大嘴巴

營業中

休息中

得知長沙灣東沙島街有間新張既川粵菜館，今日就即刻去探店試一試。午餐時份到店，都八成滿座，坐低望一望個餐牌，有咖喱，有水煮，有炒粉麵飯，今日口淡淡，想食辣，就一於點咗個川香重慶麻辣水煮牛肉飯。不一會就上餐，水煮牛肉份量算多，有芽菜，雲耳，薯粉，牛肉同埋芫茜，辣度算是中辣，個汁好下飯，牛肉嫰滑好味道，整體滿意。口味：🥚🥚🥚环境：🥚🥚🥚🥚服务：🥚🥚🥚🥚性价比：🥚🥚🥚

今日lunch行過食咗佢嘅蓮藕肉餅飯，好驚喜佢哋做法好似媽咪煮嘅一樣。佢唔係嗰一隻好多油搓咗一個波，就可以好脆嗰隻，通常街道係好濃味同鹹。佢嘅整法係好似屋企少油少鹽，味道啱啱好嗰隻，食完唔會覺得好鹹同埋好油膩。好惹味好濃味嗰啲唔難搵到，但係整到好似屋企嘅做法，真係好少有。我朋友就食咗蒸水蛋，佢嘅意見都同我差唔多，佢整法係好似屋企咁樣，蒸水蛋超級滑。餐廳整到好似喺屋企咁好味，我覺得值得大家去試吓。 👍👍👍👍Lunch $55都幾抵食

呢間小店月頭開，試過佢個茶餐廳早餐都覺得唔錯，所以今晚決定同幾個friend試下晚餐。佢個麻婆豆腐有四川風味，同其他地方有啲唔一樣，蒸魚就中規中矩，我見隔離台啲鑊氣小炒好鬼死香，不過三個人去，三個餸三大碗飯仲有例湯送，再加埋杯凍飲。飽到再嗌唔到其他食物，我都係住附近

今日放假去左長沙灣果邊探朋友，咁傾完之後都差不多6點幾，朋友就建議一齊食埋飯，佢話樓下有間新開小炒都不錯的，有水準，於是就試試啦！入到去地方都舒服，侍應都有禮貌嘅，我地3個人就點左以下菜式啦！首先係土魷蒸肉餅，感覺上豬肉都係新鮮嘅，有豬肉香味，份量都夠大，而且蒸嘅時間剛剛好，口感一流。之後係我最愛嘅沙薑雞，雞肉非常滑，而且雞肉夠味，個人覺得唔洗點個醬汁就已經好夠味道，另外隻雞唔係好肥，都唔錯。最後就係叫個菜，金銀蛋菜心，中規中矩，菜心唔老。最後我地一行3人都清晒整枱嘅餸了，好滿意，會再幫襯。

經過呢間新開冰室2 次決定入去試一試啦, 冰室環境乾淨企理,好光猛既. 當晚唔需要等候入座. 目測都坐左2/3 客. 店員有禮貌,一 入去就遞水. 咁先係我覺得茶記/ 冰室既風味,唔係下下QR Code 自助落單. 都係鍾意呢種風味. 2人入去試左3 款小菜, 賣相唔錯,估唔到冰室都有咁既質素. 個水煮牛肉賣相好靚👍 最驚喜係個炸鮮魷, 見佢色水唔算太深,以為會無咩味, 味道反而有驚喜,要俾個質. 個豆腐就有家既感覺,味道適中，唔會太鹹太濃. 下次會試埋其他小菜，有個新飯堂

鹿茸菌柚子蜜蝦球 (食食吓先記得影😅)菌脆蝦彈牙，柚子蜜甜酸醒胃，炸完唔油膩仲有果香尾韻！ 酸菜魚魚片滑過豆腐，薯粉索晒酸辣湯底 ，食到鼻尖出汗海山骨蝦醬醃排骨炸到金黃爆脆，鹹香入肉仲有汁，邪惡但停唔到手，食完先算啦😅XO醬翠玉瓜炒豬面青鑊氣十足，豬面珠墩肉嫩，XO醬炒舊惹味楊州炒飯乾身唔油兼粒粒彈牙，平凡中見功力！ 冰凍藍妹配雪凍嘅戰鬥碗冇得輸🍻聽店員講原來佢地最出名係風沙雞同花膠雞煲翅，唯有返嚟再試吓4個餸+炒飯+啤酒 人均唔使$90，冷氣夠侍應服務好👍🏻