大叻越南牛肉粉餐廳 (書局街)

營業中

休息中

-介紹給大家小編的日常飯堂😛Menu 午市下午茶晚市都一樣亦有幾個套餐可以揀 -🔸炭燒豬頸肉撈檬 $46 (下午茶價錢)豬頸肉有驚喜🤩每塊豬頸肉厚肉之餘🐖份量也頗多附上的汁好有東南亞嘅風味🌺檬粉配上酸酸甜甜嘅汁(橙色嗰啲)超開胃🤗 +$2 熱飲☕️+$4 凍飲🍹

這晚行到北角書局街，看到「大叻」，就回想起幾年前朋友帶我去過位於鰂魚涌的同名小店，那兒的炭燒香茅豬扒及鷄扒都非常出色，今天難得路過覓食，又怎會放過重拾美好回憶的大好機會？！這天看到晚市一人餐有我想吃的名物，二話不說就點了「炭燒香茅豬扒飯」。套餐$57還包括越式春卷小食及飲品。以晚餐價格來說，比起一般快餐店晚市套餐還要抵！豬扒上碟時剪成長條形，方便進食，份量看上去亦頗多。豬扒烙有炭燒坑紋，入口有淡淡的炭燒味，香茅燒汁配合得宜，整體好吃！春卷亦爽脆好吃！誠意之作！

朋友勁讚呢間餐廳既炭燒豬扒, 話勁好味咁話. 今日食左又確係唔錯喎! 豬扒燒得好靚, 一d 都唔燶, 而且醃得夠味, 好香口 !!份量唔少, 都好多件架, 價錢合理!

本身覺得呢間野個豬頸肉飯幾大份幾好食，今日夜晚去食叫個烤豬肉飯試下，個短頭髮阿姐聽到我叫豬肉扮聽錯豬扒，我重複一次佢竟然係到冷笑，我心諗食豬肉有幾出奇？係咪一定要叫豬扒？之後埋單個時明明餐牌寫50$，佢話收57$，我好聲好氣問咗句唔係50$咩，佢勁寸咁攞另一份寫明晚市嘅餐牌比我睇，繼續好寸咁話：「邊度有寫五十蚊？」但明明佢比我個份menu就係寫五十！講翻個豬肉飯，燶嘅位唔少，味道一般，份量正常。不過個阿姐咁嘅態度比我真係無下次

呢間野，唔好睇佢細細間，食過你就知。事先聲明，入面坐就一般，未必係撐台腳既地方，不過野食真係不得了，最重要係唔算貴。呢個就係我强烈推介既炭烤豬扒飯。燒到岩岩好，仲冇㞸燒個種香味，食落又熱又滑，係有少少鹹。另一個推薦係撈檬，呢個就比較standard，都好味。環境方面就一般，佢咁岩出面條街整路，而且夜晚佷冇好多垃圾桶等垃圾車黎收。。。聽聞個廚師係越南人，不過我就無去考究喇，香港人既我去到美國都唔會識椅燒味啦！咩人都好，好味就得～

食過鰂魚涌間大叻幾次，次次都係食炭燒香茅豬扒飯，同埋次次都係食晚餐。今日中午同朋友喺北角見到大叻，想試新野，所以叫炭燒香茅雞扒飯。一食不得了！好食過豬扒，雞皮燒到有燶邊，夠香脆，但又肉嫩，份量依然係大大份，午市套餐連野飲都係$46，雞扒多到食唔哂，底下仲有好多椰菜絲，真係好抵食！好過食越棧⋯朋友食生牛肉湯河，湯底好香，又多牛肉，又係抵食之選！黎大叻一定要食炭燒嘅野，炭燒香味好正👍🏻另外推介蒸粉包，好足料！

又係寒冷的一天好凍呀同事間話食呢間大叻越南嘢又問過我有冇食過我就話我食過啦呢間嘢好似仲有其他分店因為我記得我係旺角食過咁北角都有幾間食越南嘢普遍越南嘢難食有限味道都比較濃同香可能因為好多都用好多調味好似香茅 蔥油咁其實都幾邪惡咁我就叫左個炭燒香茅豬扒飯香茅味唔算濃豬扒都算幾多幾大塊食落有蔥油味蔥油唔算太勁所以個飯都唔會太濕食落味道都唔錯嘅個飯吸咗少少蔥油之後都幾惹檠每人都係四十八蚊跟杯熱飲價格都算平嘅

家住北角平靚正的食店選擇算是多，這次介紹的「大叻」是越式，推介一人餐，55蚊有六款可選我最喜歡吃A.扎肉雞絲河，雞絲好入味，似海南雞的雞肉；河粉份量充足再加上兩件好好味的絲網春卷，滿足！套餐包港式熱飲，加$6可轉特飲（我選了青檸梳打），抵食！

地點非常鄰近北角地鐵站的一家小店光顧那天是星期五約7時,客人不多,座位亦算寬敞生牛肉河足料,牛肉夠生,河粉軟滑,湯底亦不俗👍加8蚊叫了一杯龍眼冰,甜度適中,龍眼爽口清甜~

入題，食物唔係差，但服務完全唔得。有個唔知係店主定員工，女人來，日日係自己鋪頭門口食菸。痴線！外賣慢到死。的確食物係唔差，不過味道濃左d。但服務真係要改善下。最近一次叫外賣，鋪頭得2個人，客人又慢慢多，但裡面完全無視外面乜情況，我見d人開始躁自己行入去，要人自己汁飯盒，痴線！你起嘛講聲我地知乜事啦，又唔講句，問個食菸既女人又唔答咩事。前後總共等左成30分鐘，痴線，以後唔會在去。麻煩住北角既自己去留意下，睇下係咪有個店員成日係鋪頭門口食菸

午飯時間有套餐，由$48起，我叫了豬頸肉飯餐，$52，要了凍飲另加$3，好抵食。豬頸肉份量不少，肉質軟淋好味道 朋友叫了香茅豬扒飯，我試了一塊，有好香的炭燒味道，值得推介

好近北角地鐵站嘅一間越南野，不過門面唔算話好突出！12點幾去到唔算多人，舒舒服服咁幾好！今日我同朋友都係想食熱野，所以我哋兩個都係叫咗湯粉！Lunch黎講每人$50價錢唔算平，不過一試便知龍與鳳！湯底好正，夠濃味，飲咗好多都唔口渴！而且最重要嘅係，加左芫荽，小弟最愛，哈哈，加分！不過唔識芫荽嘅朋友要注意啦！分量大，料又多，相信男人食都夠飽！整體來講算係中上嘅越南粉！可一戰！下次可以去試佢嘅飯同埋撈mun!!

在北角書局街新開了這家越式小店，今天和同事食lunch, 聽聞這家唔錯，於是今日一試。價錢竟然lunch set 唔洗$50同事又想吃小吃及菜，於是我們都點了雞絲札肉河，一份香茅豬排（最後食唔晒要打包走 😜），上湯通菜（$15）。大大碗湯河到了，先飲啖湯，嘩，不得了，好好味，個湯鹹淡適中，個湯味道較得好好，飲完唔口渴，札肉厚切三片，又多雞絲。豬排好大碟，香茅醃入味，有D甜甜地，唔硬，juicy,好正！個菜好大碗，係綠色的通菜唔係淺色的水通菜。果然有警喜，又抵又好食！難怪要排隊。

夜晚同友人喺北角諗唔到食乜好，經過地鐵站附近見到有間新開嘅越南野，叫咗個炭燒豬頸肉飯，估唔到咁好食！個豬頸肉份量好多，有六七塊仲要件件都大大件，無諗過五十蚊都有咁大嘅份量！本身都係諗住食餐飯，但無諗過塊豬頸肉用炭燒燒過黎之後個皮好脆入面就好juicy！啲飯仲要配上菜莆同脆脆，真係好夾令到白飯都好好味！😛成碟飯好大碟一個女仔真係食唔晒😬晚餐五十幾蚊有份量十足嘅豬頸肉飯，仲要有個小食，加杯野飲，喺北角附近都真係好難搵到咁抵嘅晚餐😬

本身自己係唔係咁鍾意食越南野 但係同事想試所以就去試吓啦 叫咗個炭燒豬頸肉飯 其實其他人大部份都係食檬粉或者河粉 佢個炭燒豬頸肉好入味 雖然望落去乾乾地但係食落去完全唔乾 配飯啱啱好 下次會再嚟食過