壽司郎 (瓊華中心)

營業中

休息中

月頭去左壽司郎食tea～母親節限定既芭菲幾好食 配搭得好好 希望會再出壽司 就比較普通 試過就算lu⋯而甜品 太甜⋯應該係本身個奶酪漿度加莓醬來溝做莓奶酪 結果極甜 超級fail

Lunch time with friends，百搭日式午餐 甜蝦軍艦新鮮可口，蝦肉鮮甜，搭配醋飯和沙律醬，口感相得益彰。甜品叫咗個抹茶蕨餅芭菲抹茶蕨餅芭菲層次分明，抹茶的香氣濃郁，蕨餅Q彈，紅豆蓉同雪糕好夾。甜而不膩，十分適合夏季享用。釜玉烏冬湯底清淡卻鮮美，搭配生蛋黃，為整體增加了濃郁的風味。每一口都讓人感受到麵條的彈性，十分滿足。炸蝦天婦羅拼盤炸蝦外脆內嫩，今次有蘑菇和南瓜，每一口都能品嚐到食材的鮮味。照燒芝士三文魚照燒芝士三文魚擁有焦香的表層，芝士融化後濃郁的口感與三文魚的鮮美相得益彰。甜鹹適中，讓人忍不住多吃幾口蟹柳天婦羅壽司蟹柳天婦羅壽司外酥內嫩，蟹柳的鮮味與米飯的香醇交融，讓人每一口都充滿驚喜。

復活節假期下午茶時間唔使問，當然要等位今次好好彩15分鐘就入得$17 三盛好抵最欣賞係貝類新鮮唔腥吞拿魚ok唔會好多筋紅色碟$12 三盛佛心價鰻魚係我至愛，分量十足帶子十分新鮮，食咗兩碟每次嚟都叫炸薯條今次係第一次食到微暖嘅薯條而且炸得好油之前食其他分店都係熱辣辣炸起最驚喜係港式奶茶卡達拉娜奶茶味濃，唔會好甜解凍得啱啱好，入口即溶🌸🌸🌸🌸🌸呢間分店嘅壽司郎明顯清潔爭啲摸上手枱凳都有少少油但係店員態度好好好食物就不過不失

最近壽司郎三貫祭回歸，身為壽司粉嘅我即上網預約左時間因為之後趕住上堂，唔可以等太耐，可以提前預約真心好方便雖然個日我約咗5:30，最後5:36先入到，但比較walk in 已經好好多即刻叫咗三貫祭產物黎食，平時好鍾意食中吞大吞嘅我，見到有黑鮪中吞.藍鰭赤身.藍鰭吞拿魚蓉黎食，不過有少少失望，冇我平日食普通版嘅中吞ok少少腥，同埋唔係咁新鮮，三舊痴埋一齊，想分開夾黎食都夾唔到叫返單件仲好跟住係牛腹胸肉.壽喜燒牛扒.雪花和牛壽司反而有驚喜，平時好少食熟肉壽司，見三貫祭先試吓，食落肉質嫩，如圖左1同中間最好味，最後都唔錯👍諗住黑毛和牛好吸引，點知黎到好似急凍肉咁嘅樣生牛肉壽司賣相麻麻，但食落還好，未去到好差最鍾意都係呢個港式奶茶卡達拉娜，上面依然係脆脆嘅焦糖脆片，下面濃厚嘅港式奶茶味道，而我唔鍾意飲奶茶嘅，都覺得茶味濃得來啱啱好，甜度亦啱啱好比三貫牛肉壽司吸引到我叫埋呢個新出嘅壽喜燒和牛撈麵，雖然聲稱係撈麵，但唔知點解都有好多湯汁，不過整體食完之後覺得唔錯

次次去友旺角都長期排隊既壽司郎 見出左蟹祭一定要嚟試吓！🦀 蟹肉好鮮甜 keep到水準👍🏻仲有個魷魚筒飯都好好食🦑食唔厭既壽司郎🍣價錢合理 每次過左一排就會心思思想食～次次都嗌到成枱都係最後一定要食埋甜品 🍮大滿足

TEA TIME去食壽司郎~試新野~人唔算多，15分鐘就入到去炙燒焦糖鵝肝壽司因為面頭有焦糖，初初以為會好甜好漏不過經炙燒後意外地幾好食喎~而且鵝肝質感好Creamy～炙燒瀨戶內檸檬芝士蛋糕面頭都有炙燒過既焦糖意外地同檸檬嘅酸味幾夾食落仲有D似益力多味

其實壽司朗真係做得幾好，每間分店嘅水準都有返咁上下，平民價錢用心製作，有限時，流轉快唔使擔心等太耐，食迴轉壽司唔同食日本餐廳，唔係慢慢飲慢慢食，我認為壽司郎性價比認真高！

最鍾意食壽司抵食又大份雖然款式唔多，但係每樣都好好食好新鮮 最鍾意食佢嘅三文魚壽司同埋忌廉芝士三文魚壽司 聽落好似好奇怪嘅組合，但係食落去又幾特別幾好食😆最後仲要嗌埋佢嘅甜品卡達拉娜！真係超好食！

壽司郎相信大家都好熟悉啦，平時嘅排隊之王！咁今次就去咗旺角呢一間壽司郎試吓一開始聽聞話不同分店有唔同嘅口感，不過今次去呢間都OK喎，我覺得啲食材都好新鮮嘅真係勁鍾意食三文魚三文魚搭配或Wasabi加豉油，一口落去真係好正😊同埋金槍魚都唔錯，然後仲同朋友嗌埋烏冬，每次嚟壽司郎食都一定要試吓佢嘅雞軟骨同埋各款小食，雞軟骨真係好正！！呢一間店環境OK都好乾淨，服務態度又好好，不過真係好多人排隊排隊都排咗半粒鐘大家可以錯峰過嚟食

好親民，一次食兩件同款可能多得濟，推出一碟3款，雖然之前都有，再加新款，簡直符合香港人要求，一次滿足晒三個願望。平價嘅有返咁上下量同質，算係咁啦。個多桃芝士蛋糕真係好多桃同甜。

今日嚟到旺角，見壽司郎仲有得排隊，所以就撳飛試吓，點知排到最後又真係有得食，唔知係唔係壽司郎少畫人呢？不過我諗都可能係，因為壽司郎啲壽司款式開始冇乜變化，來來去去都係嗰幾款，吞拿魚壽司，三文魚壽司，而且而家佢哋嘅每月期間限定，都冇乜新嘢出啦。不過今次試咗飲佢哋嘅清酒，又真係非常之有驚喜，因為本身冇諗過迴轉壽司會有好飲嘅酒，而且價錢又唔係貴，圖片嗰支都係$17。所以叫左黎試下，一試就發覺有酒味，唔錯。

呢排見到好多人話壽司郎新出嘅炙燒焦糖半溶芝士蛋糕好食🤤為咗試食特登去咗排壽司郎，點知真係有驚喜😬面頭配上焦糖脆皮，雖然唔算半溶，但係蛋糕口感幾滑而且唔算好甜，食哂一件都唔會好膩，個人認為好食過之前個千層蛋糕😆$22一件值得試下!!🥰👉🏻 𝑹𝒂𝒕𝒊𝒏𝒈 : 𝟕.𝟱/𝟏𝟎📍Address📍壽司郎

不吐不快，身為壽司郎嘅fans，真係要講一講😏今次我食左抹茶蕨餅芭菲，我覺得真係唔係好抵$32，因為佢得一舊蕨餅，雪糕又得細細杯🥹咁鬼少，如果我單買黃豆粉抹茶缺餅都係$10，但係有咁多舊！😅咁我唔好單買牛奶味軟雪糕$17加$10蕨餅😤😤😤咪仲抵！真係嬲嬲地😫😤😤😤😡枉我食咗咁多次！不過佢嗰啲定食😏係好抵死好可愛嘅😝因為我已經換齊咗佢兩個款！冇辦法啦😜屈機！😤我真係要反映吓！😜個雪糕真係好唔抵呀😤🔥😡又唔夠大杯咁！同埋最好笑就係好彩佢唔夠大杯，如果唔係佢運送過嚟嘅時候😝🤣會頂到上面，會揩到上面個櫃！🤣🤣🤣叫個員工護送過嚟得唔得啫？嗰個路軌度碌過嚟杯雪糕揩到頂咪死火囉！🔥😤😤😤ps:真係想比嬲㗎！你見我乜都換晒食咗X咁多次仲要乘三㖭啊！最大嗰隻公仔我已經有兩隻啦！俾啲誠意得唔得呀？

✨夜晚約左朋友，同朋友2個人都諗唔到食咩好，就決定食壽司郎啦，咁岩係旺角新開左一間，就決定試試佢✨一如其他分店一樣，都係好多人，我同朋友大概排左一個鐘先入到座✨一入座我同朋友就喪叫😂😂😂✨個人覺得旺角依間分店比起其他分店好食，可能新開，不過都係黃埔分店最好食

一早預約左食壽司郎，所以唔洗點等位就有得食，呢個ONLINE BOOKING SYSTEM幾好，如果係WALK IN就真係等到唔知幾時，仲要好多時都STOP左WALK IN添。講返食物先，壽司郎既壽司一直都係咁掂，最欣賞佢地既吞拿魚啦，紅碟$12就食到，真心抵食，仲有赤蝦大大隻都係抵食之選呀。最估唔到既係，薯條都好好食，呢個真係值得TRY TRY。今次主要係因為見到個餐單有蟹類所以先黎食既，不過叫左個蟹肉壽司，完全冇味，有D失望。不過都OK既，食左一碟就冇食啦，當試下咁啦。