次嚟都有小驚喜，芫荽控既我發現佢有芫荽狗仔粉😍嘩嘩嘩，D芫荽多到睇唔到D粉當然要碗啦🤣 大滿足哦💯買完快快過對面搭東鐵歸家了✌🏻

今晚去左大圍果邊去探個朋友，同朋友見完面之後，就同太太行過去大圍站，就經過見到呢間「大圍小食」依舊大排長龍😬之前黎過一次都係咁墟冚！果然係人氣店😋當然我哋都唔會輸蝕加入戰團啦😂煎釀三寶大大嚿好好味，款式非常多！炸到卜卜脆熱辣辣！平時好少會見到有西蘭花同冬菇呢度都有啊！😋炸大腸完全冇羶味！外層脆卜卜！有咬口！😋炸臭豆腐外層炸到酥脆！裏面軟綿，大大嚿！亦非常之香！如果鍾意食臭豆腐嘅朋友真係舔晒脷😋秘製醬汁魚蛋燒賣燒賣同魚蛋都好煙韌，魚蛋仲用左興利嘅陳皮魚蛋！無魚腥味！配埋呢個秘製辣醬無得頂呀！😊韭菜豬紅豬腸呢個真係非常欣賞佢嘅豬腸！蘿蔔又腍又甜！😋肉碎銀針粉呢個銀針粉又夠煙韌又夠爽口😋好味😊串燒(雞肉、豬頸肉)串燒即叫即燒！又熱辣辣又香噴噴😋不可不吃😋魚肉翅經典小食之一，由細食到大！好似食返以前細個嘅味道😋P.S. 呢間係開左多年嘅Made in Hong Kong 🇭🇰 嘅老店！性價比好高！大家真係要多多支持💪

香港人真係好鍾意”掃街”🍴街頭小食嘅品種真係多不勝數😋呢間喺大圍開咗好多年嘅大圍小食 ，真係講得出嘅香港街頭小食佢都有😎今次我哋一次過買咗好多款返屋企慢慢嘆🤤煎釀三寶嘅款式都有好多，連好少見嘅西蘭花都有😆釀嘅魚肉份量都唔少，一啲都唔孤寒，又夠味，唔使點豉油都得。串燒豬頸肉一啲都唔韌，加埋唔辣嘅沙茶醬好香口，兩個大嘅小朋友食到唔停口😆脆皮豬大腸外皮夠鬆脆；臭豆腐同樣都係外脆內軟，配埋辣椒醬同甜眷一齊食，真係好正😋豬油渣粉係我嘅最愛，豬油渣夠乾身，吸收咗湯汁之後好好味🤤以胡椒湯做湯底嘅韭菜豬紅豬大腸都係好好味，豬紅夠入味，大腸又唔會過肥👍🏻普通嘅燒賣配合埋店家自製辣醬，真係好惹味，鍾意食辣嘅啱曬😌

相信好多人都唔會唔識大圍小食，佢係大圍都開咗好多年，性價比非常高！由以前開始，我次次入大圍踩單車，都要買佢嘅小食嚟食！我就最鍾意佢嘅燒賣、魚旦，因為佢上面嘅辣汁係舖頭特製嘅，非常好味，d汁越多越好😋我今次仲試咗其他小食，包括：碗仔翅、油渣麵、臭豆腐、豬大腸、串燒豬頸肉/雞肉等！全部都相當有水準！好有港式風味！特別係串燒豬頸肉，估唔到小食店燒出嚟嘅同泰式舖頭整嘅味道都大同小異，好惹味！大家下次都可以試試佢！不過我好後悔買咗部分食物返屋企，搞到無即場食咁正🥲下次都係即叫即食先得！

💁🏻‍♀💁🏻💁🏻‍♂️️💁🏿‍♀️💁🏿💁🏿‍♂️🏷 大圍小食@大圍💁🏻雞蛋仔、格仔餅、煎釀三寶、特色串燒、魚肉碗仔翅、豬油渣麵、魚蛋、燒賣、韭菜豬紅等等應有盡有開業多年嘅小食店，經濟實惠，每次經過都俾佢嘅小食吸引住香港特色嘅雞蛋仔同埋格仔餅即叫即整，私心推介魚肉碗仔翅，非常足料，魚肉數之不盡煎釀三寶，竟然有炸西蘭花，都係第一次見是否推薦↩️？✅ys, 勁邪惡，但好好味，推介大家魚肉碗仔翅

🌟餐廳：大圍小食📍地址：大圍富嘉花園22號地舖💰價位：～$50⏰營業時間：星期一至日營業至凌晨2點                      打風落雨唔想周圍去，最好既活動就係買一大堆小食返屋企慢慢歎~今日就趁打風之前落去左「大圍小食」瘋狂掃街~餐廳係大圍火車站附近，主打魚蛋燒賣、即炸煎釀三寶等，仲有車仔麵、狗仔粉、即燒串燒等等，食物種類夠哂多元化，好受附近街坊歡迎~———————————————————🔹魚蛋拼燒賣 (配招牌自家制辣汁) 燒賣選用以魚肉制餡料，入口煙韌有口感~魚蛋採用傳統老店興利祥記陳皮魚旦，啖啖陳皮味，彈牙又唔腥~燒賣用魚肉制成，煙韌得黎又有魚肉味~餐廳老闆特調既秘制辣汁係一定要試，蒜香味及辣椒味夠突出，食得好過癮～———————————————————🔹炸煎釀三寶呢度既煎釀三寶係我既最愛～款式夠晒多之餘，每款都大大件，除左紅腸、炸魚蛋、豆腐等等基本款式之外，仲有炸韮菜餃子同激辣青椒，梗有一款啱你心水～———————————————————🔹椒鹽炸燒賣超惹味既炸燒賣！燒賣炸至外層金黃香脆，再灑上椒鹽粉，熱辣辣食特別惹味～———————————————————🔹即烤串

今日又來探我妹，地頭蟲今日帶我食❤︎︎大圍小食❤︎︎呢間小食店喺大圍屹立多年，出名性價比高👍🏻我妹話成日見到佢地有人龍出現🦸🏻‍♀️一定係勁東西😋❀❀❀❀❀❀❀❀❀❀❀❀❀❀❀❀❀❀❀❀❀❀❀❀❀⭐️我妹推介必食嘅魚肉碗仔翅👍🏻超足料濃郁😋魚肉彈牙大舊，湯羹口感順滑，有大量冬菇絲同木耳絲⭐️我推介豬油渣麵😋腩肉炸得透徹，油渣偏乾身減輕油膩感，食落爽身，湯底鮮甜👍🏻記得跟埋佢嘅自製辣菜脯，辣得來相當惹味，直頭將碗麵提升至另一個境界😍⭐️我地一齊推介嘅韮菜豬紅豬腸韮菜嫩而無渣👍🏻豬腸無異味，洗得好乾淨👍🏻口感軟韌適中👍🏻我好鍾意食豬腸😆呢個私心推介必叫之選🫶🏻肉碎狗仔粉 淋上蝦米，菜脯同蔥，煮得岩岩好，夾起唔會碎散散👍🏻燒賣魚蛋 呢到啲魚蛋係陳皮魚蛋來架，魚蛋結實富有陳皮香👍🏻燒賣口感軟糯，食得出魚肉味👍🏻豬頸肉&雞肉串燒 個豬頸肉串燒濃烈嘅燒烤加埋孜然粉嘅香味，肉質爽彈👍🏻飲返罐啤酒🤤人生一大樂事煎釀三寶 全部大大件😋巨型版三寶😂個尖椒好辣架，推薦比鍾意食辣嘅人，我妹食完變左孖潤腸嘴🤣

📢📢靚女食乜嘢？📢📢要一份燒賣多豉油辣椒油跟住要多份咖哩魚蛋多咖哩汁煎釀三寶每款一件兩件臭豆腐多醬串燒原隻魷魚同串燒雞肉整多隻咋髀添呀！要埋炸大腸同燒墨丸係咁多唔該😀有幾多人同我一樣都鍾情香港特色文化由遠古年代車仔檔到而家嘅特色小食店我對佢哋嘅熱情從來冇減退以前鐘意逐間買逐間食而家要照顧家庭我就鍾意去呢間大圍小食港式味道濃厚款式齊全一個舖頭可以買哂鍾意嘅小食呢度燒賣煙韌魚蛋彈牙三寶夠大粒臭豆腐脆炸乾身串燒沙嗲汁惹味炸髀啖啖肉百吃不厭人均消費💰 ： ＄ 50總結✍ ： 香港地道多選擇.NatNat評分💎💎💎💎(5💎為最高)

港式街頭小食一直以來都是香港人喜愛的美食之一，其簡單貼地的風格，讓人們在繁忙嘅生活中享受到美食的樂趣。大圍小食係區內受歡迎老店之一，而且位於大圍港鐵店外超級方便。小食店內供應不同港式小食，如燒賣、魚蛋、串燒、碗仔翅和煎釀三寶等都是最受歡迎嘅美食，以下精選了幾款必食推介俾大家😎煎釀三寶是必食no. 1 ，10數款三寶選擇件件巨人size 都只係$4 一件😲 釀鯪魚肉好厚實夠彈牙唔會腥👍🏻仲有比較少見嘅釀冬菇、釀西蘭花🥦同埋手掌咁長嘅尖椒😆可以一試魚蛋燒賣是港式街頭小食中最具代表性之一，$12 就有成10粒超抵食，如果食辣嘅就一定要加大圍小食嘅自家秘製辣汁，用上不同香料製成，重點係會每你越食越上癮，不經不覺就食哂一碗🫣除咗燒賣魚蛋外，配上八爪魚🐙同牛栢葉都係一絕🤤唔好錯過嘅就係串燒😎即叫即燒更多一份風味，多款醬汁味就可以選擇，除咗雞肉串燒、豬頸肉外，仲有大魷魚🦑、丸類腸類等等可以選擇😆 而且因為長期都有訂單，所以keep 開爐keep 住燒，一路等嘅同時都好考大家對美食嘅忍耐力🤣🤣臭豆腐係港式小食中有著無可取代嘅位置，$15/件就即刻order 番兩件先啦😆剛炸起嘅臭豆腐脆卜卜，獨特嘅香氣

而家天時暑熱，都唔係想喺出面咁耐， 即興買啲小食但朋友屋企打躉！我哋叫咗好幾款小食，其中一款係狗仔粉。狗仔粉係一種傳統嘅廣東小食，佢嘅麵條好Q彈，配上醬汁同乾蝦碎，味道好香濃，真係好正！另外一款係雞蛋仔，雞蛋仔煎得香脆，內裏味道好豐富， 同埋落足料唔會中間好多空氣！我哋仲試咗煎釀三寶同炸雞髀，煎釀三寶包括紅腸、豆腐同青椒，外層煎得香脆，內裏餡料好豐富，特別係魚蛋好有彈性。炸雞髀都煎得香脆，雞肉好多汁，味道正宗。我哋仲食咗炸燒賣、陳皮魚蛋同碗仔翅。炸燒賣煎得金黃色，外層酥脆，內裏餡料豐富，好好味！陳皮魚蛋係一款特別嘅小食，加上啲陳皮煮，味道更加香濃。碗仔翅嘅湯底好濃郁，翅骨煮得好軟嫩，啖啖都係肉。大圍小食嘅食物性價比好高，小食款式多元化，味道都非常好味，加上價錢實惠，果然係大圍屹立多年既老店！

忠實Fans 幫襯左幾次嘅小食店大圍呢間小食店包羅萬有提供多款嘅香港特式小食如狗仔粉、雞蛋仔、燒賣、煎釀三寶等🔸椒鹽燒賣 $14必叫❣️炸得岩岩好 卜卜脆🔸串燒豬頸肉/雞肉 $30@2必叫❣️燒得岩岩好 次次都加孜然粉 十分惹味仲有黑椒、蜜糖、七味、沙嗲等🔸燒賣魚蛋 秘制醬汁令普通嘅小食昇華左以薑蓉+辣汁製成🤤🔸芫茜肉碎狗仔粉 😍每次都覺得好足料 極多嘅肉碎加埋秘製辣菜脯 💯煎釀三寶有極多選擇特別啲嘅有冬菇、蕃薯、西蘭花🥦等釀成價錢都只係$20/5仲可以係邊到搵呢啲小店價錢合理 選擇多‼️

大圍小食相信大家都認同係大圍名物. 佢已經由1998年營業至今食物款式選擇好多. 而且價錢💰都好親民所以差唔多每晚都見到絡繹不絕嘅人龍🍄煎釀三寶最多人推薦嘅就係煎釀三寶$20/5件. 但每件都大大件. 隨時食5件都飽咗😂而且款式俾其他小食店都多. 除咗有常見嘅豆腐、紅腸、茄子外. 竟然重有西蘭花🥦、冬菇、尖椒、蕃薯可能流動得太快. 每件炸物都好新鮮熱辣. 脆卜卜而且魚肉嘅份量都好大. 一啲都唔手緊🐖串燒燒嘅時候聞到已經覺得好香. 重有9種味道可以揀最鍾意食豬頸肉. 肥瘦適中. 外邊燒到焦脆🐖炸大腸見到炸大腸都好多人叫. 果然唔錯脆得嚟唔會好油. 愈來愈少地方有得食啦🥢臭豆腐好香嘅臭豆腐😳即叫即炸配埋甜醬真係好正🍲魚肉碗仔翅配料份量重多過啲水😂唔會太gel加埋魚肉一流🐖韮菜魚紅豬腸加蘿蔔蘿蔔好甜好入味. 豬紅都係湯底有淡淡胡椒味. 大腸唔會有臭味. 處理得唔錯呢餐真係好抵🙈用好平民嘅價錢就好似食到好似自助餐咁. 又飽又好食. 唔怪之得咁多人食啦

「大圍小食」的店面簡潔明亮，給人一種乾淨整潔的感覺。店內的座位不多，但是環境寧靜，適合小團體或者獨自一人享用小食。這裡的氛圍溫馨輕鬆，讓人感到舒適。「大圍小食」提供各種不同種類的小食，如炸雞塊、炸魚薯條、炸蝦球等。我品嚐了他們的炸雞塊。雞塊外皮酥脆，內裡的雞肉鮮嫩多汁，非常美味。他們的小食炸得恰到好處，不會太油膩，保持著食材的原汁原味。除了炸物，他們還提供各種烤物，如烤雞翼和烤魚肉串等。這些烤物烤得香嫩可口，帶有一種獨特的炭燒味道。除了小食，「大圍小食」還提供各種飲品。他們的飲品選擇多樣，如汽水、果汁和奶茶等。我品嚐了他們的鮮榨果汁。果汁新鮮純正，味道清新甘甜，讓人回味無窮。他們的飲品口感豐富，適合搭配小食一同享用。