地茂館燒味粥麵餐廳

營業中

休息中

早幾天和老公到九龍城飲下午茶一間我們一向幫襯了多年的茶餐廳質素每況愈下今天到來地茂館心裏也抱著想：幫襯了多年有一陣子沒有來了會不會又變差呢？幸好沒有地方乾淨光猛坐得舒服老公點了餐蛋治 + 熱奶茶熱奶茶當然是茶餐廳的看家食品茶濃奶滑好飲我點了水餃麵和凍央全蛋麵好彈牙但沒有鹼水麵的「壓」味還有幾條新鮮油菜呢有三隻水餃大大隻每隻都有大蝦仁在裏面好爽口前幾天我所到老字號茶餐廳小貓三四隻今天到地茂館好多人幫襯吃早餐生意好不好一定是有原因的

今日天氣凍凍地，諗住隨便買份外賣返屋企食，通常落完單到攞外賣都係 10-15分鐘就走得，雖然今日係星期六，佢哋同平時一樣晚飯時間都係客滿，我唔係第一次係度叫外賣，起碼叫過幾拾次，今次係等最耐最耐既一次，我入去追問左3次都話好快好快，我只係叫炒炒麵，收銀姐姐同我熟，都忍唔住行去廚房問，反而執外賣果個就懶懶閑，佢哋規矩係唔俾係店舖入面等，外面冷冰冰又有風，最後係等左30分鐘先攞到手 😡😡 最差嘅係店員一句「唔好意思」都係講，俾左我就轉頭走人😡 係度寫出來，係希望佢哋老闆睇到，自己去檢討一下

九龍城，好多食店，唔知點揀。呢度出名嘅一般都係泰國菜，另外就有好多大大小小嘅茶餐廳，競爭都幾激烈。斷斷幾條街都已經有成10間茶餐廳，其中我比較推介嘅就係呢間地茂館茶餐廳。佢個早餐嘅Menu係最全嘅，早餐仲有牛角包，價錢都算合理。今次午餐我就第一次食叫咗個菜牛柳絲米粉，真係有驚喜。原來佢係傳統嘅中式煎米粉。響傳統酒樓叫啲嘢起碼要百幾$200，而家$75食得到。真係超值又好味。另外見佢晚餐都仲有好多傳統中式餸嘅選擇，海鮮小菜樣樣都齊，下次我會嚟再試。

6月1日，跟父母去九龍城睇戲，(現在九龍城戲院執咗笠⋯⋯)，睇戲前食個晏，呢個全日早餐係呢間餐廳新菜式，份量好夠，有煎蛋，腸，漢堡扒，茄汁焗豆，生菜，扒要咗雞扒有半塊，仲有牛角包，味道正常，我喜歡每一樣有少少，所以都鐘意食，個汁冇用到，怕高脂高鹽。

下午茶時間想食d 野，屋企人話好耐無去食地茂館，就去食下～一去到要攞飛等4張檯，後來終於到我地，我地就去佢叫我地去果張卡位。點知無啦啦有人快過我地走左過去坐低，但佢根本無攞飛，自己就咁走入黎。我地同侍應講，佢叫我地坐另一張卡位，但成張檯都係野食，等好耐佢先肯黎執，搞到我地都躁躁地。我地幾個都叫常餐，落左單之後佢之後走返黎話無曬榨菜肉絲，咁我轉沙爹牛肉，點知之後又走返黎話無沙爹牛肉咁點解之前唔一次過講？最後我個常餐叫左腸仔仿鮑魚絲米粉配奄列、凍檸茶。d 鮑魚絲變左鮑魚片成碗野同個奄列就好似張相咁：好麻麻。我只可以話杯凍檸茶好飲、夠多冰同夠大杯…

差不多五點才食個下午茶，既肚餓但又怕晏少少食唔落晚餐 🤔🤔所以叫咗碗- 雲吞水餃米粉，加杯 $3嘅凍檸茶少甜，盛惠 $43果然係九龍城老字號，雲吞及水餃，真係真材實料，每隻餃子裏面都有完整嘅一隻蝦肉，餃子紮實，味道👍🏻恰到好處 😋茶餐嘅一碗米粉，份量絕不欺場，但只得兩粒雲吞，一粒水餃😂😂，如果可以有兩隻水餃就更好啦 凍檸茶少甜十分標準，四片檸檬 👍🏻食物絕對冇得批評 👍🏻👍🏻唯獨是唔可以自己揀位，要跟姐姐安排入坐 😟如果你有四五個人都好D，姐姐會就就你。 如果得一個人，分分鐘有機會俾姐姐叫你起身搬枱，就就其他客人⋯⋯

又有幾個月未來過，記得以前在舊舖也常幫襯的。今天的驚喜是早餐水準高，全日早餐超正。大大件炸得好的魚柳。服務也很好，是香港好旺場的茶餐廳少有能保持的水準。。希望多D人留港消費，支持本地店鋪。

#小秘書 每次嚟到 #九龍城，都會勾起唔少童年回憶♥️ 不過隨著新區發展，好多熟悉嘅店舖已經買少見少😅 不過 #小秘書 細細個就跟mammy嚟幫襯嘅 #地茂館 生意仍然咁旺，難怪小舖變大舖，就連 #糖水店 都撈埋啦😉不過 #小秘書 呢日唔係嚟食 #糖水，而係特登過嚟大舖食我至愛嘅 #蜆蚧鯪魚球，仲有 #炆牛筋腩 … 其實偶然麻甩一下，都幾爽㗎😂 同乒乓波差唔多大嘅 #鯪魚球，即叫即炸🤤 上枱嘅時候已經聞到陣陣香味🫧 彈牙嘅 #魚肉 配埋醃製過嘅 #蜆蚧，入口份外惹味🤤 講到佢哋嘅 #炆牛筋腩 真係冇得輸，#牛筋 咬口淋得嚟又有感到啲膠質，加少少湯同韮黃一齊放入口，特別滋味🤤雖然呢度冇大餐廳嘅裝修同最佳嘅服務，但係 #人情味 同 #食物 依然保留到 #傳統港式味道🤤 唯一美中不足係 #蜆蚧 份量太少，搞到我要每粒 #蜆蚧 咬開一半，先可以感受到 #蜆蚧 配 #鯪魚球嘅雙重味道😅 以六七十蚊呢個價錢嚟計，餐廳對客似乎孤寒咗少少囉🤭 不過整體食物味道都做得好好👍🏻 大家有機會行過 #九龍城 一定要試吓☺️📍 地茂館燒味粥麵餐廳 (九龍城)獅子石道19-21號地舖

依家一收夜好似就無野好食咁！要食啲有質素又好食嘅茶餐廳真心所剩無幾🥲今次朋友帶我搵野食，車左我黎食地茂館！！本來我都係茶記愛好者，但呢間我真係未食過，既然佢推介得嘅，咁我就要試吓啦！近排食飯中伏太多，所以叫朋友揀野食，我地就試咗個滑蛋蝦仁同京都骨，本來真係抱住試試佢嘅心態，點知野食一上枱，已經要即刻起筷！個滑蛋蝦仁大大碟炒得又好食，蝦又彈牙，好耐無食過，唯一減分就係蔥花可以多少少！不過已經好好食，仲好對得住個價錢！之後個京都骨，酸mei mei好開胃！我直頭食晒啲菠蘿🤣原來香港深宵都仲有美食🥹真係好開心🥹

今日心血來潮行過間令人懷念嘅香港茶餐廳，心諗不如嚟點懷舊滋味。先嗌咗碗水餃雲吞麵，雲吞嘅皮薄肉嫩，蝦仁爽口，飽滿得嚟又唔會覺得人工。麵條彈牙得嚟，係咁樣嘅車水馬龍中，都似係尋搵到一點點安撫。湯底入味，簡直係靚湯嘅典範，啱啱好嘅鹹香，令人一啖接一啖。另外，個西檸煎軟雞實在令齋味覺都為之一振，雞件鬆軟又哂口，帶啲微微嘅檸檬清新，食落正喎！熱奶茶滋味就真係無得輸，幼滑得黎香濃，係呢個冬天中，替我暖笠笠心窩。坐喺茶餐廳嘅一角，望住嚟嚟往往嘅食客，呢種最地道嘅香港滋味，真係幾時食都唔會膩。無論係老食客定係新嚟嘅朋友，都應該試吓，搵返嗰份屬於香港嘅味道👍🏻🇭🇰☺️。

今晚同太座來到九龍城，剛好晚飯時間，行到累了，便到地茂館吃晚餐。我點了一個牛筋腩撈麵，撈麵來了，味道未嘗，但目測以份量十足。牛筋腩炆得入味軟滑，粗麵拌着牛腩汁，更是一流。

今日嚟咗九龍城地茂館，叫咗碗燒鵝瀨，碟燒鵝只有皮及肥膏，咁我情商夥計幫我換過，但佢換咗呢碟俾我，完全係敷衍的態度，雖則$80不是很貴的價錢，但以一碗燒鵝瀨用這品質收我$80同埋呢啲態度真係我唔舒服.唔通唔叫小菜海鮮就唔係客人？

我幫襯九龍城地茂，差不多三十年了。當時同一條街，有地茂茶餐廳、地茂糖水、地茂菜館。現在茶餐廳搬到獅子石道，但同樣美味！Honey到外國工作超過一年，才回來，第一時間就要到「我們的地茂」。必然點的是叉雞飯、茶走、乾炒牛河。我叫肥叉，但上了瘦叉，有點失色。不過，豉油雞就好好味，豉油好入味。茶走更加不用說，香濃！乾炒牛河一上桌，已經聞到好有鑊氣。韭黃、韭菜、芝麻……炒得好好味！夠鑊氣，這才是香港茶餐廳。茶餐廳食品，是香港人的家鄉菜。地茂，也就是我和Honey的家鄉菜館。

九龍城人氣中式小炒茶餐廳經常在外面吃西餐、日式，好耐無食小炒和海鮮菜。今日行過見到呢間茶餐廳好多人食，出面啲海鮮都幾新鮮。傳統茶餐廳中式裝修，環境寬敞座位舒適。晚市人較多，非常熱鬧。食物即叫即炒，熱騰騰，小菜惹味有鑊氣，免收加一服務費蒜蓉粉絲蒸扇貝 $118超級肥美的扇貝，肉質嫩滑厚實。粉絲吸晒所有精華，鮮甜爽口豉椒炒蜆 $88豉椒炒大蜆份量多，厚肉，濃味唔會辣，甜甜的沙茶醬好惹味，送飯一流乾燒伊麵 $63乾身爽口彈牙的伊麵，香口的鑊氣味道，每一條麵都掛住芡汁，加入芽菜和香菇增加口感柑桔話梅梳打 $31超級濃郁的，酸酸甜甜椒鹽賴尿蝦 $500大大隻生猛賴尿蝦，炸到殼好軟身，再斬開3件，可以方便食用，連殼咬超入味，而且椒鹽炒好香好惹味。隱藏菜式：可以提早一日訂定，嚴選賴尿蝦。邪惡必叫椒鹽腰果鮮魷魚 $94彈牙魷魚🦑加香脆腰果，咸味適中，軟身得來唔會硬，老少咸宜金銀蛋時蔬 $76鹹蛋黃、皮蛋配莧菜，菜嘅份量都多，可以均衡飲食服務質素：7/10環境舒適度：6/10ᶘ ᵒᴥᵒᶅ個人口味評分：8/10

3月3O日揾食肥華到九龍城接完靚媽收工，路經此店見下午茶餐有頗多食品供應，包括中西食品及燒臘和炒粉面都有得，俾顧客選擇，肥華便和靚媽入内，並點了兩款下午茶餐，此店入口通道狹窄，但原來舖内別有洞天，地方廣濶，光線充足，坐位又夠大，顧客坐得非常舒服，加上每枱都冇一壼白開水給客自斟自飲，唔使吓吓要叫侍應員工，幫顧客加水，剩係呢點已攞足肥華高評嘅印像分，至於食品方面，今日靚媽所點嘅，簿牛扒拼沙律跟熱檸水和星洲炒米粉跟熱檸茶，都係一般茶餐廳貨色，並無驚喜而此店亦有海鮮供應，但收費卻比普通酒楼收得更貴，個人認為用咁嘅價錢食海鮮，市面有更多比，此店好嘅選擇