夏捌月 (已結業)

成日見有人排，今次咁啱有位，咪入去試吓lunch! 星期六都有lunch set, 價錢適中，都多選擇！Set包湯同嘢飲湯: 忌廉蘑菇粟米湯，同平時d蘑菇湯有d唔同，菇味唔重，粟米味岀d牛扒薯仔: 牛扒嗌7成，黎到有d過熟，好彩薄切，都唔算韌，食得落蘑菇燉飯：成粒大啡菇係面，個樣已經贏，飯粒都算軟硬適中，飯入面都有d雜菇，夠誠意嘢飲玻璃樽上，嗌咗朱古力同奶茶，其實味道無咩特別，都係正常朱古力同奶茶，只係玻璃樽好似感覺特別好味！總括黎講，嘢食正正常常，lunch 都平價抵食！

網上對這家食肆的評價，大多數是好評今天便抱著期待的心情前往餐廳的位置被不偏僻，只需要由地鐵閘口行走下來便到Order 了二人晚餐感覺像是連鎖快餐店的質素🤦🏻‍♀️Cp值很欠缺薯條是淋的蟹膏蟹粉飯有骨的至於牛排也是很普通埋單金額是573蚊溫馨一提，這間食肆需要用現金付款記得要帶備足夠現金要不，在場的服務員會用蠻大聲的音量（隔幾張檯）同你講：呢度唔收卡架總結服務態度一般用餐時間不足夠環境一般與網上評價有很大出入

我朋友之前食過，覺得好食就介紹我同我朋友，咁我哋入到去，就叫咗個豬肋骨，一個意粉同埋佢個出名嘅意大利燉飯。咁豬肋骨做得幾入味嘅，然之後意粉好似覺得太淋，質感可以再整番彈牙d，見現場好多人叫個燉飯，所以就叫咗個飯試下，但無乜驚喜，可能係自己期待過大。

先講個湯 又鹹又傑 完全飲唔落跟住個前菜 啲刺身 唔好食不特止 入面仲結緊冰 成陣雪味d 沙律得啲生菜 正常嘅沙律醬都冇 最正常就係個薯條 隔離啲雞脆又係勁鹹 食完都驚腎虧主菜終於出場 叫咗份五成熟嘅牛扒 一上枱 成塊扒成塊木板上面都係血 塊扒未砌都有血都唔知啲血邊度尼 食落口仲要係只得微暖 熱都稱唔上 我嗌嘅係燒汁 啲汁嘅味好奇怪都算 塊扒上面一粒粒黑色嗰啲 唔係黑椒 係 鑊撈成碟野唔係唔好食咁簡單 係唔敢食問下隔離枱啲意見係咪淨係我哋嗰塊咁樣 睇落冇我哋嗰塊咁嚴重 但隔離枱啲客都話d 扒一啲味都冇 我平時都唔係食開 好嘢嘅人 一定唔係我要求高同嫌三嫌四嘅問題囉 隔離枱两旁两對情侶 都係咁講好地地嘅情人節我可以嬲到喊咗出嚟六百幾蚊 話貴唔貴 話平都唔平呀唔期待佢好好食但都唔係畀啲咁嘅嘢人哋食呀化 極度失望 完全係浪費時間浪費金錢佢話換過畀我我都唔敢食啦咁都拎得上枱畀人食我點知你拎咗入去 再拎返出嚟畀啲咩我食呀 冇可能再對佢有信心囉 去唔去食自己諗啦 講完

這晚在家附近想找間像樣點的餐廳，結果真的讓我有點驚喜可愛的貓貓碟子。基整本上在餐牌上散叫加$20都可以變成餐，有湯有熱飲，加多$18湯可以加酥皮焗，羅宋湯酸酸甜甜的很開胃。蟹肉蟹膏幼意粉，每條意粉都沾有蟹膏汁，很香，味道甜甜的不錯！印尼沙嗲烤豬肋排伴燒菠蘿，這個超好食的，令我很驚喜！首先沙嗲令豬肋排非常惹味，豬肋排肉質軟而且多肉，旁邊的紫薯蓉天然的香味和甜味也好好食，最正的是燒菠蘿，食完肉之後作一個甜品來吃剛剛好，酸酸甜甜的解膩！非常好的配搭！飲品的凍檸茶不會太甜，兩杯的檸檬不會太澀，不錯。

搵好野食搵到去元朗，今次黎左「夏捌月」食lunch set! 係地鐵站出行5分鐘就到啦！今次友人與我揀左「慢烤帶骨肉眼牛扒」$238 同「燒脆皮春雞」配意粉$118，好耐冇食酥皮湯，就加左$18轉埋佢！肉眼牛扒超級大塊，大過我塊面也不誇張！選左7成熟，略熟了，下次選番5成好d! 配料也不馬虎，有紫薯蓉，脆薯角，瓜等！醬汁也好貼心，安排了另上！自己點幾多汁可以控制！脆皮燒雞，皮烤得脆卜卜的，也都好入味，咬入去仲有肉汁！好正！ 另配上意粉，意粉已經加入左creamy既白汁，不錯！飲料加左$3要左樽仔巧克力！好特別好濃朱古力味！我個邊就轉左茶飲，花香十足！

之前係荃灣試過名捌月，今日係元朗經過見到佢嘅另一間分店，所以決定入黎試下😋舖頭裏面依舊有好多Marvel’s 英雄系列嘅畫同埋擺設。餐廳唔係好大間，但係坐落都舒服。Lunch Set 都有好多唔同嘅選擇，好多睇落都唔錯！最後我叫左個「烤大啡菇牛肉芝士漢堡」，朋友就叫左「吉列芝士魚柳漢堡」。餐湯我地都叫左酥皮羅送湯。酥皮焗到好香，湯都好足料，有好多湯嘅配料食。烤大啡菇牛肉芝士漢堡：主菜我就叫左依個漢堡食。大啡菇個味好出，但牛肉就遜色少少。吉列芝士魚柳漢堡：朋友叫嘅漢堡，魚柳炸得唔錯，幾香口。薯角都食落唔太漏。樽仔奶茶&咖啡：嘢飲方面，依隻茶都係餐廳特色，味濃唔太甜，不錯！總括而言，餐廳環境不錯，食物價錢相宜，還可以。

今日囡囡考完試提早放學，囡囡想食西餐就帶咗佢去左屋企附近的西餐廳食個午餐門外的餐牌食物圖片非常吸引餐牌上有好多不同款式食物選擇，特飲等，最後我哋選擇咗午餐，價錢優惠抵食多選擇。🤤🤤🤤樽裝奶茶感覺幾特別，味道香濃幼滑，好好飲👍熱辣辣的忌廉粟米湯，超好味👍囡囡最愛食牛扒，七成熟剛剛好，肉質鮮嫩，入口即溶，擺盤十分精緻。吉列雙飛-吉列魚柳加吉列蠔，炸得脆卜卜，蠔肉一d都吾腥，十分爽口。意粉非常彈牙，配埋黑椒汁十分惹味🤤🤤🤤

居住係元朗多年，夏捌月呢間餐廳係我哋放假經常去食飯的地方，主要食物煮得好食，價錢合理。所以我同媽咪都經常在這裏食飯👌🏻地方雖然不大，但座得好舒服😌餐牌上無論午餐或晚餐都好豐富及好多選擇👍樽裝奶茶都是這間舖頭特色，茶味濃，奶好滑，超好飲👍熱洛神柚子蜜-酸酸甜甜，感覺好fresh,飲完好精神💪忌廉湯，材料十足，好creamy,好快就飲晒👍日式茄子牛柳粒飯-飯炒得粒粒分明，好有鑊氣，茄子好淋好入味，牛柳粒一d都吾鞋👍👍👍紐約客蒜泥牛扒-七成熟煎得剛剛好，肉質鮮嫩多汁，配埋黑椒汁好惹味，配飯一流😋😋😋

難得嚟到元朗， 見到呢間小店， 都好多 好評就試一試啦！！ 叫咗個鴛鴦魚焗意粉鴛鴦係指吞拿魚同埋魚柳 可惜嘅係， 成碟意粉熱度不足 ，唔係即叫即焗，只係微暖。 魚柳個炸粉略嫌太多， 皮 重多過啲肉 仲有餐湯，羅宋湯or忌廉湯我要咗個忌廉湯加酥皮，加多十八蚊， 雖然好貴 但因為我本人鍾意食，哈哈哈

三個人食晚飯 叫咗兩個餐已經好飽因為個豬手真係好大份 脆口得嚟啲又多肉 另外仲叫咗個啡菇意大利飯 真心推薦！有得加錢叫埋set有嘢飲又有湯 重點係元朗區價錢唔貴性價比高 下次會再幫襯！

二人晚餐。不是第一次吃當然是好味才再來吃啊。二人各選了鐵板晚餐，各有喜好但又可共享。湯、麵包、主菜、飲品、甜品。又不是太特別好味。但平凡也是福氣了。簡單吃，開心💕

二人餐👫 $498 好豐富四個人👭👭食二人餐加豬手都食唔哂整體質素都好好😋 下次帶👦🏻來先-黑毛豬火腿沙律🥗有時好怕會好咸🙈 呢到啱啱好黑松露芝士醬配粗薯條🍟個醬好好食🙊 就連之後既薯角都點埋個醬但朋友仔覺得淡左dd-慢烤帶骨肉眼牛扒🥩七成熟啱啱好👍🏿 牛味濃，肉質軟綿（可選較特別既牛骨髓汁）-黑松露磨菇虎蝦意大利飯個濕度都係掌握得好好，唔會好黏口-原隻烤焗德國豬手 $158好大隻😍 正當煩惱緊點切既時候原來已經切左🤣 砌得好靚呀重點個皮脆卜卜😋-去到結尾飲品都好正樽仔朱古力，好香滑，唔會好甜令人想飲完一支又一支🙈-二人餐仲包甜品🍮但可能賣哂就比左雪糕

這次跟朋友去到夏捌月一試！三人同行共點了三份主餐，而我們也愛喝酥皮湯，於是每人都另外$18 加了酥皮湯，畢竟這個湯不是每間西餐廳也會供應，其一是製作時間，其二是成本高。而我們選擇了白湯，頂部加上酥皮，跟白湯味道十分相襯，而且白湯濃郁又味道好，餐湯已經使大家暖胃和開胃了！我們分別點了以下主餐：秒制東方汁慢煮厚切豬鞍扒伴日本元貝　HKD 158 慢烤帶骨肉眼牛扒配牛骨髓汁 HKD 238原隻烤焗德國豬手 HKD158三大主餐擺盤上也有薯格、甘筍、翠玉瓜和車厘茄，配菜表現不錯，唯獨薯格炸得過於乾身和硬。每分套餐都有餐湯和飲品，價錢合理。原隻烤焗德國豬手 愛吃肉的朋友看到都不禁哇然，因為豬手分量十分龐大，遠比在超市看到的一般的豬手。豬手經烤焗後，豬皮香脆，豬手肉肉質熟度剛好，咸味適中，豬手香味濃郁，如配上酒精飲品就更加相襯了。慢烤帶骨肉眼牛扒配牛骨髓汁 ，這塊肉眼扒分量正常，牛味濃郁，肉質軟綿，不過肉汁不算多，但沾上牛骨髓汁又令味道昇華，使牛味更加濃郁。整塊牛扒脂肪比例不算高，只屬8分2，肉比例佔較多，不錯！秒制東方汁慢煮厚切豬鞍扒伴日本元貝，這個日本元貝很大隻，三人都能均分，均分得來又啖啖肉

元朗有一夏捌月，朋友食過極力推薦，我都唔執輸要試下。位於朗屏西鐵站附近，外觀上有一工業氣色，好易找到。內裡簡潔裝潢，stylish得來又帶點粗獷。menu上以西餐為主，所以扒類係主打。個個餐都跟一飲品，比較特別的是這裡的朱古力和咖啡是樽仔形式。凍上的樽仔奶同咖啡，挺特別的，而且味道都不錯。加$3就可以轉樽仔。餐湯係羅宋或忌廉。忌廉可以加酥皮，酥皮又香又脆！煎自家煙燻三文魚扒伴日本元貝$158帶子大大粒，三文魚扒嫩滑粉嫩，肉汁juicy,配菜為甜薯，炸薯角都不錯，可口香脆。法式烤單骨羊扒配薄荷啫喱$168羊架大大件，外皮香烤過多汁入味，肉質香嫩，薄荷啫喱除去不少酥味。伴碟都做得好靚！