城景閣

營業中

休息中

本身想去朗豪坊果度食自助餐，但由於果間要六百幾蚊位，夫人話貴，所以揀左呢間，我兩個大人加一個歲半大BB，畀左張四人枱我取餐區範圍細，款式唔多，走左一兩轉都好似已經無乜嘢啱心水再食，無奈之下唯有攞多幾次刺身同生蠔，夫人亦略為感到失望，幸好有絲苗白飯同幾款蛋糕可以餵BB，加埋一成五百幾蚊位黎講，食物款式真係太少，寧願食返某連鎖日式放題餐廳，仲無咁貴，而且無一片片切出黎果d烤牛肉，令人失望，應該都唔會再去下一次

老婆生日，城景閣有4送1優惠，又有紅白酒同啤酒任飲，決定黎試試，因為我本身唔太鍾意食自助餐得一杯餐茶，好似食得唔夠盡興。Openrice訂枱可以揀6點呢個時間，上到去話6:30先可以開始食，感覺有小小奇怪，但唔緊要啦，同小朋友去完廁所settle down都差唔多。野食水準中上，海鮮方面，生蠔因為唔係即開，所以唔使點等，每次兩隻，我試過拎隻大碟過去佢會俾4隻，大大隻，味道唔錯。蟹腳都係，唔太咸又多肉，淨食呢兩樣都夠回本。其他熱食同刺身不過不失，甜品方面佢有小量榴槤野，鍾意食既就岩哂。啤酒係獅威，有小小失望，白酒飲得落，唔太差。總括黎講，$500左右一個有咁既質素，值得encore。

蟹迷留意!任食蟹既機會又黎啦😂城景國際9月份推出十蟹盛薈‧海鮮自助晚餐，推出多款以蟹做主題既菜式，餐廳環境寛敞，食物種類亦多元化～一黎到都會為每位客人先送上岩鹽照燒北海道圓趾蟹伴蟹籽千島汁，為蟹宴打開序幕😆凍盤區有得任食法國膏蟹同加拿大鱈場蟹腳，亦有美國及紐西蘭生蠔、荷蘭藍青口、大大隻既澳洲凍蝦同各式日式刺身等。沙律區有一大圈，要開胃不妨過一過黎😝熱葷有北海道帶子蟹粉紫玉杯、蟹粉芝士焗三文鰈魚卷、懷舊鮑魚螺海參雞酒煲、海膽醬牛油梨飛魚籽焗釀蟹蓋、花雕話梅亞拉斯加皇后蟹、黑松露蟹肉燉蛋、芝士/煙肉焗蠔、水蟹粥等，將蟹完全融入係菜式裏面😂仲有鐵板燒、天婦羅、叻沙呢啲菜式。又黎到K最期待既環節😆，佢地既甜品櫃有成兩大個嫁😙，有麵包布丁、朱古力蛋卷、原個雜果忌廉蛋糕、朱古力泡芙咁，另一邊既甜品區則主力以榴槤做主打，有榴槤梳乎厘、榴槤角、榴槤葡撻、榴槤糯米糍等，令K幾有驚喜。最重點當然係任食Movenpick 既雪糕，味道有成7、8款可以揀，超級正!

下午茶訂座的話有優惠，預先落訂又有得平，變成人均唔駛200嘅high tea,所以就黎試下啦右上桃汁鴨胸，幾正，味難得地夾。但係中間嘅蝦餃勁厚皮。其他一般。中間左邊係日式冷麵，極鹹下方左邊蟹柳蛋沙律勁夾勁好食。其他一般。黎嘅一大重點，榴槤甜品。左邊榴槤梳乎厘，勁香，但唔重味，啱輕度榴槤好。中下係榴槤布甸，極濃榴槤感，我唔算重度榴槤好會覺得over咗...其他一般。右邊炸脆卷，裏面有榴槤忌廉，係呢轉榴槤類入面我覺得最好食果個，隻味唔太濃又夠喉。下面榴槤蓉撻都唔差，不過都係啱重度榴槤好多啲。其他一般。臨走食movenpick,當中最正係朱古力，濃味得黎雪糕入面有朱古力脆塊，相當正。以唔駛二百人一個人黎講其實算係好滿足

榴蓮主題，梳乎厘，蛋撻，不是太濃烈，平時不吃的我，也吃了兩件，龍蝦一流，美味鮮甜，配上芝士蘑菇，簡直是絕配，紐西蘭蠔入口即溶，美國生蠔肥大好肉，吃完一隻再一隻，買4送一更是實惠經濟。

一早book好枱全家食”榴連x芒果Tea Buffet”@城景國際酒店. 下晝三點半開始我地三點三就到了, 夠鐘入場嘅場面我真係嚇左一大跳, 所有人熟悉地報上訂枱編號後爭相擠入內, 當時我唸: 入到去應該係一番撕殺, 實會有搶食物嘅狀況出現. >坐低後去巡下有咩食先: 甜品, movenpick雪糕corner, 三文治, 熱葷, 燕窩粥, 粉麵檔, 仲有最排長龍嘅海鮮.>當日有三款海鮮, 青口, 蝦, 八爪魚🐙. 睇黎我係俾剛入場嗰幕嚇左一嚇原來大家只係心急入座: 香港人真心高質守秩序!! 無人一下拎超多, 拎完亦會將鉗傳俾下一個, 食左一輪海鮮, 質素好好呀新鮮好味👍🏻.>個人覺得燕窩粥係一大亮點, 艇仔粥面有一大羹燕窩, 夠哂足料👏🏻.>留返個肚食甜品同雪糕係必須ga 🤩, 即焗榴連Soufflé, 榴連雞蛋仔, 榴連布甸, 榴連拿破倫, 芒果mochi, 芒果卷蛋, 斑蘭蛋糕, 芝士蛋糕.... 幾乎每款都試匀呢, 仲有四款味道(芒果忌廉, 朱古力, 士多啤利, 雲呢拿) movenpick雪糕無限loop超正🤪. >Remarks: 要

位於油麻地地鐵站附近，交通方便。是約埋朋友聚餐的一個好地點。來吃自助午餐，餐廳內一邊是開揚的玻璃窗，光線相當充足。一個長長的長方形空間，食物區分有冷盤：煙鴨胸、煙三文魚、凍什肉，沙律：沙律菜、粟米、薯仔沙律等。刺身：三文魚、吞拿魚等。壽司：蟹子壽司、加州卷、太卷等。兩款湯：野菌忌廉湯，用大量野菌打成，香濃滑。中湯亦清甜。熱食有懷舊式蝦多士、釀雞翼、即焗薄餅、煎餃子、芝士蝦伊麵、炸腐皮卷、野菌䐁肉焗紅蜆、咕嚕肉、燒羊脾、芝士焗大蝦、皮蛋瘦肉粥、擔擔麵、湯粉麵焯菜，熱食種類相當多。凍海鮮有蝦：隻隻蝦都是彈牙的、墨魚仔、青口，都很新鮮。甜品分兩區：一區是冷藏一口甜品：芒果布甸、泡芙、芝士蛋糕、茘枝涼粉配乳酪爆珠，窩夫、自家焗脆皮雪糕杯：可任加雪糕球，皮脆鬆化，正。另一區有水果、糖水、蛋糕等。飲品有橙汁、綠茶、熱茶、咖啡等任飲。收費$207 (成人已包加一），仲有長者、小童優惠，由12N - 3pm，有足夠時間吃和傾過飽，而且食物無論味道和新鮮度都不錯。以這價錢的自助午餐也算抵食。 

為了滿足曾經是榴蓮迷的老爸，就試試這裡的下午茶自助餐。先來個沙律，沙律菜幾新鮮。壽司選擇不多但質素合格綠豆蓉湯色澤好和濃度夠，但味道偏咸當然要留多些胃空間給今天的主角：榴蓮和芒果甜品。款式算是足夠。其中榴蓮糯米糍最有榴蓮味，給你們看看大特寫👇🏼此外，即焗即吃的梳乎厘也是榴蓮味的，只可惜沒有拍照，留待你們下次親自去品嚐。惟一可惜的是雪糕只有傳統四種口味，沒有供應榴蓮味。不過老爸吃得非常節制，就留待我們盡情享受，晚餐都可以慳番了

城景閣呢期做緊榴連芒果Tea buffet，榴連控嘅我地秒速訂位去食。本身呢間酒店Tea buffet價錢都幾平民價，所以唔好期望有魚生刺身。凍食海鮮有三款，蝦、青口同墨魚仔，我就無食，不過見其他人食得最多係蝦，我諗都唔差冷盤有沙律，壽司，豆腐同冷麵，普普通通，唯一芒果三文魚卷最搶手，每次一出就好快無晒熱盤其實都唔少，但無理由逐個揭開影相搞搞震，所以影左一part係烘住嘅炸物，分別係炸牛肉薯餅同香煎腐皮卷，薯餅睇落唔錯，但我要留肚食甜品所以無試，腐皮卷食左一件，我覺得唔得，夾時已經望到好多炸得耐左，表面好燶，好難咁揀到一件，但餡太乾，唔好食。其他熟食就不過不失，有迷你芝士和牛漢堡，汁煮煙鴨胸，芝士焗魚柳，清湯雜菜魚腐，串燒牛同雞，三款迷你多士（咖央，煙三文魚蛋沙律，火腿芝士），蝦餃...，另外仲有冬蔭公湯粉，燕窩蟹皇粥，呢個粥雖然好多料又有燕窩咁矜貴，但加左鹹蛋黃，掩蓋晒成個粥嘅味，浪費晒d食材甜品方面都有幾多蛋糕選擇，雪糕就係movenpick，得3款口味最後到主角啦，行埋櫃台話要榴連，侍應就會全部執一件，當然都可以自選啦。老實講，甜品係好食，最特別係有榴連雞蛋仔，但好味程度不及某d

1月中嘅時候，我就同女朋友一家人一齊去食呢間以蠔做主題嘅酒店自助餐，以前食過幾次，我都覺得呢度嘅蠔好新鮮肥美，同大隻，所以一見到又有蠔做主題，就即刻帶埋外母舅仔黎食啦🤣今次嘅蠔同樣都係好肥美大隻兼鮮甜，師傅會係你面前即開，正👍🏻每人都起碼食左7、8隻🤣其他我都欣賞嘅係蟹腳，都算鮮甜，但肉唔夠肥，都算ok啦👍🏻每人仲有限量一人一份嘅芝士焗龍蝦，味道係唔錯，不過龍蝦始終唔會好多肉，唔夠滿足😛其他冷盤、刺身都唔錯，甜品、雪糕都好多款選擇。不過最愛嘅都係蠔，仲有白酒紅酒任添😋

7個女仔一齊食buttet，電話預約，接線生態度友善有禮貌，解答簡潔。地方坐位區挺大亦舒服，食物區空間反而顯得有點少。不過佈置卻大方得睇。食物選擇頗多。剛巧是復活節，有幾隻復活兔作點綴，可愛。以下是凍盤區，有多款火腿芝士選擇。火腿配蜜瓜，芝士配餅乾太美妙了。以下是沙律區，幾款選擇，總有一款合適到我最注重的甜品區我每次都會試齊每款甜品最好味就是玻璃杯的牛奶布丁奶味香濃，甜味適中而且很幼滑其他甜品都太甜有一樣非常好味就是中式腐竹糖水當中的薏米好有咬口，不過好像少點腐竹味。通常甜點配搭黑咖啡，中和甜味。海鮮有生蠔，長腳蟹同刺生（三文魚，螺片，北寄貝等）長腳蟹超鮮味，我們encore很多次。這次自助餐我們很愉快，而且價錢不貴，值得一試。

星期六的中午又要找近地鐵站的餐廳相聚，一班友人自然就想起城景軒，在油麻地地鐵站走2分鐘便到，價錢也是少於300元。我那天比較忙，所以差不多1時才到達，幸好食物的添加不斷，沙律有多款，冷盤亦不少選擇，有蝦，青囗，小墨魚等等，當然有不能錯過的壽司和刺身。但我是很傳統的人，首先喝了碗中湯，熱盤更包羅萬有，中西泰式，豬牛羊雞鴨魚都有，我最喜歡海南雞飯，再吃碗清湯牛腩麵和豬骨粥，當然不能錯過多款的甜品，有多種的cakes,都有木糠布甸，可惜水準比較失望。幸好雪糕加上熱餅能為這頓午餐畫上完美的句號。

因為屋企人生日想食自助餐，咁啱見到城景閣有生日優惠，4人同行，1人免費，於是就去試下啦。每位客人仲可以有每人一板海膽，我個人覺得海膽屬於中中啦，唔算太好食，又未至於難食咁囉。其他食物種類都幾多，海鮮，刺身，熟食，甜品等等。淨係甜品都有十幾款，靚就整得幾靚啦，不過就有啲死甜囉，一般般。

今天公司聚餐，通常去自助餐我都是先盯著甜品🍰女生十中是這樣的，不是嘛，哈.可是這家的沙拉很不錯，東夾一點，西拼一點，再加煙三文魚，紫洋蔥，小番茄，再灑點煙肉碎跟芝士...淋上橄欖油跟黑醋。這樣拌得美美地吃了三大盤🥗.這家的沙拉算是多種類，連配料像是煙肉碎，芝士mj, 橄欖等都有齊，而且還有醬汁跟醋，以中午的自助餐算很不錯了~ #hongkong #buffet #hkfood #沙拉 #poyeefoodie

多時沒有光顧了，再來看看水準如何。星期六晚上全場爆滿，因有多樣優惠，長者及生日優惠。食客多是一家大細或一班朋友。座位舒適，空間感十足。buffet主題十式蟹宴，沒有細數但感覺蟹食材多過十種。地方不大但食物選擇不少，－般刺身、 海鮮、沙律 、天婦羅、 甜品、麵檔等。種類還可。 果汁啤酒紅白酒任飲，值得－讚！encore食物有， 即做窩夫、 movenpick 雪糕、法式燉蛋、蟹腳、燒羊架、粉絲。鹽燒蟹腳每枱送的，蟹腳鹹鹹地帶鮮味，日式醬汁甜甜地，配合合宜生蠔$4xx自助餐的生蠔，質數當然不能要求高，新鮮及肥美度還可蝦粉絲，粉絲爽囗，小小黑椒調味，微辣惹味。 蝦比較乾身。配角粉絲比主角蝦吸引得多！不流心的心太軟整體：食物水準不是特別高，但勝左地點方便，食用時間長，三個小時没有分段，一班朋友／親友邊食邊傾，gathering好地方。