壽司郎 (翔盈里)

營業中

休息中

平時都食開黃大仙呢間 貪近近地晏就去唔洗等好耐 雖然一直都無咩期望 使終價錢親民 填飽個肚就算 但今期推介嘅產品 令人失望自行睇圖決定食唔食呢款寧願佢唔好放舊海膽上去 舊海膽出到黎咁嘅樣 真係即刻無胃口 賣相太差 呢舊壽司真係可一不可再 今次嘅用餐 令我刷新對壽司郎的形象 本身固定款式已經不多 定期出限定新款想吸引人 但係食物愈黎愈差 是但整完就俾客人 外觀上真係會令人用餐不愉快 似嘔吐物多過似海膽☹️亦會令人不再幫襯 希望唔好再咁求其啦

E加apps開返預約系統 所以成日約同事去食🤣🤣最愛蝦三味 赤蝦真係大大隻好好食夠厚肉又鮮甜好食👍🏻帆立貝都好正 夠大整體性價比高🤣🤣甜品都好大杯 好好食😋

久仰大名，每次經過都大排長龍，又限食一小時，雖然人氣長期爆燈，但又要等位，食得又趕，不是我杯茶。但咁啱這次崇日朋友要趕返下午班，只有一小時的食飯時間，建議去食佢食極唔厭嘅壽司郎，仲話款式定期更换小女子食完後真的有種相逢恨晚嘅感覺下單不夠5分鐘，食物上枱速度快得驚人調味選擇都是獨立枝裝，不是用人手refill,用完即棄，非常衛生，生羌任食壽司size又大又新鮮，所以咁多人讚，encore又encore確係有原因，绝不將貸就價，比在日本食更抵--炸水牛芝士--$17拉絲口感，超好食--達卡拉娜--$22這款甜品超級推介口感係日式布甸雪硬板本，味濃而滑，topping係香脆的焦糖，有些似法國的cream brulee

呢一間分店相對嚟講比較少人排隊😏😏‼️所以喺平日晏晝嘅時分通常都好快就入得，🥳而且都比較容易坐到卡位，可以舒服咁樣食壽司🥰🥰🫶🏻🫶🏻食物質素方面，我覺得同其他分店差唔多，水準冇話特別差，我個人最鍾意嘅就係香蔥赤蝦，😍😍😍雖然佢會寫住微辣但係其實一啲都唔辣，蝦好大隻，啲蔥都好好食，❤️❤️唔會好大浸蔥味，正🤣❤️❗️自從發現咗呢款壽司之後我每一次嚟都會食😎🥹‼️‼️‼️

每個月都要去壽司郎食佢嘅期間限定，整體感覺好抵食，同價位來講味道好好，價錢亦都合理。壽司郎嘅壽司賣相好靚，新鮮度都好高，味道鮮美，特別係啲三文魚、帶子同蝦味道最突出，生魚片入口即溶，一啖之間令人感受到極致的鮮美滋味，非常滿足。除咗壽司之外，壽司郎嘅其他料理都好精緻，例如炸蝦、炸雞軟骨等等，炸得外脆內嫩，味道香脆，都好好食。餐廳嘅環境都好舒適，座位間隔適中，唔會太擠迫，而且服務員都好有禮貌，服務好好。總括而言，壽司郎嘅壽司同其他料理都好好食，味道豐富，份量適中，價錢亦都合理，環境舒適，值得一試。如果你鍾意日本菜同壽司，一定要嚟試下壽司郎啦！

食咁多間壽司郎未試過咁樣，一早去門口排隊，諗住2個人可以坐卡位，點知我一同佢講話要卡位，佢話一開門宜家就係繁忙時間，唔可以比卡位，我入去坐，跟本入哂所有人都坐唔滿個場，我完全唔知而家邊一忽係繁忙時間，你話坐得滿我都接受佢嘅講法，而且嗰個人講嘢嘅態度真係差！！😡😡如果照佢一開門就係繁忙時間，咁2個人想坐卡位嘅機會積係無可能啦，咁不如你直接同我講，我地Lee間分店，2個人淨係可以坐吧枱好過啦，我都無咁嬲！！PS：唔知點解淨係Lee間特別啲？人地旺角成其他鋪頭唔會咁囉！

咁樣啦，我係去咗黃大仙嘅壽司郎食嘢，，但係真係好失望，佢啲食物質素下降咗好多。首先就係啲吞拿魚，中腹質素咁差，仲話大切左，完全唔覺大左，仲要一啲油花都冇，有邊個會信你中腹？仲要我叫左職員換返碟正常嘅出黎， 點知都係咁，真係好失望。而啲松葉蟹軍艦卷就只有好少啲蟹肉，大大話話由開第一間店到依家，食左差唔多十次。最傷心嘅係啲蔥碎吞拿魚，咁平嘅貨肉量竟然只有以前嘅一半，當d客你水魚？朋友佢地都話黃大仙壽司郎嘅食物質素下降咗好多，可能係因為生意做得好，所以唔再注重食物質素，但係我覺得唔係咁啦，只要係顧客嘅選擇，食物質素就應該係至關重要嘅。如果質素下降，就會影響到食客嘅用餐體驗，令人失望。不過，除咗食物質素之外，黃大仙壽司郎嘅服務質素都幾好，職員嘅態度好好，服務迅速，都好有禮貌。不過，如果食物質素唔夠好，都會影響到整體用餐體驗。總括而言，我好失望呀，因為以前嚟呢到食嘢都幾好，而家質素變差咗好多，好失望。以後唔會想再去。

其實手機book左位，但要下個月至有得食🥲但真係忍吾住等吾到啦😋實在好想食壽司郎，所以早上11點就走落黎。第一次咁早去壽司郎諗住碰運氣吾洗排長龍，直入去坐🤭朝早有得坐卡位，大概坐左1/3人左右，舒舒服服咁享受下，用膳時間60分鐘左右。不過去到都吾多壽司係迴旋轉輪度😌吾緊要😆一order都好快到！簡直心情舒暢！💖水準差唔多晨早食壽司叫得吾多，岩岩好7分飽😋如果下次壽司吊癮一定會再早上去😆

普普通通嘅5月限定｜📍壽司郎♡海鮮風味炸雞♡｜💰$27$27蚊4小粒食落去肉質唔乾幾嫩🤔但個味道同海鮮風味完全無關係😑就普通炸雞粒咁🫡都可以嗌嚟當普通小食食下嘅🙈♡濃厚帆立貝白湯拉麵♡｜💰$32個湯係真係幾濃食到最尾有啲鹹，麵嘅份量唔算多幾啖就食得哂🧏🏻‍♀️但估唔到佢會有4粒帆立貝而且個size比想像中大粒🫶🏻個人覺得呢個都可以試下♡特盛炸蝦海苔包♡｜💰$12望落有5~6粒蝦仔，個賣相幾吸引🫣但食落個味道同壽司郎原先有嘅炸蝦牛油果卷（2件/$12）相似，單純個味道會濃咗🤔♡壽司郎奶昔沙冰♡｜💰$17見佢講係改良咗長崎名物，所以對呢款甜品嘅期望好多🥲但個味道嚟講個人覺得同平時7仔見到嘅原味爽冰相近，沙冰質感偏硬所以口感比爽冰差🫡🧏🏻‍♀️總結下，個人覺得唔洗特別對5月限定有太高期望😂私心好想壽司郎出返桃味芭菲、芝士味卡達拉娜、同埋個炙燒芝士蛋糕❤️‍🔥如果出返大大祭🤩就可以食到爆餡嘅吞拿魚軍艦❤️‍🔥❤️‍🔥有興趣睇更多食評可以follow ig : fatting_eateateat❤️‍🔥

日本壽司店最愛去壽司朗,每期都有新款式同甜品,加咗好多款式既烏冬,唔食壽司都有選擇,最愛蜆肉茶碗蒸,壽司款式多又新鮮, 炸物都好好味,價錢便宜抵食,已經變咗我既飯堂

星期六晚上超多人😵，5點半拎飛7點9先有得入座.WTS分店座位不多，約有10數張4人枱和少量卡位，用膳時間為60分鐘。食物算是中規中矩，最近有人話sushiro d 飯好散，水準下降，今日一食，水準如一。人均消費約$200 左右，豐儉由人 🤠攻略:1. 建議想食晚市的5點左右要拎定飛2. 係佢個app到早D 預約 (booking 至少3個月後)3. 拎完飛可以係APP到睇分店的最新入座編號，去隔離5分鐘路程的北館南館Shopping行街街先題外話：見到其他分店直頭停止walk-in，所以WTS分店已經唔算特別多人了...

ღ必食日本過江龍迴轉壽司店ღ▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼▼日本堪稱CP值最高、人氣第一嘅迴轉壽司連鎖店「壽司郎」🍣無論去邊間分店都總會出現長長人龍🫣壽司店供應過百款壽司同日式料理🍜而且每月都有限定menu推出💥食物質素如何相信各位壽司控會比我更清楚～😈温馨提示：早上或下午茶時段去會比較少人等位👏🏻▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲▲

壽司郎新推出赤醋飯壽司 每粒壽司飯都有微微醋味 食落酸酸地 可以中和返配搭魚生嘅油膩感 但我還是食慣白飯粒配搭－段時間無黎好似又增添左新款壽司及配搭今日唔算多人 －點鬆D 等咗45分鐘就有位－如以往 點左我至愛的蝦三味😍😋

好耐冇食壽司，今日就同朋友去咗黃大仙嘅壽司郎度食壽司，因為其他壽司郎分店都要排好耐隊先食到，但係黃大仙呢間壽司內比較少人，所以下午兩點嘅時間去都冇乜人排隊就可以直接入去食啦😋😋每次都必嗌嘅係天婦羅壽司、蟹膏壽司、三文魚壽司、油甘魚壽司。特別一提嘅係天婦羅壽司嘅蝦炸得好脆，而且熱辣辣。最後就梗係要食埋甜品啦，今日同朋友嗌咗個牛乳雪糕同埋卡達拉娜，好creamy真係好好食👍🏻仲要人均都係$100左右，最後仲有得儲印花，係一個好好嘅用餐體驗😙😙

同同事幾個禮拜前已經用app book定，所以今日去到，等咗一枱已經可以入座！因為呢個月嘅主題係「蟹」🦀️，都叫咗幾款期間限定：#紅楚蟹押壽司 $22兩件Um…正常水準啦，又未到好出色，但味道唔差，呢個會可一試！#蟹肉茶碗蒸 $22呢個反而有驚喜，又幾抵食，蟹肉多同有豆、有菇之外，仲有其他海鮮係入面，值回票價！#濃厚蟹拌麵 $32雖然嚟到個實物賣相同相有差異，好彩個味都濃，呢個價蟹肉都多，值得一試嘅！～～～～～～～～之後受朋友推介下，試咗新嘢：#鱈魚白子軍艦 雖然Google下，發現佢其實係同魚嘅生殖器官有關，不過話佢營養價值好高，仲話食咗好美顏。初時怕會好腥，點知如朋友所講，食落口滑脫滑捋捋，口感一流，一啲腥味都冇，我都強烈推介比大家！～～～～～～最後當然唔少得食佢咁品 # 卡達拉娜呢個係我每次嚟到必叫，雖然今次個面嘅焦糖唔係好夠「焦」，不過食落口依然咁香滑，又有蛋味，係絕佳嘅甜品🍮！