城大食坊

營業中

休息中

Ac 1 飯堂比起其他兩棟building，食物質素係差啲 款冇甘吸引，不過勝在價錢最平同菜式較多！ 今日見到有疑似pepper lunch 既鐵板飯食，價錢又唔貴（$38）一於就試下。 由於是大學飯堂，加上價錢低，本來真係冇咩太大期望，只希望唔好太伏就得！ 比錢後等左大約五分鐘，有專人幫我地拎，服務比pepper lunch好，話哂鐵板都好重下。 叫左牛肉雞扒鐵板飯（仲有煙三文魚同海鮮簡），飯量比pepper lunch 多，有粟米粒，有五片牛左右，雞扒兩三塊，呢個價錢來說，份量絕對合理！飯睇落好似好濕 等左一陣都冇咩飯焦，不過食落都係正常的。 汁就得一種，有少少黑椒同蒜既味道，偏甜。似pepper lunch既 蜜糖汁。 雞扒燒過，外皮香脆，食落冇咩雪藏味。 整體來說係似pepper lunch 既！ 唔係伏 係抵食，有下次！ 評分：6/10。  *順帶一提，呢度既人服務態度幾好，好過茶餐廳，又貴又唔係話好食。

畢業多時，偶爾還是會想念城大的日子。雖說城大生有又一城這高級飯堂，要經濟要方便還是這食堂為首選吧。公事關係路過此處，以訪客身份還是可光顧學生飯堂的。採全自助形底，選了黑椒雞扒香腸飯($25)，雖然今時今日已沒有十元頹飯選擇，可廿元的半頹扒餐還是抵得沒話說的。雖是飯堂水準，但黑椒汁夠辛又夠香，挺惹味。香煎雞扒嫩滑塊頭又大，配上香腸就是豐富的一頓。凍檸茶才加$5，抵! 茶底夠香， 水準如一。除了頹飯，牛筋河、燒味飯也是我的回憶，不知可時再可回味?

午飯時間，好多人, 只好等到 1點後先去食野。叫左個白汁魚柳飯，因為焗左一段時間，所以表面d 汁有d 乾。飯有d 濕濕地，唔知點解次次都係咁。但at least d 白汁其實撈一撈佢都幾ok，唔會乾哂冇汁咁。魚柳唔會好硬，mix 埋d 汁食落都幾ok。最緊要係只需要21蚊。本來仲有另一個焗飯係18蚊，不過去到已經比人掃哂。個人suggest 係11點啱啱轉lunch 之後就叫，咁d 飯一定係最新鮮最好味，就等同於新鮮出爐麵包一樣。

上堂前醫醫肚，我又黎食canteen三餸飯啦，首先，我覺得canteen雖然平，但質素的確唔錯，而且地方舒服，又多選擇，今次飯餸都不過不失，排骨炆蘿蔔入味，蘿蔔夠晒腍，索左d肉汁，排骨加上青菜，係健康既一餐。

今日去CityU, 順便食埋個靚飯先返，原本想食個健康沙律餐嘅，但今日由於太遲所以得返好少款，同埋諗到好似放左咁耐，就即時轉軑，脆脆地食返AC1算啦~一睇個menu board,好快諗到要食個龍蝦湯海鮮燴飯，因之前食過咩西班牙燴雞飯完全大伏，其他又唔想試，就叫D個好似安全D嘅。 龍蝦湯海鮮燴飯 ($28)賣相都唔錯，3款海鮮(魚柳，青口，蝦)加四季豆同香草點綴，以咁嘅價錢，有3款海鮮都不錯嫁啦~首先四季豆有D生，但係可以接受嘅程度；魚柳炸粉不太多，都可以食到啖啖肉，但炸得有D油，食完個嘴充斥油膩感；而青口同蝦完全只係白焯，完全冇味，冇應該要有嘅龍蝦湯味，所以龍蝦湯燴飯還龍蝦湯燴飯，海鮮就海鮮，兩者無交集。  只係蝦嘅質感都叫彈牙。而龍蝦湯海鮮燴飯嘅意大利飯就有驚喜，D飯索哂D龍蝦湯，好入味，加上有D忌廉煮過下嘅蘑菇，成個飯都好creamy，好香~~ 整體好appreciate個龍蝦飯，邊個話大學canteen飯一定難食，都有少少驚喜，整體可以接受。

咖喱魚蛋撈麵： 好食！ $20有找，價錢合理！有野飲！ 咖喱唔錯wo估唔到，魚蛋都唔錯，撈埋d公仔面，分量唔錯，鹹味就岩岩好，有翻dd 魚蛋配住食，一個tea來講，d面煮得幾彈牙，食得落口之餘又唔會太heavy。西多士：原來得半塊，有d扣分tim。不過系厚方包來既，算佢啦。但係炸得太耐啦，d油入曬去，真係太油膩了…. 入面d醬料搽得唔夠，油味大過d醬料味。炸雞脾沙律：雞脾炸得太乾，搞到出面果層太硬。入面反而都仲keep到ok。沙律就普普通通，不過可以再有翻多小小分量就好啦~炒米粉：淡，無味，不過幾香，鹹翻小小就好。

I just went to the city express to have lunch at random one day. This is very cheap. It only costs $20. However, although it is very cheap, it is not worth at all. First, the beans are quite salty and oily. I think it is due to not matching well of salt when cooking. Actually I may a bit disappoint by this;( I order a cup of water to dip them into water before eating  I think it is very clumsy.Second, the tofu are very thin in taste.  I expect the sauce is quite concentrated.Actually, the two ma

晏晝去左CITY AC3食野，佢係７樓，平時去又一城都係去FOOD COURT，好少話入去CITY食野，今日我就黎到CITY所謂最貴既學生CANTEEN尋找驚喜，叫左個燒春雞餐，$38唔包野飲，都唔算好貴姐！成隻雞喎！雞可配飯、薯蓉或者意粉，點都飽肚，我就揀左意粉，有D蓄茄係上面，佢仲落左芝士粉，味道好濃好香芝士蓄茄味！量都足夠，我堂堂一個大男人覺得幾飽！講下隻雞，其實得半隻，都唔係幾大隻，但份量我覺得岩岩好，因為仲有意粉，佢燒到雞皮幾脆，燒汁都好香，雞骴既肉都係嫩既，滑既，可惜隻雞有一半都係雞胸，好難咬開，同埋好「諧」呀，唔係人人都鍾意食雞胸......裡面Ｄ肉仲要冇味，好似烚咁樣，要連皮一齊食先好食囉～同埋佢有比雞翼，但係隻雞翼尖真係燶到黑色，破壞左味道同賣相！食完燒春雞好想飲番杯野，都要另外加錢，作為學生既真係唔可以成日黎食，如果唔係分分鐘破產！建議佢可以加兩蚊就送飲品，相信會受歡迎好多！

愛到入城大也分開預計之中，今日用一隻炸雞脾，一碗出錢一丁麻油麵，見證呢份10年的感情。阿芝，小學五年班開始，由河水不犯井水唔俾過界，去到初中我地越哂界，dse之後，我入港大，佢入城大。 我曾經以為我地咁就一生一世，謝霆峰高圓圓續集，但係阿芝最後揀咗Add的神，我都已經肯定自已係霆峰。呢日去城大canteen, 買咗炸雞脾同餐 腿強一丁，少冰OT!阿芝話我似一丁，浸到淋哂唔好食。 佢就似面頭隻強，又光鮮又亮麗。 我話餐肉煎得好香脆，阿芝話我似塊火腿，一樣咁乾。嗯，呢碗麵好好食，我even 忘記把眼淚抹掉。 最後，炸脾炸得過火，阿芝話食落太乾，唔食好浪費。我食落，覺得炸脾好似我，霆峰，你又點睇

城大canteen 焗飯真係繼續保持低質素。d汁仍然係與魚柳結成一塊形狀 沒有流質。 真係不得了！ 至於最平飯就反而覺得最抵食 又可以加飯 味道又一流！正呀！希望繼續有平飯！千其唔好cut!不過晚間時分真的很多人，相信男女老少最多人就係係City canteen! 

難得今日約左粉絲一齊食午飯~佢提意去呢間食,記憶中有不太愉快的經歷,事隔多年而有人推介,所以都放下過去,再次一試~去到餐廳仍係咁多學生~感覺好熱鬧,搵左好耐都搵唔到位於是決定先買野再搵位~我真心好怕咁做~因為拿著食物周圍走,感覺好迷失,冇乜安全感~好難得搵到兩個位~同D學生哥一齊坐,..感覺自己都老了~我買了一個豆腐燒鴨叉燒三餸飯加例湯例湯 - 蓮偶豬骨眉豆湯,色水好夠,以為好入味,點知自己想多了~入口雖然唔咸,味覺好啖,要用心感受先可以飲得出佢的蓮偶味,間中食到少少豬肉絲同爛了的眉豆..粗略估計了他的材料~點都好,總比飲汽水好吧...豆腐燒鴨叉燒三餸飯 - D飯好硬~真係粒粒皆辛苦(食得)最後要加湯變湯飯先入到口~豆腐唔算好有味,清清地都ＯＫ,燒鴨燒得唔係好脆皮~咁喺飯堂出品~唔敢要求太高~但求佢到水準~叉燒感覺好似食清豬肉咁,唔係好入味,再醃耐少少相信會更好,幸好佢燒得有少少燶,我最中意食呢D燶燶地部份~好快咁食完就走了,因為真係太嘈,所以都不便傾下計~都唔需要打搞呢到的洗手間~總括黎講..這個價錢的話,先放下自己的要求及幻想.. 真心希望佢地他日可以有所進步

晚餐時間 到城大的食堂點了鐵板青魚海鮮珍珠飯 細看之下 其實並不是全部都是珍珠米只是把普通米加入少量的珍珠米而已。食物的材料分量剛好 不能說新鮮 比起paper lunch的鐵板醬汁味道感覺上沒有那麼咸 只有一款醬汁提供 。另外食物的溫度剛好 到用膳完畢那一刻 食物還是暖的。如多點蔬菜會更好。

有緣到大學一行，當然要到訪這裡的食堂，因為價錢真是無得比。而剛裝修好，很光猛，也清潔，而新的七彩座椅更增添了活力的色彩。因為是早餐，食物不要太多，只是煙肉炒蛋配厚多士便很足夠。雖然炒蛋的水較多，但勝在夠嫩滑，而煙肉則很脆，不會太硬或太咸。真的很開心能嚐到這個早餐。

City Express易主, 由城軒轉由美心主理, 午飯時間通常人太擠... 今晚來試試其新開的City Diner (位於餐廳正中央位置, 即以前城大茶餐廳~)主打是跟Pepper Lunch 相似度 90%的鐵板料理, 有三文魚/牛肉/芝士雞肉.... 是最受歡迎之選。 另有意粉。而我要的是咖哩雞肉漢堡●配珍珠米 ($26)那一團炒滑蛋看上去很誘人, 但略嫌炒得太熟, 如留有蛋汁則更美味~旁邊的咖哩是日式咖哩汁, 濃度算剛好, 加上奶白的忌廉汁令其變得更幼滑~ 只是忌廉汁真有點油膩...主角雞肉漢堡面積不大但很厚身, 不會煎得太乾, 面層帶少許焦燶, 咬落有肉汁很惹味~~珍珠米原有點僅熟而不透的硬度, 有些人或不喜歡; 但我就蠻好這種嚼感, 因為有醬汁伴吃的話, 飯還是不要太稔才伴得好吃~~~加$3有汽水, $5有熱飲, $8有凍飲~  加吃來也伐算吧。

城大canteen易手,有喜有不捨。為懷念這裡我覺得算係我至愛的肉燥叉燒飯, 臨別前再來吃一次~還要替它加上一隻咸蛋, 更添幾分愁緒~~ XP這飯很大一碗才不到$20, 肉燥給很多, 對於好汁的我, 是finish整碗飯的要素... 太惹味了, 加上燒得微焦又微甜的半肥瘦叉燒, 和金黃甘香的咸蛋(另加$1.8) ... 多多飯都食得晒 ^^而且, 這裡出名薑蓉任裝 (我甚至貪心的加埋少少茄汁和辣醬), 令這碗飯的味道更豐富~好好味啊~ 但還是要說「別了~~」