囍記車仔麵

營業中

休息中

今日，19/06/2017, 要同囡囡出去佐敦辦點事，中午時間就順道去食lunch先，因為都好耐無食車仔麵，咁我地就簡了這間囍記，因為好似上過電視，聽說話都好食。兩人各自叫了米粉$12 (幾好食) ，如下：1. 豬皮$8+蘿蔔$8+咖哩魷魚$12 (豬皮太鹹，頂唔順；蘿蔔比較散，有d老，可能不是這個季節吧；咖哩魷魚係剪到一條條咁上，食落都係一般)2. 咖哩魚蛋$8+豬大腸$12+魚皮餃$8 (咖哩魚蛋一般；豬大腸好食又夠淋；魚皮餃 ok la)*選了秘制辣汁，好味嘅* 另加$8 有熱飲 or凍飲品食完覺得一般，没預期那麼好， 還好吧~

叫左一碗牛腩，魷魚，豉油雞翼米粉同一碟炸墨魚條，$861.牛腩:好入味，好冧滑2.魷魚:不是鮮魷，係水魷，好爽，但味道淡3.豉油雞翼:雞翼肥美，味道正常，無特別4.米粉:正！不是幼到新竹米粉咁，又無我最怕既福字米粉既米粉味，里隻米粉好有口感，我最愛！有d似沙田翠田坊茶檔用既米粉！好味！5:炸墨魚條:香脆，但無墨魚味，太重胡椒粉味可選配料不算多，飲品要另加，無跟餐，散叫，相信只能做街坊生意，無須特登入黎試

我揀左勁辣汁同沙嗲汁 所以有兩pat醬勁香勁好食但都勁肥😩呢到既貢丸係我最愛 唔多講啦真係必食👍🏻👍🏻豬紅原來都唔錯 滑得黎唔散😎份量都ok 有五六粒 會再食呢個組合

Happy Friday之外，仲要連放3日，當然要去輕鬆吓，覓食宵夜，油麻地廟街有好多道地嘅食物，但想快閃，搵返碗平價暖肚麵，可以揀呢間！ 一開始喺俾佢外牆吸引咗，果然入到去無失望一碗看似普通嘅車仔麵，可以兩溝汁，真喺好惹味，埋單$28！

粗麵$12 辣汁魚蛋$8 貢丸$10我揀左辣汁(大) 無湯 另加⼀pat 辣醬😍其實我覺得似XO醬多啲 有啲瑤柱蝦米味撈埋辣汁好正😋貢丸真係勁正 多汁唔痴牙 我為佢而黎架☺️

粗麵$12 魚皮餃$8 貢丸$10 最低消費兩餸一麵我揀左辣汁(大) 但辣汁都係唔夠多 溝埋湯仲淡啲下次要叫佢冇湯當撈麵食先😋但味道係好既 仲可以揀兩款汁 👍🏻貢丸真係勁正 多汁唔痴牙☺️缺點係太少 唔夠飽但我發現叫米粉 油麵個啲份量係多啲架喎下次試下唔食粗麵😛

現今食肆完全沒服務可言，車仔麵檔員工態度極其惡劣，問吓都比面色顧客睇，不知道究竟係老闆定員工，簡直唔憂做咁樣，食物質素認真一般，前景不樂觀的！請呢類員工姐姐真係倒老闆米，咪當自己係澳牛咁，鬧都有人嚟幫襯至得

依間嘢上過n次電視，今日入去試下，點知可一不可再😂😂😂佢有張點心嘅，其實d麫同餸10-15左，貴又唔係貴，仲有幾隻汁揀（秘製辣汁（大/中/小辣）/清湯/沙爹/走湯）我地叫咗两碗，一碗係粗麫+豬腸+亦尖（沙爹汁+腩汁），另一碗係沙爹魷魚+牛腩（腩汁），两碗麪一上黎啡色一堆嘢，完全無吸引人嘅食慾，講下頭一碗先，我完全食唔到碗嘢有“沙爹汁“嘅味，同其望有落差，至於個d餸就無咩驚喜，之後個碗又係一d都食唔到個湯有腩汁嘅味（真係好懷疑係咪全部湯底都係一樣，只係分辣同同唔辣囉），個d魷魚又食唔到佢有沙爹味，只係食到有小小辣，不過就新鮮嘅，d牛腩小到得两舊，仲要細細粒，似煲完湯d渣甘😅😅真係唔明點解甘多人排隊啊🤔🤔🤔

本來家裡人交待好已幫忙約的事今天下午3點後的區永華醫生看耳鼻喉科，誰知道12點後就無接診都無問我意見就自把自為幫我約12點半的，然後11點通知我，明知道昨晚為了公司裝修設計急交熬夜到早上6點才休息！6點休息11點起床訓唔夠真的好嬲，一點都不顧及感受，唔去又家嘈屋閉唯有頂硬上！嘉賓大廈裡面排隊等到看完2點多！早餐沒吃又餓又眼訓要吃點東西填肚，行出來前面一條街都係吃飯處囍記招牌好顯眼，裝修風格好喜慶老香港味道紙張上自選，揀了公仔麵配響鈴蘿蔔金針菇！大大照片不加味精，麵湯底清清有鮮味，響鈴吸著汁水唔錯，其他都普通無咩出色，公仔麵煮得都剛好無會軟爛爛

粗麵$12 韮菜餃$8 貢丸$10 最低消費兩餸一麵我揀左辣汁 辣汁係有少少辣味 不過俾得好少😐但味道係好既 仲可以揀兩款汁 nice👍🏻貢丸多汁唔痴牙 推介😋環境亦比一般食車仔麵既地方乾淨缺點係太少 唔夠飽🙈

同朋友搵地方食野, o係佐敦一帶行下睇下有冇好食~經過遠睇見到有間感覺幾靚ge車仔麵餐廳~原來係之前tvb又講過佢地湯底係自己煲ge, 而且仲有個本地的自制辣椒醬~所以同d朋友走左去食~呢間車仔麵店,裝潢唔錯, 絕不馬虎, 亦留意到個門好似d茶座咁樣開得到架~如果開晒一定好有feel~hahaaa!!見到靚裝修, 心諗價錢應該唔平丫~見到餐牌同點餐紙都唔係求其架~細心睇完發覺價錢同一般車仔麵檔無異~於是本小姐就叫左5餸烏冬(成日覺得d餸唔會多得去邊, 平時食開車仔麵都慣左叫好多餸)~點知原來份量都幾足架~車仔麵(烏冬) - 貢丸、瑞士雞翼、紫菜、滷水豬大腸、蠔皇小花菇 - 牛腩汁講下個湯底先, 因為我唔食辣的關係, 我揀左清湯加腩汁only~已經好夠味, 聽d店員介紹個湯係自己煲ge, 又真係幾清甜~講下d餸先~貢丸(3粒) - 夠多冬菇, 唔會粉的~瑞士雞翼(3隻) - 可以再重一點瑞士汁的味道, 但係雞翼都算大隻同埋呢都係滑的~紫菜 - 好多~i like it~!!蠔皇小花菇 - 好入味, 香郁~滷水豬大腸 - 大舊, 乾淨, 爽彈小食 - 秘製泰式豬頸肉豬頸肉爽口彈牙, 肥瘦分

舉手示意，想搵服務員，員工1視而不見，叫三四次扮見唔到再叫員工2，又係叫三四次先應，話想加辣醬，應完記算，食完都未有，算，無下次，食物唔差，但服務唔得，都唔會留到客人。。。。。

話說前兩日去左食呢間以為好好食好有水準既香港地道美食＂車仔麵＂真係嘩左一聲！係太耐無食過香港既車仔麵定自己問題定期望太高？我order左蘿卜（好大嚿，白雪雪同硬到連筷子都咭吾入既蘿卜🙄）、滷水雞翼尖（完全無味既)、生菜（完全未熟既)加腩汁湯底(完全係清過清湯既湯底)完全真係對呢間裝修豪華既＂車仔麵＂餐廳好失望👎🏻當時仲要叫過waitress 過黎問佢點解d蘿卜甘硬都可以俾客人食既？點知佢望左一秒都答我＂吾知喎＂，咩事呀？希望貴公司睇完有所改善！

現今外出用膳，要吃到沒有味精的食物實在難求！點了一碗車仔麵，未影相已忍唔住偷吃😆本人比較為食，點下點下點左一大碗。滷水雞翼味美香濃、豬頸肉輕輕用調味料預先腌製、菇味勁香的貢丸，配上自家製的辣醬和熱熱的清湯，真的不錯😎 最後仲有驚喜，竟然仲有樽裝汽水 🤤食完忍唔住打包碗比屋企人食 😜額外一提，店內裝修用上老香港街景做牆身，加上古老既木色作配答，出奇地好睇。星期五晚上，一路食麵一路睇下老香港，你又認到幾多？