大四囍

行過想去麥當勞，見到大四囍三個字已經好吸引我，好耐冇打麻將食過糊，掃街食翻碗兩溝過下癮😂見到佢來自友愛邨走鬼檔同可愛Pepe 公仔好唔好食都一定支持下,見到南亞人都買三碗，香港掃街小食文化確係掂😊魚肉碗仔碗兩溝，魚肉夠蛋牙爽口好有以前走鬼檔風味韮菜豬紅味比較淡，可能吾係甘多人鐘意食呢種整法唔想行去對面木頭車，想食碗仔翅可以多一個選擇Hong Kong street food faux shark’s fin soup with fish balls…查看更多

細細個既時候成日都會同屋企人一齊落街買宵夜而最受歡迎既當然就係走鬼檔一條街各式各樣既食物都有每次都幾袋幾袋咁買先心滿意足🤪隨住市區發展 好多走鬼檔都入左舖雖然味道不變但感覺就回不去-今日途經元朗廣場附近見到都幾多賣小食既舖頭串燒 燒賣魚蛋 炸物 漢堡 一應俱全行去後面一條街就發現左呢間舖頭餐牌食物款式唔算多 但樣樣都好吸引🤤睇黎要試多幾次先得-#煎韮菜餃 HKD25/6隻即叫即煎 餡料都算飽滿👍🏻非常香口 必試小食-…查看更多

食完晚飯買咗韮菜豬紅做宵夜豬紅個湯同豬雜係用同一個白滷水佢啲韮菜係一抽抽咁夾上嚟剪唔明點解點解唔切好先 既慳時間 又美觀啲廿二蚊碗豬紅的確係唔貴但佢一打開聞落似煲湯啲汆水咁好鬼腥，聞落真係好唔開胃不過食落味道係正常嘅比平時食嘅豬紅淡口啲味道偏甜小小另外，佢個豬紅咬落係散開晒咁嘅其實未食睇落已經散散哋咁一定係煮得太耐啦令到啲豬紅冇晒咬口打呢篇係希望間舖會變好啲同埋提醒想買嘅人，望多幾眼啲嘢食穩唔穩陣先決定買唔買啦…查看更多

吃豬雜最怕有腥臭味，這次於元朗的小店，曾於90年代屯門擺走鬼檔，事隔30年入舖，由一家3口一齊經營，賣的是心機是回憶。新鮮豬雜 ($36/S、$48/L)，所幸他們洗得夠乾淨，有豬紅、豬腸、豆卜、豬肚、豬皮、蘿蔔，淨飲一口湯，胡椒香美味，能夠選用清湯湯底，證明老闆對豬雜新鮮度的自信。吸睛的有鐵板雞翼尖($20)，滷水汁口味，但即叫即以鐵板煎香，配上獨特的沙嗲醬，鹹香得來帶花生香，意外合襯。但私心推介走沙嗲醬版，雞翼尖滷得夠入味。碗仔翅( $20)是坊間少見的料多稠身，有雞絲、粉絲、冬菇、蛋花、木耳，粉絲口感彈牙，味道醇厚。香煎韭菜餃($20)煎得香脆，豬肉香誘人，撲鼻而來，另一主角韭菜味亦濃郁，是吃到停不下來的一道。…查看更多

早幾日朋友黎左元朗探我，由於元朗太多好野食但胃就得一個🙈 所以夜晚我地決定去幾間唔同既店買外賣返屋企黎個迷你自助餐🤣 其中一間就係大四囍～之前係佢對面食連鎖炸雞果陣見到呢間新開張舖頭裝修幾得意，好奇之下發現原來係屯門歷史悠久既走鬼檔黎😅我地係呢度叫左個細豬雜，魚肉翅(兩溝)同埋煎韭菜餃～細豬雜配料都幾豐富👍 總共有７樣野～個湯真係好清😅完全食到豬雜既原味道，但我地３個人都麻麻地，最終係點左雪櫃裡面既秘撈醬黎食，哈哈！😂不過值得一讚既係真係洗得幾乾淨，唔腥，豬皮無毛，豬肚爽口，蘿蔔都夠淋，韭菜無渣👍魚肉翅(兩溝)比較稀（可能因為都健康無落太多生粉），但魚肉唔算多，呢個水準比較普通～韭菜餃可以揀泰式甜辣醬或者豉油，我地揀左前者，然後我要求每人兩粒即場KＯ左呢樣先（因為呢D煎炸野淋左就唔係果回事🙈）我見老細真係慢慢係個鐵板好有心機咁煎，食落非常脆！唔會太油～皮薄足料，韭菜味好香，豬肉肥瘦適中唔會UＮ，出色！個人認為下次會翻兜既選擇應該係韭菜餃同韭菜豬紅而已😂😂…查看更多

I love street food 🤤🤤🤤今日去元朗，喺元朗廣場旁邊見到呢間新開嘅小食店。有生菜魚肉、碗仔翅、雞翼尖等等。設計到以前屋邨小販檔咁，好有童年回憶。買咗韭菜豬紅，細豬雜，煎韭菜餃同埋雞翼尖返屋企。韭菜豬紅同豬雜嘅湯一樣，幾清甜，不過撈埋佢哋嘅辣菜脯就非常惹味！煎韭菜餃都好好食！不過雞翼尖就令人有少少失望，冇平時食開炒雞翼尖嘅香味，亦都唔係好入味！不過其他嘢食都唔錯，下次再嚟試埋生菜魚肉🤩…查看更多

見谷友介紹過呢間小食店，上次行過又無開門，今日行過有開啦，不如就叫黎試下店唔大，貌似啱啱開檔，見佢好多野都準備緊。餐牌大概就係呢十樣野，唔知有無隱藏menu呢？叫左少少野外賣返去食，塞到個兜兜滿晒㗎。先黎個三溝，加左醋同胡椒粉，正。碗仔翅濃稠又足料，鮮味香口。魚肉嫩滑，都下得幾多添喎，仲有生菜，溝埋一齊真係好正。另外一兜係細豬雜，打開係好多韮菜，哈哈，吸左豬油又幾正，今日啲韮菜幾嫩無渣。豬肚有嚼勁，正。豆卜吸左湯汁好鮮味。仲有不少豬腸，豬皮，豬紅同蘿蔔，吸飽汁勁甜，樣樣都好味，好耐無食過咁正嘅豬雜。仲叫左煎餃，即叫即煎熱辣辣。好香口，爆餡添呀，廿蚊六隻好抵，唔怪得谷友話必食啦。好味好味，其實食小食都可以好飽㗎，哈哈。…查看更多

元朗有很多商場行到累就想吃點香港小吃經過見到大四囍看到菜單有麻雀大四囍十分有趣見到小食價錢不貴所以就忍不住多點了些香煎韭菜餃$20 兩份還未拿到就聞到香香的韭菜味令人食指大動見到餃子隻隻飽滿裡面裝有很多韭菜十分足料鐵板雞翼尖$20雞翼尖配以泰式辣醬脆香之餘配以酸辣十分滋味司華力腸$16 兩份十分大一條脆皮的外脆內嫩咖喱魚蛋 $10咖喱魚蛋配以特製的咖喱醬令人忍不住一粒接一粒的吃碗仔翅$20 兩份$20真的很便宜而且料多每一口都有木耳絲肉絲加上麻油香令每一口碗仔攰都齒甲流香新鮮豬雜$48大份大份真的份量多平時吃的豬雜都有一陣怪味這家的十分乾淨完全沒有豬雜臭味而且豬雜爽口配上醬汁真的令人回味最深刻是他的秘製連菜甫十分出色辣而不咸！$190買到的份量夠一家四口吃這個下午茶真的超值！下次也會再幫襯！…查看更多

上網睇到呢到有檔友愛邨小販檔，所以過黎睇下🤪佢地係元朗廣場KFC對面好易搵到。店員服務態度好好，價錢相對實惠，諗左好耐食咩好，樣樣都好吸引但見到三溝 兩溝 唔知咩意思🙈，所以問下店員原來三溝係生菜魚肉碗仔翅，兩溝係魚肉碗仔翅/生菜碗仔翅😂😂😂長知識了因為食左晚飯既緣故，店員推介食雞翼尖同餃子，雞翼尖隻隻都炒到好脆口，餃子脆卜卜好好食(食食下先記得影相🥴)，但係dry 左d,下次要叫埋泰式辣醬一齊食先得😋今日食得太飽食住兩樣先🤭，下次再試過其他🙈…查看更多

大四囍 (元朗)元朗民合徑8號幸福樓2期地下18號舖這一檔豉油友愛走鬼檔搬到黎元朗的小食店。老闆娘靠走鬼當樣帶啲細路，現在搬到黎元朗。以前係友愛街市食過一次都覺得好好食，而家嚟咗元朗唔使特登走入屯門。香煎韭菜餃$20六隻韭菜餃，餡料足！韭菜香口，豬肉量夠！餃子皮先再脆卜卜！鐵板雞翼尖$20鐵板雞翼尖用鐵板燒過，特別香口！雞翼尖份量都幾多，店員仲好貼心咁幫我加咗沙嗲醬，沙嗲醬夾埋鐵板雞翼尖係絕配。碗仔翅三溝加大$35碗仔翅要好食首先係唔會有一嚿嚿粉，粒要夠足，三溝加大都只不過係$35。新鮮豬什大$48豬大腸洗得好乾淨，豬潤亦都好爽口，再加上豬紅和豬皮這些都是我的最愛，第一次食豬什，但一次就愛上。司華力腸$16私話力腸勁大條，用鐵板燒過，脆口！…查看更多

這間位於元朗廣場隔離的小食店，原先是走鬼檔，現在終於有開舖頭，食物款式依舊是其招牌的豬雜，另外還新增了幾款小食，價錢都是由十多廿蚊起。三溝生菜魚肉加碗仔翅，一次過滿足兩個口腹之欲，碗仔翅不會太多粉漿，濃稠適中，有些爽口木耳、粉絲等，魚肉有彈性不會太粉。雞翼尖即叫即炒，煎至外皮開始帶焦，雞翼尖加了自家制的沙嗲醬更添風味。豬雜招牌菜有豬紅韭菜、豬腸及豬肚，豬腸洗得乾淨無異味。煎韭菜餃自家制的韭菜餃，即叫即煎，煎至兩面金黃香脆，韭菜餡料肉汁豐富。…查看更多

在元朗開心廣場隔離有一間好新的小食店，叫大四囍，裝修有懷舊feel，印著友愛邨走鬼檔。.食小食當下午茶是最正的，當中鐵板燒好叫，即叫即燒，燒板風味夠香夠熱！鐵板雞翼尖$20，份量都好多，仲可以加咖哩汁，好惹味。香煎韭菜餃$20 6隻好抵食，每隻都好足料，食得飽可以當lunch，煎到外皮香脆，韭菜味好出。司華力腸 $16，平時是成條咬，今次切好一塊塊，食得好文雅。新鮮豬雜 - 嘩嘩嘩好正，豬大腸豬肚豆卜韭菜，新鮮好食又大碗。碗仔翅 / 生菜魚肉 - 同樣是足料，而且店舖有秘制醬，味道不錯。年輕人創業，支持支持。…查看更多

放工經過元朗廣場諗住去買m記，無意中發現驚喜，以前90年代回憶返番黎，每逢夜晚响巴士站擺友愛邨走鬼檔，韮菜豬紅豬腸豬肚蘿蔔豬皮豆卜，落d炸蒜蓉、辣菜鋪 ,鐵板炒雞翼尖落d辣粉、沙嗲醬汁，買外賣返去試下。倾談中得知舖頭開左一星期左右，原來真糸以前熟悉嘅友愛走鬼檔，擺位置响边有d乜都起，失去的兒時回憶味道即時返番黎，真好開心，回家食之後，連我囡都鐘意食，同我媽提起，佢都話要食叫我買俾佢食，好好仍保持當年水準，好好味😋，我諗成日收工会經過又住元朗，一定心郁郁要買黎食😄。舖位唔算大夠做外賣，冇堂食位，佢剛剛開一星期左右，我諗生意做穩定可以擴大做埋堂食就更好。…查看更多

行開元朗廣場又肚餓就搵野食啦，見到新開，門面又好有特色（友愛邨走鬼檔！？）就試下佢！碗仔翅係好足料的，唔洗加胡椒粉同醋都好食，食落偏向甜味的🤩。呢個韭菜餃雖然我影得唔好睇，但真心都係好食lol 煎到好熱同脆口，食落係會想再食多舊嘅🥰呢個豬雜！都好推薦！蘿蔔冇渣，豬腸洗得乾淨，最緊要係加菜圃！加左兩大匙羹辣菜圃，辣到我到依家都好掛住兜野🤪整體就我偏向都係覺得好食嘅，行開都可以試下。鋪頭入面啲人都好nice, 會有下次幫襯！…查看更多