四嫂冰室

營業中

休息中

應該唔會有下次😑酸辣米線湯底太肥膩，沒有雙拼，fix咗啲餸咩都無得轉。大腸尚算ok但薄咗啲啲，韮菜寥寥數條點綴吓咁啦。雞腎無咩味有啲靱。加塊豬扒$24。一碗米線盛惠$80（真係可以好啲）。不過茶餐廳係咁㗎喇，多元但唔專。海鮮炒飯OK。懷舊蔥油雞扒飯，尚可，雞扒略乾辣椒肉碎飯，勁油，太鹹，完全沒有辣椒嘅香味。基本上無論辣椒炒飯、酸辣米線、辣椒辛辣麵……都係同一種調教好的辣醬（甚至可能沒有調校，是現成買回來有點像XO辣椒醬的感覺，但完全冇XO醬的味道）。總括來說，如果附近沒有茶餐廳，那麼他仍然可以繼續生存。

叫了一個常餐$56，牛肉丁及多士炒蛋，竟不包飲品，熱飲要加$8即是$64。不但只貴過市區一般平民茶記，重要是超難食。牛肉是生的好似冇煑過，出前一丁是普通公仔麵。炒疍乾身過熟。只是奶茶合格。忠告入馬灣的游客不要被它的企理門面及装修吸引而中伏。

平日入去食嘢，黑白西多士用心製作，甜度適中，美味可口。鹽酥雞粒外脆內軟，十分香口。蕃茄牛肉米線的牛肉嫩滑，蕃茄味道甘甜，米線爽滑。凍檸茶可謂上等，棉花糖朱古力棉花糖充足，惟甜度一般，但整體非常良好。服務態度亦非常體貼，有問有答。有機會一定要去嘗試！

平價之中是一個選擇，蔥油雞扒味道可以，不過蔥油要加多一些，雞扒份量正常，今次叛意上海麵，味道中規中矩，唔會特別太鹹亦都唔會特別太甜，鍾意味濃嘅人可能要加一些辣椒醬，整體上來講算可以，例湯係送嘅，冇乜味精

平日放假到馬灣的一日遊，經過小巷中的人世冰室。店內裝修充滿特色，食物既有懷舊，又有自家的特色。午餐時段點了一份四嫂必吃的特濃蕃茄米線配豬扒。蕃茄湯很鮮甜，滿滿的半溶蕃茄。米線及豬扒亦很入味，好吃。配料一份炒蛋多士，多士是不過不失的茶餐廳口味。另外一份午餐選了鮮水餃上海麵及生菜魚肉湯，上海麵沒有太大驚喜，但水餃很鮮甜，亦都好大粒，足料！生菜魚肉湯很足料，生菜很甜！雖然唔會特登入去食，但如果到馬灣一遊不妨一試！

今日試咗呢間喺馬灣舊村附近嘅餐廳，主要都係茶餐廳嘅菜式為主價錢亦都算係正常。嗌咗個豬扒炒通粉，炒得幾惹味同埋出色，份量亦都唔錯，唯一可以挑剔嘅位就係杯嘢飲唔夠大杯。

喺馬灣site visit完想醫肚，見到四嫂冰室有蕃茄雞扒通粉所以決定一試🍜個通粉煮得啱啱好唔會太淋，但個人覺得佢嘅蕃茄湯底偏酸。而且冇乜蕃茄味。雞扒都煎得幾香口，但整體味道只係不過不失😕

已經好耐冇去馬灣,十幾年前去過.今次重遊舊地,人又稀少.設施已經殘舊了.行咗一陣,到咗馬灣村.附近有一間四嫂冰室,睇見入面都幾多人.行入去老闆娘好熱誠咁招呼我哋,問我哋想食乜嘢.正當我猶豫不決嘅時候.老闆娘四嫂提議.食雪菜肉粒米粉啦！我哋一共叫咗四個餐.這間是沒有套餐的.凍飲就要加9元.菠蘿雞粒炒飯+凍檸檬茶(小甜)$69祕制豬扒飯配鮮蔥豉油汁+凍奶茶$67原本叫四嫂祕制炒豬扒通粉+凍檸檬茶$69後來俾咗牛柳絲通粉.味道都唔錯.四嫂雪菜肉絲米粉$46.湯底濃郁,米粉爽口.好食👍👍👍

搬咗入馬灣差不多九個月了, 自從四嫂冰室開咗後, 差不多每個星期六或日都會去食, 因為佢啲食物水準好穩定👍🏻今日去咗食lunch, 我同老公就叫咗蕃茄豬扒米線, 同埋豬扒公仔麵.豬扒醃得好入味, 但同時保留肉質嘅口感, 唔會好似其他餐廳用鬆肉粉醃到啲肉林哂, 真係好食👍🏻另外, 佢嘅蕃茄湯都好好味, 仲有啲新鮮蕃茄粒加咗落去, 令佢嘅蕃茄湯更有層次感.其實佢嘅蕃茄湯仲有一個麻辣版, 同樣好食👍🏻跟餐仲有一塊烘厚多士, 一樣好味😋

很久冇行過去村屋果度揾食，知近月有新店一於去試下先～😂 推介佢地豬扒，夠入味而且肉質新鮮非常好食，好有家庭式的味道～好正～👍👍 煎蛋多士：蛋 ok, 多士非常香囗爽脆，牛油份量剛剛好～完美～👍👍👍 雞扒味道都 ok, 但留於表面，如再入味些更佳，同一手法，可能雞肉紋理肉質不同豬肉，如界多幾刀可能有助更入味～👌🤏🤏 撈麵佩油麵也吾錯，佩菜有酸菜有助解油開胃～👍 出前一丁正常發揮～整體黎講吾錯，值得再試～👍環境新淨，座位舒適～👍可惜所有野吾包飲品～😀😁😅