壹號冰室 (富洲大廈) (已結業)

仲有10分鐘就6點，忙完有D肚餓，仲趕到可食個tea!😊😂雞翼拼红腸印尼撈麵有D辣夠惹味！份量也足，炸雞翼好香口，好快食哂！個湯也好飲！椰汁紅豆冰大大杯！餐飲不用加錢真好！椰汁清香，紅豆有咬口！…查看更多

從社交平台 得知有這間食店，見到有「韮王海蝦球炒蛋」套餐，故此千里迢迢（我住上水）都要外賣回家試試。食就好食，但個女樓面及個伙記就非常之無禮貌！因為你們openrice是有支付寶的，故此便用支付寶，但他們話沒有，我說是有的，於是個男的伙記（肥胖）的非常之惡的說：「我們邊度話可以用支付寶？你說」😡😡😡😡無奈接受之下唯有用現金付款。而我不久立刻給你們openrice個付款畫面給他們看，指着付款方式給他們看，但仍遭惡劣對待。食物好食都沒用，咁無禮貌對待客人，怪唔知得這麼少客人在這兒食！永不再來！…查看更多

上菜速度都幾快手，個吉列豬扒去到面前都仲係出緊煙 我覺得最好味係佢配左既醬，真係有諗過。下次再去，就想食下佢個豬扒包，我見有幾枱人都食緊佢。環境方面無咩特別，正正常常茶餐廳。…查看更多

今日要去荔枝角區工作, 咁就和同事周圍行下搵食見到間冰室有位, 又就來坐滿人, 應該OK啦.坐低左, 望一望個午餐, 又唔係咁岩食,咁我地就揀左個全日餐B , 香茅豬扒湯即食麵(轉米粉)(配西班牙黑毛豬餐肉炒旦+牛油多士)個餐一來到, 即試下個多士,嘩.....有味呀! 但唔係多士塊飽香味... 係一種講唔出的怪味.西班牙黑毛豬餐肉炒旦味道普普通通...香茅豬扒湯米粉, 個湯好淡又無咩味.(同事係食即食麵, 係出記湯底....)係塊豬扒都叫上得枱.齊體表現, 其實我有機會煮過好過佢....不過咁講, 工廈區真係填飽果肚仔就算.…查看更多

附近試哂，以為師傅仔最難食，點知有間竟然同佢地有得揮，行過見咁大間冇乜人咪試下，原來冇乜人係有原因，望住d員工個個禁手機，試海南雞，完全垃圾，黑雞，就黎起潺，梅既，食落去有d暗鹹，係就黎壞哂變質個隻鹹，我食一兩舊依家頂唔順，啲餐具洗唔乾淨仲有跡，誇張，以前新開張試過一次，個肥老闆喺度，嗰陣啲嘢幾好，依家直頭垃圾。講真我要求都唔係好高，格離雞仔差差地都叫正常，壹號冰室真係…伏，可能呢排無乜生意，又擺耐左又小人點，咁岩比左隻西雞我，點都好反正冇下次，，長沙灣壹號冰室同師傅仔暫時兩間係餵狗。…查看更多

雞脾撈公仔麵，雖無出前一丁揀，但公仔麵口感煮得還OK，不太“淋”，雞脾好入味好軟無雪味，公公婆婆食绝對易入口消化，跟餐例湯青红蘿蔔冰室來講不錯。馬來咖哩，太水了，連咖哩味也冇乜，但蔬菜種類多，有菜心/西蘭花/翠玉瓜/青椒/紫洋蔥/大量白洋蔥/薯仔，蔬菜都煮得適易口感，瓜依然爽脆，薯仔很“淋”，如咖哩改善會很好。熱奶茶，一上枱，香噴噴，飲落茶味足卻欠奶濃，不過整體算OK。…查看更多

又是星期日，睇早場時間今日睇西片：A Hunting in Venice說是“早場”，其實不早，11:15a.m.開場，有時間慢條斯理吃個早餐再入場。在電影院附近兜了一圈，發現有間“壹號冰室”，店內很多人，就吃這間吧！點了早餐B，包括以下的：#沙嗲牛肉公仔麵：好大碗，沙嗲湯底夠濃又不會過鹹，挺好的！牛肉比較薄身但數量不少；公仔麵比較軟身，我不喜歡吃太軟的公仔麵，扣分項。#牛乳炒滑蛋配牛油多士：滑蛋夠滑，可惜不夠熱，味道打了折扣；多士夠脆，好吃！#熱奶茶：紅茶和淡奶的比例合適，好喝！店内部份冷氣(最裏面的)壞了，也是扣分項。…查看更多

明明叫馬來風味扎肉炒貴刁 買到番去一開變咗星洲炒河以為佢比錯扎肉得個兩三條啲味同星洲炒河冇分別打過去佢話係咁架果度有兩三條扎肉咪扎肉炒貴勺囉下次我地炒多啲比你啦👏🏻👏🏻👏🏻👏🏻…查看更多

我地4個人主要order左：1. 招牌海南雞飯 x 2 ⭐️⭐️2. 咖哩海鮮飯 ⭐️⭐️3. 日式鰻魚雞粒炒飯 ⭐️⭐️⭐️⭐️.日式鰻魚雞粒炒飯可能係全餐廳唯一推介, 朋友只想填肚, 膽粗粗入左黎, 見食評麻麻.我當時估計 鰻魚炒飯應該無咁易失手,其他真係唔敢揀。結果好好彩, 個飯唔硬, 而且炒得好好,Touch wood鰻魚無碎骨, 好入味.招牌海南雞飯 一點都唔招牌,碗飯好硬, 兩碗都係.真心唔好叫.海南雞不過不失, 唔係特別出眾份量係非常夠,不過唔好預好好味.咖哩海鮮飯嘅咖哩好水好稀,撈飯食都唔好預好濃味,有幾舊八爪魚仔 蘿蔔填肚囉碟飯唔太硬嘅…查看更多

地點光鮮，但係餐牌上面嘅可選擇食物不多，價錢偏貴，相信因為鄰近繁忙街道，加上做附近鄰里街坊生意，所以服務態度十分一般，若附近找到其他食肆，不妨唔需要試呢間，免得失望同沮喪。…查看更多

看似裝修ok，環境乾淨，但食物味道異常難食。點了冬陰功海蝦球鮮魚湯米線，只有幾個蝦球，湯太重香茅味，完全吃不下去。另外，朋友點了一個煎蛋免治牛肉飯，只有少量牛肉，味道過濃。可能其他食物ok, 但請不要點這兩款食物…查看更多

8號風球懸掛，沒去處就去看電影。距離電影開始播放只有20分鐘，就在電影院附近隨便找點吃的充充飢。冰室內顧客不多，坐下來立即點了三款食物：潮州手打魚片頭鮮魚湯米粉：鮮魚湯鮮味不足，三角形的魚片頭有五片，頗彈牙，味道也可以，米粉不是平時吃的類型，較爽口，份量不太多。醬爆南乳豬手麵：湯頭加入了南乳豬手的醬汁，味道不錯，豬手有兩件，煮得夠軟，但味道更香濃一點就更佳，麵煮得太軟，不夠爽口。腐乳通菜：腐乳醬好味，通菜也長得爽口，不錯。本來這冰室環境算是不錯，但進食期間，一隻蒼蠅不停在我們的食物附近亂飛，甚是困擾。另外，為我們點食物的員工似乎不太滿意8號風球要上班，有點煩躁，幸好後來為我們送上食物的員工態度很好。…查看更多

早餐沙爹牛麵個麵唔熟！麵係硬定係唔熟，我呢個普通食客都識得出，唔需要係啲乜嘢食家。好聲好氣叫個侍應個麵唔熟，獲得西口西面話你浸下就會得。公仔麵我自己都識煮嘅，餐廳個廚成個麵都冇搞散過，入面就梗係唔熟啦，成個麵餅咁上。雖然三十五蚊一個早餐係好平，外賣自取都仲有九折添。但係唔熟就係唔熟㗎啦，點食啫。西口西面之後勉強換過另一個麵俾你囉，香港地生活就係咁囉，就係一號冰室囉....我諗呢間餐廳係咪應該改名叫做一號服務最差嘅冰室呢？…查看更多

今次去食冰室推薦暢銷產品—秘製豬軟骨拼鮮蝦菠菜雲吞米線。 首先講下秘製汁既豬軟骨好濃、好軟棉既肉，係好食但份量較少。而蝦雲吞普通、米線有點過熟、湯底較肥膩，呢個湯底特別在落左果皮，好唔好就見人見致啦。而呢間冰室既凍奶茶係好飲， 茶底夠，同奶既比例岩岩好，做到入口順滑既感覺。…查看更多

每朝早翻工都係巨眼瞓🥲所以一定要食個早餐提下神。雖然包包飽，但日日食都會悶今日見時間充足，所以就坐底食個茶記🤩嘆翻個good morning❤️叫左個D餐，炸菜肉絲湯米粉配蟹籽嫩滑炒雞蛋，牛油多士包埋熱飲盛為$34炸菜肉絲就standard 野反而米粉質地好好，好有咬口。😂😂蛋就真係炒得好嫩滑既，不過蟹籽就一D都食唔出🥲但係隔離塊多士就好出色溫度岩岩好，脆得黎又好軟熟❤️❤️今餐D配角搶晒鏡！…查看更多