回味腸粉 (已結業)

呢間腸粉店我已經黎過幾次喇，不過次次黎都喺買中式餅，皮蛋酥咸蛋酥同紅豆燒餅都好好食啊，手工好好皮好香又平wor，今日中午經過覺得好肚餓所以就決定試下佢d腸粉啦～ 我同家人享用所以嗌左3個腸粉，嗌左2份瘦肉腸+1份叉燒腸粉腸粉喺我至愛嘅皺皮腸粉，無諗過可以喺附近食到啊！瘦肉腸粉勁好食，同係內地食嘅味道一樣，都係童年的味道，醬汁都好香，有好香的蒜味，惹味！腸粉嘅份量亦非常足料，附近有間腸粉店真係好，以後都可以過黎買腸粉同中式餅😻…查看更多

朋友推介話呢間嘅石磨腸粉同燒餅好好食，今日就黎試下，舖頭嘅位置有啲難搵，喺一條村裏面嘅。去到叫咗瘦肉腸粉加雞蛋，燒餅同芝麻糊個腸粉好好味，拎到返屋企都仲喺好淋身無硬，不過如果可以堂食，我諗會更好食。同埋入面都幾多肉，腸粉有米味，醬汁有啲蒜香味道，食落幾惹味燒餅好正，一盒3個只喺12蚊，唔太甜同埋好軟糯，勁香 跟住到芝麻糊，芝麻糊好滑而且香，少少杰身，老闆娘話喺用石磨磨出黎，咁樣13蚊好抵，有機會經過會再買…查看更多

行過食碗芝麻糊，$13正常街市檔口價錢。堂食嘅，一打開，首先碗野唔係黑色，係深灰，食落口，又唔香，又唔滑，最攞命係「唔熱唔凍」，問個店員，佢笑口吟吟話「暖暖地」，所謂嘅「暖暖地」係近乎室溫果種溫度。有時都好想支持下D街坊小店，喂咁你都要比D誠意丫大佬，一碗糖水都要我開個post去講，可想而知個感覺係幾差，咁嘅嘢質素，買罐可樂冇咁嬲，仲要碗野唔熱唔凍，知唔知好易食到人肚痛？個客都開到口，醒目就換過碗或者叮返熱比人，唔係笑笑口by pass就算！雖然只係$13，但可唔可以比D溫度，比D誠意呀？…查看更多

新開張， 米漿好有米味， 餡量適中， 腸粉算滑同薄嘅， 老闆每日用6hrs 磨米造漿， 一日一桶漿，賣哂就無架啦～營業時間話到12:00am, 但好多時賣哂無腸粉。仲有豆漿、糖水同砵仔糕如果有蔥花賣相會靚d …查看更多