囍雲軒

營業中

休息中

平日路過見到門口好多人排隊，原來而家🍵做緊下午茶優惠又👯‍♀️好熱鬧，所以都諗住試吓。個人覺得🌬冷氣足夠，啱晒而家夏天☀️熱辣辣嘅天氣，而且環境都好🌟光猛，平日呢個時間都座無虛席。✨金光燦爛點心盛盆✨有流金🐼熊貓包、千層糕、兩粒燒賣、兩粒菜苗餃同兩粒蝦餃，🥟蒸餃表皮好煙靭，燒賣嘅肉都好彈牙食得出係新鮮嘅，熊貓包細細粒粒幾的骰，入邊係奶黃嚟嘅，千層糕我本身都幾鍾意食，有💛奶黃香味。🌶川味沙薑豬手🌶呢個❄️雪到涼浸浸，夏天食真係啱晒！而且佢個汁係超級入味，我自己就好鍾意。🐷西班牙黑毛豬叉燒酥🐽佢個酥做得好鬆化，外皮非常香牛油味。🦐西芹鮮蝦長春卷🦐唔係好食到西芹，因為我本身麻麻哋西芹嘅，食到一粒粒蝦仁，而且春卷炸得好乾身，配埋醋味道啱啱好。🐟花膠灌湯餃🐟有啲雜菌同花膠喺個湯度，飲落去好清潤，灌湯餃入邊係有蟹柳肉碎等食材。😃食評總結：餐廳環境坐得舒服，落地玻璃採光度十足，點心造型精緻，味道都唔錯，我個人最鍾意係叉燒酥仲有燒賣同蝦餃，食得辣嘅可以揀埋豬手，下次會同屋企人再去。

元朗YOHO MALL新開酒樓｜飲茶手工特色點心造型精緻打卡美味呢排成日帶小朋友出去上興趣班，路過YOHO mall見到有間新開酒樓，墨綠色主調的門面，有好多人係門口到等，我地都唔執輸，叫埋屋企人即刻攞張飛入去飲茶。入到去我地都嘩左一聲，成個場地冠冕堂皇好華麗，左邊全是落地玻璃，自然光感好開揚，座位舒適空間足夠，坐滿食客，十分熱鬧！攞住張點心紙，選擇很多，亦有彩色圖示，點心由師傅每日新鮮手工製作，心大心細之下我哋揀咗：金光燦爛點心盛盆～必點！有流金熊貓包、蟹籽鮮蝦燒賣皇兩件、紅菜頭野菌餃兩件、囍雲蝦餃皇兩件、薑汁千層糕，以大蒸籠展示十分吸睛，囍雲蝦餃皇皮薄餡鮮，紅菜頭野菌餃餡多香鮮味美，蟹籽鮮蝦燒賣皇大大件，最鍾意個流金熊貓包，流沙包餡真係十分可愛又好味。一個盛盆可以試齊幾款精美點心，絕對係相機食先，打卡一流。 西班牙黑毛豬叉燒酥：有三件，以木紋托盤展示，十分古典，叉燒酥以中國結紅絲帶襯托，造型可愛。叉燒酥外皮金黄酥脆，夾著西班牙黑毛豬和蜜汁叉燒內餡一齊食，雙重美味。雜果雲吞盞：有三件，大大件好足料，雲吞盞脆口配上沙律雜果十分清新魚子青森縣溏心蛋：有六件，溏心蛋以白色瓷勺匙羹盛載，放在

不知所謂，本身經理仲系咁推介片皮鴨，原來片到成舊叉燒咁，見到其他枱原來唔系咁，即時問返經理點解可以衰到咁，經理話要睇睇，點知最後連經理都冇再見過，其實d餸味道幾好，不過片皮鴨真系唔好叫

啱啱新開張，一個星期左右去嗰度食片皮鴨， 佢係好食同片得好靚 ， 到第二次再去 ， 片到成嚿叉燒咁厚！ 可能星期六或者星期日忙既 我閒 但其他枱並唔係咁樣！ 最攪笑係5點45分去到（大約） 因為佢哋訂枱只可18:00 或20:00 、 想睇下可唔可以早少少坐低 、 但帶位話開市開18:00 叫我哋等下 ， 然後另一位職員帶左walk in 先入座 ， 但我哋要等！ 其實熟客要俾枱都唔好明顯囉！ 訂枱唔入得 , 但walk in即刻可以 ！ 咩道理🤷‍♀️ 可以咁光明正大咁入walk in ， 再問佢訂左枱入得未， 話要等 ， 未開市！🤷‍♀️咩道理

如標題， 安排極差👎👎。。。 完全無放牌or貼紙。。連門口阿姐講都唔講聲，到你先同你講3.:30pm要交枱， 我望下個鐘已經2:44pm，等咗差唔多成粒鐘你先講，你唔好留返拜山先講！！！！ 味道就下午茶點心就見唔到，夜市這一般，尤其是個龍蝦孖寶餐， 煙燻雞ok，上湯龍蝦中間炒球嫩滑，蝦腳黐住個龍蝦身果D 有陣腥味，整體無咩龍蝦味，重點的。。。。。 夜晚我地2個肚屙腸胃炎(唔排除一次性體質問題)。🙂🙂🙂🙂 p.s. 最後去咗北京樓冇咩令我失望(頹食)以上內容純熟經驗， 如有雷同實屬不幸。

老饕聽朋友說，在元朗圓點利苑舊址的囍雲軒開業了。食指動了，和朋友到此酒家品嘗美食並作品評。跟以往一樣，我們以主觀和客觀的標準作考量。我們叫了一碟义燒和四籠點心。吃後所得的主觀印象：點心是很用心思去製作，看得出绝不是馬虎苟且之劣品，义燒是用微火温著，肉質上乘，不肥不韌。再客觀去評服務質素：樓面服務值得一讚，店長和經理穿梭食枱之間，殷勤招待客人。老饕又找到了一間美食和一流服務的酒家。加上合理價錢，怪不得客似雲來，絡繹不绝了。

趁黑雨，一試在元朗站YOHO Mall新開業的酒樓。約11:15到達，不一會兒已可入座。這裡環境當然裝修簇新，而且地方寛闊，有落地玻璃窗，光猛舒適。在11:30前下單，先在特價時段享用三款點心：香煎蘿蔔糕（$22，特價時段）用筷子一夾，已感受到它質感相當結實，肯定下了太多粉，口感不好。有少許蘿蔔絲和腊腸粒，低價錢已反映它的質素。鮮蝦菜苗餃（$28，特價時段）晶瑩剔透，蒸氣徐徐升起，溫度夠高，菜苗爽口，有兩隻蝦肉，夠彈牙，這個點心質素中上。上湯鮮竹卷（$26，特價時段）一客三件，湯底清澈，但一夾即散開，內裡配料漏出來。用腐竹包裹著紅蘿蔔絲、雲耳絲及蝦肉，餡料算豐富，亦夠新鮮。過了特價時段後再加了兩款食物：蠔皇流汁叉燒飽（$30）熱騰騰，燒肥瘦適中，蜜汁算香濃，飽皮軟熟，但是十分黏口/糊口。燒汁北海道稻庭鳥冬（$138）有多種配料，包括蝦仁、貝類及魚塊，這方面很有驚喜。鳥冬幼身、嫰滑，份量極多。服務方面，店員人手充足，有效率。$30以下可享用到點心，應該平絕YOHO Mall，但質素方面，不要抱太大期望。

增城掛綠（奶黃煎堆）超爆焰功夫湯有螺頭雞腳瘦肉，好鮮甜點心拼盤乜都有D，蝦餃同黃金糕唔錯紅菜頭雜菌餃我就麻麻地，好多芫荽金魚餃栩栩如生其實都係蝦餃前菜同甜品不過不失

元朗形點都有唔小食肆，不過最近都開咗一間新酒樓，今日同屋企人去試吓飲下午茶。呢度暫時唔可以網上攞飛排隊，2點鐘嚟到，外邊排隊嘅人人山人海，撳咗飛等位，卒之要成30分鐘先有位，因為個場都幾大，所以都唔算排得耐。👍睇返張點心紙，選擇都好多，另外仲有下午茶特價點心，咁我哋就乜都叫啲，試吓嗰啲點心水準得唔得。😁先嚟碟蘿蔔糕，煎得好熱，不過唔係好夠香，唔係好削，可以一試。值得一提嘅就係，佢嘅甜醬辣醬味道都唔錯，雖然唔係余均益。跟住嚟咗碟鮮果雲吞盞，呢個幾特別，唔係度度都有得食，雲吞皮炸咗做個盞，上邊放咗啲雜果沙律，效果唔錯。👍👍跟住嚟咗碟川味豬手，係白雲豬手再加啲川味麻辣汁，略嫌佢唔係好入味，不過好腍。叉燒包同鮮蝦菜苗餃兩樣都正正常常。另外叫咗碟肉片炒河，炒得都算幾乾身，肉片都有醃過，唔太韌，河粉唔太油。👌大廳有個大螢光幕，影住個鬍鬚師傅喺度做點心，不過唔知係唔係每樣都係經佢手做出嚟😜。整體嚟講，呢間酒樓嘅裝修同食物質素都唔錯，價錢亦都唔算太高，可以接受。👍

可能新開張的緣故，人很多，服務真的一般。本身安排坐入口位置，我已經說，可唔可以坐其他位置，服務員說，叫我重新的個籌號，不可以讓我等下一張枱。咁我就勉強坐低，我見附近，有桌子未有人坐，我亦未叫點心，要求再坐入少少，但服務員竟然話不可以調位，話我如果想調位，叫我出去重新輪候個座位。今時今日咁嘅服務態度，真係令人不滿。食物賣相靚，有好多新派嘅點心，出嚟嘅時候令人眼前一亮，不過味道算正常，未有太大驚喜。茶嘅選擇都多，其中人蔘烏龍，味道不錯。