影片
港鐵香港大學站 B2 出口, 步行約4分鐘
繼續閱讀
電話號碼
25032888
營業時間
今日營業
11:00 - 15:00
17:30 - 23:00
星期一至日
11:00 - 15:00
17:30 - 23:00
以上資料只供參考, 請與餐廳確認詳情
店名：塘西豐味館私房菜地點：石塘咀德輔道西434號均益大廈一期地下4號舖今日黎開西環拍拖，以前小學讀書個時，成日係石塘咀嘅創業中心留下不少腳毛，望住電車，望住西環海皮，肚餓時見到一間私房菜-塘西豐味館，價錢又親民，一於試試佢1.脆皮荔枝球 $218擺盤極度有心思，荔枝球炸起後吊在架上，真的好像荔枝一樣，旁邊再放一隻招財貓，好得意，打卡一流；荔枝球其實係墨魚肉，入口彈牙，老細話可以先食原味，再點醬試下，但個醬係荔枝汁黎，甜甜地好特別👍👍2.冰鎮咕噜肉 $188第一次食用冰覆蓋嘅咕嚕肉，外皮凍入面熱，好有冰火嘅感覺，咕嚕肉大舊，肉質嫩滑，正；冰面上重有菠蘿可以食，但切記要快食，因咕嚕肉熱，放喺冰上面，冰會融化，會浸淋咕嚕肉表皮嘅脆身🤤3.冰川柚子鮑魚 $62店家好有心思，用寶箱嘅方法上菜，入面放上乾冰，打開時好像霧氣湧出，超有驚喜，好特別；冰鎮鮑魚肉質彈牙，配上柚子汁，好好食🫣4.脆皮茶燻雞（半雞）$168茶燻雞正，做法跟炸子雞類近，肉質嫩滑，表皮酥化，加上使用茶葉燻製，入口有淡淡嘅茶葉香味，令人回味5.上湯蟲草花浸時蔬 $88蟲草花肥美，配上上湯烹調，加上白菜仔清清地食完之後，仲有糖水送添，當日送嘅係椰汁雪耳燉桃膠，椰汁味超重，雪耳諗身，桃膠有多，冇得彈🤗🤗
繼續閱讀
朋友生日飯，去咗一間相信係2025年度食過最好嘅餐廳，可以話係平！靚！正！作為私房菜，擺盤精緻不在話下，味道非常出色。雖然叫私房菜，價錢只係屋村價。餐廳位於西環嘅塘西豐味館私房菜，香港大學站行幾分鐘就到，店內外裝修好有特色，8-90年代戲院風格，亦陳列唔少絕版嘅黑膠唱片。除咗食物值得打咭外，店內嘅陳設都值得去打咭。我哋點咗下面嘅菜式，除咗有啲我唔食嘅食物外，每食一啖雙眼都比心😍，絕對唔係誇張。小食：麻辣青瓜/話梅花鵰豬手青瓜我冇食到，因為我唔食青瓜。豬手我試左，雖然我都唔食豬手，估唔到係咁出色，味道夠，亦帶好香嘅醋味同花雕酒味。由呢兩道出色嘅小食作出序幕；椒鹽豆腐相信係我食過最出色嘅椒鹽豆腐，金黃色嘅外皮，外脆肉軟，亦唔會太咸，完全唔需要加任何嘅調味；惹味厚切茄子同樣我唔食茄子，我唔知咩味，但純粹觀賞，我都覺得整得好靚，相信味道都好出色；湯水：杏汁菜膽燉豬肺湯奶白嘅湯汁，杏汁帶清爽，加上雞同豬一齊煲，夠濃郁而唔會咸，豬肺洗得好乾淨，大部分嘅豬肺都比我食哂咁濟。以我係湯控嚟講，呢個湯真係令人驚嘆，點解可以煲到咁好味；主菜：冰涼柚子凍鮑魚非常靚嘅擺盤，鮑魚煮到剛好，夠彈性，柚子汁藏响鮑魚下，運送期間漏咗啲出嚟，感覺蝕咗。特製嘅柚子汁配冰涼嘅鮑魚，感覺好清新，估唔到柚子汁加鮑魚可以咁夾；荔枝墨魚丸一道好可愛嘅菜式，我好鍾意招財貓，淨視覺上已經感覺到豐盛。我初時唔知係墨魚丸，因為做得太似荔枝，估唔到係墨魚丸，仲要係食過最出色嘅墨魚丸，外脆金黃嘅外殼，內心竟然係咁柔軟，好似一條新鮮嘅魷魚响口入面遊走；上湯蝦球伴脆麵一道好精彩嘅菜式，麵夠脆，尤其佢個汁夠出色，到上佢特制嘅汁，味道剛好，我係怕食芡汁嘅人，但我敢講，對佢呢個汁絕對唔會反感；蜜汁金薯花尾龍躉球我初時以為係又咸又甜嘅菜式，佢個味道係剛好，唔會過甜或過咸。魚有魚本身嘅香味，並唔係坊間食到嘅雪味；炸子雞呢個同我响海悠食過嘅真係有比較，我唔敢講佢係最出色，但都數一數二，外脆肉嫩，味道偏淡，就係為咗要點上淮鹽去提升味道，呢一方面大廚諗得好周到；糖水椰汁燉糖膠好香椰子味，雖然已經好飽，但都成碗食哂佢。塘西豐味館私房菜不論食物質素、裝修、衛生及服務等，都值得比5星⭐️⭐️⭐️⭐️⭐️。塘西豐味館私房菜 (西環)西環石塘咀德輔道西434號均益大廈一期地下4號舖
繼續閱讀
這家小店的食物質素非常高，令人驚喜！今天，我們五人首次光顧這家小店，食物的質素讓我們感到驚喜。服務員端上「脆皮荔枝墨魚丸」時，乍看之下還以為是真荔枝，原來是巧妙仿製的墨魚丸，外觀相當別緻。這道菜還搭配了荔枝打成的汁，增添了清新可口的風味。平民小店，價錢實惠，但真有高級中菜的水準！
繼續閱讀
支持本地高汁小店 ，黎左五六次 ，都要真係比返個超讚呢間隱世小炒店。高汁菜 平民價，好過長途跋涉去深圳食元素周期表落肚啦。服務又好，仲驚喜送超好甜品，唔夠喉可以去埋七分鐘距離既滔滔甜品。強推足料黑䒬湯 ，煙燻雞👍👍👍👍👍⋯⋯ 仲有荔枝角球，全名唔記得。老闆仲free 開瓶費一支，同埋幾好 無限時無趕客，星期六都可以無限時坐，唔趕客（好感動🥲） 不過小菜太多食過都好高汁，最好四五個字來先可以叫多啲食 ，唔寫個好評對唔住個廚🤣🤣
繼續閱讀
Lunch諗唔到食乜，行過見到呢間就入左去，都抱住就試下心態。 入座/等位：三個人將近一點，好左都有位。 入面其實都滿滿地。環境：估唔到入面係港式舊電影風，你會見到好多港星（例如：張國榮）嘅大型海報/相。空間都唔算迫。 食物：一坐底未落單，佢就上左湯。應該係午餐送/跟嘅，係蕃茄薯仔湯，係唔錯的！無味精感！ 我叫左午市套餐嘅乾炒豬頸肉，$66。 佢河炒得有鑊氣，唔會太咸太油。只係份量唔算超大份，真係一人份差唔多。 朋友就叫左果肉餅飯，$60。偷吃左一啖，啲肉餅係紮實有汁，不錯不錯。 總結：佢午市套餐算抵又好食，但就唔係share份量又，預一人食就啱啱好。
繼續閱讀
您可能會有興趣的...