四寶食堂 (兆安廣場)

營業中

休息中

呢間一直都係銅鑼灣區嘅打卡茶餐廳，Tiffany Blue嘅色系，搭上一整幅花花牆🥰燒頂級封門柳～燒極級牛板鍵～🙌🏻牛扒set性價比好高，配搭大大份芝士凱撒雞柳沙律、蘑菇忌廉湯，加十幾蚊就可以有特色飲品～牛扒都好大碟，夠哂份量，牛板鍵有肉筋位，我揀九成熟，依然口感Q彈，封門柳肉質就比較滑，另一半揀七成熟，吃起來更嫩。兩者都好重牛味👍🏻👍🏻巴馬火腿溫泉蛋凱撤沙律～羅馬生菜非常fresh，應該係即叫即整，巴馬臣芝士份量夠，配搭煙肉碎、方包粒，令整體口感更豐富，入口爽脆。甜品:港女西多～比普通版多咗一球朱古力雪糕，超厚西多士由兩塊麵包組成，中間夾住粗粒花生醬，咬落有啲流心🥰，沾上少少雪糕，口感層次豐富👍🏻高質。

🔹️四寶食堂🔹️被Tiffany Blue既門面設計所吸引，見到室內牆壁有好大幅既花花打卡牆，忍唔住要幫襯下。當晚7:00左右已座無虛席，有幸地我同朋友都被安排到卡位，卡位好寬敞舒服打開個Menu，驚訝地發現四寶食堂係扮茶餐廳既Cafe，食物種類好多元化，中西式菜款任君選擇，要食傳統既蔥油豬扒飯，還是意大利粉，甚至係茶記既沙嗲麵都有，價格仲好大眾化，且性價比好高添😋🐟煙三文魚凱撒沙律 ($88)煙三文魚同沙律菜都好新鮮，表面仲有灑上滿滿既芝士粉，係茶餐廳都可以食到有水準既凱撒沙律🥢香茸白酒忌廉煮蜆 ($78)蜆肉每粒都好飽滿鮮甜掛汁，白酒忌廉煮後令味道變得更豐富，見到朋友都食得好滋味🤭🥢芝士忌廉蟹肉焗大啡菇伴薯蓉 ($78)大啡菇真係必點既菜式，大啡菇仍保留水份，食落好Juicy，毫不吝嗇放上大量蟹肉，表面有大量芝士烤焗過底，部還有舖墊薯蓉，舖滿美味既材料🤪 一次過滿足你幾個願望🥢香草白酒龍利魚配蕃茄沙沙醬 ($98)以香草白酒入饌帶起食慾😋 加上配有蕃茄沙沙醬，令龍利魚既味道更有層次🥢餐湯 + 黑松露薯條🍹熱情果檸檬梳打 ($15)🍹黑加倫子檸檬梳打 ($15)

同朋友去銅鑼灣行街 佢比左幾間餐廳我揀 見冇乜同佢食過茶餐廳就揀左四寶食堂一齊試下是日餐湯雜菌忌廉湯 好香菇味 除左好多細細粒嘅雜菌碎 仲有幾粒大粒煮到好林嘅杏鮑菇 個湯清清地帶有少少甜味 如果多返少少鹹香味就更好啦跟餐黑松露薯條一黎到仲係泛住油光 應該係啱啱新鮮炸起 份量都唔少板燒美國頂級封門牛柳揀左五成熟 牛柳煎得好靚 切開係粉嫩嘅五成熟 牛肉味濃 肉質鬆軟 醬汁食落有蜜糖香甜味 唔點汁就咁食已經好好食 少少海鹽襯托下肉味好出 伴碟仲有原粒烤蒜同蘭花苔 蒜同牛又係絕配 蘭花苔口感爽脆 索左肉汁令佢唔係一個平凡嘅配菜朋友嘅跟餐廚師發辦沙律同露斯瑪麗蜜糖天使燒春雞跟餐沙律都唔求其 有煙三文魚配凱撒沙律醬 燒春雞比想像中大隻 雞肉嫩滑唔乾 外皮有淡淡蜜糖香氣估唔到茶餐廳出品嘅西餐都咁高質 絕對值得再訪👍🏻

睡醒後的第一餐—「早餐」（breakfast）一詞，字面之解釋為「打破禁食」（break fast）四寶的豐富早餐為上班前充電店舖裝潢設計舒適，有點Cafe的風格，客似雲來，證明食物素質保持水準

前幾日食咗一間服務態度惡劣嘅垃圾嘅茶餐廳，今日再去挑戰另一間高人氣位置又方便嘅茶餐廳😊果然冇令我失望😚因為一早去攞位唔使排隊有卡位坐👍🏻不過冷氣出風口比較大🥶環境好舒適，仲有一埲花牆可以打卡🌸感覺非常舒服。因為去到嘅時候未夠六點，店員話可以選擇下午茶餐，但係我target佢嘅出名厚切豬扒，六點準時落單。唔使10分鐘一塊大大塊又香嘅豬扒蛋熱狗餐就嚟到啦🥰厚豬扒好非常嫩滑多汁，啲蔥油略為鹹，不過都好惹味👍🏻炒蛋就略為偏淡，但份量非常多，熱狗麵包非常鬆軟，抵讚👏🏻👏🏻奶茶味道偏濃，唔受得嘅人就要多奶。其他朋友點下午茶餐，瑞士汁雞髀麵同美式薄牛扒都唔錯。非常滿意員工嘅服務，主動問你要乜嘢，有問必答，解釋清楚，就算戴住口罩都感受到佢哋嘅服務態度🥹男女共用洗手間環境有待改善😵‍💫地下滿佈水，廁所非常污糟，仲見到地下有昆蟲😅

頭兩次都比豬扒吸引住，但今次豬扒肉質太廋了，肥1廋9，9/1對比下，非常一般，可能係供應商貨源問題，下次再去會試下牛利，上次見朋友食牛利好大塊，大約3-4件，比左1塊我食，夠淋，有機會都會再去😋

又係Happy Friday 嘅日子, 去到銅鑼灣就試下高級茶記 “四寶食堂”啦, 之前喺炮台山食過佢嘅早餐. 今日就食銅鑼灣嘅午餐. 食飯時間真係好多人, 排哂長龍, 等左15分鐘先入到去.餐牌有好多美味招牌食物推介, 我就揀左XO醬滑蛋蝦球飯, 同事就揀左香煎美國黑毛豬架伴酸椰菜意粉.XO醬滑蛋蝦球飯, 滑蛋又滑又香, 配上大量蔥花, 非常香. 再加上大量蝦球, 非常豐富. 蝦球爽滑彈牙, 又大大隻. 滑蛋飯配XO醬十分野味, 辣辣地, 正. 香煎美國黑毛豬架伴酸椰菜意粉, 2大塊黑毛豬架, 厚切, 質感好. 加上有少少肥膏位, 更顯香口.

每次經過《四寶食堂》，都比佢翠綠色嘅門口同埋室內嘅鮮花牆所吸引，但係見到有人排隊，就想冇乜人嘅時候再試。今次去到銅鑼灣分店終於有機會試下。首先當然要叫個前菜，巴馬火腿溫泉蛋凱撒沙律$88，沙律都幾新鮮，上面放滿巴馬火腿同埋芝士碎，好開胃。小食類煙三文魚班尼迪蛋 $88依個真係最驚喜，估唔到佢哋嘅班尼迪蛋完全做到流心，甚至比出邊嘅高級Cafe都要好，值得一試。芝士忌廉蟹肉焗大啡菇伴薯蓉 $78大啡菇上面釀左忌廉蟹肉，蟹肉鮮甜加上芝士嘅鹹香，味道幾有層次。燒頂級封門柳 $158五成熟就啱啱好，封門柳牛肉味好重，肉質軟腍，相對脂肪較少，外層剪得好香脆。另外仲有黑松露薯條作為配菜，真係見到一粒粒黑松露，香濃又炸得好脆。飲品方面就叫咗粉紅草莓雲朵 $15 & 黑加倫子檸檬梳打 $15草莓雲朵其實就係草莓鮮奶，口感幼滑。至於黑加倫子檸檬梳打就好清新。💰人均150蚊一位如果唔想錯過其他好餐廳嘅介紹，記得follow我呀😘多謝大家！！！

#著數蜜蜂 作為一隻「食肉獸」，最鍾意就係鋸扒，尤其係茶餐廳港式鋸扒！淋汁上去嗰吓滋滋聲，啲香味湧晒出嚟，聞到都流晒口水～🤤 而擺到入口啖啖都係肉，真係十分幸福～🥰茶餐廳， 為咗慶祝開業3週年推出扒餐優惠！🎊✅只限晚市！嗌下面4款懷舊鐵板餐，第2份就有半價！👉🏻鐵板美國肉眼牛扒👉🏻鐵板英式雜扒👉🏻鐵板香煎魚柳拼吉列蝦👉🏻鐵板德國咸豬手🐝 每個鐵板餐仲送金必多鮑魚絲素翅忌廉湯同熱飲添！🤩

呢間係個人覺得炒滑蛋整得幾好既茶餐廳🤤🍅經典常餐D：蕃茄薯仔牛肉湯通粉，配嫩滑炒蛋及牛油丹麥多士($52，凍飲+$3)呢個蕃茄湯飲落係似西式蕃茄濃湯咁比較杰身，蕃茄味唔假，好好飲所以每次叫呢個餐都會飲曬個湯🤤牛肉就係滑牛，都比得幾多，唔韌亦都冇雪味，除此之外入面仲有好多蕃茄同數量比較隨心既薯仔😂不過講到呢個常餐既重點，一定係多士同炒蛋💖丹麥多士搽滿曬牛油勁邪惡，炒滑蛋亦比得絕不手軟，成座炒蛋山咁，食落既有蛋香又有奶香，而且真係好滑，炒蛋fans絕對唔可以錯過😍

週末同朋友一齊喺銅鑼灣，佢好大食😅，呢日佢仲話好肚餓😆，為咗解決咁嚴重嘅問題😆，我即刻喺人肉電腦💻裏邊搜尋一下，要搵間大件夾抵食又好食嘅餐廳🍴😆，咁俾我搵到呢間，於是就嗱嗱聲掹咗朋友過去開餐 😆我哋叫咗幾樣嘢share嚟食😆：- $98 嘅「邪惡鹹蛋醬海蝦🍤意大利粉」：鹹蛋醬香口又creamy 兼味道濃郁，呢個中西合璧真係有趣兼幾好味😋；意大利麵煮得少少 al dente 幾啱我胃口😆- $62 嘅「喜哥蔥油豬扒🐷太陽蛋飯🍚」：豬扒🐷幾大塊🤩，仲係厚切😋，肉質又軟熟😋，加埋 叫咗「多蔥油」，配太陽蛋🍳飯加醬油一齊食，好正😆- $78 嘅「意式羅勒蕃茄醬炒蜆」：落咗好多蕃茄同埋菇菌一齊煮，幾好味😋- 「熱鴛鴦」：幾香幾滑😆- $15 嘅「熱情果檸檬🍋梳打」：淡淡哋幾清新😋連大食朋友食完都捧住個肚😆，呢餐真係大滿足😆

2022年10月9日，上午11:30打電話落單自取由在電話同呢個阿姐落單已經好難受，我要三個早餐abc 餐，我就真說abc餐，佢居然要我用早餐內容落單，即，雞扒炒蛋咁樣，咁分英文字母替死咩，又冇比單號就cut 線去到四寶，見到呢個阿姐，點解我知佢地係同一個人？因為一樣咁無禮貌，大大聲我話我叫左三個餐，佢唔去了解下，就大大聲呼喝咁你叫左咩至得㗎，喂，你又唔比戲單號，又唔好好了解，大聲呼喝，我黎幫襯，唔係黎乞，自己好多嘢做好多嘢煩，係你能力不能勝任呢份工，唔好呼喝客人

香港人最愛食茶記😋我都唔例外！今次一於試下四寶食堂💕南瓜忌廉露筍海蝦意粉估唔到茶餐廳都可以食到咁高質嘅意粉😉呢度嘅意粉有咬口，但唔係林啤啤嘅！香濃嘅忌廉汁，仲有淡淡嘅南瓜味🤤海蝦好爽彈唔霉，露筍夠新鮮！常餐-蕃茄薯仔牛肉通粉炒蛋配丹麥包🍞入到茶餐廳，食常餐是常識吧蕃茄夠晒甜，薯仔夠晒腍，仲有好多舊牛肉添！通粉塑哂蕃茄濃湯嘅精華！炒蛋夠晒滑溜，丹麥包好酥脆😍港女西多個名咁過癮，原來係特厚西多士🤓兩塊厚麵包中間夾住一層好厚嘅粒粒花生醬！唔使我講都知道呢份西多一定好食啦😍芝士忌廉蟹肉焗大啡菇伴薯蓉好濕潤嘅大啡菇載住好多一絲絲嘅蟹肉🤩同個忌廉芝士醬汁好夾呀！松露美式炸薯條呢份薯條分量超多！薯條炸到乾身又香脆，松露比得一啲都唔孤寒！阿華田雲朵特濃阿華田配埋打到好滑嘅cream每一啖都好Creamy，快樂肥仔水💓雪糕紅豆冰有成半杯都係紅豆嘅紅豆冰！配埋球雪糕一齊食，唔講以為食緊甜品😉四寶食堂 (銅鑼灣)銅鑼灣謝斐道482號兆安廣場地下1-3號舖

門面Tiffany Blue顏色好搶眼，而睇menu都係一間性價比幾高嘅餐廳🌝燒美國極級牛板腱 $158叫左五成熟，上枱已經見到切好咗比我哋，而且仲大大份，切到好多塊同埋好厚，而佢醬汁幾香，又唔會太濃琴過晒啲牛味，肉質幾嫩，唔會有好多筋，仲配埋焗蒜🌝黑松露忌廉露筍帶子意大利粉 $98帶子雖然唔係好大粒，但煎得岩岩好，而黑松露味道好出同好香，意大利粉掛晒啲汁好興奮🌝芝士蟹肉大啡菇配香滑忌廉薯蓉 $78切開入面好juicy, 芝士同蟹肉都好多，配埋大啡菇味道好夾🌝芝士凱撒雞中翼 $48芝士凱撒雞翼有成5隻咁多，雞翼上面有芝士醬同芝士粉，焗到皮微脆兼肉嫩多汁👍🏻🌖紫薯雪糕拿鐵 +$15超大杯，味道偏甜一啲，但都有紫薯味，撈埋雪糕一齊飲好似奶昔🌝黑加侖子檸檬梳打 +$15

甘耐以來都想試，一直都吾岩時間，今早經過就試左，原來不外如是，餐牌設計同器皿配答係吾錯既，不過作為食物館，最緊要係食物質素叫左沙爹牛肉麵餐，同雪菜米餐先講沙爹牛，吾知係咪為左反傳統，吾係一直用既韓江牌沙茶醬，而改用另一隻沙爹，不過不失吧，感覺很一般，同個裝修餐牌設計比到我既感覺差太遠，冇希望就冇失望，期望過高吧雪菜米，呢個反而有驚喜，雖然醜樣小小，但味道吾錯，米粉亦用銀絲米粉，雖然佢冇標明，但呢隻米粉係好食啲湯底正常炒蛋，點講呢，舊底翠華既炒蛋，不過冇味既，要自己落鹽，熟與生之間，吾可以講差，只能夠講做得吾夠好，差過敏華多士，供應商啲料麻麻，牛油亦只係一般馬之連奶茶就係呢一餐最差既體驗，真係大錯特錯不過呢個年代，太多人食裝修，冇辦法，一般一般，應該都係冇下次