壽司郎 (翔盈里)

壽司郎walk in 要等好耐，所以如果用個app book左先會好啲，佢有限時90分鐘。每一個壽司都好大，比元氣既大隻。魚不論是三文魚、蝶魚等，全部都好新鮮。元貝壽司都厚肉好味。炙燒三文魚壽司有一種魚油必出嚟，真係好好食。另外有啲壽司係加左粒芝士，別有一番風味。如果食拖羅，都可以揀炙燒，都一樣係咁好食。軟殼蟹壽司加左好多沙律醬，個蟹好脆，所以好好味。最後係數碟咁計數，唔同顏色既碟唔同價錢。…查看更多

呢間壽司朗環境明亮企理，桌面乾淨，裝修有現代感同時帶點日式風格，座位安排合理，坐得舒服。感覺衛生同用心。整體氛圍輕鬆適合好友聚餐或家庭聚會。今次叫咗3款天婦羅炸蝦，外層炸得金黃香脆，蝦肉鮮甜彈牙。另外有碗滑滑嘅日式蒸蛋，口感綿密，用嚟暖胃好啱。旁邊仲有一件海苔包飯嘅壽司，以及一杯綠茶，整體配搭豐富又均衡，係一餐唔錯嘅日式組合！有炸天婦羅蝦香脆甜美，蒸蛋滑嫩暖胃，配杯綠茶解膩。想食壽司係想換口味，試啲清爽又輕盈嘅日式風味，同埋感覺清新啲。…查看更多

來自日本的連鎖壽司店，以其新鮮的食材和高性價比而聞名。可以享受到各式各樣的壽司、刺身和日式小菜，加上定時會有限定菜式，無論是壽司愛好者還是初次嘗試的人，都能找到適合自己口味的選擇。壽司郎的食材新鮮，魚肉的品質相當不錯。特別推薦他們的鮪魚壽司，魚肉鮮嫩，口感滑順，讓人一口接一口。此外，還有多種創意壽司，如牛肉壽司和蔬菜壽司，適合不同口味的食客。壽司郎的定價相對親民，無論是單點還是套餐，都能讓人感覺到物超所值。…查看更多

🍣美食分享｜壽司郎黃大仙分店搵食記｜必食推介盤盤精彩覺唔覺得呢排「壽司郎蚊賊」已經變咗香港人嘅飲食文化？😆 今次特登走去壽司郎黃大仙分店踩線，如果你係第一次去，小編今次就話你知點樣點先至係明智之選！今次必食推介係佢哋嘅幾款特色壽司🍱：鮮切三文魚腩壽司：肥美厚切，油花分佈均勻，一啖咬落仲會爆汁🤤吞拿魚腩壽司：肉質新鮮幼嫩，配上少許蔥花點綴，有畫龍點睛嘅效果！焦糖鵝肝壽司：最吸睛嘅重磅登場！鵝肝香煎至金黃色，表面香脆入口即溶，搭配醬汁完美平衡鹹香味，絕對係驚喜之選👍🏻烤三文魚腩軍艦：外皮燒至香脆，裡面仲保持濕潤，真係一食難忘！呢幾款壽司都係我嘅心水推介，價錢親民但質素有水準。如果你想食到最好嘅狀態，建議可以：1️⃣避開用餐高峰時段2️⃣叫返嚟即食，唔好等太耐3️⃣記住要配wasabi 提升口感！…查看更多

一諗唔到食咩就會去壽司郎食壽司，整體感覺都幾滿意！首先，壽司嘅種類真係好多，由經典嘅三文魚、吞拿魚，到一啲創意款式都有，款式多到揀唔晒。食材新鮮，魚生切得夠厚，食落去好有口感，飯粒嘅醋味亦都調得啱啱好，唔會太酸，同魚生好夾。價錢方面，壽司郎一向以平價見稱，性價比真係幾高，真係抵食到爆！雖然有時要排隊等位，但以呢個價錢同質素，絕對值得等。服務方面，店員都幾有效率，迴轉帶上嘅壽司流轉得快，唔怕等好耐先有嘢食。另外，佢哋仲有平板點餐系統，可以自己揀想食嘅款式，好方便。…查看更多

又係時候食芭菲🍑甜品郎我嚟啦🥳上次食白桃芭菲覺得幾好食😋搞到今次好期待呢個聯乘系列🥹雖然唔係特別鍾意 ‘我推的孩子’👶🏻不過見身邊嘅朋友幾迷呢個聯乘🫡🍑最閃亮的白桃偶像芭菲 $34一番星の白桃アイドルパフエ最好食係兩粒白桃+白桃雪糕🍦星星糯米餅食落唔鹹唔甜 冇乜味嘅脆餅🤯🤯有d似返教會食聖餐嘅米餅 不過係色素版嘅米餅😂😂芭菲入面有cream、粟米片、軟雪糕🤩壽司郎嘅芭菲性價比算幾高🥹🥹🥹…查看更多

今次終於試了這件蜂蜜牛油味卡達拉娜。以為是芝士蛋糕的質感，原來不是，反而是冰脆的感覺。尤其喜歡面層的焦糖，想起crème brûlée 那層焦糖。味道幾好，有驚喜。P.S. 扭蛋很可愛。❤️…查看更多

好耐都冇食壽司郎 今日上晝特登壽司郎個app book咗今日lunch時間去食 黃大仙呢間次次都book到 真係唔錯 特登上嚟試佢個大拖羅 另外仲食咗我最鍾意嘅三文魚子同埋左口魚裙邊 認真抵食 正…查看更多

🤍白色情人節既時間壽司郎都會推出好多好吸引既甜品！又要去壽司郎到食甜品放題( ˶'ᵕ'˶)⸝‪‪‎♡· - - · - - · - - · - - ·赤貝雙味 ［大赤貝·裙邊］意式羅勒櫻鯛慢烤黑毛和牛配智利海膽黑鮪大吞拿魚腩配智利海膽炭烤寒鰆魚純白炸雞塊甜品篇💗心太軟（3月14號開售）焦糖果仁梅爾芭黃豆粉抹茶蕨餅炙燒焦糖半溶芝士蛋糕脆脆雷神朱古力蛋糕條· - - · - - · - - · - - ·🍣壽司都唔特別介紹，個純白炸雞還可以，但個醬有點怪怪的⋯🙈其實今次主要係嚟食甜品🍧🤎等心太軟3月14號開售先嚟一次過既➰壽司郎甜品放題叫左心太軟，但佢勁甜同埋唔流心，枉費左我既期待🥹焦糖果仁梅爾芭 - 個雪糕勁好食，原本唔知咩叫梅爾芭，覺得似係lady m 咁既千層蛋糕🍰🍽️脆脆雷神朱古力蛋糕條 - 可以揸住食既朱古力雪糕蛋糕咁，係脆脆既，日本都食過呢個，但略甜➰至於得獎甜品，要大讚🏆🏅黃豆粉抹茶蕨餅 - 好好食，口感好似日本個種，仲要唔甜，同埋係限定$10蚊炸！ 又抵又好食👍🏻🏅炙燒焦糖半溶芝士蛋糕 - 想頒個獎比佢，係好好食既芝士蛋糕，完全唔膩～ 好快食曬，面個焦糖薄脆夠香，芝士蛋糕口感夠軟ദ്ദി^._.^)#foodiedesu壽司#foodiedesu甜品…查看更多

3月第一天下午去了壽司郎吃壽司🍣、牛肉烏冬和甜品。限定的極上大吞拿魚腩味道一般，原以為2月29日限定，不過今天也有。而炙燒明太子三文魚味道夠濃，適合我口味。牛肉烏冬的烏冬口感不錯。而黃豆粉抹茶蕨餅性價比高，雖然綠茶味🍵不夠明顯。…查看更多

壽司郎唔使多講，價錢抵又質素高🥳1️⃣炙燒魚腩壽司本身我已經好鍾意食三文魚，燒完表面有淡淡嘅魚油，令味道更加昇華2️⃣牛肉壽喜燒壽司壽喜燒醬料偏甜，牛肉係有肥瘦3️⃣牛舌壽司牛舌算厚，有牛舌獨有嘅香味4️⃣鰻魚壽司醬汁偏甜5️⃣炸雞軟骨炸得好香脆，份量啱啱好6️⃣綜合甜品呢個甜品有齊所有想食嘅甜品款式，滿足晒你所有願望😚7️⃣三文魚腩壽司睇張相就知塊魚腩好靚，咬落去食到三文魚腩油脂嘅香8️⃣抹茶雪糕抹茶味足夠，牛奶味濃9️⃣蟹肉拉麵正正常常冇乜特別🔟豬頸肉拉麵豬頸肉都俾咗五六塊，豬骨湯底拉麵嘅味道唔錯…查看更多

當日去到好快就可以入得唔需要等太耐。👍🏻👍🏻首先北海道產特大帆立貝係必食推介，帆立貝是新鮮、鮮甜而且肉質偏厚，帶來美味的享受。而煙三文魚壽司則具有淡淡的煙熏味，讓人垂涎欲滴。此外，海鮮紫菜卷係我每次到壽司郎必選壽司，用最簡單食材做出最美味的配搭。除了食物的美味又新鮮外，店內座位舒適，燈光光猛，性價比高，讓更多人能夠品嚐到美食。另外仲有order炙燒羅勒三文魚壽司，鮮蝦牛油果卷，飛魚子軍艦，甜蝦等都係必點先算。…查看更多

我做咗個胃俠，闖入咗間壽司店！第一件事就係點嗰炸水牛芝士，食落完全係咁滑咁香，拉絲到我心都溶咗🧀😍。跟住試咗個炸蝦牛油果卷，一啖嘅幸福感覺，牛油果滑嘅，炸蝦彈口，真係一絕！🍤不過，聽呢，來到個炙燒芝士鮮蝦，概念上個芝士香味同熱辣辣嘅蝦完美融合，真係攞個No.1嘅位係肯定嘅！每一口咬落去都鮮美彈牙，個芝士味又唔會太搶戲，真·完美！😋👌不過啦，要講下啲醬烤日本產帆立貝，睇落好吸引，但食落真係令我有少少失望😞，生嘅口感我真係唔太能夠接受，老實講，對唔起貝貝，我只能夠同你say goodbye！👋總括嚟講，呢間店啲食物大多都係正！仲有，落臨絕唔可以錯過佢嘅軟雪糕，真係好有層次嘅味道，加抹茶粉食法真係要大讚一聲，清新嘅抹茶遮住咗雪糕嘅甜，搭得好呀！🍦🍵廣告時間：記住啊，想食得開心，記得提早訂位，咁就唔洗苦等囉！💺🕒…查看更多

-今次主要講薯條 茶碗蒸 期間限定甜品 同埋湯(*≧ω≦)我呢個薯條狂魔 去邊到食嘢都好想嗌薯條見到呢個黃金脆薯 就嗌咗黎試下本身都冇咩期望 點知食落口又真係幾脆喎！！(⁎⁍̴̛ᴗ⁍̴̛⁎)做到條條都咁脆 比個讚💯同埋有小小調味 唔洗點茄汁 就咁齋食都可以👍🏻份量雖然唔係話好多 但都夠一個人食(*≧ω≦)我仲上網睇到有隱藏食法🫢抹茶粉同玫瑰鹽 以1:1比例混撈混再點黎食🫣-平時都唔會點茶碗蒸黎食 今次唔知做咩想試下🙈第一啖入口 勁滑勁嫩啊！🤤熱辣辣 岩晒凍凍地嘅天氣食食下仲食到好多配料(*≧ω≦)-期間限定嘅栗子蛋糕本身冇咩大期望 點知又ok喎(≧▽≦)蛋糕大致上有三層野 海綿蛋糕 慕絲 忌廉出奇地唔太甜 唔膩 唔腬唔太甜這個很好👍🏻 可以一個人食晒都唔怕😝-最後就係湯叫咗蜆肉麵豉湯同埋海苔麵豉湯兩款都有啲咸(´･ω･`) 怕咸可以加小小熱水蜆肉得6粒 有啲少🫣冇咩海苔味 …查看更多

壽司郎而家越開越多 分散咗人流 曾經嘅長龍都逐漸消失 下午茶見有啲肚餓 就嚟食個茶碗蒸飲下茶 順便試下新餐單新登場 - 甘味溫紅薯 $17作為香港人加上成日睇日劇 冬天要食蕃薯呢樣嘢好似係本能反應咁 香甜嘅蕃薯配上忌廉 有焗過嘅香味 食完壽司再食暖笠笠嘅甜品 真係好舒服☀️當然比起喺街買條煨蕃薯食 佢嘅性價比就普通啦 不過我覺得都值得一嗌新登場 - 牛肉舞茸時雨煮海苔包 $12時雨煮簡單嚟講就係用到生薑 醬油 酒嘅一種料理手法 係常見嘅家常料理 呢個海苔包用到和牛入饌 牛味好濃郁 相比下舞茸味就唔係好出 12蚊性價比ok 我食完忍唔住追加多一嚿😂極上鰻魚 $22鰻魚係我嚟親都例牌會嗌嘅 今次嚟餐廳唔算多人 所以食到頗為新鮮整起嘅 炙燒得夠而且食落仲係微暖 好開心要紀錄低🥹講開又講 經常見到有人討論究竟點解食自助/迴轉壽司都要加一服務費呢 我自己都未參透到 有時俾錢嗰下都會覺得費解🤣 另外就係希望壽司郎可以勤力啲返貨 成日儲完印花都換唔到禮物呀！🥹性價比:🌕🌕🌕🌑🌑味道:🌕🌕🌕🌕🌑服務:🌑🌑🌑🌑🌑 (自助)賣相:🌕🌕🌕🌑🌑環境:🌕🌕🌕🌑🌑結論: 飯堂 冇乜特別會繼續去⛺壽司郎📍黃大仙龍翔道110號豪苑G3樓翔盈里5號舖🔖#fml_wongtaisin#fml_sushi#fml_japanesecuisine🧲#壽司郎 #スシロー#黃大仙 #黃大仙美食 #黃大仙餐廳 #黃大仙食乜好#wongtaisinfood #hksushi#hongkongfood #hongkongfoodie #hongkongfoodblogger #hongkongfoods #hongkongfoodguide #hkfoodie #hkfoodies #hkfood #hkfoodblogger #hkfoodblog #hkfoodstagram #hkfoodlover #hkfoodporn…查看更多