壽司郎

營業中

休息中

壽司朗午餐，晚餐食得多幫襯既原因係平靚正。如果時間許可，我哋如果拎左飛，再行下街，好快就到。但有時趕時間就一定唔揀啦。因為佢真係太多人幫襯，每次都排45分鐘以上。今次有個推介比大家，就係下午茶啦，下午茶次次去都係直入，唔洗排隊，其實真係好幸福。而且壽司朗推出既下午茶一樣平靚正，今次揀既呢個餐$40有烏冬，有壽司，所以好抵食。兩個人叫一個餐，再加壽司，係超級幸福的。下午茶時段好少人。慢慢坐，慢慢傾好幸福。

週末午餐黎新都城食壽司郎，適逢有期間限定嘅「赤醋飯」。我哋仲試咗佢哋嘅新版玉子燒。「赤醋飯」：評分 2/5呢個期間全部嘅壽司都用「赤醋飯」黎配搭，比起普通嘅醋飯，更酸&鹹，掩蓋咗墨魚、蝦等食材嘅鮮味，又同火炙等濃味壽司產生衝突。唔知係分店嘅問題定係配方嘅問題，個人唔鍾意太重醋味既壽司飯，有種喧賓奪主既感覺。「壽司郎新版玉子燒」：評分 1/5睇到社交平台同餐牌上都大肆宣傳「六層鬆軟口感」，但試食落嚟完全唔同，好似放喺雪櫃好耐嘅蛋糕咁濕濕地凍凍地，又冇高湯味。總結：呢次嘅壽司郎午餐體驗唔係好理想，期間限定嘅「赤醋飯」同新版玉子燒都令我失望。希望呢樣嘢只係個別分店嘅問題，同埋快啲變返正常既醋飯。

壽司朗出名多人等，所以用app book 左先有得食壽司🍣吞拿魚好果底食，不太貴，三文魚就一般欠肥美，甜品原來係好好食的，芭飛又平又大！不過整體上壽司無以前咁好，不值等咁奈！

4️⃣-5️⃣月🆕品 1️⃣ 炸池魚 我記得呢兩個月好似係有兩款炸魚 但唔記得係咩名 印象中味道飲係淡口版嘅魚柳包魚柳 冇咩腥味反而食到幾新鮮嘅感覺 啱哂唔食魚生嘅人即係我🤣🤣2️⃣ 炸蝦沙律海苔包主要食到沙律醬嘅味道🍤嘅脆感 但唔係🍤嘅質感同埋唔夠脆嘅海苔😂😂但都可以食嘅 但要儘快 唔係就淋哂🫠🫠🫠3️⃣ 海鮮味炸雞我會話佢係勁重口味重咸嘅雞炸得幾juicy 但同海鮮冇任何關係所以可以當佢係原味咁食點啲柚子醋會再清新啲 4️⃣ 香蔥帆立貝雞白湯拉麵❣️蔥嘅唔可以錯過 帆立貝都有幾粒 都算慷慨湯底算係咁啦 拉麵就正常5️⃣ 奶昔沙冰鐘意食雲呢拿雪糕嘅應該會❣️但我就一般 沙冰算係幾細碎加啲綠茶粉 味道更🆙🆙🆙6️⃣ 焦糖布甸❣️佢唔會好甜 有翻啲焦香但略嫌唔夠幼滑 有啲鞋口但整體都不錯 可以encore 7️⃣ 天婦羅魷魚呢個係長駐款 每次都想食今次終於叫咗 口感一流炸完個質感係我❣️嘅 必食‼️‼️‼️‼️8️⃣ 壽喜燒牛扒都係我❣️必食 長駐款不過5️⃣月🆕品 自己覺得有啲失望期待下次6️⃣月同埋又話cheesecake 回歸嘅上次食都冇🫠🫠🫠🫠

壽司郎日本連鎖迴轉壽司咁出名，其實已經食過好多間呢間位於新都城中心，附近俾不同嘅學校同屋苑包圍如圖所見，壽司水準不過不失。但值得留意嘅係同屋企人一齊食，大家都覺得呢間對比起其他壽司郎失色。可能因為係夜晚繁忙時間關係，魚生切得比較厚切、油炸食品可能因為出貨比較心急，油漬也沒有晾乾。整體來講，如果想食壽司郎可以唔使去到寶琳，是其他分店會更加好，但係水準依然保持到的，如果唔想去其他地方都可以嚟呢間食，唔會太差。

雖然隔咗成個月先終於得閒食嗰個松葉蟹限定 🥳今日去到嗰陣時剩返三樣限定嘅松葉蟹美食：特盛蟹肉海苔包$22個人覺得依個同蟹肉蟹膏軍艦冇乜分別 個人覺得蟹肉蟹膏軍艦正啲😣因為蟹肉蟹膏軍艦又多啲蟹膏，依個海苔包嘅蟹肉個人又覺得同軍艦冇乜分別🥺而太多嘅蟹肉稍微有少少過鹹雖然只需要加$5就可以就可以多咗好多蟹肉😍但係如果下次的話我會食返蟹肉蟹膏軍艦😗不過唔知點解依個海苔包嚟到我哋嗰度嗰陣時 冧晒落去 😂利申 我哋未拎落嚟，佢嚟到已經係咁樣 😂生松葉蟹蟹腳 $39個人覺得成餐最伏嘅係佢 對比番廣告張相個size已經相差成倍😅食同上面嗰個蟹肉一樣 個人覺得冇乜鮮味 蟹肉忌廉可樂餅 $17個人覺得最好味係佢🥹嚟到嗰陣時仲熱辣辣，忌廉味幾濃郁，切開嗰陣時望見有少少蟹肉喺入邊，但係識落唔係太覺😗淺炸天然黑鮪大吞 $12依款大吞都幾抵玩 幾香口幾正😝唔會好腥 油脂分布都幾正😗📍壽司郎推薦：💛💛💛🤍🤍#hkfoodie #hkfood #hkblog #likeforlikes

平時我成日都食壽司郎😚高質又抵食 仲成日都有期間限定嘅食品!今次我終於的起心肝 とろ祭り完之前要出到post介紹😝.🌟極上厚切長鰭大吞拿魚腩 $12呢個絕對係抵食之選🫡長鰭吞拿魚同以往一樣顏色較淺肉質略為有筋 但係油脂豐富😋 .🌟厚切天然藍鰭大吞拿魚腩 $27藍鰭大吞拿魚腩嘅味道更加軟腍有少許入口即溶嘅感覺🤤推薦俾有budget嘅朋友可以食多啲🤭.🌟大切日本產油甘魚腩 $17油甘魚腩亦都係抵食之選🍣好容易就感受到魚油嘅甘香.🌟拖羅鰹魚 $17鰹魚嘅魚味比起上述嘅壽司重所以配上薑蔥 鐘意魚鮮味嘅朋友可以點呢個🐟.🌟梳乎厘海鰻 $12叫得梳乎厘海鰻果然好有空氣感💨海鰻肉質軟綿綿 反而令我諗起甜蛋☺️.🌟炸水牛芝士 $17炸芝士有3件 而且上枱仲有少少熱建議黎到就即刻品嚐 芝士拉絲嘅效果一流🧀.🌟明太子忌廉烏冬 $32明太子有少少辣 所以同忌廉撈埋一齊食會balance啲烏冬掛湯力十足!🍜.🌟焙茶和風芭菲 $32最後當然要點個甜品做總結🍨和風芭菲有焙茶同綠茶雪糕球茶味濃郁 加埋蕨餅非常夾🍵

我第2次食哩間，幾個月前去覺得飯淋淋地，今晚再俾多次機會再預約，但舊飯真係一patpat到好難食。應該真係水大多，飯又暖暖地。客人唔係太多，見門口約20人等位中，平日夜晚7:30pm。我覺得重差過以前啲百x超市嗰啲機制壽司飯。其實舊飯難食真係好太影響。魚生正常，有啲好新鮮，有啲半鮮，有啲無光澤但可接受。白子最唔新鮮，唔係豬腦樣，係溶咗ge雲尼拿咁。我食過黃埔嗰間啲飯正常。期望新都城哩間留意下啲飯，希望再幫襯。同枱本身可以食”難”飯的人，都接受唔到。

見開嘩多間分店又學人去排下隊一排排左成個鐘行完街返嚟就啱啱好😂.野食嚟得好快，但質素好一般環境都okay，我地咁啱有卡位坐，闊落嘅.不過真係試一次就夠🙈😂

食過咁多間壽司郎，呢間質素真係最差，睇吓個青瓜卷個賣相就知道，一條短一條長，完全都唔平均。 而個螢光魷魚，新開張嘅時候都好好食，之後每次都係乾爭爭，一啲汁都冇，又細隻，不過我本人真係好鍾意食螢光魷魚，所以今次都再俾多次機會佢，竟然有驚喜，食完一疊想encore多一點，但係發現其中一件得一隻螢光魷魚加幾條魷魚鬚，夾埋隻半都冇，叫個侍應來睇，侍應仲話呢度係有兩隻，話夾開面頭嗰隻就會見到，好，我就拎開面頭嗰隻俾佢睇，得嗰幾條魷魚鬚，個侍應睇到眼都突咗，然後話同我換返碟，之後再嚟嗰碟就靚仔返晒。

留意到壽司郎又推出左新嘅秋季限定款式，今次嘅壽司款式睇落其實冇之前咁吸引，但今次最吸睛嘅一定係新甜品，即時就決定去拎返張籌試試佢！———————————————🌟生七味醬漬長鰭吞拿魚壽司 $12醬料本身味道好濃，少少辣感，但配刺身做壽司食落唔係好夾，真係醬料為主唔會點食到魚嘅味。.🌟秋鰹魚腩壽司 $17魚腩本身睇落已經好粉嫩吸引，再加以薑蔥作配搭及提味，食到魚本身嘅鮮甜味，唔錯！.🌟特大水煮松葉蟹配紅楚蟹拌蟹膏 $39松葉蟹同蟹膏味道本身都唔錯，但份量上真係稱唔上特大。再者，本身於外表上松葉蟹顯得比較乾身，什至同出面嘅日式蟹柳相似，減低咗成個菜式嘅吸引力。.🌟番薯炸蝦天婦羅拼盤 $27呢個拼盤其實都包含咗本身已有嘅天婦羅菜式，所以秋季張定嚟講唔係話好特別，但食物味道一樣咁好。.🌟究極巴斯克烤芝士蛋糕 $27想講呢個芝士蛋糕真係非常出色，味道方面非常濃郁。但最值得一讚係口感上嘅層次，最上一層係烤焦左類似焦糖嘅味道，然後就到非常順滑嘅芝士，接住係實心少少嘅芝士蛋糕同卡達拉娜口感相似，最後再到相對軟身嘅餅，一啖放入口成個口感都非常豐富但同時又有入口即溶嘅感覺，鍾意食芝士蛋糕嘅你必要唔可以錯過

5:50開始排隊6:28入座了多人等係有原因碟碟都非常新鮮除左熟悉壽司刺身外想加推一下這裡的揚物炸珍寶蟹柳壽司炸廣島蠔壽司炸薯條🍟真係即炸而唔覺係翻炸咁油益MCP仲可以免費泊車等多久也不怕絕對抵食

大家請唔好笑🐼 時至今日我先第一次食到壽司郎 🥹壽司款式都唔講太多啦大家都知道邊啲好食啦😹 唯一想提一提嘅係呢個 蜂蜜牛油味 卡達拉娜佢係新推出期間限定嘅口味 個人應為味道有少少太creamy 🫣 食咗半舊之後都勁飽 唔知原味係咪好啲呢？好彩有卡位坐 都幾舒服但見到啲人 大概再遲10分鐘嚟 就得返迴轉枱位 🍽 餐廳: 壽司郎 (將軍澳)🏠 地址: 將軍澳貿業路8號新都城中心三期2樓201-202號舖#foodiehk #hkfoodie #foodie #香港美食 #foodporn #foodphotography #foodblogger #hkfoodpic #hkfoodinstagram #foodlover #foodstagram #美食分享 #食好西 #美食寫真 #hkig #hongk

🍣壽司朗有咁多分店，都聽過唔係間間都一樣質素，🏬之前食過7間分店，體驗都好好，但今次去試寶琳既壽司郎，真係令人非常失望😩👀假期去到見佢地比其他分店少人，等位亦較快，原來都有原因既😂 首先上菜速度慢，黎到既壽司賣相亦唔討好，同張相完全兩回事📷 尤其係鏗魚壽司同鯖魚押壽司，鏗魚肉質散爛，另鯖魚押亦可見未成型，完全包唔好😥😔賣相差都當睇唔到，食左先講 🥢佢個醋飯結成一團，緊緊地黏住隻碟，要用力先夾得起件壽司，🍚而且個飯同醋比例出現問題，食落酸到一個點，比較難吞😰

壽司郎最近係壽司郎嘅三週年創業祭，新出咗卡樂B蜂蜜牛油味嘅卡達拉娜，本身都鍾意卡樂B蜂蜜牛油味薯片同卡達拉娜，唔知加埋效果係點呢？即刻去試吓。-------------------------卡樂B蜂蜜牛油味嘅卡達拉娜 $22上面依舊有層薄薄嘅香脆焦糖，第一啖口感似芝士蛋糕，但落入口之後又變得好香滑。平時嘅原味似係雪凍咗嘅法式焦糖燉蛋。而哩個特別版完全就係蜂蜜牛油薯片嘅味道，喺面頭仲有少許海苔，又咸又甜咁，幾有趣。另外仲用左個迷你薯片袋裝住嚟上碟，好可愛！😍😍另外其他食物依然保持到質素，壽司都好新鮮，茄子又啱啱烤好。茶碗蒸又好滑好有蛋香，料都好足，有蝦有元貝。👍-------------------------壽司郎開咗咁多間分店仲要等成百張飛係有佢原因嘅！🤪壽司郎地址🎈將軍澳貿業路8號新都城中心三期2樓201-202號舖