坐鎮

營業中

休息中

本身冇諗住寫食評，但真係好好食🤤所以食到一半先影相📸簡單d講：招牌綿綿魚肚雲吞黃金雞麵係必食👍佢麵底係淮山麵，好健康個湯勁濃，好似人哋嗰啲燉雞湯咁成碗嘢食到好膠，啲雞好滑，花膠都有三大舊成碗嘢絕對可以食到見碗底好味到我想打包個湯底走🤣真係世一無得輸💯其他我哋仲叫咗炸魷魚鬚，刈包，海南雞飯，手撕雞飯，兩杯特飲 全部都不過不失啦！係好食但唔驚喜為左個麵我會再encore 既絕對要推介比身邊鍾意食麵既朋友🍜

今日去咗土瓜灣食海南雞飯，都算大份，啲雞夠滑有雞味，油飯夠香又唔膩。另外嗌咗個海山炸雞，40幾蚊，好大份，最後食唔晒因為我一個人食😆😆，味道係南乳加蝦醬，入面好juicy下次有機會會再試埋佢其他野

之前經過新開唸住一試，睇咗出邊嘅Menu就諗定食邊個，入到去同出邊Menu完全唔同。一入去坐低，個waiter不斷同我地推薦，我地已經話自己睇睇，但係都好長氣。最後叫左黑蒜咩咩蟲草，到左發現冇黑蒜，問點解冇，waiter不斷講因為素食者唔食？！我唔係好明白，因為我從來冇講過我係素食者。個waiter都係不斷反駁，唔覺得有咩問題，態度好差。最重要係嘢食超級麻麻地，根本唔值依個價錢，所以唔需要去食依間嘢。食物評價：雞麵整體唔錯，雞好滑，麵質適中，不過不失，但差唔多一百蚊一碗麵黎講，似乎太猖狂。另一碗全素面，菜單並沒有說明是素，麵較少，說是黑蒜蟲草卻沒有黑蒜，食落都冇黑蒜味道，全部都係菇味，超奇怪，差唔多一百蚊，性價比極低，不推薦。

日式嘅雞湯拉麵就周圍都可以食到啦，而北帝街呢到就開咗一間有得食粵式嘅特濃雞湯拉麵，呢個濃郁湯底係用咗十幾隻三黃雞、老雞、豬赤肉、雞腳、金華火腿等多種選料上乘嘅食材而去熬製嘅～綿綿魚肚雲吞黃金雞湯麵💰HK$92個湯啖啖飲落去都係充滿骨膠原嘅感覺，呢一碗麵嘅材料亦好豐富，有兩粒鮮蝦雲吞、一塊軟綿綿嘅魚肚同雞肉！雞肉同雲吞都正正常常，最有特色嘅就係魚肚，佢吸收晒湯底嘅味道，非常之入味！而麵底就係用咗上海幼麵，掛湯能力極高～秘製無骨海南雞飯配青蔥雞油飯💰HK$72份量超多，雞肉好滑冇雪藏味，有三種醬可以點，隻辣醬嘅味道有啲似泰式果種，用埋佢嘅豉油同埋薑蓉嚟撈飯，連啲飯都變到好惹味，忍唔住食哂成碟啊～阿里山珠露💰HK$15係台灣引入嘅冷泡茶，飲落去係好清新嘅綠茶～高海拔蜜香紅茶💰HK$15同樣都係台灣引入嘅冷泡茶，聞落好香嘅紅茶，帶點淡淡嘅甜味～

鄰近港鐵土瓜灣站嘅《坐鎮飲食》，位於北帝街，從朋友口中得知原來係一位前五星酒店大廚主理，放工後，就跟朋友去試菜，地方簡潔舒服，侍應招呼有禮，重點係食物質素真係非常出色，我哋點了兩個主菜，一個小食，兩杯餐飲及一個飯後甜品蛋糕，我自己比較喜歡<原隻鮑魚•汁煮洋薏飯>及<金牌咸香海山炸雞>！可能係我喜歡比較濃郁口味之緣故，將幾種味道混合，而且調配得宜，配合得好好！我朋友對招牌甜品<富士山爆漿蛋糕(海鹽)>讚不絕口，份量剛好，而且價錢真係唔貴！其餘兩杯飲品都各有特色，中式茶飲或西式飲品都應有盡有，可以用一個非常合理嘅價錢，食到一餐豐富而難忘的創新粵菜，都非常盡興，非常推薦的一間用心製作餐廳。

主打超級濃郁雞雞湯麵 同埋海南雞飯🐔 餐廳食物種類都幾多 又有好多款小食同埋甜品🍮菜式比較新榮 有少少fusion 好似又有少少新加波 配中式料理👀？今次第一次過來 決定食佢兩款廚師推介 我覺得幾值得食🫶🏻綿綿魚肚雲吞黃金雞湯麵 ($92) 呢個真係好值得試 個雞湯底係超級濃郁 好香雞湯味 而且都好重雞既骨膠原 飲落去個湯好厚 而且飲完既時候嘴唇都會有少少痴立立😛 麵底係幼麵 超級掛湯 一啖湯配一啖麵真係完美！🍜裡面仲有少少洋蔥、芽菜同埋蔥 增加碗麵既口感 同埋味道👅 最後仲有超級嫩滑既海南雞 雞肉超級重雞味 而且好香同埋好滑 絕對唔會柴🤩秘制無骨海南雞配青蔥雞油飯🍚($72) 呢個油飯超級想 側邊仲有少少蔥油同埋薑蓉 真係做到畫龍點睛既效果🐉 而且醬油甜甜哋好夾 雞肉應該同上面個個一樣ʕ •ᴥ•ʔ味道：💛💛💛💛/5 📍坐鎮 (土瓜灣)地址：土瓜灣北帝街19號地舖

假日又係出去搵食既時間，今次黎到土瓜灣新開無耐既Fusion店，一共有兩層，環境以木系為主1. 招牌魚肚雲吞黃金雞湯麵🍜（$92）開頭見個價錢覺得幾貴，但食落終於明白點解要訂呢個價錢。個雞湯底真係好入味，飲落好鮮甜足料，似係不加味精，飲完唔覺口乾要飲水！D雞都大舊同埋滑，魚肚都好塊，幾足料！唯一美中不足係個麵底係上海麵，如果有多少少麵底揀就更好😃2. 海南雞飯 （$72）份量幾大，雞肉都幾滑，似豉油雞味，不過就無雞湯麵咁出色🤣味道：4/5環境：4/5服務：4/5性價比：4/5

一個週末的下午4點幾左右，在土瓜灣嘅街道上覓食，路過呢間門面貌似都幾新淨既食店，剛好見到店員正積極地向一對夫婦介紹食物中，八卦嘅我就站到旁邊八卦一番，橫掂當時又唔係太想食茶餐廳，於是就入去一上啦。坐低後店員依然熱情又細心地介紹菜單上面每款湯嘅特點，仲連冷泡茶帶有咩味道都一一道來，真係覺得好勁。經過店員一輪介紹覺得好似樣樣都好好咁，所以好懶咁選擇咗菜單上面嘅招牌推介 - - - 綿綿魚肚雲吞黃金雞湯麵雞湯非常濃郁，令到一向食湯麵只會循例試兩啖湯嘅我竟然食下食下不經不覺就飲咗半碗，加埋本身有麵、有雞、有雲吞，擔心飲埋落去會太飽變咗嘔返晒出黎就太浪費啊

一坐底就有兩杯靚茶飲原來係試業期間都有冷泡茶送店員話都係黎自台灣既茶深色嗰杯蜜香貴妃 真係好好飲！另一杯就係珠露 鐘意既話仲可以買番屋企自己沖今餐VIP: 💕招牌魚肚雲吞黃金雞湯麵💕我本身唔鍾意金華火腿味但係呢個湯真係不得了真係必試既招牌 雞又滑係一種會心掛想再黎食既味道如果可以有麵底揀就好啦然後叫咗海南雞飯一上枱見到就已經嘩一聲雞同飯既份量都算多 幾好食嘅小食就叫咗海山炸雞 佢係南乳味既個人鐘意食濃味d 如果有醬可以點就更好兩杯特飲都唔錯好鐘意我杯粉紅色既係檸檬益力多爆珠 甜度適中環境舒適坐得舒服下次黎一定要試下啲小菜！

行過左幾次，今次終於扚起心肝入去試下，其實我係叫黑蒜xxx拉麵，但佢麵係泥左招牌野，不過算啦😂當試下湯底係幾好既，食得出真材實料熬製出嚟，雲吞正正常常，面質都唔錯，唔會太腍，雞嘅份量亦都好多，魚肚亦都有兩大塊。雞就冇咩特別啦，都係普通浸出來的雞，魚肚亦都唔會太過特別，正常OK嘅魚肚幾厚身。唯一覺得唔係太過好嘅，就係佢嘅溫度唔夠熱，同埋價錢係$92，個人覺得可以俾少啲餸賣返平啲。整體上都OK嘅，坐都坐得舒服，可以再返去試吓

今晚又去食好嘢，今次係坐鎮 Suosaen，樣樣都好食，因為人多，所以可以試多啲唔同嘅嘢，最回味都係雞湯麵，啲雞湯好鮮，真正做到雞有雞味。仲有一味第度食唔到嘅，用口水雞嘅汁，用嚟整牛腩，你估唔到同西瓜係咁match。啲食材又好新鮮，尤其啲雞好滑，捨得用靚嘢茶都有好多種，都係台灣嘅得獎茶葉，飲落去好舒服。12條友，連埋特飲，食埋甜品，晚飯除返開每人都係$170，私房菜咁嘅質素，好食仲要抵食兼食得飽呢吓勁，下次會再去。

今日同朋友一齊黎聚餐，試過嘅菜式都好有驚喜❤️海鮮湯飯味道好濃郁，西瓜牛肉擺盤好靚👍晨曦(波羅百香果）好打卡又好飲！冇諗過呢個價錢食到呢個質素😍性價比好高！行過土瓜灣會再幫襯🫶

朋友吹雞去食飯，搵到呢間主打食中式 fusion 菜嘅餐廳，叫［坐鎮］有傳統嘅黃金魚肚雞湯麵、海鮮湯泡飯、猴頭菇雜菌湯麵等等；亦有融合咗唔同食材嘅特色主菜，而且價錢親民，CP值高。 位置座落於北帝街17號，土瓜灣站步行約5分鐘路程，期間路經一間人氣小菜店楚x記見到大排長龍，但兩間路線不同，楚店主打穫氣小菜，坐鎮有滋補養生、fusion 菜等等。 是夜一行12人，開飯前先飲吓台灣得獎功夫茶，邊飲茶邊傾偈等人齊先上菜，因為人多留了間VIP房比我哋，還有得可以點好多款，樣樣試下，先上枱是［黃金魚肚雞湯麵］雞湯十分濃郁張口，以為是花膠雞湯麵，睇真d是魚肚雞湯麵，但卻有花膠煲雞湯的濃郁張口口感，渴一口湯心裡感覺是：好味呀～ 好幸福呀～ 好溫暖呀～麵條是幼絲麵跟雞湯十分夾，軟硬適中。推介 ［海鮮湯泡飯配脆飯焦粒］海鮮豐富，有兩隻鮮蝦、魷魚鬚、卜卜大蜆，海鮮湯底充滿鮮味，估計是以海鮮熬煮，配以有味道飯焦，整個泡飯充滿誠意，而且價錢好似是90多元。［猴頭菇雜菌湯麵］相對前兩款味道較清新，可能是雜菌類別，素食人仕可以一嘗，另外有幾款主菜都是素食，可以照顧素食者與食肉獸一起用餐。 其他小食點了炸雲吞

今日聚餐有朋友book 呢度～很特別，菜色都無見過，但食落去又好多新嘗試性價比又OK土瓜灣區有d 餐廳好有特色，但好貴，有種龜甲唔飽嘅感覺呢間係特別得來又價錢都合理，係一間有心嘅餐廳個西瓜菜色真係特別到我唯一記得影相🤭🤭麻辣牛加西瓜竟然可以咁配搭🤣🤣🤣但又出奇地夾下次同朋友仔再來試下所有其他菜式先可以～（不是我負責叫菜都唔記得d 菜名🤣）推介：星河的飲品杯嘢飲好靚一切都好精緻仲有個甜品都好好食，我食咗個焙茶味嘅芝士蛋糕🥰🥰

屋企附近新開嘅餐廳，襯放假就落去試吓，點知係伏。叫咗4樣嘢，包括口水西施牛坑肉、鮑魚洋蔥飯、蝦米蒜子浸娃娃菜同埋醬燒肉茄子。首先上咗鮑魚洋蔥飯，味道都唔錯，其他配料都多，有雞粒、雜菇，而鮑魚只有一隻，waiter 好細心叫咗廚房幫我哋砌開，食咗一半左右就打大佬，就係「口水西施牛坑肉」，就咁睇餸名，我以為係西施骨啲friend, 所以冇問waiter 係咩，而英文餸名都冇乜特別，點知一上菜，原來西施 = 西瓜 🤢 我見到簡直係O哂嘴，配埋囗水牛坑肉一齊食，又辣又甜又多汁，味道好覆雜。之後上蝦米蒜子浸娃娃菜，菜用雞湯浸住，都幾入味，係唔錯，不過就唔係好覺有蝦米。最後上係醬燒肉茄子，茄子應該係焗完之後淋上肉醬，茄子焗唔熟仲係爽嘅，而且肉醬唔係同茄子一齊焗就咁淋上面，茄子係一啲味都冇，加上唔熟嘅口感，難食到一個點。