四季

嗰日聽朋友講依間餐廳唔錯，所以嚟開依頭就食晚餐。一入去見到餐牌覺得好抵，主食再自己選擇配料，仲要基本上乜嘢台灣小食都有，所以望住個餐牌都真係會選擇困難症，好吸引。唔單止主食，佢連台灣特飲都有!我最後揀咗鹽酥豬扒魯肉飯，個豬扒好夠脆，不過都真係幾油膩。魯肉都算夠，仲有隻滷蛋同菜，真係好抵！同埋個飯好大碗，完全夠飽，整體亦都真係唔錯，幾好味。不過我本身諗住慳錢唔飲嘢似乎唔得，因為食鹽酥豬扒超級口渴，點都應該嗌返杯嘢飲。店員都好足夠，上菜亦都好快，性價比高！…查看更多

新蒲崗係一個好多食物餐廳既地方 這個地方好容易搵 係位於大有街附近 以前係一間cafe 好可惜因為一場疫証已經結業 現在已經變左間台灣野食本身我都對這間台灣餐廳好有期望 因為入邊都有好多人食 點知就係一個伏未開始 😡古早滷肉飯 配鹽酥雞扒 $44鹽酥雞扒完全唔係鹽酥味 係街邊小食檔好普通的炸雞扒 滷肉飯其實都唔係用滷肉 叫炸醬飯就差唔多 係有點失望 堅.鮑魚花膠滑雞石鍋濃湯刀削麵 蠔油生菜 $56Menu同個名都有「石鍋」呢個字 一上枱係用碗上 咁都唔緊要 但係入邊只有兩件比較多肉少少的雞肉 其他全部都係雞骨雞頸😒 其實都收得人$56 好心就俾多少少肉人食啦真的是滑雞？應該係雞骨比較貼切 😂肉鬆手抓煎蛋餅 $16呢個真係極品！實物同相實在差太遠 我都忍唔住問職員係唔係有上錯 首先賣相超級奇怪 職員求其將沙律醬同一啲不知名的甜甜醬放上個蛋餅上 我想講個甜甜醬係一啲都唔夾 結果我食左一啖就成個無食 肉鬆同芝士又唔夠 勁失望🤬有冇差咁遠珍珠奶茶 加$10如果一早知要加$10有咁既質素珍珠奶茶 總之我就唔加錢總括來講：我係一定唔會再食呢間餐廳！1）餐廳好污糟 垃圾桶係客人坐的地方附近 見到都唔開胃2）餐廳入邊係超級凍 因為燈同風扇是連在一起 就算我同職員講過話好凍 但係佢哋都有啲不耐煩幫你教細 凍到我一路食一路流鼻水 3）職員態度好差 我聽到後面有媽媽想拎杯水 職員好唔願意去拎 仲要講話佢哋只有外賣杯 難道只有外賣杯就唔可以比水？定係要外賣杯就要另外收費？百思不得其解推介指數：零…查看更多

星期五happy friday同同事去試下台灣菜結果失望到極 貼錢買難受講講經歷同事叫餐時 遇上看不懂的內容於是向職員詢問 奈何換來職員發脾氣其他職員也態度惡劣 衛生亦很一般 垃圾桶就放在食客身後結論價錢偏貴 味道偏濃 食完好口乾同區有很多食市選擇 大家異口同聲都不想再光顧…查看更多

經開新蒲崗唔係太熟路就求其入咗間台式餐廳嘩點知中大伏望落好抵食架不過睇埋碟餸同環境你就知地下污糟到呢......風扇又開得大D紙巾同單吹哂落地D侍應都無反應由於我有時會食素既關係我叫咗個野菌燴飯$26加魯水蛋$5同生菜$5共$36佢一上菜我真係唔想食個樣幾肉酸咩叫燴飯呀！呢個係白飯上面加汁咋野菌又得幾條去食個三餸飯都無咁嬲講返個味道白飯超硬野菌無味蠔油怪味係隻魯水蛋叫ok大佬食到一肚火咁既劣食我好耐未食過咁無誠意做餐廳都有既？唔比劣評唔得…查看更多

同同事喺附近買完嘢諗住食個下午茶先番屋企，去完每次到新蒲崗都必去既享樂X焙買麵包之後，見近近地試吓呢間台式餐廳四季，一試就出事。入到去先發現無下午茶餐，剩做午餐同散叫，同事叫左午餐set有麵/飯包$8或以下小食一款，加$11有餐飲，我自己唔肚餓就散叫左一碟甜不辣同凍飲蜜桃茶少冰。同事覺得佢個份餐都正正常常，不過我哋兩個見到份甜不辣就呆左⋯⋯如圖所見，一整碟「甜不辣」係一堆切片炸左既花枝丸，我忍唔住再問左舖面既伙記碟花枝丸片係咪就係佢地既甜不辣，伙記確實答「係」⋯我只能講一個字：服（伏）！其實個頭附近好少餐廳，可能質素好唔好都有生意啦，不過喺香港呢個飲食天堂開得舖，都希望有番基本質素，而且碟細過手掌既「甜不辣」價值$28，無論交出嚟既食物同份量都令我有入左🖤店既感覺。…查看更多