地茂館燒味粥麵餐廳

營業中

休息中

叫左個四寶飯 同例湯 叉燒同燒鴨硬到咬唔開難食到極點啊，個湯好似滾水溝鹽咁 燒味好似隔夜左三日咁 賣吾去嘅燒味…. 咁大個人第一次食咁難食嘅燒味，仲要$65蚊 以後請我都吾會再去幫襯。極度離離譜差差差

簡簡單單，快閃下午茶😎，不過不失紫菜三寶河$38潮州風味，👍幼滑河粉唔索湯，有三寶丸一啲都唔寡（墨魚丸、牛丸、白魚蛋）丸質感係淋，但👍牛丸味道濃好食，清湯不過不失， 份量多都有食淨！+$3跟餐凍檸檬茶--茶膽較澀，但有5片檸檬（👍一啲都唔慳）豬扒撈丁$42出前一丁麵質剛好，唔淋唔生，醬汁方面也是一樣，豬扒啖啖肉+$3跟餐奶茶--有較澀味

想去的店還未開都要10：00了 😱香港人真的不愛吃早餐的嗎 😅結果在街上遊離朗蕩後進了一家老字號外面太熱（真的好熱）於是進店就在門口位置坐下了盡管是室內也不願多走兩步看著來來往往的忙碌員工在下自顧自坐下看餐牌習慣被無視存在的我在這時有個驚喜那就是居然在櫈還未坐暖的情況下有店員遞上杯水 🤩有人看到我了🤩🤩🤩就是這個舉動在下給餐廳滿滿的加分沒有人知道 這個“存在”的感覺有多好剛還在微失落的我心情好了點了一份 E.鮮茄濃湯早餐 $45鮮牛肉 通粉 配熱咖啡沒想到鮮茄湯不只是鮮茄簡直是整個蔬菜湯底湯料給你來個 All In 熱熱的湯先喝口濃郁厚實的口感啊陣陣茄香充斥口腔裡連牙縫也流注絲絲的清新香甜果然心情好 就什麼都好湯底讚 加上中規中矩的通粉就很足夠位置寬敞舒適在人來人往的店裡也沒有壓迫感門口位置風比較大也剛好給怕熱的我感受陣陣涼意地方潔淨企理在炒場的時間裡這點真的做得很不錯老字號能一直存活必有它們成功之處👍

燒肉燒鵝飯燒肉既豬羶味直情入唔到口燒鵝好肥又無肉，而家食鵝都好難要求有鵝香，但肉汁味都係淡而無味。最後要姐姐送碟薑茸先可勉強食半碟白飯。九龍城有咁多好食市，本來趕時間諗住食個快飯，見門口餐牌有蒸肉餅，心諗應該夠穩陣，點知姐姐話所有蒸飯已沽清，唯有揀最快既燒味飯啦！今次教訓自己，想食靚燒味，真係要去燒臘飯店，茶餐廳既「味部」出品，真的可一不可再。環境方面，眼見都旺場，仲似乎多熟客，真的唔知係我唔識食，定係唔識揀，總之極度失望。

黎九龍城梗要試下地道野，朋友帶我去左呢間老店，推介左菠蘿生炒骨、鯇魚腩魚腐湯米粉、黃膳豬腰湯河粉，賣相雖然一般，但味道就頂瓜瓜，絕對無得輸，下次一定會再黎，試下其他款式。

今日叫咗一個下午茶B餐外賣 - 羅宋湯通粉配餐蛋，呢間既羅宋湯一向都ok, 不過不失, 仲好多配菜（湯渣），但今次真係令人失望，個湯底明顯溝咗好多水, 令到成個湯冇哂味！好似食梗熱水+通粉咁，真係冇得推卸，唔係因為煮完既通粉放落羅宋湯而影響咗湯底，外賣本身就分湯！個羅宋湯仲要乜配菜(湯渣)都冇,紅蘿蔔、碎肉、薯仔、西芹係完全冇唯一一樣好既係餐肉有煎過，冇難度可言真係頂唔順，最尾淨係食咗餐蛋，成個湯通粉就倒咗，好難食！

食過好多次地茂嘅晚飯小菜，實在係值得一寫。平時最愛吃豉汁帶子蒸豆腐，今日再叫個海味粉絲雜菜煲同中式牛柳。佢嘅豉汁帶子蒸豆腐蒸得剛剛好，豆腐又嫩滑，豉汁味濃咸鮮，帶子亦夠厚身又大隻，亦有帶子鮮味。海味粉絲雜菜煲好大煲，有西蘭花、菜心、小唐菜、生菜，又有魷魚，又有好多粉絲，雜菜煲嘅湯都幾清甜，可以當個湯飲下。中式牛柳酸甜味強勁，牛柳亦都夠林，雖然無乜牛味，不過連埋汁都好好送飯😋地茂隔一條街就係地茂館甜品，食完飯就過去食甜品咯😋

所以有時想推同事唔好一齊食飯真係要果斷，本身有少許搞肚子，但又答應一齊食飯，結果入了這間燒味港式餐廳，看到餐牌炒個米粉我是炒麵都要60-70 ，倒不如吃個燒味雙拼。結果求其點個叉燒燒味飯，都$60左右，不過包杯熱飲都算是不錯，起碼觀感上比起吃過炒米粉$70更加划算飯份量已經夠多，應該有碗半至到兩碗飯，不算太乾，加點燒味的豉油汁，味道其實不錯的；叉燒我叫了肥叉，去餐廳吃叉燒更加要吃肥的，否則如果它給你瘦叉燒，又瘦又乾，又咬得來的話，更加辛苦。結果，叉燒有點兒脂肪，其實不算太肥美，比起敏華的應該差少少，但是都有點焦香；燒肉的皮亦都有點兒脆香，不算太差，雖然它屬五層肉，不過可能放得太久，因此它的肉有點兒太過涼，不夠熱燙食味難以會減分。奶茶亦都夠大杯，不算太過澀口，還算茶味濃郁，杯子夠厚，因此保溫不錯。如果吃一個燒味午餐$60左右都不算太貴，但是如果求其炒米或是茶餐廳食的快餐都差不多要50多元，就實在太過不值了。

今日同朋友下午來到地茂館茶餐廳食午餐，地方大，不需要等位。餐牌都有不少選擇，睇見常餐份量都幾多，仲冇平時唔想食的方包，咁就試下。沙嗲牛肉+餐肉+出前一丁公仔面配火腿奄列+熱阿華田沙嗲牛肉味濃而且牛肉夠軟，好食。餐肉也是厚切，其他都好正常。食完個常餐會好有滿足感，大大份。

地茂館係九龍城老鋪，好多老中年街坊幫襯，任何時間都好多客。前幾年由隔離街搬咗過獅子石道後，地方細咗，不過就新鋪，乾淨啲，有卡位同大圓枱。去到九龍城唸唔到食乜嘢，我哋就會去地茂館，因為佢多選擇，茶記來説味道幾好，餸嘅價錢同平價酒樓差唔多，不過冇茶芥小費，而味道同份量就好過那些酒樓。食咗瑤柱海味雜菜煲，有冬菇，粉絲，蝦乾，魷魚，魚片等，清湯底，有點鹹。菠蘿生炒骨，酸酸甜甜。碧綠青衣球，唔知係乜嘢魚，不過都鮮嘅，走過油，分量多，扺食。

住九龍城無可能未係度食過飯, 一間開左幾拾年既老店, 主要客人都係區內街坊, 疫情期間無堂食, 佢地既外賣一樣咁多, 始終老店有佢一定既捧場客, 而我都其中之一, 因為佢地既品質真係唔會令人失望, 雖然價錢唔係最平, 但都算係合理今晚 3個人食飯, 而我地都係多菜少肉既, 所以點左個上湯菜膽雞, 雞肉好滑好好食, 另外仲有蓮藕餅, 煎得好香, 最後係啫啫通菜煲, 上枱時仲可以聽到啫啫聲, 因為有蝦米一齊煮, D 通菜就更加香好味

當日去到餐廳嘅時候係中午時間，每一台都坐滿晒人，要搭枱😆.叫咗一個蒸魚飯，以午餐嚟講可以食到蒸魚，喺九龍城算係一個幾抵食嘅選擇🥸即蒸時間會比較耐，不過鯇魚份量頗大，冇泥味幾新鮮，值得等侯👍🏻.另外叫咗一碗雲吞麵，雲吞數量都唔少，每一粒都有完整嘅蝦肉🤤爽口彈牙🥰亦都明顯食到有唔同嘅調味，面嘅方面唔會太重鹼水味，份量亦都充足。.雖然午市人流比較多，餐廳嘅姨姨多幾有禮貌🤗因為中午時段比較趕時間就冇影相🙈餐廳座位尚算闊落，下次會再黎

整完電單車，想話食餐好D，於是經過九龍城，就轉入去睇睇，打算邊間餐廳門口有位停車就去邊到食.只不過一部電單車，居然搵個位泊都唔易！最後見到地茂館有位，就入去幫襯.點咗碟淨豬手，吉烈豬扒飯，牛筋腩飯.優點：1, 代客泊車2, 冷氣足3, 不論牛筋定牛腩同樣夠諗夠入味，牛腩汁亦濃郁，掂！4, 豬手同樣夠諗同入味！缺點：1, 吉烈豬扒已變質變酸，大大扣分！牛筋腩同豬手出色，但吉烈豬扒變酸，天堂同地獄，想俾滿分但俾唔落手，俾中間分數，okay!

本身想搵間Cafe食，但因為星期六實在太多太多人等，轉返食港式茶餐廳！平時一直有來幫襯晚市，燒味真係no 1 !今日點左港式茶餐，五香肉丁配雪菜肉絲出前一丁！另外附上麻油！你一下幾出色！味道也正宗！只係奄例叫左火腿，其實心裏面好想試什麼叫西班牙奄例，但又怕’令’嘢！都係傳統啲穩陣😅老公嗰碟雙拼飯看似乾爭爭！但係原來佢話味道同晚市一樣咁出色！要俾返個讚好👍

在九龍仔做完運動即場想補充一下,於是乎兩個人到上址試一次下午茶餐。選擇呢度因為好耐以前有來過。記憶中唔太差只是當時感覺價錢唔平。 食傳統的燒味因為心想差極都應該有個譜啩。殊不知。。。燒鴨河$44 這燒鴨一般的嚡口啦, 斬切同擺碟係公整嘅。 醃味沒有過咗位。义燒河$42 這义燒可以用極瘦來形容所以跟以上同樣擺碟公整。即是就算味道同質素麻麻還有一點- 就係個樣無輸。服務方面都係一般的麻麻地啦！室內都算乾淨同有空間感嘅