圓圓小姐 (快樂大廈)

營業中

休息中

圓圓小姐 店舖位於利園山道，同一條街開了另外四間飲品舖頭（台式），市場競爭頗大，但這間舖頭裝修特別精緻，內部粉紅色嘅裝修很有女人味，打卡一流。因為深水埗嘅李圓圓好出名，飲過亦都覺得極為出色，所以就決定試一試李圓圓既分店，位於銅鑼灣呢間圓圓小姐。黑糖波波炭焙烏龍茶（$24）微糖少冰黑糖波波嘅味道同李圓圓嘅味道十分相似，把珍珠 煮得很入味，但是珍珠嘅質地同口感差得有點距離，圓圓小姐姐既珍珠有些煙韌有些卻很硬，在口感方面有些少失望，不過炭焙烏龍茶好好飲，真的很有炭焙既味道。

呢間新開嘅手搖飲品店好少女心💓，成間鋪頭都用咗迷人嘅pink lady作為主調😳而且佢嘅飲品真心唔錯😋😋😋有選擇困難症嘅我問完店員推介嘅飲品先決定到飲呢個🥤真心介紹得好👍🏻1️⃣火龍果葡萄優格晶球 $42打卡📸同埋飲品質素都一流😋！一上枱見到杯嘢飲嘅漸層顏色就已經😍最上層係紅肉火龍果葡萄，中間嗰層係原味優格，最低果層係蘆薈晶球🥰有少少似食緊啫喱咁!我選擇咗無糖，因為杯身優格已經有d甜度，揀無糖真係岩岩好😋喝落去味道清新怡人！蘆薈晶球好有𡁻口😋而且材料好足!!!🙆🏻‍♀️美味指數:7.55/10💡整體來講，想晏晝醒一醒神就唔一定要飲咖啡☕️，偶然試吓水果類嘅飲品都唔錯㗎！圓圓小姐地址🐾:銅鑼灣利園山道11號快樂大廈地下

今日行完sogo就黎左呢間新開既店面係全粉紅色既台式飲品店 見佢既飲品款式都較為特別😍 ▫️🥤火籠果葡萄優酪晶球 (真心推薦😍)呢杯真心好有驚喜 見到杯野飲咁靚已經好吸引 飲落真係好正 分左三層 第一層係紅肉火籠果葡萄 中間係乳酪 最底層係一粒粒既信蒟蒻晶球 感覺就好似食啫喱咁😊 飲完都幾飽肚 真材實料 店員推介呢款係半糖 而且對身體又好啲 ▫️🥤圓圓珍珠奶茶珍珠奶茶我都簡左要少甜的 珍珠好煙韌 軟軟的口感 而且飲到茶香味 佢仲有款係圓圓珍珠炭焙烏龍奶茶 下次再要去試試👍🏻📍 圓圓小姐 (銅鑼灣)銅鑼灣利園山道11號快樂大廈地下

成日經過呢間店都覺得好靚，成日都想試！今日終於拉埋個朋友一齊try，哈哈哈！店內選擇都幾多，有幾款仲係店內招牌，一定環試呀！我哋叫咗芝士草莓綠茶和圓圓珍珠炭焙烏龍奶茶。芝士草莓綠茶（$43/大）啲芝士好多好Creamy，要飲大啖啲飲，混埋草莓綠茶一齊飲，很清新、很花香、很特別～而圓圓珍珠炭培烏龍奶茶（$29/大）我哋揀咗少糖，非常有茶香味，奶茶比例剛剛好，珍珠係混珠，即係黃金珍珠加黑糖珍珠Bobo 很彈牙，very good!

無錯，又係台式飲品店😛！又係銅鑼灣添😝！哈😜！呢間位於利園山道、近蘋果店📱附近嘅台式飲品應該開咗無耐，今日行開附近，就同兩個外甥👧🏻🧒🏻嚟幫襯一吓。.#芝士火龍果葡萄綠茶 (大杯裝：$43)，紅肉火龍果色澤鮮艷紫紅，味道清甜😋，今次加埋芝士、葡萄同綠茶，味道又幾夾喎，新甜中帶少少咸味，唔算好甜，仲飲到啖啖嘅火龍果肉添，實屬健康之選😊。#黑糖波波鮮奶 (中杯裝：$30)，鍾意飲甜嘅女士一定鍾意，珍珠又好QQ，一杯好飽肚。😂

相信深水埗嘅台式飲品圓圓好多人都聽過同飲過，佢最近係銅鑼灣開左分店，咁啱經過就去試下，睇下有咩分別😂就咁望落去，銅鑼灣店比較少女啲，襯翻佢個名。店入面整體比較多啲粉紅色調，亦都有啲打卡位🧐今次無叫到珍珠，試左佢呢款都係推介嘅芋圓奶茶，我將佢轉左綠茶🍵感覺會清啲。佢啲芋圓好好咬，但比起其他舖頭嘅芋圓奶茶，佢嘅會大粒啲啲重芋頭味多啲，同奶同綠茶陣味好夾，咁大杯飲飲下好快飲完🤩下次有機會要試下其他嘢飲，應該都幾好飲😆

食完lunch見到apple店附近開了新的飲品店（圓圓小姐）！飲品的種類選擇頗多，主要可分為茶類和水果系列。水果系列的飲料都係由新鮮的水果打成的，健康又好喝。而且飲品甜度同冰量都可以自己選擇Tim！草莓優酪晶球：呢杯草莓鮮奶凍用左新鮮的士多啤梨整的，粉粉嫩嫩的顔色夢幻又吸引眼球。清甜的草莓果肉和棉滑優酪味道酸酸甜甜，口感豐富而且甜度剛剛好！也能幫助我飯後消化。火龍果葡萄優酪晶球：這杯飲品用左差不多整個火龍果和巨峰提子製成，飲落去有濃郁的紅火龍果味，加上乳酪酸酸咪咪感好得我歡心。晶球其實是透明的珍珠，珍珠爽口有彈性很有咬口。值得一試！！

被名字吸引就進來了Lady Bobo圓圓小姐😍😍😍粉色系環境整潔又可愛，適合打卡🤩健康系列😇火龍果葡萄綠茶 Super refreshing第一次飲火龍果 味道十分討好 不太甜好少地方有 鍾意食水果值得一試👍🏻👍🏻👍🏻放縱系列😈芋薯圓烏龍奶茶 芋圓細細粒口感唔錯最重要係健康過珍珠🙌🏻🙌🏻呢杯真係literally我杯茶我唔食珍珠但想搵野咬下😂新開小店價錢合理感受列用心製作 好飲☺️

Hysan對面既利園山道愈開愈多珍奶鋪🥤，而今日飲既呢間就係深水埗圓圓既分店 - 圓圓小姐🧚🏻‍♀️。店面以粉紅色做主題，好搶眼，用玫瑰金寫住Lady Bobo既牆身好岩打卡👸🏻。-圓圓最出名既就係黑糖波波鮮奶，咁當然要試下啦，仲要試升級版既芝士特濃黑糖波波鮮奶😆。-芝士特濃黑糖波波鮮奶 $36上面啲奶蓋好正呀，極濃厚既芝士鹹香味😋，質感又滑。黑糖珍珠有咬口，軟硬度適中，邊咬邊滲啲黑糖出黎，帶微微焦香🤩，亦唔會過甜。-話佢係升級版真係無講錯，無論奶味定黑糖味都係超濃烈！不過因為太足料，所以飲左四分三已經好飽🤰🏻。

銅鑼灣接老婆放工，路經呢間圓圓小姐，老婆話好似新開喎、間鋪粉紅色好靚喎....咁係咪暗示想買嘢飲？望下望下，店員話紅火龍果呢個都多人揀呀，就要個「火龍果葡萄優酪加晶球」（少甜）$42來試下啦！另外老婆要「芝士石榴果粒葡萄」（$44）兩杯飲品都紫紫地好靚，店員提醒唔好！！！唔好！唔好！攪拌飲。兩杯味道都相似，我杯yogurt上下分明，上面果汁味，下面則有yogurt 質感，最特別是那些好有咬感的晶球。晶球即是有「海底燕窩」之稱的寒天，之前聽過話好有益。至於老婆那杯則有大量石榴，每粒咬落去都好juicy，不過係有核麻煩啲，雖然店員話可以吞的。芝士奶蓋唔會太濃味，幾好，但我依然喜歡攪勻飲！

今日嚟到銅鑼灣見到開咗間新嘅手搖店，同朋友叫咗兩杯嘢飲。分別叫左個鮮果系列同招牌圓圓珍珠，飲品甜量同冰量都可以自己選擇。草莓鮮奶凍，賣相十分吸引顏色好粉嫩，仲有草莓嘅果肉喺度，加埋粒粒滑溜嘅奶凍，口感非常豐富，整體味道唔會太甜，草莓味同牛奶味好融和。圓圓珍珠炭焙烏龍奶茶，珍珠非常Q彈，有黃金珍珠同黑糖珍珠，由於黑糖味道偏甜，所以揀咗少糖味道剛好，炭焙味道香濃，唔會比黑糖嘅味道蓋過，仲飲得出茶嘅香醇。

今日經過銅鑼灣，見到一間叫圓圓小姐嘅台式飲品店，門面精緻望落menu亦都超多選擇，最後我哋點咗黑糖波波奶凍鮮奶同埋芝士火龍果葡萄綠茶，飲黑糖波波奶凍鮮奶前先搖勻底部黑糖， 一飲落去啲珍珠好qq，奶凍亦都好清涼，撞埋一齊真係口感一流，芝士火龍果葡萄綠茶飲得出好濃沃火龍果味，同埋食到新鮮葡萄肉粒，如果食完飯飲呢杯嘢真係好似食咗幾種唔同嘅生果咁。 而且個賣相亦都係打卡之選，如果下次嚟我一定要再encore鮮果系列，同埋試埋佢哋嗰個芝士茶系列！

粉紅少女心大爆發！今日黎到銅鑼灣既利園山道，呢到基本上成條街都係手搖飲品，選擇繁多，令人眼花撩亂，但就比呢間野既門面吸引左！粉色既裝修，圓圓小姐呢個名，加上門口大大個餐牌，令我毫不猶豫就入左去。我揀左餐牌上最觸目既芝士奶蓋火龍果葡萄綠茶，淨係聽個名已經覺得好fresh，果然無令我失望。面頭既奶蓋好香滑，鹹鹹甜甜，芝士味好濃厚。水果茶好有層次，打得好細滑，唔會食到一粒粒既提子皮，不過略嫌落得太多冰，沖淡左水果既味道。整體黎講，呢款飲品好有心思，用既係時令水果，下次會再番黎試下黑糖珍珠鮮奶！

本來仲同男友諗緊飲珍煮丹定迷客夏好，經過見到黎間新開店，決定一試，叫佐個3寶(珍珠，仙草，芋圓)少冰微糖，最like ge芋圓冇晒，轉佐寒天波波。男友偏愛珍珠，我地覺得口感拍得上珍煮丹，好qq，重點係炒黑糖我真係食得出個炒香ge味(珍煮丹係不嬲冇炒味，老虎堂同幸福週末都死甜味但冇乜炒味)，所以我覺得佢雖然唔出名，但係cwb黑糖珍珠最好果間。仙草夠滑，但唔夠濃味(但都叫好過同區飲開果幾間)。寒天波波都夠qq，冇乜特別。係仲稍嫌個黑糖同珍珠甜得濟，但可能黑糖珍珠一定係要咁甜掛，但見佢都唔算死甜，算好過老虎堂同幸福週末。by the way，cwb第日飲黑糖珍珠應該會揀黎間。圓圓小姐＞珍煮丹＞幸福週末＞老虎堂

很久之前已經光顧過深水埗的「圓圓」，是一間台式飲品店，那時在ig有不少人發文，推介大家去試，我那時又剛好在深水埗，試完之後確實覺得不錯。最近得知「圓圓小姐」在銅鑼灣開業了，原來就是深水埗圓圓的分店，還要在銅鑼灣，當然要試試，位置就在Apple旁邊，那條有數間台式飲品的街道。圓圓小姐的英文就是「Lady Bobo」，十分易記，客人還可以在這個位置打卡。台式飲品的種類繁多，有圓圓珍珠、黑糖波波、鮮奶茶、鮮果茶等等，鮮果茶是季節限定的。男朋友點的那杯名字很長，叫火龍果葡萄優酪星球，優酪即是yogurt的意思，優酪也許是台灣人的叫法吧？火龍果和葡萄佔據了飲品的一半，火龍果飲料裡有一顆顆的種子，證明是真材實料。下面白色的是優酪，不會太酸之餘又開胃晶球大概就是「寒天」，帶點甜味，煙煙韌韌的。這杯草莓鮮奶奶凍真令我著迷滿滿的粉紅色散發著少女心，裡面還有一顆顆莓肉在裡面，真材實料。除了莓肉之外，奶凍也是很好吃的！吃進口質感滑溜，奶味十分香濃，應該是自製的，和莓肉也不會不搭。