四季茶軒 (已結業)

除左CAFE之外,最常食既餐廳之一就係茶餐廳 太子有間餐廳選用日本青森雞蛋聽講炒蛋好出名一於試下佢!招牌係叉燒滑蛋飯 必點之一 選用半肥半瘦既叉燒 甘香肉甜帶油香 加上炒蛋真係超滑,半熟質感超嫩滑仍有蛋汁另外蛋炒飯都係唔錯既選擇! 用日本雞蛋炒 食到帶子片同肉碎 炒得粒粒飯身爽口 每粒都黃色包住蛋汁每份茶餐包例湯 咖啡或茶 凍飲另加3蚊例湯冬瓜排骨夠消暑 熱檸茶走甜 茶香夠濃四季茶軒旺角水渠道38-42號寶石大樓地下A號舖消費$120評分8/10…查看更多

午餐 見到餐牌推介咖喱，於是食咖哩牛腩飯，牛腩蚊得很腍，不錯；但咖哩層次不夠，很普通。食物其實冇乜特別，同一間普通茶餐廳冇乜分別，本身睇過報道，升級名廚主理，但性價比一般， $70食一個午餐，唔值得。:(…查看更多

今日行過去食下午茶，叫左個瑞士雞翼面36元。一碗面我等了二十分鐘？都算。竟然公仔面沒有味？我好想問廚師你有沒有味覺！雞翼也不用期望～普通豉油味～不入味的。垃圾！…查看更多

早餐入面有一條蚯蚓，匿埋咗喺沙律菜入面， 我食咗幾啖先見到，勁嬲，即刻同亞姐講， 個阿姐見到條蟲，仲驚過我 唔敢掂隻碟， 要第二個亞姐黎收，換咗個沙嗲牛麵畀我，收走既時候一句對唔住都無，係放低碗面果時先講，跟住就去轉左張單，完全無誠意，沙嗲牛啲牛係有d酸味， 醃得太犀利，最激氣係我太嬲，唔記得影相😠😠😠😠…查看更多

黯然銷魂飯冇洋蔥蛋係靚，但啲油好大陣味叉燒死鹹 凍鴛鴦唔夠凍西湯湯邊同筷子明顯冇洗乾淨結果成個餐係得個蛋呀算係食得 食咗幾啖放棄走人價錢都唔係話好平絕對唔食得可免則免…查看更多

繼續我的太子茶記系列。早前提過，太子傳統上最著名茶記是金華冰廳，但近年多了其他選擇，比金華絕不遜色，例如我之前評過的民華餐廳。今日介紹另一間太子較北的、並比較新的茶記:四季茶軒。首先看看茶牌上早餐的特色:青森縣太陽蛋。其實我吃著枱上的太陽蛋，實在吃不出有何特別，但宣傳效果是有的，令人覺得有多點誠意。早餐的款式上，也有很多選擇，有冰火菠蘿包，又有法式吞拿魚多士，選擇上不會悶。我叫了炸菜通粉，水準也不差。飲品方面，我叫了涷奶茶少甜，也不錯。這鋪位之前兩次也是茶記，但都營運得不久，這間似乎誠意不錯，餐牌上的午晚餐選擇也有很多，等著我再去試。…查看更多

👦🏻人均消費: 30環境舒適度:👣👣👣食物賣相:😍😍😍食物味道:👅👅👅食物價格: 💰💰💰💰💰店員服務:👩🏻‍🍳👩🏻‍🍳👩🏻‍🍳👩🏻‍🍳性價比:🤙🏻🤙🏻🤙🏻🤙🏻🤙🏻再次光顧:👀👀👀周六休閑，♥️和朋友到太子吃個下午茶。撞左入去四季茶軒，👀其實都係同一般既茶餐廳一樣，都係個幾味。👅不過有個幾特別，係紅豆西多士，我大鄉里出身，未係其他地方見過🤣🤣另外叫左炸脾，佢可以配薯條🍟或者沙律🥗。本人認為炸脾要配薯條物係王道🤣！不過覺得性價比最高地方一定係加凍飲🥤價錢，一般凍利賓立係出面加都要8蚊。呢到都係3蚊🤙🏻如果係搵個地方平平地可以揀呢到既…查看更多

個滑蛋叉燒飯，吃到舊鹽。救命。個湯還好。收飲個哥哥講嘢速度太快，我未講完佢就落完單。總括來說，一般。隔壁排隊，才選擇這間。下次還是吃自己喜歡的吧。話係日本青森雞蛋，我都吃過，好似不太一樣。…查看更多

呢間冰室位於太子水渠道，太子地鐵站B1 出口行一分鐘就到。話說當日是公眾假期，很多早餐食店已爆滿，行行下就嚟到呢一間，啱啱有位就入去試下。說到茶餐廳必食的招牌名物，沙嗲牛肉麵一定上榜，沙爹牛肉即食麵，都是香港人最愛的茶餐廳食品，不二之選。但做得出色的卻不多，不是沙嗲醬煮太鹹，就是牛肉被鬆肉粉醃得淡而無味，想吃一碗滋味的沙嗲牛肉麵都不是一件容易的事。這裏的招牌沙嗲牛肉喜麵沙嗲味香濃而不太鹹，牛肉腍滑麵條爽口而不過軟，好吃。配牛油多士+煎蛋+香腸。煎炒蛋好吃很多，相當香口，加上一杯冰凍凍檸茶，簡單美味滿足。…查看更多

新裝修，新環境，感覺都算舒適，早上時間人流食客不算多。在疫情下座位間有透明膠板，進入食店裡要已戴上口罩，和被量體溫，還有食客用搓手液消毒雙手。很快便安排入座。不過都有食客按捺不住，並沒有耐性的輪候探熱，便匆匆地上前入座。:(至於早餐價錢合理，食我至常食的沙嗲牛肉麵，味道一流，最緊要不辣，合我的味道，公仔麵很滑溜，奄列正，很飽滿！可以推介給大家。仲有有黑松露炒蛋，大家有興趣可以試試。提提只收現金，所以要有現金付款。希望有機會試進食晚餐吧！…查看更多

反工咁啱經過見寫住招牌係滑蛋叉燒飯想食咗好耐又見係鋪頭招牌一於Try Try 佢！老細好有禮貌 一黎到已經價親切咁幫你落單問你飲咩座位整體闊落 坐得都幾舒服至於滑蛋叉燒飯輕口味可以一試但重口味的朋友應該會覺得不太够味我就覺得味道啱啱好 豉油味道唔濃不淡 份量也啱啱好够撈飯～叉燒都大塊又算多 半肥瘦不會太油膩細食記得同佢講少飯 因為本身食物都好大份足料覺得臨近地鐵站 服務態度也不錯 食物水準也可以 性價比不錯咁啱經過或在附近上班的話不妨一試…查看更多

而加肺炎疫情甘嚴重... 反而總要客人坐逼D + 同人地搭枱!我地強調要轉位,個男職員一直敷衍話等陣有位就同你地調。一直話會調,但一直又接客人入去坐。都唔知咩態度...我地叫左個下午餐,本來想叫乾炒牛河。但甘岩... 無曬河粉,當我地諗下要轉咩餐... 點知個女職員就以為我地撞聾,突然除左個口罩大大聲噴曬口水甘講: 無河粉一定要食意粉。我地就話要諗一諗... 個女職員即刻態度差差 + 黑曬面。個時我真係覺得中伏... 食咩都要睇面色。本來以為服務差就算...只不過我之後唔會幫襯就得啦!但我去埋個洗手間返出黎... 睇到樣嘢~ 就話一定要打上Openrice 提一提大家千祈唔好幫襯!我睇到既嘢就係:洗手間出面有一大桶,未煮熟但有湯料既大湯鍋,沒有用蓋冚住既例湯。我唔明白點解要放係洗手間門口... 每一個人去完洗手間出黎,D細菌間接已經係曬D湯。哈哈哈~ 即代表大家都飲緊D細菌湯!真係衛生既常識都無... 勁!!!!…查看更多

一入到呢間餐廳佢哋比我感覺好認真地方夠乾淨 裝修亦都好有品味尤其是作為周星馳擁躉嘅我坐咗大半個鐘先來一套逃學威龍 做完之後再家有喜事仿似遇到知音人一樣跟住我哋叫咗三個下午茶麵餐瑞士雞翼湯一丁 雞翼剛好入味唔鹹一丁食落去過過冷河 好爽口唔會黐立立跟住再來一個餐肉炒一丁面仔依然彈牙 味道配搭亦都剛剛好睇得出佢哋係好認真製作不過份量可能少咗少少有啲食唔飽所以叫多個餐蛋麵同一麵底所以質素一樣有保證不過人略嫌啲湯淡咗少少 希望有待進步整體來說 好坐抵食下次嚟旺角一定會再來…查看更多

四季茶軒採用青森縣簽定證書的雞蛋烹調所有雞蛋的餸菜，也算這餐廳其中一個賣點。另外，以滑蛋蝦仁飯為例，蝦仁爽口彈牙，在同區應該很難找到這種食物級數的餐廳，中湯沒有味精。其他餸菜味道也不太鹹，也是我喜愛這間餐廳的原因。餐廳曾改過幾次Menu，附上外賣餐牌，方便大家叫嘢食。都方便我自己搵返…查看更多

新開茶餐廳, 叫了一個常餐, 食品品評如下;黑松露炒蛋多士,多士熱辣辣厚切, 炒蛋黑松露夠多, 合格!很少茶餐廳會用上蝴蝶粉, 今次試一試新嘢果然不失所望, 蝴蝶分大細適中,煙韌有趙頭. 豬扒稍為遜色,有一點過熟, 稍為欠缺肉汁.因為加了黑松露的關係, 這個餐加了6元一共57元, 今時今日在太子旺角算是中規中矩. 雖然這裏食客頗多, 但招呼仍然是不錯的, 例如我叫了加冰, 老闆真的二話不說很快的給我送過來, 算是招呼周到.…查看更多