大叻越南牛肉粉餐廳 (書局街)

營業中

休息中

係北角做野，朋友話附近有間隱世越南菜小店，宣傳以至門面一啲都唔起眼，但店內食物質素奇高！價錢仲係平民價，一個lunch set大約都係$50左右！。。🔘碳燒豬頸肉飯| $54評分: 🌕🌕🌕🌕🌕評語: 豬頸肉非常好食，比預期中更加出色。豬頸肉肉質鮮嫩，用上特製醬汁再加上用炭火燒過嘅豬頸肉做到外脆內軟，加上保留左少量嘅脂肪係表面，令口感以及味道都十分出色。沾上特別調配嘅辣汁，完全做到色香味俱全。。。🔘 生牛肉河粉 | $48評分: 🌕🌕🌕🌕🌗評語: 湯底好香，牛肉份量十足。雖然係平，但牛肉肉質都有一定水準，熱湯將生牛肉汆至謹熟，肉質依然保持幼嫩！。。🔻灣仔、鰂魚涌、北角、旺角都有🔻舖內座位有限🔻鄰近北角站，非常方便推介指數: ⭐️⭐️⭐️⭐️⭐️

夜晚九點左右黎食，唔洗等位，上菜都算快。叫左兩個一人餐，加多碟炸蝦餅，埋單$182。一人餐$60包兩條春卷同熱飲，價錢正常。叫左豬肉撈檬同扎肉雞絲湯河，兩樣都ok，間唔中轉下口味，家常便飯一餐都唔錯。

呢間鋪頭喺唔起眼嘅巷仔入面雖然唔算好大間但係有室外露天茶座所以都容納到幾多人㗎我最鍾意食佢哋嘅炭燒雞扒飯佢哋嘅雞扒真係炭燒而成而且份量好多非常之邪惡雞扒醃得好入味燒到勁香飯面再加啲蔥油真係好吸引㗎燒豬頸肉都係另一個受歡迎菜式我同朋友都好鍾意食因為佢又香又滑呢度嘅越南粉都非常之出名湯底好香而且食完會好飽性價比好高㗎佢哋可以嗌少飯㗎對我嚟講叫少飯已經非常之飽雖然呢度衛生唔算好好但係因為太好食所以我都成日嚟

特別推介：炭燒香茅雞扒飯​午市套餐送熱飲​超勁炭燒味，雞肉好嫩，燒得好好唔會太乾​唔食雞皮既我都覺得好好味！​個底仲有好多菜架超大份，大件夾抵食​加埋個豬頸肉汁撈飯一流😋​​

Under recent circumstances, not much people dare eating outsides, and we seem booking the whole restaurant cause no one else eating in the shop lolGrilled lemograss Porkchop with rice is pretty good, serving with many cabbages insides lol, do like the grilled pork, tender pork texture with yummy seasonings, heard that they really cooking in charcoal styledCold Vermicelli with grilled lemograss chicken is delicious too, cause just ate something before the dish, i want something appetizing and ord

本身想食隔離海南雞但人太多就改食呢間叫左兩碗粉一個小食～越南火車頭牛肉粉（生熟牛肉、牛腩、牛筋、牛柏葉、牛丸）可轉檬粉～生牛肉牛腩河粉配料同粉嘅分量都好多但有同一致命傷個湯底太咸我『筆』走左兩碗仔湯再加一杯熱水都仲係好咸飲完成杯檸茶都仲係好口渴同左店員講如果冇咁咸就好啦店員都即刻同廚房反應返另外仲叫左炸蝦餅呢個就好食得多四件蝦餅都大大塊咬落幾彈牙性價比都幾高如果湯底有改善（冇咁咸）的話都會去再食多次

幾日前去堂食，個身影龐大ge樓面黑口黑面態度差就算，一忙起黎仲會碎碎講粗口，啲粗口大家唔使講睇嘴型都知個肥婆鬧啲咩喇！去消費仲要俾人用粗口問候長輩，只要個黑面神仲係間公司做，唔會再去。

在這疫情時間，所有食肆生意都很差，打算支持一下小店，所以去了這家小店一試。一入去肥阿姨/阿姐（其實年紀唔大）就問「食咩？」大佬我一拎起菜牌就問，你呢度又唔係賣燒味咁簡單易揀。點了個炭燒豬頸肉撈檬 熱華田，「無華田 奶茶咖啡檸茶檸水」有無咁窄呀你啲種類。很快到 賣相不錯 吃下去味道也不錯 豬頸肉真的有焦香味 有少少燶（炭燒應都這樣吧）我不會扮是否炭燒 但確實燒得不錯吃。後面來一枱好像母子 點菜比較猶豫 邊點邊討論 點了檬後再點了幾様東西 最後講 那個檬走葱... 「下次有要求就一次過講」哇..咩服務態度呀？ 人地唔係講完個柯打，再叫你番黎加要求喎... 我做路人都覺得唔合理啦⋯⋯但母子無出聲。旁邊來一個阿婆 點菜依依呀呀 點很慢，心唸阿婆會否被罵...又好彩肥姐有啲良心... 後來阿婆話 「杯可樂唔好幫我開 我拎走返屋企」...肥姐同廚人房講 又竟然佢好似對呢位老人家寬容少少喎。後來聽母子問可否拎杯熱水 因為個濛既湯好咸。阿婆都搭咀話 係呀 好咸呀 我都要杯水 （好彩我食撈檬...）整體而言，這撈檬的配料不是特別好吃，我印象中好似無花生或無乜花生，而我愛撈檬其一原因是配花生好好吃。炭燒肉

聽朋友介紹呢間大叻雞扒好好食，今日同老公黎試下。午餐有9款選擇，介乎$48-54，並包括飲品。我點左香茅雞扒和豬扒飯。香茅雞扒飯~雞皮好薄好滑，雞肉鮮嫩，香茅味唔太出色香茅豬扒飯~好有炭燒味的豬扒，不會太乾或鞋，白飯上加了蔥油和乾蒜絲最啱餸飯😋😋

之前食過鰂魚涌分店，已經覺得好特別，今次經過北角就再試吓佢啦我哋三個人一人叫咗一個餐，分別叫咗覺得好好味嘅炭燒雞扒同炭燒豬扒飯！ 一上菜已經聞到陣陣嘅炭香味，好似平時喺街度食到嘅燒串燒咁~ 雞扒好嫩，面頭又有啲蔥同炸蒜頭，配飯一流！今次食豬扒就覺得略為un咗啲，一咬就有少少黐牙嘅感覺，不過個味道係真係好好茄湯嘅牛坑腩就不過不失啦，牛坑腩係幾出色嘅，淋得來又唔會散開晒，番茄湯就普通~但係呢間野我一定會返到去食個炭燒雞扒

今日又要去北角醫肚，一於試下呢間越南野鍾意食撈檬的我決定叫C餐炭燒豬肉撈檬 $57佢以上所有晚餐都附送絲網春卷，絲網春卷幾出色，料多，絲網好簿好脆，又唔會太油炭燒豬肉都好出色，有炭燒果種特色香味，豬肉肥瘦岩岩好，油份都岩岩好，份量比平時第二度黎講算多，你見佢幾乎鋪滿曬咁，超值💪🏻而我覺得最出色係佢個撈檬汁，大家記得記得，要搖勻先好倒，唔係就只係得最面最堆酸味，佢個汁真係算食過咁多間入面中上❗️❗️CP值超高

成日幫襯 最鍾意食呢到嘅扎肉雞絲撈檬 扎肉燒過之後好香好好味 大大碗50蚊有找真係好抵食😍雞扒飯同串燒都幾好食👍👍不過服務態度可以再好d 伙記有時會大大聲喝客人😵

午市書局街真係好多選擇越南野都有幾間可以揀今次揀左大叻越南牛肉粉餐廳👍午市主要係撈檬同飯餐兩樣河粉好似有一款今次我揀左個炭燒豬頸肉飯@$54😚豬頸肉燒得好靚 肥瘦適中配埋香蔥燒汁 完美配搭😗飯份量好多 而且煲得岩岩好😎 係我鍾意既硬飯最正係飯上面加左d蒜片同香草 令成個飯更加香氣爆棚🙌同事就揀左雞翼同炭燒豬扒雙拼飯 價錢一樣但肉既份量就多好多 係幾抵食😂😂豬扒好厚身 肉質鬆軟😋 十分推薦

一直聽說北角有很多美食，各大少餐廳、不同類型的食物都很吸引，這次便來試試這間越南餐廳。一進去，幸好不用等位，迫迫地都有地方坐，店員雖不是特別親切，但態度還好，挺helpful。望一望餐牌，我們很快便決定了直接點晚市二人餐，不用想來想去，看到二人餐總共 $180，都好多野食，很豐富～在二人餐裡，點了聽聞是很好味的炭燒雞扒飯和炭燒豬扒飯，另外還有越南炸蝦餅、春卷，馬拉盞炒通菜，另外包兩杯港式茶餐廳飲品，感覺很抵食～ 而且每碟的份量都好足料，我相信兩個大男人來吃的話，都應該會很夠飽！越南炸蝦餅、春卷，配埋醬汁，很香口～馬拉盞炒通菜，軟硬度炒得剛剛好，而且醬汁很好味，不知不覺便愈食愈多～ 不過菜多吃也無妨～炭燒豬扒飯（不知為何相片調轉了，但不能轉回正常角度）炭燒雞扒飯炭燒過後的扒肉很香，吃進去有一陣炭燒味，加上醬汁的味道，很喜歡，而且扒好大塊！啖啖肉～ 飯上面加上那些配料，也令白飯都變得特別，整體都是很不錯！不過可能因為份量太多，也有少許油膩，所以吃完後真的很飽😂 不能餐餐吃，但間中一次也無妨！

食過兩次，第二次忘了之前的教訓再次叫了碗牛肉麵，咸到完全吃不了第二口，最后要求加水，倒一半加一半清水還是入不了口，只好買單去下一家覓食以防下一次忘了再次中招，特意記下好提醒自己