壽司郎 (T Town South)

營業中

休息中

好彩地星期日既下午5點攞飛，6點入座😁😁2個人食左5百幾蚊🤫🤫特別推介:香蔥赤蝦壽司🍣 炸過既香蔥配搭少少沙律醬加新鮮大隻赤蝦😆😆 帶子壽司🍣 鮮甜大粒大拖羅壽司🍣 睇彩數唔系件件都咁肥美軟殼蟹壽司🍣 炸到好香脆😍三文魚壽司🍣 新鮮抵食鰻魚壽司🍣 大件無骨配甜甜地既鰻魚汁👍🏻心太軟🍫 呢個價錢系超抵食仲要流心😋😋價錢可接受，但真系好難預時間攞位食壽司😵‍💫😵‍💫一個鐘用餐時間都較趕，一坐低就即刻不停落單。

天水圍食壽司郎🍣，一字記之曰:早。我10:38到，等到10:43派飛，已經排058。最後，我12:40先排到入座，而當時已經停左派walkin。😨根據職員所講，已經派左二百幾張飛，要係6點停堂食前Consume晒先會再派。所以話，唔早，就會食唔到，飛都拎唔到。新春係做蟹🦀既期間限定。蟹肉茶碗蒸menu中聲稱茶碗蒸比之前加量不加價，就試一試。蛋🥚蒸得好滑，有一鼓淡淡咸味，底少少就會帶有海鮮既鮮味。入面有比之前多左既蟹肉🦀、蝦🦞、魷魚🦑、雞肉🐥同帆立貝，都幾足料，海鮮唔算好好食既，但熱騰騰、新鮮蒸好既茶碗蒸都係幾吸引既。濃厚蟹拌麵🍜碗面一到，就俾個賣相吸引，同menu圖一樣，好多蟹黃呀，仲有唔少蟹肉蟹粰同西蘭花🥦。一食落口，好鮮味，仲啖啖食到蟹肉，蟹粉味好出！我地爭住食晒，雖然份量唔多，但汁比麵多，完美覆蓋每一條麵。一碗$32，大推👍🏻！蟹肉忌廉可樂餅外表炸到脆卜卜，入口香又熱，入面個餡係忌廉味，雖然襯得個可樂餅幾好，但同想像中差d，主要係蟹味欠奉呢⋯⋯👀灸燒芝士鮮蝦🦐火灸係每次必點，今次忍手食左2碟Only，好鍾意既火灸芝士味，同其他地方一樣味，但性價比高。我既必食之選🤤🤤🤤！栗子味卡達

夜晚9點幾先返到天水圍，路過壽司郎都有啲想食，睇個apps話停止walk in，問職員就話1位ok可以入，截單就10點，於是就入左去食晚餐。壽司郎其實都食過好多次，其實味道ok，只係啲散修修咁。最好食係炸蝦，雖然比較貴，但蝦係彈牙，熱辣辣好好食！然後刺身類真係睇運氣。次次去都會食白子壽司，但今次個柚子醬太多，就唔太好食。同埋可能依家啲海膽都麻麻地，食親都有腥臭味，今次食海膽壽司都有少少腥臭味。然後帆立貝同拖羅就一向都好食。仲有個蜆肉拉麵都唔錯！另外果個卡達娜拉都幾好食，口感似係半融嘅牛油，就係上面啲焦糖好痴牙。如果唔洗排咁耐都會去食下～

朋友排左兩個鐘頭，終於拎到位食lunch ，未試過嘅朋友真係值得嘅！由於唔食得生冷嘢，只可以點熟食。雖然感到有啲可惜但熟食，都冇令我失望☺️特別想稱讚壽司郎嘅米飯，日本米，真係好好味！另外甜品係非常有驚喜，心太軟係流心😍 草莓芭菲，如果有機會我一定會返嚟再食！！唔單止有brownie 蛋糕、雜莓、牛乳雪糕、忌廉涷….真係超豐富，可惜個胃太細食唔到兩杯☺️☺️☺️呢個真心推薦！至於其他熟食，都發揮到應有水準，但冇特別推介。

今日食得好招積 😎同媽咪2pm拎飛，4pm入座，中間飲咗轉茶，已經飽飽地，叫幾件壽司，過吓口癮 🤪先用平板電腦order 極上海膽海苔包、赤蝦壽司、香蔥赤蝦壽司同蔥花吞拿魚軍艦等候壽司期間，職員親身捧嚟幾碟特選大吞拿魚腩壽司，介紹係師傅啱啱整好嘅，我哋都揀咗一碟對於今次嘅壽司，有以下評價：特選大吞拿魚腩壽司媽咪盛讚件拖羅好肥美，入口即溶，滿口魚油香味，可惜有啲美中不足嘅係有條魚骨 🐟🦴🤭極上海膽海苔包媽咪讚海膽甜，海膽份量都唔少喎～ 😋赤蝦壽司赤蝦有爽脆感，不過略欠鮮甜味香蔥赤蝦壽司媽咪話呢件壽司係平板電腦睇落吸睛，可惜食落口啲香蔥混合咗沙律醬，沙律醬蓋過咗赤蝦嘅甜味蔥花吞拿魚軍艦$12 有2件，性價比高（去其他集團式壽司店，同樣價錢一件都食唔到）總括嚟講，《壽司郎》天水圍分店符合正常預期，等候時間亦係正～常～～地～～～長～～～～

日本瘋魔的壽司郎最近殺入香港分店越開越多疫情下香港人冇得遊日唯有食住壽司頂頂癮這裏的壽司價錢 大眾化質素很高 難怪常常出現人龍至愛油甘魚家人說鰻魚特別肥美啊仔每次必吃甜品🍮

今日放假 帶咗屋企一老一幼過嚟食壽司郎 （日本都食過嘅覺得好食又平）天水圍終於今日有機會試吓啦！今日人流唔算太多 時間控制得啱啱好（因為等埋個小朋友放學😂）連早餐都冇食到啊大佬 諗住食呢一餐點左以下依幾樣野：YouTube見到人哋介紹天婦羅好食 但係食落去係薄薄地嘅粉漿 係幾好 但係食落去都係有啲油膩普普通通跟住又係見到人哋話薯條好好食 點左嚟食 又唔覺得有啲咩好好食🥲 係好食過麥當勞薯條嘅 ⋯其實就似西餐嗰啲薯條 拖羅但食物落有少少筋 都唔係入口即溶嘅有啲失望蝦三味 赤蝦好食！推介 唔好意思中間嘅熟蝦經俾咗媽咪食😂反而呢一個芝士火炙三文魚幾啱我食 有芝士有火炙一定唔會難食得去邊！芥辣八爪魚 🐙 鍾意食芥辣八爪魚嘅我會推介呢個呢個係抵食又好食！👍🏼👍🏼起碼八爪魚都幾肥美小朋友食咗拉麵 食下啲蛋壽司、腐皮壽司同埋炸蟹柳壽司屋企個媽咪呢 就唔食生嘢嘅 就叫咗個拉麵 不過佢覺得呢個豬骨拉麵有啲油 要加少少滾水落去食😂😂 三個人食咗$259 我見人哋一個人可以食起碼10碟😂😂我覺得食咗一次我應該唔會再食第二次 🥲最尾埋單$80.1個印花 （每張卡最多儲一張）建議大家每次食前一定要記得帶返上次嗰

🌹22 November 2021天水圍都終於開左壽司郎了開幕首日打算去食但晏就3點落去 已無得拎飛了過左一星期後既平日去等左20分鐘就入得😈職員安排左我地坐bar枱位分店衛生狀況無問題店員亦都十分有禮 同我地介紹當日有咩抵食招呼十分周到果然新開既店係唔同啲除左壽司外仲有我每次去到必叫既薯條 脆卜卜$12+10%但覺得份量可以多番少少🤤最後 當然唔少得食佢果度既甜品啦嗌左個雪糕同千層蛋糕雪糕好重牛奶香味 一流但個千層蛋糕 就唔太岀色只係普通味 無咩驚喜☹️相比起同商場既magic touch我會覺得magic touch tea time較為抵食而家叫做有兩間壽司店 分薄人流 唔洗等太耐😛總之見邊個唔洗排隊之後就去邊間啦🤭

天水圍終於有好味嘅壽司店喇天水圍係美食嘅沙漠應該係人都知通常都係得大型連鎖餐廳。。。壽司郎雖然都係，不過就以平靚正招來11月頭開張我無去排隊因為我知一定人山人海 (我未食過)星期六開門前15分鐘諗住一家四口去拎張飛點知門口有過百人等開門嚇到我哋番屋企今次經過見到唔多人，同仔仔入去食個tea 等左20幾分鐘，大約30幾張飛翻枱都快，叫號嘅時候都快店員仲會叫號前講一句 唔好意思要你等咁耐都幾有禮貌入座嘅時候會講明要60分鐘交枱我覺得非常好，等d人唔好坐咁耐吹水店員仲會問我係咪第一次黎之後介紹座位嘅擺位幾好幾好入正題！迴轉壽司上面可以自己拎壽司不過我就會望完自己order除非個樣好新鮮叫左幾樣$17兩件油金魚過得去唔腥$27嘅大呑拿魚無得輸，如果平d會更好入口魚油爆發，正！其他$12有炙燒羅勒三文魚 （朋友推介）我覺得好似食緊西餐意粉係唔錯嘅醬烤鰈魚鰭邊（我睇相以為係左口魚）好香魚油味而且個味就係左口魚味加左塊紫蘇葉好正香葱赤蝦大大隻爽口不過d葱絲炸過不過淋哂 咬唔爛$22帆立貝得一件，大粒甜嘅我見迴轉枱上有$17兩件不過似係大粒cut開兩舊我仔食左鮮蝦天婦羅壽司我叫左個珍寶魷魚天婦羅壽司蝦

曾經踏足過黃埔、佐敦、黃大仙、藍田同埋屯門分店嘅壽司郎！今日就嚟到天水圍啦！小弟真係可以話係壽司郎嘅fans，真係意想不到喺度開！首先講吓環境先！個環境都算闊既！樓底都比較高！不過就比較之前嘅分店嘈吵啲啦！至於食物質素方面，小弟就覺得比起我之前食過嘅分店就差啲啦！首先賣相方面就真係有少少唔理想！我見到有件軍艦，放得真係唔好，然後反轉咗！我自己都叫咗少少軍艦，紫菜有少少林！吞拿魚新鮮係差其他分店少少，但仍然可以接受！至於有個牛油果卷，就不過不失！服務方面都有啲唔理想！出現送錯餐！同埋點餐後冇嚟過嘅嘢食，都話送咗餐，相信係系統問題！希望盡快改善！避免引起不必要嘅誤會！

開店不足兩星期，第一次幫襯這分店！服務態度良好！💡💡💡💡💡一切運作順暢！💡💡💡💡💡食物質素正常！💡💡💡💡食物環境衛生！💡💡💡💡💡平日早午餐時段，等了半小時便入座，用餐時間60分鐘，眨吓眼便過🤣推介1. 小肌2. 深海池魚3. 燒汁鰻魚4. 抹茶卷2⃣️人食咗19碟，埋單連加一，盛惠$353。🙂🙂🙂🙂🙂🙂🙂🙂🙂🙂🙂🙂🙂🙂希望此店水準能夠保持落去，天水圍街坊可以多一個好選擇🙂🙂💪💪💪💪💪