堅信號上海生煎皇 (愛定商場(H.A.N.D.S) A區) (已結業)

開左係小編屋企附近既堅信號上海生煎皇😚 開業個陣試過佢一次～個時係星六日既下午去，冇下午茶餐，要散叫☹️ 所以之後就冇再去了～今次再係星期六經過，見到有下午茶餐！仲要好抵喎🥴 即刻叫左兩份同媽媽一人一份啦😍 當日留意到鋪面人手超唔夠….小編個外賣最後等左30分鐘🥲 值唔值就見人見智啦….. 不過職員態度都好好，拎比我時都請左聲唔好意思🥲🥟 自家制香煎鍋貼配酸辣湯 $32鍋貼幾大隻下，個人覺得個皮幾薄😋不過唔係知係咪冇醬點架呢🤭同埋廚房應該麵忙了，冇咩香煎既感覺🤣酸辣湯麵幾豐富，有肉絲、木耳絲等等☺️ 夠酸夠辣😁🍜 四川擔擔麵 $36拎到番屋企知麵餅大部分已經痴埋左一齊分唔開了🥲不過個麵質依然好好😆我最中意個湯底夠濃，有好香花生味啊😍留意番，每個外賣要加$2架🥰

星期日懶媽媽要放假😆今次揀咗性價比高嘅「堅信號」阿女至愛食上海粗炒我就鍾意食生煎包滿足晒兩母女個胃😋———————————————一個餐有齊前菜、主菜同飲品追加埋酸辣湯同生煎包🙌🏻前菜紅油拌水餃辣油好香，餡料多，抵食主菜上海粗炒份量多，味道濃郁，粗炒好煙靭生煎包超juicy，一咬啲肉汁爆出嚟，包底煎得好脆酸辣湯料多，如果再辣啲就完美喇❤️—————————————————店員都好主動見我拎住好多嘢等外賣主動問我幾號外賣，幫我入去廚房追意想不到嘅服務

上海最人氣最有名的，並不是小籠包，而是生煎包。上海人叫生煎包做「生煎饅頭」，在上海已有上百年的歷史。 堅信號上海生煎皇是連鎖店，也有很多分店，也是相當不簡單。主打時尚中式輕食餐飲，揉合傳統和現代飲食元素，提供與別不同的中式餐飲體驗；主打供應生煎包、小籠包及各式地道中式美食。 招牌生煎包皮薄多汁，吃起來的感覺是皮薄，底非常脆，裏面湯汁比較多，而且不怎麼油膩。 生煎包灌湯小籠包紅油抄手炸醬伴麵芝麻醬五彩冷麵秘製豬扒菜飯酸辣湯水餃口水雞菜飯雞扒湯麵

最近屋企附近開左呢間上海野，岩晒我媽口味，所以趁放假就同佢食下😍可惜假日係冇下午茶食架，要散叫，大家要留意下啦😞🫓 堅信號生煎包（2個） $20最出名係佢地既生煎包，雖然散叫一粒要成$10，但都冇得唔試下😙一上枱都覺得幾細粒下，面頭有啲芝麻同香蔥加強個賣相😝一入口，食落熱辣辣，似即叫即煎既😙雖然好細粒，但都煎到超香脆🤩同埋！佢係會爆汁架😱😱😱超驚訝haha好似中午/下午茶有得加購生煎包，咁就唔洗散叫咁貴啦😋

晚餐叫個上海野黎食下先🤎•蜜椒雞扒菜飯 雞扒就中規中矩生煎包一咬落去爆汁 熱辣辣好正仲配上海醬蘿蔔 酸酸地又夠爽脆 最鍾意加埋個菜飯底 好味🍱🙏🏻🙏🏻🙏🏻

幫襯過三次，每一次都失望，D嘢唔係唔好食咁簡單直頭係可以講得上係難食，一碗普通嘅麵都可以淋到不得了，有一次食京葱炒牛肉唔明點解會有小小酸酸地嘅味(但唔係變壞)，最後一次食回鍋肉，D回鍋肉同椰菜好似用水煮咁D汁係水咁菜係生嘅，所以決定以後唔會再幫襯

今日經過安定商場見到呢間"堅信號上海生煎包" ，隔局乾淨企理，加上見到佢最近有主打新款菜色，crossover 左芝士龍蝦🦞同上海嘢，就一於入去試下。呢間餐廳價錢好親民，我同朋友食正下午茶餐時段就平上加平。我地分別叫左"龍蝦海鮮湯麵伴熱溶芝士🧀醬"," 流心芝士龍蝦小籠包", "紅油拌水餃🥟"， " 川味口水雞翼菜飯" 同兩杯豆漿，都係200元咋。😊*龍蝦海鮮湯麵伴熱溶芝士醬 $78*湯底有好足既龍蝦味👍🏻，麵條都夠彈牙，雖然係78蚊，但入面係真係有龍蝦肉架。呢個餐特色係附左個芝士醬，當你湯飲到淨返1/3時再加個芝士醬變撈面，一個湯面2個食法，好玩又好味😍*流心芝士龍蝦小籠包 $48*上碟熱辣辣，小籠包一咬落口係濃濃既芝士味，如果你鍾意喺酒樓食芝士龍蝦伊麵，呢碟就岩你喇😎傳統得黎又夠潮*紅油拌水餃 $32 (下午茶)*呢碟偏辣，但水餃就唔係好夠熱。*川味口水雞翼菜飯 $38 (下午茶)*口水雞汁都夠辣，加埋菜飯夠暖胃飽肚😍

食物一般，叫咗個早餐個包冇來，問咗兩次，最後等唔到埋單完全唔會好意思，可以當當冇嘢發生過，單全收，CLS早餐個個都趕住食完返工以後唔會幫襯要寫個80字就講下啲食物，非常一般。有中式有西式，正常一個早餐，沖粉咖啡，無味沙嗲牛麵,消失了的生煎包。食得最飽嘅就係氣---一肚氣

上海粗炒既麵條太過韌。白飯唔知係唔係加埋冷飯煮，有唔少過硬既飯粒同唔應該出現既偽飯焦。如果係想做到似上海菜館既食物，雞絲粉皮唔應該用日式胡麻醬。堂食都比食客用即棄餐具，未免太唔環保。另外，周不時都有蚊螆/烏蠅飛黎飛去，衛生可以再做好啲。豆漿同黃魚都還可以既。

生煎包真係唔差、但其他就........ 有次叫咗個秘製豬扒菜飯外賣、返到屋企打開我真係以為我攞錯外賣➡️根本就係一盒厚切叉燒飯😅，我仲打電話返去confirm 多次我有冇攞錯外賣，店員話我哋嘅豬扒係似叉燒，之後我又問咁我叫菜飯點解會係白飯呢？店員話：「因為菜飯用晒所以比咗白飯你」其實我都唔係好介意、不過最少我攞外賣時話聲比我知會好啲囉～～～～有次叫酸辣湯味道我都唔想回憶。今日又試多一次擔擔麵，唉～點解可以煮到個麵到差唔多爛嘅程度、湯又太甜，我真係放棄、以後只會叫生煎包外賣。

店內環境美觀，坐得舒服，用紙仔落單，套餐都幾抵食，價錢親民，經理招呼不錯。講返食物，四川擔擔面咸既食得多，甜既第一次食，好似落咗好多糖咁，唔好食。生煎包熱辣辣，一啖咬落去，爆汁辣親個咀，建議放一陣先好食，小籠包皮都幾薄，但講到生煎包同小籠包個肉餡，胡椒味蓋過晒肉味，點解既呢？麻麻哋！糖醋魚菜飯，魚都幾香脆，不過要快啲食，如果唔係啲汁浸淋晒就唔好食㗎喇！醉雞翼算係最正常既味道。總括擔擔面同包既肉餡真係有待改進。

堅信號真的出名生煎包晚市原來一樣有午市套餐，價錢合理一個主食可配一個小吃，加飲品！生煎包2個包底很脆微焦，中間肉汁很多一咬爆汁，要小心燙嘴，堅正！外婆紅燒肉很多油……嚇一吓，比較喜歡當中百頁！豬肉很軟綿綿，就味道方面不太濃感覺味道淡一點，不夠味感覺……甜酸咕嚕肉 （素）賣相都很像真豬肉味道不錯，素肉很像豬肉口感，而且很脆麻辣鳳爪賣相顏色像浸了麻辣汁真的很辣，酸酸辣辣，以辣味為多雞絲粉皮爽口滑溜，麻醬好開胃，好味！

星期六諗住同父母去試新嘢，去到唔洗等位，我哋tick 左兩個午市套餐。之後叫人黎落單，點知個呀姐勁大聲話：「今日冇午市套餐架，公眾假期！」然後好大力咁畫個大x係我哋tick 好既紙。當我想再詢問星期六都計嗎的時候，她已經大步走左，我沒有機會問的同時，同場的食客都向我枱望（因為呀姐講嘢好大聲，好似罵我哋咁）搞到我父母好尷尬😞老實講，呢一刻已經好唔開心，尷尬之餘小妹自小學以後也沒有比人畫大x，完全不尊重食客。唔緊要，小妹家教好，忍左，再畫過單點食物，叫另一位服務員（今次呢個好啲）。我哋叫左（1）上海粗炒（好難食，求其搵啲豉油撈埋啲烏東當係，而且唔夠熱）（2）生煎包（還可以，唔係特別好食）（3）豬扒菜飯（豬扒係雪藏，搵啲蜜糖cover左陣雪味就算，結果得個甜字，菜飯，都係求其撈埋當係）。

星期日去冇下午茶 所以單點野食最後落單係5:30芝麻醬五彩冷麵 $46份量都ok 有雞絲 蟹柳絲 火腿絲 甘荀絲同埋青瓜絲 食落幾清新四川擔擔麵 $44碎肉既分量都幾多 唔會太咸雞絲粉皮 $26粉皮有d硬 但味道還可以 不過不失生煎包(四個) $36必食推介 生煎包熱辣辣 裏面好多湯汁 而且個包底煎得好脆 不過要小心食 唔好淥親 同埋必到d汁周圍都係豆漿 $12 唔知點解一杯多d一杯少d 好明顯的野食有d慢 豆漿同埋冷麵都等左一段時間 亦見到其他顧客都等左好耐 呢方面可以改進一下 如果要趕時間就唔適合食可以做會員 有生煎包送 亦可以儲分換野食或現金卷

試過旺角呢間生煎包覺得還好，所以嚟開屯門晚餐就試吓呢間分店。疫情期間用太多即棄餐具，所以都會自備。點知門口個戴眼鏡叔叔話好多單，唔肯用我嘅餐盒。當時已畀晒錢，所以只能硬食。講返食物質素，生煎包話要等20-25分鐘，5分鐘已返到屋企食，係暖嘅，有肉汁但冇乜味，仲要啲肉梅梅哋，唔好食。個原味黃魚煨麵，件炸魚超級油膩，炸槳厚，魚肉腥，未食過有一間嘅黃魚咁難食。就係好多呢啲員工嫌麻煩，令好多人都唔敢自備餐盒，驚畀人鬧。呢間嘢員工同食物質素都差，冇下次了。