行過《壽司郎》見唔太多人等位，就即刻攞飛睇下有啲咩新菜式。我哋等咗10分鐘左右就有位，由於用餐時間只有一個鐘，我哋嗱嗱聲點嘢食。1我哋點咗「北海道炙烤鱈魚子配博多明太子雙味」、「北寄貝」、「熟蝦」、「吞拿魚」、「沙律山軍艦」、「極上海膽海苔包」、「玉珧貝雙味」、「煮穴子」、「北海道產鹽漬花魚」、「黃金脆薯」、「菊正宗」同「牛奶味軟雪糕配曲奇」，一共點咗12樣嘢。秋天味巡祭🍁の「北海道炙烤鱈魚子配博多明太子雙味，炙烤鱈魚子加博多明太子呢個配搭都好特喇，烤過嘅鱈魚子惹味可口，外香内嫩，食落帶有咸香味，非常開胃；博多明太子是經經「天日鹽」入味，直接食到明太子獨特嘅鮮咸香味，完全係一個味覺嘅享受。北寄貝、熟蝦、吞拿魚壽司，呢個基本嘅菜式就唔多加介紹。沙律山軍艦呢個好似未見過嘅壽司，但望落好正，有飛魚子、蟹柳絲、吞拿魚、粟米粒所造成嘅壽司，將呢幾大人氣嘅組合集合埋一齊，估唔到係出奇地夾，而且一次過食哂喜歡嘅食物。極上海膽海苔包，呢個係我每次去《壽司郎》必點嘅壽司之一，佢嘅海膽非常新鮮，鮮甜冇腥味，海洋味豐富，如果有淨海膽刺身會更加好。秋天味巡祭🍁の玉珧貝雙味，响官網講要先食生再食炙燒，因為生嘅味道比較新鮮，感受到「鮮」嘅味道，口感有啲似帆立貝，非常鮮嫩可口，薄薄嘅一片根本唔夠喉，會想食多件去試真個味道；炙燒搽上生醬油去燒，做到口感鮮嫩得嚟又好惹味，呢個係一道好成功嘅配搭。秋天味巡祭🍁の煮穴子，係我幾喜歡嘅菜式之一，佢同鰻魚好似，但想對嚟講係比較嫩滑，魚味夠突出同冇骨，唔似鰻魚要靠一層燒汁去遮蓋佢個呢味。每逢月中・第二彈🔥9月期間限定の北海道產鹽漬花魚，以我所知花魚係用嚟整一夜干，但我個人又唔係太欣賞，但佢呢個鹽漬花魚，估唔到嘅係食落油脂豐富，魚肉嫩滑得嚟有口感，佢未去到係彈牙，但食落係好嫩滑得嚟有口感。「黃金脆薯」，我覺得呢個黃金脆薯比某M字品牌嘅薯條更加好食，質感夠實在之餘，外脆肉軟，咸香味豐富，佢唔係粗身薯條，但食落係好實在，好有滿足感。「菊正宗」，呢個清酒係必點，食個咁正嘅壽司，冇可能唔食個順滑易入口嘅清酒，而且一壼只係17蚊，我覺得係必點。牛奶味軟雪糕（配曲奇）$18呢個我只係試咗少少，佢個味道同煉奶有啲似，未必係我喜歡嘅味道，但我覺得都值得一試。本來想點埋「辣豚骨拉麵」，但好似都叫咗唔少嘢咁，最後都係放棄，始終都係有啲難去完全食新嘢，有機會食到呢個拉麵的話再比評價。…查看更多
