坤記粥店 (已結業)

皮蛋瘦肉粥 。 最近天氣凍了不少以致很容易生病，想預防生病和喉嚨痛當然要食得清淡一點，那不如出街試一試煲皮蛋瘦肉粥吧！綿綿滑靚粥米粒開花，由於皮蛋富有礦物質，能清涼降壓、益氣養陰，有下火之效，食完之後熱氣既感覺全清腸粉在街吃一碟腸粉，既是情懷，還吃得出陣陣香港味，最正還是香噴噴的混醬。我最喜歡腸粉混醬，勁多既甜醬加上花生醬，大家都知道腸粉的豉油和芝麻醬都是特製，在家但未必懂做，而其中豉油的關鍵，是店家獨家炮製，識食既人自己會欣賞

平時好少去坤記粥店，因為覺得食粥炒麵唔夠飽，今日唔係咁肚餓，lunch一於就食佢。豉油皇炒麵麵口感彈牙，乾身，唔油，味道啱啱好，唔錯。炸兩油炸鬼唔脆，可能整好放咗一段時間，凍咗，味道麻麻，都係炒麵好啲。

每一天上學總是急急忙忙的，早餐卻不能不吃只可以到途經的粥店買一份輕便而又飽肚的早餐，便選擇了黐飯配上白糖糕，美妙的粢飯放進口中感到彈牙可口餡料有肉鬆和油炸鬼，白糖糕大大件有質感又沒有酸味，食落啖啖白糖，好特別真是令人意想不到呀～！！

病病地想食清啲，粥鋪都是新北江好選擇。但天氣太熱冇食粥 😂 炸兩好油，又唔熱，都明既夜晚既炸兩一定唔新鮮，但佢啲油炸鬼林晒都真係幾難食。。。炒麵係濕炒，味道ok，正正常常，又係唔熱 😂豆漿好甜。。。

我諗好多天水圍人都幫趁過坤記粥店，因為佢好有特色，可惜佢嘅特色唔係啲粥特別好食，而係店員態度差到難以置信。奈何附近粥店唔多，所以即使幫趁幾次都係咁差，都冇辦法。先旨聲明，態度嗰度比一星係冇辦法之下先比，現實情況應該係負十星。最近幫趁嗰次係咁多次之中最差嘅。話說有晚家人口痕想食炸兩，我就去坤記買外賣。一去到同個收銀阿姐話要碗菜乾粥同一份炸兩，阿姐已經有不滿情緒，大喝一聲36吖。絕對冇誇張到，佢嗰種大喝並唔係傳統老店嗰種大聲得嚟唔係冇禮貌嘅大喝，而係極不滿嗰種。找錢嗰陣仲要大大力張啲散銀拍落個鐵盤仔度。不過講真，嚟到呢個moment我都冇話特別不滿，可能都預咗佢地係咁掛。之後，我份炸兩整好咗，我趁包外賣阿姐未放落膠袋，即刻話想落啲醬先（咁係因為之前有次我唔記得落醬，而且佢亦冇比豉油呀盛，變咗好難食。）根住佢居然成盒嘢半掉半「劈」咁「劈」比我，仲要藐嘴藐舌同即刻‘唧’一聲。雖然啲嘢食冇跌到周圍係，但我當堂都反應唔切。嘩！阿姐，我真係想問佢而家係咪落醬得罪你先？再講，我又唔係話等你包好咗先嚟落醬，照計都冇額外麻煩到佢姐。問心，我絕對唔係超級有禮貌嗰種，但基本嘢唔該都有講足。佢居然可以咁樣對啲客

真係未食過咁鞋口既腸粉，仲衰過公仔點心個d腸粉，可想言之佢d腸粉既賣質素係幾咁差，本身我都係叫左嘈普通腸粉，點知食落先知又凍又鞋又唔好味，醬又俾得唔夠。之反再食個肉片粥，d粥完全係冇米既得d水，d肉片就正常既，但都要成27蚊碗，簡直係搶錢，好後悔幫襯左依間野。間野仲要逐個外賣盒收1蚊，完全係唔合理，都真係冇改錯名，不過係昆人個昆，如果唔係附近得佢一間粥鋪，應該都真係執得，連基本既食物都做唔好。評分:食物:1/10態度:1/10環境:2/10性價比:1/10總分: 5/40 (唔合格)

今日病咗去新北江睇完醫生搵嘢食啦，呢度嘅菜乾豬骨粥好好食的咪諗住去食囉， 去到睇到佢好似有啲改革咁，而家開始有少量嘅特色米線供應，所以我就走去試下， 我就試咗佢嘅炸醬米線撈， 我覺得好好食， 好有特色 唔太重口味又唔可以叫無味， 總言之好味啦！值得一試。有得比星我都比5粒啦！

由細食到大搬左幾年冇食特登入黎食炒河粉又冇得食以前佢炒河炒米都算出名炒得幾香而家冇左炒河，得番炒米，落單果時我呀姐係咪而家冇做炒河喇？呀姐仲要幾惡咁答我：不嬲都冇架！咁樣我心諗，姐姐，我喺到食嘅時候你都未喺到做呀最後，睇勻個餐牌都冇咩想食，叫左個最普通嘅炸兩嘩嘩嘩！叫左唔夠一分鐘，就有得食係！係好有效率但係當然，碟炸兩「林」到媽都唔認得又話即蒸，真係....唔知幾多個鐘前蒸落陰功，啲豉油上碟果時已經吸晒架喇咬落去成pat野咁好難食呀真係好失望

第一次試。好重粉。比較硬身。。食落有沙沙既感覺。好怪。。即使有少少蘿蔔絲。但全無籮白既香甜。好重味精。食完口乾。唔好食既。賣10蚊。普通啦。試一次算。返而糖水0k嘅。

全天水圍恐怕得呢個商場既食肆係最抵食既俾我搵到間唔係連鎖經營既粥店，雖然鋪面就好一般，多人起上黎d嬸嬸又唔應，不過$20一碗綿粥，而且配料豐富，仲想點喎窩蛋牛肉粥，真係有隻生雞蛋嚮入面架，所以阿姐一黎就叫我地記得搞勻先食炸兩同炒麵都正正常常，下次想食即叫即蒸既魚片腸

每當病的時候就自然的好想食粥睇完醫生 來到坤記叫左菜乾豬骨粥$20個粥底濃稠度適中 好熱 要慢慢食對我來說有點偏咸 好口渴中途想拎杯水但被告知無水供應要付$3買支維他水 都買左無水供應 係扣少少分粥內菜乾幾多豬骨就只有兩塊 煲到好淋食完有少少口渴 但不算太嚴重

好食好食好好食，就算答一粒鐘入來都要試下。叫左艇仔粥，皮蛋碎牛粥，粥嘅質地好，豆漿係自家製，出餐速度很快。員工會盡量滿足客人的需求。環境及餐具都衛生，喜歡食粥的一定要來

其實已經幫襯左呢個粥店好幾年，唔係因為好食，而係近近地，所以幫襯，點知呢排去買外賣時，每次都比錯野，上之買2碗粥，一個牛利蘇，一盒炸兩，要多甜醬，點知回到家中 一打開就無左個牛利蘇，盒炸兩無醬，老公為有再坐車回鋪攞回，點知一句唔好意思都無！到左今日，買3碗粥，一盒炒麵，一盒炸兩，一個羅白糕，點知打開又無左個炸兩，即上網搵電話打回去，點知個老板娘話，可能我聽錯啦，我唔會換比你架，因為我無收多你錢，今既熊度，我比錢買野食，仲要比你鬧，你估你真係好好食呀，食x啦，以後唔會再比錢受你氣

一大早想買四人份既早餐諗住清清地，就同位朋友落左粥店買望住收銀處頭頂上張菜單打算叫外賣老闆座左係度，即使唔該了多次都扮聽你唔到直頭你要在佢收銀台正前方才會幫你落單Ok沒有問題好，叫完慢慢等突然朋友想加單叫個粢飯收銀處換了第二位嬸嬸員工付錢後又繼續等好，嬸嬸拿外賣俾我地檢查一下，發現少了粢飯我就「唔該，頭先仲加左個粢飯」嬸嬸「張單無喎！老闆你頭先有無收過佢錢呀」老闆「頭先邊個收你錢架？」我「我頭先加左單，呀嬸嬸收錢架喎…兩個五蚊一個一蚊喎」嬸嬸「我無收過錢喎！」老闆「算啦！俾個粢飯佢啦！」我聽到呢句算啦比佢啦，我終於忍唔住真係要爆了！我「咁睇CCTV啦！」老闆「唔係唔係…對唔住可能同事搞錯左」我「乜野算啦俾佢啦？而家講到我好似無俾錢咁！睇CCTV報警！」唉！一個就痴呆呀嬸自己收左錢唔記得一個就語氣態度差既老闆在場都有好多街坊食緊成件事搞到我無錢要呃野食十分難受，永世也不會再去。

屋企煲左粥 所以去買啲炒麵送粥食10蚊一大盒炒麵炒麵乾身 味道適中 唔會太咸亦都唔會冇味 送粥食就岩岩好！呢個蘿蔔糕都係10蚊！又係一大舊佢好香冬菇味 但又食唔到有冬菇呢個蘿蔔糕好得別 會食到一條條嘅蘿蔔 唔會太糊口 反而好有口感炸兩就冇咩特別同普通嘅差唔多 係個腸粉好滑口咁嘅價錢食到咁嘅質素同份量 好抵食👍🏻