多多餅店

營業中

休息中

碎蛋沙律包>>$6 一大個包入面既碎蛋沙律好好味,不過d麵包好甜唔太仲意~~

係美孚落車，買完包先返屋企。碎蛋沙律包：蛋沙律好食，有好多蛋白，但質地較稀，杰身多少少會更好，包係甜身果種，好軟熟，裡面仲有生菜同幾片蕃茄，兩樣都新鮮。葡撻：拿到返屋企都仲熱，蛋漿好香好滑好甜，外皮亦做得脆口，絕對好過ｋｆｃ。

At seven o'Kwok之前, 先返屋企取回門票, 於是一家人又可以一齊晚飯.六期那家的麵包係陪著我成長的, 這邊的一家比較少來的. 跟連鎖快餐店近似的安排, 先購票, 等叫號碼再自行去取食物. 環境就普通.要了四樣食物分吃.咖哩滑雞$30: 5分, 雞肉偏老同實. 咖哩不太入味, 也不辣, 薯仔就幾好送飯.蝦醬通菜牛肉$33: 5分, 係見到成個碟水水的, 炒得較濕也比較多油. 化學牛意料中事, 奇怪的係無乜蝦醬味.鹹魚雞粒豆腐煲$35: 6分, 比較好的一味, 送飯菜, 但係鹹魚同雞粒不太多, 基本上係大半煲都係大大件的豆腐.菜膽雞$35: 4分, 見人不少人客在吃著這一味, 又試試看. 等了好久先出現, 成個面都係油, 又係成個碟水水的, 比蝦醬通菜牛肉的賣相更加嚇人. 雞肉係隨意的切到好大舊, 同埋好老, 菜膽就無問題, 起碼唔老.水準真的一般, 係區內比較經濟的, 但係應該來吃麵包會好一點.

唔舒服早退，順便買埋飯返去食。要左個巴西雞扒飯跟洋蔥汁，賣相唔討好，飯略稔身，唔合口味，雞扒係雪雞，但皮煎得脆口，雞仲保持到少許肉汁，算係咁，而洋蔥汁就唔夠多，食左大半已經冇晒汁。兜番去另一邊既西餅部，買左＄１１曲奇，之前食過都唔錯，今次只要左牛油同咖啡味，兩樣既水準都穩定。咖啡曲奇有淡淡咖啡香，牛油曲奇就較好，因為牛油味夠濃，兩隻都係硬曲奇質地，食完唔太油膩，幾好。

其實吃過多多大部份o既麵包, 繼上幾次決定逢食評必加上照片後, 也必不得不為這裡添些photos...好，慢慢從頭再數一遍, 由小法包開始:小法包$2.8: 是我吃過最好吃o既法包；他不是傳統french baguette, 但像極了。表皮微微龜裂, 這是因為出爐後, 冷空氣和包裡面的熱空氣型成冷縮熱漲, 使麵包皮輕微收細。發酵得好的麵糰才有這效果o架。外脆內軟棉, 比traditional的重, 但多點質感呢。他有著一種讓我著迷的烘烤麵粉香。看看圖片都該知道他有多吸引吧?!什麼都不用塗，最間單最好!

正如陳真(以下發表者)所講,多多的葡撻真係正! 而且個底唔油先最得嘛! 奶味香得來唔羶,個皮很脆! 很久沒食了, 今天同事轉部門帶來葡撻,實在忍不住食咗二個,肥都要食啊! 正!仲比我發表咗呢度既鳯梨蛋糕好平又大件,比起美心抵好多呢! 只賣4蚊! 仲有盒仔裝住添播! 抵!同事還帶來曲奇, 也不錯,以咖啡味最香口,令人垂涎慾滴! $36/lb

近日聽到最古怪的名詞，是「舊式麵包」--是麵包太舊，麵包店太舊，抑或麵包的製法太舊？在港吃過的牛角包，大概有「牛油麵包類」（通常稱之為「舊式」）和「空酥入骨類」（通常稱之為「舊式之中比較新式的」）。初讀「羊角包」三字，只覺「古怪」二字；又見「羊角包」其形，如牛油麵包牛角包之列；再閱「花生．雞尾」的小字，最終想看看那葫蘆賣著什麼藥：不經意的一開，花生雞尾碎灑滿地--「爆料」是也。拾下「滄海遺珠」沾了一口：花生雞尾，如湯圓中的花生芝麻，只是乾身一點，細膩一點，香口一點。羊角的麵包呢，只不過是掩眼法下那只得0.5cm 厚的牛油麵包殼。（註：羊角包是一般牛角包的regular size）除了貪玩、抵食，畢竟戀上二十多年了，還有啥好狡辯？

先來半小時2on2，再來單挑1on1，小弟努力不懈，帶波殺敵，走籃遠射，獲得兩場勝利，經過如此激烈的球賽，累透了，懷著愉快的心情上巴士去。汗水尤如濤濤不絕的長汗，直下雪般潔白的校服恤衫，形成一道透明的牆，巴士的冷氣靜化了白恤衫，同時帶小弟墮進夢鄉。『起身啦細佬。』驚醒，司機伯伯的怒響領小弟回到現實，無奈的現實，小弟已身處尾站。既然來到美妥，倒不如到評語不錯的多多麵包西餅買個包吃，像傻瓜一樣的走呀走，小弟找到了。看看麵包種類，雙眼竟被普通極至的餐包吸引，光澤充足，金黃的外表，小小的包身，經過腦震盪後，這是個好包。中式餐包$2:8:餓極了，咬一口，牛油出奇突出，包身甜度足度，亦帶包香，相當不錯，論質感，包身軟鬆，包底不會犯餐包通用毛病－硬，What a pity，麵包皮較乾，為不包底不乾包面乾呢，只怪出爐過久的問題了，流量不多的餐包，此問題，避免不了。一邊咬包，一邊慢走回家，沿路欣賞山林境色，一樂也。PS:為何坐在巴士的椅上都這麼難抗入睡呢？原因只有一個，它比家中的多了搖床功能。PS:如果巴士司機沒喚醒小弟，小弟將有重回西環一劫。早已在年前因坐上層嘗過這劫了，感覺相當"不錯"。

黎多多最最主要係佢\既熱辣辣葡撻葡撻,焦糖味不重, 奶油味夠香皮夠脆就算攞左返屋企, 凍食,皮都一樣咁脆$12 三隻不過後面快餐\廳果度, 差!!

我足足等左9個字,等佢個雞尾包,買左個黎食,無得頂呀呀呀!個d阿姐叫我買多幾個,我想試下其他,點知有新鮮菠蘿包,食落去,包都ok,皮都ok,但係唔叫得好好味,所以大家最好都係食雞尾包!雞尾包點,無野講,服務好!

今天如舊地買我們的生命麵包（下午想清清地就一定預買幾個放在家當零食），有新出品就第一時間要試啦。芒果糯米磁：加了芒果汁的糯米皮煙煙韌韌，好軟糯，外面沾滿椰絲，口感配合得好正。餡是椰汁＋芒果汁＋粒粒芒果肉。果肉雖然不多，但配上香甜的椰汁和芒果汁，好fresh, 真的好好味道！$11/5個，它已成為我和老公的new favorite~芝士番茄蘑菇粟米包：好長的名字呀。包面是一塊半溶半焦的芝士，包身是一慣“多多質數“，軟軟熟熟。原來內餡就是用番茄醬加少許薯蓉和粒粒粟米，再夾幾片蘑菇，味道像極pizza! 初頭覺得配搭有點怪，但食落越覺好味！一口接一口，好快就把它燒滅了~ $4.5

好！今天我要來個長氣食評～長氣就是指一口氣例出我有史而來吃過的“多多“麵包．．（盡量list記得的啦~)經常來美孚，多多麵包跟快餐也是經常幫襯的。健康麥芽包：我最最最喜歡的麵包，喜歡的程度是我要買定一兩個回家然後放進冰箱frozen, 想吃就確保家裡“有貨”啦=P o非o非的，感覺好raw. 味道好輕微的甜，且吃得出一陣麥香。加上提子乾&合桃肉，口感好豐富，對我來說間直就是一種comfort food！！紙包蛋糕：好傳統，賣相和味道都一樣的perfect. 濃蛋香，甜甜的，質感好細密，但小小的不會覺得好飽肚，還有不會把口水吸乾呢！酥皮奶油包：大大塊的酥皮把正個包覆蓋。酥皮好香牛油味，他做得好薄，所以不會覺得好膩！裡面充滿了奶油custard餡，份量蠻多。少許vanilla味，甜度適中，好像在吃dessert呀!! 腸仔包：從來不會遍遍的賣相好有保證哦。麵包好滑，腸仔微咸，吃這個一定不會有錯。西包：西式麵包店除外，最接近正統西包就只多多能做到。不會像其他港式麵包鋪做得重擔擔，新鮮出爐時外皮極香脆，內裡軟熟，淨食根本什麼都不用塗。葡撻∕酥皮蛋撻：兩個同樣出色。蛋味夠濃，卻不會過甜。個人pr

初中年代其中一樣消閒活動,便是定期去美孚,打擾住在美孚的小學同學,世嘉五代PC Engine樣樣齊,每次吃的,不是在橋底掃街,就是去"多多"買麵包.時世轉易,人大了,友人幾年前已不再打機,橋底街檔消失了,"多多"麵包,仍然為眾美孚人服務.$4一個忌廉筒,喚起不少初中年代的回憶,外表你話似雪糕又得,似個號角,又得,更甚者,似昆虫.酥皮的外皮,包著沒有修飾過的忌廉,忌廉一味甜,有種純真,直率性的味道.在這個俗世洪流之下,純真,一早已消逝,唯有吃個忌廉筒,無聊冥想一番.

今天吃了一個薑葱雞飯，成$33，竟然無肶無胸無翼，只得雞頸、雞屁股和雞殼，僅餘的雞肉和燒腊舖買的沒分別。以後寧願到燒腊舖買$10盒的白切雞肶和义燒，不用等運到，才有肉食。

這裡的蛋白和庶糖蛋糕幾好味，又軟又不太甜，可惜每次都有蛋殼feel，破壞了美好的感覺，很可惜。