壽司郎 (啟田商場)

營業中

休息中

呢間鋪頭出名要等好耐等，成日經過都諗左好耐要唔要試等一次，最後上個星期終於膽粗粗去左排序。最後由6pm等到7點幾，終於有得食! 店舖環境整潔舒服，有置身日本嘅感覺海膽撈麵，海膽唔多，質素是好的。似撈麵，有少少傑，味道唔錯。壽司種類繁多，魚生好新鮮，三文魚好有魚味。鰻魚好大塊，嫩滑唔多骨，正。帆立貝有點少，但好鮮甜。壽喜燒牛排就好甜，一般壽喜燒嘅味, 牛排唔老，三文魚腩油脂豐富，肉質是油潤香甜，好好食。仲有食左好多其他壽司，質素都唔錯。整體食物水平良好，排咁耐都係值得的!員工服務態度都幾好，唔會因為客人多而水準差，讚!

壽司郎對於香港人一定唔陌生性價比高，款式又多已經想食好耐但每次都要等位等好耐今次爸爸一於較好時間去拎位💖好快就入座到啦款款野食都好滿意👍🏻但媽咪問滿意既係小朋友既BB櫈🫶🏻平時兩個女一個要坐大髀 一個要係旁邊攬著真係周身都唔得閒之後突然醒起壽司郎係有Bb櫈仲要同一邊於卡位可以擺得晒兩張😂😂非常好 起碼媽咪可以hand free 兩個女又可以安安全全咁坐係到食野🫶🏻而我地叫左好多唔同款式壽司但叫最多既一定係蛋壽司 小朋友最愛😆😆

去過咁多間壽司郎分店，藍田分店都可以話最污糟最無service。強仔最後行左入甜品匙羹杯。🙂上第一round壽司未食到一半已經見到強仔係到行，好似準備去輸送帶攞野食咁，可能我地個位同廚房一塊玻璃之隔，強仔行出行入都好方便。見到咁都真係食唔落，同職員講左就走了。

太喜歡吃壽司的關係所以就算不想外出 我會叫外賣今天再試壽司郎 壽司跟刺身都非常新鮮好咪 拖羅很好吃當然不在話下 特別要介紹這個燒牛肉以及 火炙 碟魚裙邊 每次都是必食之選 最好就是價錢不貴

平時去壽司郎都係堂食嘅多。今日趕住返屋企就一於試下佢嘅外賣。一直都有聽講佢嘅外賣比堂食係差啲。所以有心理準備係會冇咁好食。今日外賣咗佢嘅新外賣set三貫盛。一盒有15件都係120幾蚊左右。低唔低食就見仁見智啦。呢15件壽司只係得蝦重覆咗，其他都係唔同嘅，有齊三文魚，吞拿魚蓉，帶子，蝦，赤貝，魷魚，北寄貝，款式都算多。食咗件三文魚覺得佢係有少少厚切，啖啖肉好正，三文魚蓉都好細滑冇腥味，真係比我期待嘅好，又冇傳聞講得咁差，所以真係冇期望就冇失望。如果下次趕時間都可以再encore呢一set外賣。

呢期新產品比較少，主要都係將原有嘅壽司三件合埋一齊當一碟新。 1. 脆皮朱古力香蕉味雪糕蛋糕：之前出嗰啲蛋糕通常八成都係cream，呢個似返正常嘅蛋糕。 如果唔係想試布甸一定再encore。2. 壽司郎人氣三味：好食，美中不足係中間嗰件唔係香蔥赤蝦。3. 蝦三味：冇出兩個月之後當新嘢重新推出。4. 芝麻醬油漬鯔魚： 口感煙韌。5. 壽司郎經典布甸： 口感比較特別，同我想像中嘅布甸有啲唔同。6. 真烏賊三味： 理論上最抵食係呢個，但真烏賊鰭好似橡筋咁咬唔落。7. 金目鯛天婦羅：炸完反而冇咩味。8. 竜田炸鰹魚：最伏呢個， 兩件鰹魚乾渣，仲有兩件係魷魚嚟。

今次趁平日唔係好多人嚟排隊食壽司郎，大概15分鐘就可以入座👍·特製煮蜆軍艦蜆肉鹹鹹鮮鮮，夾埋紫菜同壽司飯好balance，唔錯·炸蝦牛油果卷大大嚿，有好多種口感，有炸蝦嘅脆口，軟滑牛油果同埋壽司飯，最尾仲有微微嘅蟹子味，成啖食好滿足·鮮蝦牛油果卷滿滿嘅沙律醬鋪喺蝦肉上面，蝦肉係熟蝦，會買牛油果卷好正👍·貝三味一碟有三件，好抵食，三種貝類食落感覺新鮮👍·炙燒芝士三文魚隻燒嘅味道，加埋溶化既芝士，配埋三文魚嘅油香，超滿足，一次叫咗兩碟😋·厚切長鰭大拖羅肉嘅質感多一啲，如果油香可以重返啲會更好，三文魚控黎講都係比較鍾意三文魚·炸蝦天婦羅烏冬炸蝦出奇地仍然脆口，真係即叫即整，湯底清得黎香，烏冬彈牙，好食👍·卡達拉娜表面焦糖脆卜卜，下面好creamy，食得出有蛋香同埋奶香味，甜度適中，滿足晒甜品胃😋·抹茶蕨餅芭菲 蕨餅佔上抹茶粉，抹茶味帶少少甜味，煙煙韌韌👍紅豆蓉唔會太甜，同埋雪糕食好夾，份量啱啱好，滿足👍

又嚟到每月壽司郎食評。赤醋飯除非唔點豉油，齋食嚿飯，否則食唔出分別。好處係夾起冇咁容易散。最好：1. 雙層卡達拉娜： 冇記錯應該第一次出，食得出有牛奶同咖啡味。呢嚿嘢超甜，頂籠每次食一嚿。2. 宮城縣產特大帆立貝： size畀22蚊帆立貝大， 啖啖肉。3. 特製煮蜆軍艦： 蜆冇沙，食咗兩碟。4. 北海道產昆布漬花魚： 連埋紫蘇葉一齊食幾清新。5. 蜆肉茶碗蒸：表面同茶碗蒸冇分別，入邊有三至四粒蜆。最差：1. 鬼蝦：樣衰。 肉質軟淋，甚至不及香蔥赤蝦。2. 炸松葉蟹腳：見到個size，細到嚇親，唔明點解包咗炸粉，個份量得返生松葉蟹腳的3分2。

Sushiro最近喺香港開咗好多分店藍田呢間算係比較唔使等位閑逸下午茶時段直接入去就有位可以walk in食野對比起其他連鎖嘅迴轉壽司，呢一間比較接近日本水準而且有好多特別嘅魚類，比較少喺香港見到可以以呢個價錢品嚐☺️服務員都訓練有素，非常有禮貌如果係平時食一餐嘅話都非常推薦值得一題既係佢每次相隔幾個月就會有唔同嘅特別Menu可以選擇期間限定嘅壽司或者食物最緊要係價錢相宜所以應該隔多幾個月又會再過嚟食🤣

每一個月壽司郎都會有唔同嘅限定產品，二月係蟹祭，佢又唔同蟹嘅產品，包括忌廉蟹餅，生松葉蟹腳壽司，蟹膏壽司，生朱古力蛋糕等等壽司冇乜特別，冇乜太大嘅鮮味，反而係因為生既冇乜咬口忌廉可樂餅有驚喜，咬落去真係好Creamy，好香嘅忌廉味，雖然唔係太食到蟹味，但係整體熱辣辣都幾好食佢另外仲有個蟹黃撈麵，一開頭以為個蟹黃好少，但係可以撈哂碗麵，每一條麵條都撈到醬，仲有好多嘅蟹肉，好香嘅蟹味，但係有少少鹹仲有限定，淺炸大拖羅，一般般冇乜特別但係美中不足嘅係佢而家變咗蟹祭，就冇咗薯條，薯條係壽司郎嘅靈魂啊

食得迴轉壽司真係唔好有太大要求呢個價錢食壽司想點？ 話說壽司郎開業咁耐 比我感覺一直係乾淨衛生種類繁多 職員態度親切 上菜快我從來食壽司郎都係非繁忙時段去直接入座今次遲左少少11點半去到 竟然都唔駛排🤗呵自從有左壽司郎就冇再食爭鮮 早前經過爭鮮直頭圍板執左 抵死啦想講有次食爭鮮 加哂價 又冇左好多產品 啲野唔新鮮 我肚痾痾足24小時差啲要入醫院 我發誓呢世唔會再食佢 平價得黎搵啲客既命仔搏 仲係關注組搵打手撐唔係講緊做宣傳咁簡單 係入左我肚痾個post猛撐 爭鮮唔爭鮮 你爭唔贏壽司郎都唔駛做到咁cheap 快啲返火星啦食咁多次壽司郎都未試過肚痛 我諗佢多人排係有原因 唔係關注組開幾個post就代表多人食 根本來來去去用返乜野cici果個帳號開 好心打手都換下人啦

用男朋友都好鍾意食日本野，今日係藍田行完山又想食壽司，於是諗起藍田有壽司郎，跟住就行過去，五點幾都唔算太多人，等左四十幾分鐘左右就可以入座，仲安排左卡左，超幸運。壽司郎好在有季節限定，每次來都必試。今次試左天婦羅水牛芝士，個拉絲真係好正，可以拉到好長，雖然水牛芝士冇咩芝士味。跟住就都係叫返我地平時鍾意食嘅蝦，吞拿魚，鰻魚，三文魚，帆立貝之類嘅壽司。跟住最後叫多個天婦羅，覺得個天婦羅比起元氣豐富好多，抵食😋😋😋

SushiroShop 208, 2/F, Kai Tin Shopping Centre, 50 Kai Tin Road, Lam TinLess person for this branch, so I finally had a chance to try it out. The sushi is a bit over-rated, but the desserts are amazing. 60 minutes time limit for the food, quite rush, and makes the queue less worth it.Sushi is cost-effective in terms of its price, especially the three types of sushi on one plate. All in all, it is worth trying if there isn’t so many people queuing up.

新一年係網上見到壽司郎有新壽司推介就同朋友揀左apps上最少人排隊既藍田店6點15分到，7點可以入座，限時60分鐘其他壽司就唔多點評啦，今次主要想分享一下期間限定既幾款壽司．厚切天然藍鰭大吞拿魚腩 $27/件橫紋切法有啲奇怪，以為會好似之前食既大拖一樣入口即溶，但食落筋比較重，魚味較輕；而且其中一件到枱仲有小冰塊，唔知係不幸事件定係今次真係伏野?!．明太子忌廉烏冬 $32明太子烏冬分量多，明太子都比好多，有忌廉中和唔會顯得太咸。忌廉奶味濃，但因為唔”杰”所以食落唔會好膩。．梳乎厘海鰻 $12/件第一眼係比個名吸引，好想比個like改名既職員。海鰻非常厚身，而且原件入口真係好鬆軟好似梳乎厘既感覺，莫名仲有少少甜甜既味道，如果盲猜我會以為食緊玉子壽司，整體全晚梳乎厘海鰻最令我驚豔!

當我得知今個月唔係蟹祭，確實有點失望，因為2022年1月主題係蟹祭。我以為會好似M記咁每年都係招財福堡。今年主題係拖羅祭，即係魚腩祭，又唔算伏，始終係魚最肥美既部位。今期新品試咗9成，前4張圖我覺得最正。大切日本產油甘魚腩：非常肥美。梳乎厘海鰻： 味道比較特別，我都係第一次食。 我覺得同傳統鰻魚汁有得揮。炸水牛芝士：記得之前第一次食，芝士係完全冇味，唔知食梗咩。今次芝士有少少鹹味。焙茶和風芭菲： 聽講有部分分店賣到冇貨，相信係飢餓性行銷。 但係上面嗰兩嚿圓形物體確實係雪糕，即係雙球雪糕。其餘圖2果4樣其實都唔差，但係今日3點幾都特別多人排隊，同出野食好慢。