地道館車仔麵

營業中

休息中

太耐無嚟食，對上一次已經係新開果陣，車仔麵多咗新款，亦都加咗少少價...叫3餸米粉，薑汁豬膶加$2，就試一試，又鍾情陳皮魚蛋同豬紅，再加杯奶茶$4~賣相好大碗，好似好濃，仲搭咗幾條生菜👏🏻豬膶勁厚勁大塊，可惜唔得，入口好淋，唔似平時食果種粉粉地，仲有少少血水喺表面...(所以擺到最後才食，浸耐啲希望熟啲😅)陳皮魚蛋就真係陳皮魚蛋，唔係間間會用呢款魚蛋，豬紅亦確實好味，唔鬆散，湯底我揀加腩汁，望落好似好濃，可惜太甜，越食越甜...好奇怪😶唔知唔落腩汁會唔會好啲，下次都係叫其他餸，豬紅可以繼續encore~

幫家姐拎野點知間鋪未開就去左對面呢間野度食。食親車仔麵例牌都係蘿白豬紅幼麵🤣，不過呢度要三餸所以叫多左樣芝士腸🙊 豬紅蘿白真係必食🙈豬紅好入味蘿白都好甜🤤 湯底係牛腩湯唔知點解有啲辣🧐好似係加左薑 都幾好味 三餸好足料但唔包野飲，凍飲要加6蚊熱飲4蚊🙆🏻但間舖個冷氣大左少少，等緊個陣起哂雞皮😖。但食食下個面就暖翻啦！可能係舊薑既效果😂呢間都幾多人幫親，不停有客入黎，可能撞正左學生放lunch🙊。 所以多人個陣就要搭枱。最後43蚊埋單，抵食既！！個豬紅真係好好食🤤🥰😍

以前以為新蒲崗最多平野食，其實現實不再了。商場最低消費都70,80蚊，茶記都加到4,50蚊，要食平野一係考慮車仔麵。依間車仔麵唔可以話好平，但野食味道唔錯，我推介既係佢既蝦條同酸齋。下午茶都有優惠，凍飲加2蚊，繁忙時間加6蚊。

中學時期最喜歡跟朋友一起到學校附近的車仔麵檔食lunch,一來價格比較平，又有多種類型的配搭，加上有學生可贈送豆漿，可謂抵食之選而我咁多年點車仔麵的選擇十年如一日，一定會是：幼麵、蘿蔔、豆腐卜，另外再加多一款，通常會揀：陳皮魚蛋（細粒的那款）/豬紅/魷魚/雞翼還有少少辣汁這家地道館是之前有日 OT後跟同事來食過，今次咁啱自己一人食lunch，心血來潮又想食看看車仔餸有咩揀先，當然一定有我的最愛：幼麵、蘿蔔、豆腐卜！！規定要三餸，在陳皮魚蛋同雞翼之間猶豫了一會，結果　雞翼勝出！另外，一定備註要辣汁各配料擺放整齊，沒有了以往中學時期 阿姐的那種"隨性"，而且還多了一兩棵唐生菜辣汁看得出是有心思的製作，當中的香料已可見一斑蘿蔔偏多筋，不過也不是餐廳的問題，只是現在是夏天，不是白蘿蔔最好吃的時候餐廳也是預先用湯頭煮過白蘿蔔，所以入口不會澀，微帶清甜值得推介 這裏的滷水雞翼，十分入味，肉質嫩滑，+$1 都值得!!因為太好味，很快脆便食晒D雞翼，忘記為佢地拍照留念

話說星期日好肚餓, 就落咗樓下食嘢~ 就嚟咗呢一間比較地道嘅車仔麵~ 裏面好似普通茶餐廳咁 ,唔係淨係可以叫車仔麵, 仲可以食沙嗲牛麵奄列果一啲常餐~咁我同男朋友就嗌咗個沙爹牛肉麵，同埋多士 ，仲叫杯左奶茶~本身都冇咩期望，諗住普普通通，點知食落又幾好味個沙爹牛肉麵好香同埋多士係超多醬~仲有個奶茶係我最鍾意甜甜地嗰一種奶茶同埋價錢都好抵，埋單一百蚊都唔使一百蚊有機會應該會再嚟食 下次可以試下個三餸麵 ，都係三十幾蚊 另外鋪頭都算乾淨同埋光猛，都幾好坐

新蒲崗附近開嘅新車仔面檔，咁就不如要試一試，今次就叫左鳳爪，冬菇，生菜，咖喱魚蛋幼面。因為新開張都多人幫襯，不過排隊都唔使5分鐘就入得。餐廳內環境不過不失，普通茶餐廳嘅樣子。食物方面，送菜都算多選擇，車仔麵可以另外加腩汁或咖喱汁。咖喱魚蛋就有啲遜色，唔係太入味，魚蛋還魚蛋，咖喱還咖喱嘅感覺。即使加左咖喱汁都唔係好辣，可以接受，連埋生菜掛汁食更佳！反而鳳爪同冬菇就好淋同相當入味。不過呢餐加埋嘢飲都要成40幾蚊，係呢區車仔麵檔黎講都有幾貴下。

咦！新蒲崗又開咗於是入去食，不過一個字差😂🤤我係叫外賣嘅落咗order後至少等咗十分鐘都未得😱我未試過等車仔麵外賣等咗甘奈😅36蚊👉3個餸❌無嘢飲，响呢區黎講有d貴，貴唔緊要，最緊要好食，不過🤔🤔我叫咗3個餸：豬腸，牛腩，雞翅+粗麵豬腸👉 完全淋哂，❌肉嘅筋道牛腩👉硬到不得了，而且佢揀嘅部份唔係淋滑嘅部份雞翅👉完全唔入味，雞翼只有色，不過都咬得到 粗麵👉淋同鞋整體來講有待改善😣