囍麵 (裝修中)

今日lunch 行到去長沙灣附近，見到呢間幾多人食，同埋有麻辣燙，5餸+1個麵底先$45，都幾抵食，所以就試試佢用QR CODE 自己落單，有得揀辣度/吾辣，同埋都幾多配料可以揀豬腸好肥美，鮮蝦雲吞都好彈牙不過薯粉未煮得好林 有點硬身…查看更多

之前已經食過呢間做既餃子放題，真心欣賞又好食，個時等位個陣已經留意到佢既車仔麵好抵食咁，所以今次再黎試佢個車仔面車仔面佢有兩個套餐你簡，一個係$40有5個餸，一個係$45有7個餸，款式超多，亦都有肉類選擇，唔係只係得d菜丫丸個d，都會有飽肚既野簡個人黎講，我食左7個餸面底，真心好飽，佢比既餸真心唔少，我同女朋友仲可以交換下食物咁，唔會比左佢自己就好空虛咁純粹個人喜愛，佢個花膠響螺淮山豬骨湯底真係好好飲，超清甜，唔係渣流攤，味精湯，係自己煲既味道，反之佢個麻辣湯就普普通通，唔可以話差，但唔出色同其他做雲南米線比就真係比唔上啦…查看更多

1個月會食2，3次，次次都係叫雙拼面餐之前收銀亞姐落單時成日錯都算今次叫雙拼面餐加油菜配冷/熱飲餐落單時我仲有講熱奶茶點知拎外賣時，同佢講漏左杯野飲個亞姐好笑呀：話無ar 你個餐無野飲 你要油菜嘛我忍唔住話我之前叫都係有埋野飲收銀亞姐話：無呀 可能改左呢個短髮收銀亞姐唔知打工定係老闆，態度超差，忍唔住要開A/C食寫評，真係永不幫襯，奉勸如果要幫襯真係諗清楚，個姐真係態度一流，時不時發作我無屈佢，餐牌係咁寫#餐牌：雙拼麵加油菜配冷/熱飲…查看更多

比機會再試一次。都係態度差。落完單後，凍檸茶無檸檬。落單粥走葱又比錯？係咪吾想做生意🤯有兩次都收錯錢～明明給了整數，店員收收下錢聽電話，之後又吾知找幾多錢。說了比足她，又話少了幾蚊。…查看更多

叫外賣又唔叫號，放係門口咁不如唔好做外賣啦，要問先話係外面，服務態度超差，咁你成間野就唔好做啦，睇粉整到成pat野難食到暈，成日標榜冇加味精，d食物咸到不得了，唔會再有下次…查看更多

今日又去左囍麵，試下餃子以外既野先☺️叫左雲吞牛腩麵，雲吞大粒足料彈牙，下次都要叫雲吞，牛腩入味又唔鞋口，同埋佢地隻辣椒油食更加正。五餸麻辣燙加米線，叫左豬大腸，豬軟骨，牛肚同有白菜豬肉餃同韮菜豬肉餃。因為朋友唔食得辣，所以叫左小辣，黎到囍麵點都要食下餃子，正。麻辣燙一黎到好大碗，就算係小辣都好香，而且仲有得叫多芫荽添☺️之後仲叫左一碟豬肉碎生菜雞蛋腸粉，係石磨腸粉即叫即蒸，米香味重又夠滑。兩個人食左115蚊，抵食又夠飽，而且食完仲唔會口渴添呀🤗…查看更多

當日嘅行程好趕，咁啱全部都schedule 係長沙灣呢邊，中間得40分鐘食嘢，本身唸住求其搵間冰廳食就算…咁啱間冰廳等好耐入坐，又咁啱綠燈，於是就過對面，入咗來食見到佢有個麻辣燙好抵食，唔係好食得辣嘅我，見到居然有唔辣嘅湯底，仲要係養顏花膠煲，即係唔使唸啦！$45有五餸（+$5有粉麵），仲有麵檔難得一遇嘅鮮牛肉同鮮雞肉揀！ 通菜都係靚菜，乾淨翠綠。餃子都無得挑剔，唔係特別皮薄，但餡靚，食到鮮肉味同韭菜味。我同老公嘅餸都係入味好食，無味精；唯一係湯底無咩味。至於飲品都好足料，$50食到我哋好滿足，食完都忍唔住讚老闆😂p.s.姐姐服務態度都好好，唔係假惺惺，係由心而發，有人情味嘅服務。…查看更多

係上網睇到佢間鋪做緊58$有90分鐘任食餃子，仲要包一杯嘢飲。本身以為佢啲餃子會皮厚餡少，但嚟到啲餃子大大粒，佢有3款煎餃，3款水餃，我覺得佢個煎餃係最好食，韭菜煎餃大大粒，最後食咗40幾隻，真係超抵！…查看更多

任食餃子🥟$58/位星期一、星期三、星期五、星期日😊每日限人數名額70名😌下午3時至夜晚9時供應，40分鐘任食😍另外奉送一杯冷/熱飲品/一罐汽水🥤請勿浪費，食剩每隻收$5😆真係睇住新鮮即時包製☺️有煎餃子同湯餃子😆韭菜豬肉餃，粟米冬菇餃，白菜豬肉餃🥟我大概排咗半個鐘頭左右😌入到去即刻落單😂老闆教我每樣五件，一共30件😊落單個刻計時，15:55🤓15:57，已經有15件湯餃子🙃又估唔到咁快喎☺️湯餃，我比較鍾意粟米冬菇餃🤭16:02，嚟埋15件煎餃子😇的確比我預計真係快好多😎煎餃，我比較鍾意韭菜豬肉餃😆好快俾我輕鬆KO😏16:07，已經2nd Order多20件☺️16:15，全部到齊😌16:20，已經埋單走埋，總數50件😆整體餃子都係大件，味道都OK嘅🤭呢個價錢包埋飲品🤓都真係幾抵👍囍麵 (長沙灣)長沙灣福華街586號地舖…查看更多

由於本人係返MCL partime，食飯時間得半粒鐘，喺冇乜時間選擇其他餐廳下，囍麵就係我哋飯堂，佢哋啲嘢食好正！上菜速度夠快，最重要係價錢夠平。本人覺得佢哋嘅花膠嚮螺淮山豬骨湯好好飲！…查看更多

哇，今日一收工即刻9沖去囍麵💪🏻💪🏻💪🏻真係勁好彩，我係最後一個🤩🙌🏻🥰每日得70個quota，夜晚尾籌由6pm開始排，想食既真係要預時間早啲去呀！餃子🥟任食$58每位，有三款：白菜豬肉餃、韭菜豬肉餃、粟米冬菇餃，可以揀湯/煎👌🏻店主阿姨話係由新鮮豬肉每日即包既整既😌而且仲包一杯飲品😳好抵食！雖然限時60分鐘，頭40分鐘可以係咁落單，店主阿姨仲保証起碼食到40隻🤣🤣聽講最勁個個人食左6️⃣6️⃣隻😱😱😱太勁⋯我同朋友兩個人最後都係食得35隻🙈🤣我覺得粟米🌽餃最好食，因為有口感啲，而且大粒啲👍🏻白菜🥬餃有陣味，韭菜味又太濃，湯餃既話啲皮煮到爛曬😓啲汁冇曬⋯煎餃就啱啱好，但冇話特別好食🙊餐廳得醋、普通豉油、辣椒油，冇菜莆冇自家制調味，所以都食唔得多，坦白講似灣仔碼頭餃🥺🥺有啲失望🙍相比之下，上次食既拉櫃腸粉真係好好食😋👍🏻❤️以後睇戲黎呢邊都會食返粥加腸粉餐😌PS 店主阿姨同哥哥都勁有禮貌，好nice🥰🥰👍🏻👍🏻…查看更多

MCL戲院做緊星期一至五買一送一🤣🤣趁今日唔洗大OT，收工趕去長沙灣戲院睇「失驚無神闖迷城」😎✌🏻去到荔枝角已經7點，壽司郎又截左單😢就係附近揾啲快食😗商場對面就係呢間「囍麵」，原來佢就係做緊$58餃子放題任食個間🤣但今日星期二冇，得一三五先有🙈所以我地叫左個粥配腸粉餐，估唔到又新鮮又好食😋👌🏻粥🥣㨂左及弟粥，足料，有好多內臟呀肉呀，碗粥唔係非常滾燙，但足夠熱的👌🏻腸粉㨂左粟米肉碎生菜腸粉，出奇地好好味😳係新鮮熱辣出爐既拉櫃腸粉👍🏻多粟米🌽啲肉碎已有咸味，加啲鼓油就好足夠🙌🏻我地仲加左個小食，涼拌香辣蓮藕片😍蓮藕爽脆清甜，加埋芫荽，好正❤️好多枱客都有叫，先$10！套餐仲有跟凍飲🥤唔洗加$3好良心🙏🏻餐廳都算闊落，服務都幾好，又乾淨衛生，有機會試吓佢嘅餃子放題，或者粥都好😆…查看更多

係網上見到呢間舖做任食餃子，餃子控嘅我，特登去試下。點知去左兩次，都排長龍，轉去吃壽司郎又截咗walk in，去咗5-6次都冇位吃壽司郎。真黑仔😅今次5點收工同同事即刻去，間舖已經排長龍，睇來香港都好多餃子🥟控。大約排咗30分鐘左右，先有位。見到有兩張台兩個阿姐係度不停包餃子，（開始我以為係工場來貨急凍餃子）。58蚊一個人，連埋杯嘢飲，有3款餃子，款式唔多。煎餃就等大約等15分鐘，湯餃就大約等8分鐘左右，都坐滿晒人，但店員就唔多，有漏單，不過講聲就即刻補返。前後同同事大約吃左50隻餃子左右。確實數冇數🤣不過見隔離台幾個大隻佬超誇張，吃咗起碼過百隻😂睇來好鍾意吃餃子🥟另外同事想試麻辣燙，類似車仔麵咁，7個餸45蚊加個紅薯粉就多5蚊，份量都好大碗。間舖就好細間，坐位大約20個度，價錢對得起個食物質素。抵吃，呢個價錢，嘢食唔差任食餃子貼住張小通告，原來得星期一三五日有提供，每人有60分鐘堂食，個人建議，叫煎餃先再叫湯餃，因為煎餃耐啲同真係好L熱😅但好吃嘅，臨埋單問個收銀任吃餃子做到幾時，個收銀自己都唔知，話推廣價，遲下會加價，趁未加價，有機會再去吃過…查看更多

終於食到啦🥳上網成日睇到d人去食餃子放題，星期日同朋友一齊去長沙灣試下啦😄囍麵位置係長沙灣MCL戲院對面，都好容易可以搵到，大約2點45分左右去到餐廳，見到店外已經有大約十幾個人排緊隊，準時3點可以入餐廳。今次餃子放題總共有三款餃子：韭菜豬肉餃、 粟米冬菇餃同埋白菜豬肉餃，三款都可以選擇煎餃或者係湯餃，價錢係58蚊包一杯冷／熱飲品或者選擇汽水都可以，第一輪叫左後大約12分鐘就有餃子食啦，湯餃湯底有響螺、淮山同花膠🥰🥰三款餃子都有試到湯同煎，我同朋友就最喜歡吃韭菜豬肉餃😍有機會一定會再去🤩🤩…查看更多

黎咗幾次終於試到，一係就話唔夠人手，一係就改到每日只得70個籌，一係就好快截龍，真係龍門仼你擺，試完好在價錢$58，貴多少少都不了。要做餃子放題，又人手短缺，試一次就夠，唔好跌錢。…查看更多