多彩皇宮

今日同老友記👵🏻👨🏼‍🦳去深水埗布行掃貨😁行到攰攰哋老友記👵🏻突然諗起街坊大力推薦嘅 #多彩皇宮酒樓！講到咁有港式情懷😆一於拉大隊去試吓～多彩皇宮酒樓自1998年紮根石硤尾🥢呢間酒樓一直堅持傳統粵菜同手工點心🥧可以話係承載咗唔少老香港嘅味道同回憶💕位置都好方便🚉港鐵石硤尾站 A 出口行5分鐘就到～酒樓主打即叫即蒸點心🥟用料新鮮仲有晚市小菜同宴席套餐👍🏻樣樣都係用心製作今次我哋試咗幾款人氣之選✨ 多彩蝦餃皇 - 蝦肉爽口彈牙🦐皮薄餡靓，一啖一粒超滿足！✨ 酥皮叉燒包 - 熱辣辣，外皮鬆化🐽叉烧餡香濃又多汁，必點！✨ 脆皮燒乳鴿 - 皮脆肉嫩🐦鴿肉juicy，蘸少少淮鹽更滋味✨ 至尊燒鵝皇（半隻） - 燒鵝皮脆油香🪿肉質嫩滑，蘸酸梅醬超正！ ✨ 椰皇燉鮮奶 - 燉得滑溜🥥椰香同奶香完美結合，飯後一流～✨椒鹽魷魚鬚 - 酥脆嫩滑，椒鹽香口，咬落彈牙，必試之選！✨ 午市孖寶 $168 超抵食：● 鹵水鵝掌翼 - 滷水入味🪿口感軟腍又帶點嚼勁● 薑蔥牛柏葉 - 牛柏葉爽脆，薑蔥爆香好惹味 ● 石窩福建海鮮炒飯 - 炒飯夠鑊氣，海鮮料足，石窩上熱辣辣●黑糖薑汁糕 - 薑味濃而不辣🫚黑糖香甜，口感煙韌每樣都充滿傳統風味😌尤其係個脆皮燒乳鴿同燒鵝皇，皮脆肉嫩！👍 …查看更多

走進石硤尾這間開了三十多年的老字號。推開玻璃門的瞬間，撲面而來的是蒸籠的熱氣與老茶客的談笑聲，那種熟悉的市井氣息立刻將人包裹。我們點了幾樣經典：蝦餃晶瑩剔透，透出粉橘色蝦仁輪廓，輕咬下去薄如蟬翼的澄皮竟能兜住滿滿鮮蝦，彈牙之餘還嚐到竹筍的清脆。父親最愛的早晨孖寶（鳳爪排骨飯）用傳統鋁製飯兜盛裝，揭蓋時油香四溢，排骨醃得入味又不失嚼勁，鳳爪膠質全融進吸飽醬汁的米飯裡。特別驚喜是鮮竹卷，腐皮裹著木耳絲、胡蘿蔔和豬肉碎，淋上蠔油芡汁，$38的價錢已經有飯有餸，咬開時餡料還冒著燙嘴的熱氣。炸魷魚鬚絕對是隱藏招牌，金黃酥脆的外衣輕若無物，裡面的魷魚仍保持溏心般的嫩度，撒上淮鹽與辣椒粉，配著鐵觀音正好解膩。只是吃到一半想加壺水時，發現樓面阿姨要照顧全場四十多桌客人，舉手十分鐘才有人應。上菜節奏也明顯受影響離席時經過開放式廚房，瞥見老師傅青筋凸起的手正飛快捏著燒賣，旁邊年輕學徒滿頭大汗地搬蒸籠。這種人力吃緊卻堅持手工的困境，或許正是老茶樓漸凋零的縮影。希望繼續保持水準及增加人手——讓這個街坊最腳的好地方，一直流傳下去…查看更多

7月1日去買燒肉飯，斬完之後，阿叔同後邊個樓面阿姐話講，話啲燒肉唔靚，叫啲熟客唔好買。我都心感不妙了，諗住阿叔斬好哂唔好意思退。但返到屋企一打開盒飯，啲燒肉又霉又散。於是今日拎去換，見到入面兩男一女七嘴八舌，好話我唔係買燒腩，所以啲燒肉就係咁，另一個男人就話，你唔尋日拎嚟換？大哥，唔係個個都住隔離座咁近架！ 另外個女人就喺度口噏噏，話而家斬過盒叉燒飯比你，叉燒比多左你架啦！其實，我買左盒臭，肉又散既燒肉飯，係咪我係受害人呢？俾錢，仲要受氣？燒肉飯$37, 叉燒飯$27,我問師父我而家要翻盒叉燒飯算，你退番$10比我，佢地3個不停迫我要雙拼，最後我話叉燒你斬多少少比我算，唔洗你退錢。因為我其實唔舒服，唔想同佢地理論。事後打電話落去同經理講返個情況，其實而家香港市道已經好差，個個北上消費飲食，香港舖頭執得一間得一間。可唔可以唔好咁對消費者？而間酒樓係比員工拖累，唔會再幫襯！…查看更多

想去嘅餐廳冇開門，就去咗附近嘅茶樓望下，點知勁多人等位，行遠少少去到石硤尾嘅多彩皇宮，ok喎，直入唔使等。諗住叫下午茶特價嘅孖寶點心，但枱面得一張過咗膠嘅點心紙，問店員係咪直接寫上去，有冇marker pen？店員話可以喺張吉紙寫低想叫嘅點心號碼，正當我哋睇緊叫咩點心嘅時候，佢轉頭就拎咗張qr code過嚟叫我哋要掃code落單，仲熱心教我哋個code點用添，而家啲茶樓請到啲後生少少嘅夥記，態度又好嘅真係好難得，見到佢咁熱情，真係有啲感動。⭐香煎蝦米腸幾好喎，條條都煎到脆口，有用心煎。⭐煎釀茄子而家買少見少嘅雙層茄子釀魚肉，茄子半煎炸香脆多汁，件件都大大舊，好抵食👍⭐潮州蒸粉果隻隻飽滿嘅潮州粉果，入面粉葛、芫茜、蝦米、豬肉碎、花生等樣樣都齊，調味仲唔錯添。⭐千層馬拉糕呢個失色少少，馬拉糕鬆軟嘅，但甜度同鹹度都唔夠，鹹蛋黃落得少，略淡口。加一加茶錢，人均60蚊抵，飲啦。…查看更多

好耐未食過咁難食嘅一餐 燻蹄不新鮮 啲肉好似擺咗好耐咁 濕炒牛河勁難食 個汁甜甜地 啲粉又冇味 食到一半係想放棄 不如去過第間食 啲嘢難食到一個點 唔明點解仲有咁多人幫襯 應該被淘汰的食肆 🤢…查看更多

今日朋友相約到石硤尾多彩酒家飲下午茶，其實一般舊式茶樓，都冇乜嘢好講， 點心一般，服務一般，都習以為常 。其後有朋友失約，叫侍應改茶位， 三催四請 佢都係 掛住同人傾計， 而家香港啲茶樓門堪羅雀點解仲係咁嘅服務態度， 同埋茶樓不嬲畀我哋啲氣氛都係嘈喧巴閉，個個客人傾計， 咁去飲茶梗係傾計啦，唔係飲茶做乜啫 。但係呢間茶樓係嗰啲員工傾計，仲大聲過 客人傾計。 今日仲好運氣 ，撞到有個員工 久唔久會大嗌一聲， 嚇到我次次個心都痛一痛， 如果我心臟有事應該死咗 ， 佢可以每一次同啲同事傾計都係尖叫一聲，認真要命。…查看更多

與朋友們飲茶，時間下午12點半多，叫了一個午茶市三寶，兩個午市椰皇+點心孖寶，幾個點心，干炒牛河(牛肉略為差些), 其他味道好好，尤其是陳醋拍青瓜(朋友喜歡到汁液都要吃哂)！…查看更多

今日晚上到石硤尾多彩皇宮買外賣其中一個餸叫左沙津炸蝦條我返到屋企打開先見到原來係吉列蝦之後我即刻打電話去多彩皇宮「我叫沙津炸蝦條，唔係吉列蝦」（我）「沙津醬炸唔到嫁，呢味餸係比你返屋企點沙津醬」（男職員）「咁你至少都跟盒沙律醬比我，你連沙津醬都冇，咁都叫沙津炸蝦條？」（我）「小（粗口）！」（男職員）之後佢直接cut我線唉，比錢買難受，仲要比人粗口問候🤦🏼‍♀️十分無奈，呃人呃到咁，服務態度仲差…查看更多

我今日約同好友去行山，順道去位於石硤尾南昌街美彩樓地下的多彩皇宮食晚飯。環境寬敞舒適。我點左鴻運燒味拼盆、黃金蜜桃帶子卷、珍菌雲耳浸時蔬及奶黃千層糕。黃金帶子卷炸得金黃脆口，時蔬是小白菜，材料新鮮豐富，千層糕好味又好食。…查看更多

不快的經歷，今天到此酒家飲茶，已取不搭枱飛，知客小姐安排我到房坐，坐低後，有個侍應話張枱有人，叫我去入面間房個死角位，ok算我照去，去到又話張枱有人，我去時，根本2張枱都無人，擺明係留比自己友，我唔理照坐番之前張枱，侍應不斷叫我起身話有人，又叫我出去大聽搭枱，我攞張飛明明係不搭枱，佢之後叫我再等，等有人走，有無攪錯，出面知客小姐叫我入黎，你D枱就留比熟客仲要態度勁差，已向經理投訴，希望真係會跟進，唔係是但敷衍我:(，原本食物質素ok，但服務操守/態度差劣，真係唔敢再去…查看更多

朋友哋，今日來到咗一家間餐廳，肚仔餓到嘈咗，食咗一餐又正又親民嘅晚餐，一於同大家嚟個輕鬆食評🍴！首先，佢哋個海鮮湯🍲，湯底鮮味濃郁，同海鮮一齊煲，飲落去爽口得滯，啲海鮮又新鮮，啖啖肉感，正！跟住食咗埋個肉醬意粉🍝，肉醬好夠味，似係啱啱煮咁，啲意粉Q彈彈，肉醬潤澤得嚟唔會太稠，啖啖肉粒都嗌得叫嚟。食物之餘，舊陣間餐廳嘅服務都好得意，店家熱情，上菜快手快腳，一家大細食得開心，肚皮飽满之餘，口福都滿滿。而家啲快餐店同連鎖餐廳成日都喺度流水作業，食物難免會機械化少少，呢度卻仲保持緊小店嗰份用心同溫暖，真係值得再嚟！啲甜品🍰就更加唔使講，啱啱好嘅甜度，糖漿味道得嚟又唔膩口，個蛋糕鬆軟，內裡夾雜住果粒，啖啖驚喜。傾盡心思嘅甜蜜句點，正好為呢一餐畫上完美嘅句號！總而言之，今次嘅食驗完全過咗癮，你哋有時間都可以嚟試下，不過記得提早訂枱喇，唔係咁容易有位！哩家真係吃得掂嘅好去處，食客們可以放心大膽嚟一試！👍👍👍…查看更多

明人不做暗事！Dog Gor 不說假話！而且筆者向來 "手鬆" , 能夠給「負評」的，一定係大中伏，超雞吃 ....燒味拼盤：冇料到，叉燒好硬，油雞又乾又嚡，完全不好吃 ~炸子雞：這個還算可以，皮都夠脆，但肉質就不算嫩滑，吃起上來味道不算好，但都過得去 ~蒸沙巴龍躉仔：邁相不討好，魚有魚味，但是蒸得過了火，肉質很嚡口，合格但不好吃 ~冬菇海參時蔬：不提也罷，完全水汪汪的，海參沒有味道，冬菇也不入味，完全不合格 ~乾燒伊麵：煮得過了火，伊麵碎濕濕，散修修的，腍-bee-bee, 口感和味道兩者都欠奉，不合格 ~本篇完 ~…查看更多

點心味道和食物質素很好，款式多樣，待應有禮貌，奈何有點人手不足。每款點心都新鮮美味，讓人回味無窮。此外，待應總是熱情友善，讓用餐體驗更加愉快。酒樓的環境光猛，充滿著舒適的氣氛。總結來說，這家酒樓擁有出色的食物質素，是值得推薦的！…查看更多

再返嚟食圍餐係上次同朋友嚟食過覺得味道好性價比亦非常高，所以先再book 圍餐。要等30分鐘純粹係我哋早咗到又唔記得通知酒樓啫，唔係佢哋嘅問題。上菜都係兩個字：大碟！味道係正常路線，難得係粟米魚肚羹唔會一pat漿，係會再添多碗嗰隻。菠蘿生炒骨啲菠蘿亦都冇留手落咗好多，唔使爭食。係燒肉同貴妃雞鹹咗少少，同埋個甜品紅豆沙稀咗啲，明顯係煲完唔夠貨再加咗都幾多水嗰啲，不過咁都食得出陳皮味，呢個係驚艷嘅。二千幾蚊一圍全包都食到打晒包返去，性價比冇得彈啦。…查看更多

飲茶推介🫖今次就去左石硤尾嘅多彩皇宮食下午茶🕑 (兩點入座) 早幾年都仲係人手落單嗌野食既 但依家已經變曬手機落單🤳 仲有啲唔識行路既送餐機 但都仲係好好食🫖🫖🫖🫖鮮蝦炸雲吞個皮真係好脆 好脆 好脆 重要野要講三次舊蝦都好香 個汁酸酸甜甜 點左仲更加好食叉燒飯🍚本人鍾意食半肥瘦 但唔記得嗌不過黎到都好好食蜜汁好香 食完想嗌多碗鮮竹牛肉球好大粒 好多汁 仲有馬蹄同蔥 令到個口感更加豐富 又嫩滑又爽口燒賣皇用料紮實 蝦肉都好出味 口感又濕潤又彈牙 好香豬油味仲有好多粒🙆🏻鍾意就咁食🙆🏻‍♀️鍾意點埋炸雲吞既甜酸醬食香煎甜薄餅係七八十年代📼既常見既酒樓點心熱辣辣既薄罉 口感香脆又軟熟 包住椰絲花生芝麻同白糖非常之回味…查看更多