嚐糖

營業中

休息中

餐廳環境很有特色，是以學校為主題座位和餐牌設計亦很可愛，適合打卡特別推介非常罕見的阿華田朱古力布丁質感是非常非常Q彈朱古力味也十分香濃外形可愛，讓人捨不得吃下去！而且這個價錢竟然配一球 Movepick 雪糕，而且還可以自選口味 ✨是性價比極高的高質甜品！

嚐糖 📍：香港旺角廣華街13號廣輝大廈3號舖🚗：油麻地地鐵A2出口 步行8分鐘📞：+852 6886-4122💲：~HKD60/head for dessertFood quality✔️：自家製朱古力心太軟、芒果小丸子👌🏼：浪漫和歌山、花蓮仙草凍總結：😋一間行學校🏫風嘅甜品舖 裝修就係課室咁 以前嘅回憶通通回來了 😋比我想像中好食🤤心太軟剛剛好 流心狀態一流 好濃嘅朱古力味 推薦😋芒果小丸子係經典港式甜品 芒果甜 小丸子軟糯 🤔浪漫和歌山都唔錯 幾大個牛奶刨冰🍧 小丸子涼粉紅豆綠茶雪糕🤔花蓮仙草凍有芋頭紅豆🫘芋圓薏米加仙草

同朋友係旺角食完飯想食糖水就過咗嚟呢邊，見呢間最少人等就諗住食呢間，等嘅時候店員都冇行過出嚟問我哋幾位，直至有位嘅時候先同我哋講要20分鐘內交枱，5分鐘後last order😑因為最低消費每人一樣野，所以嗌咗4個甜品加1杯特飲車仔自選科(椰汁芒果沙冰+芒果+ 小丸子+西米)車仔自選科(乳酸沙冰+小丸子+爆爆珠)車仔自選科(西瓜沙冰+西瓜+小丸子+芋圓)基本上佢所有沙冰都係冇乜味🙁配料方面，芒果偏酸而且望落都黑黑地🥲西瓜都係冇乜甜味🫥小丸子偏硬，有啲係未熟哂😑芋圓不過不失啦，但唔係個個都鍾意抹茶味嘅芋圓😢爆爆珠就正正常常，我諗都唔會有咩機會出事嘅🫢啡社（朱古力芭菲）呢個係最正常同最好食嘅一個😂朱古力雪糕用咗movenpick，其他配料都正常喇，口感上都ok，食，唯獨忌廉太厚身😖白沙灣(乳酸梳打加爆爆珠)上到枱大家都好驚訝，因為杯野面頭唔知點解有泡，而且飲落冇味🥲有爆爆珠都救唔到杯野

同朋友食完飯，諗住再坐下食下糖水真係未食過間咁難食既野真係好難食好難食首先見到果3碗野既賣相已經心知不妙…同朋友共叫左3碗糖水，佢d名改到都唔記得係乜東東，總之一碗係抹茶湯圓豆花一碗係榴槤西米露一碗係咋喳芋圓Er…首先碗抹茶豆花，d豆花好鞋，d湯圓既皮好厚，仲有跟一杯仔黑鼆鼆既汁，都唔敢溝落去跟住個榴槤西米露變左碗綠色既水…榴槤呢？溶左落去…咋渣正常…但芋圓好難食，好粉同有雪味…總之係伏味濃店員掛住玩電話無諗過咁難食都可以生存到咁耐三碗咁既野盛惠$136

食左紅薯粉之後有d口渴, 想食d水狀的甜野😛 叫左一碗熱宜蘭腐竹男神外賣, 等左一陣才有得拿😅 買的時候堂食也坐滿客人👍😚 依度之前也坐過係度堂食🥳 學校課室的裝修設計, 幾特別, 甜品名都改得很有趣😸坐係度大家也會想起以前讀書的時候😆 返到屋企打開, 腐竹都煲得幾濃, 有d薏米亦有d桃膠, 亦有d不同顏色芋圓, 有少少銀杏, 食落唔係好甜, 入面的配搭都幾啱我口味😋😋 份量唔算好多, 不過48元再加1元外賣, 其實都唔平🤣 簡唔中食就好了, 當獎勵下自己🤩😍

：上次行過想食碗糖水，但見佢要排隊所以就放棄咗，今次見佢無人等位就一於試下啦😝⚡《九份芋圓王 $46》有黑糖、涼粉、紅豆🫘 、豆花、芋圓，芋圓過淋，無乜咬口，豆花紅豆味道叫正常🙂🌟 《椰汁芒果沙冰涼粉 $32》通常未食過既舖頭都係叫啲穩陣野食🤔點知…黎到已經感覺中伏 芒果奇怪的酸 涼粉口感都同平時食嘅有小小出入 👶🏻話無乜野 全部掉哂比佢食🤣🤣而椰汁芒果沙冰就唔太夠味 算過得去啦🤓👣服務係幾好👍不過甜品方面要再努力💪

用餐日期：2024/01/14用餐時段：下午茶 用餐費用(每人）：$50.5餐廳環境：懷舊課室設計 室內不多座位 檯與檯之間較近 人多時可能要搭檯服務：服務員服務態度一般 想落單時 服務員就在不遠處也沒東西在手上但卻不願意走過來落單 要我們直接在座位上大聲說出想點的食物名稱來落單 超奇怪+沒誠意的服務態度 也是服務最扣分的地方味道：點了自選牛奶綿綿冰配蘆薈涼粉椰果煉奶+Miss芒1-自選牛奶綿綿冰配蘆薈涼粉椰果煉奶$54: 蘆薈涼粉椰果煉奶味道正常 但最重要的綿綿冰牛奶味極淡沒什麼牛奶味 綿綿冰磨得很幼細很厚實地黏在一起做不到一層層綿綿冰質感 整體味道極差 不推薦 2-Miss芒-椰汁芒果沙冰配芒果肉涼粉椰果蒟蒻$47:這個外觀賣相不錯 椰汁涼粉椰果蒟蒻味道正常 餐牌上寫的是芒果沙冰 正常沙冰應是沙狀 但這家沙冰實物更似刨冰是粒粒狀 入口似在食幼冰粒 進食期間因多冰關係也溶化出水 芒果肉也不夠甜偏酸 整體味道不好 不推薦總結：在這家試了2款甜品 牛奶綿綿冰味道很差 芒果沙冰味道也不好 性價比低 相同價錢下絕對有更好的甜品店選擇 不推薦

旺角嘅糖水舖五花八門🌸想食啲有傳統又有fusion嘅甜品依間就岩哂🤩🥄花蓮仙草凍🥄紫班長🌟花蓮仙草凍有黑白仙草配紅豆、薏米、三色芋圓(想當Q彈)，黑糖糖水底加花奶，係台灣嘅口味！紫班長睇隻顏色就已經好吸引，係紫薯蓉加紫薯奶，入面仲有西米、小丸子、雪燕，喺冬天食好味得來又滋潤🥰

食物正常 上得都快 不過店員態度好差 黑面 唔耐煩 講嘢冇尾音 落單又催催催 一啲禮貌都無鋪頭多客唔休做 都唔係請人返來趕客㗎講真我哋比錢來食嘢 唔係欠你嘅 咁唔鍾意嘅可以執咗佢唔做下次唔會幫襯 都唔會推薦比任何人。。。。

諗住比多次機會，叫左芒果小丸子同西瓜小丸子，點知第二次都係難食….死甜嘅冰…我以為係芒果汁底，點知係芒果沙冰…之後都唔會再試….其實沙冰底有冇諗過啲小丸子會變硬…

嚐糖食完正餐之後梗係食甜品啦！但係好食嘅甜品店唔係咁易搵到🥹，小編見呢間舖頭好似幾多人咁🥹，於是本着「有人排隊一定唔差得去邊」嘅心態就入去試下呢間嚐糖啦！$42 「伊藤花園」有抹茶豆腐花、手工抹茶湯圓同手工白玉(小丸子)，仲有黑糖漿&紅豆去balance返苦味，豆腐花嘅豆味唔明顯，用匙羹一筆就散哂，口感唔滑、抹茶味偏濃帶苦，小編加哂啲糖漿先勉強中和到啲苦味🥹。啲小丸子冇味，同啲抹茶唔夾，而手工抹茶湯圓幾新奇，中間有砂糖粒所以食落唔會好苦。 可能抹茶控會鐘意食🥹(戴返頭盔先)賣相：⭐⭐⭐(粒半)味道：⭐⭐⭐CP值：⭐⭐⭐(粒半)想讚下個裝修幾特別🥹用中學嘅枱凳加locker營造中學時代嘅氛圍，同埋學生手冊做型嘅menu，係幾有心思嘅~ 不足嘅地方係唔坐得耐🥹

🐻🐻‍❄️晚餐食左一個甜品仲唔夠，決定去糖水舖再食多個！🍵廣抹涼子$58抹茶奶昔、抹茶奶凍、紅豆🫘、涼粉、雪糕、手工小丸子抹茶同紅豆🫘天生一對，抹茶奶凍同涼粉一樣咁清爽，主要依賴抹茶奶昔嘅味道，雪糕係Haagen-Dazs，帶少少茶味嗰種，令成個甜品唔會只有甜味👍🏽🐻🐻‍❄️唯一微言係關於小丸子，小丸子煙韌，但同成個甜品唔係太夾，因為要咬，變左抹茶味已經喺個口消散左仲咬緊…覺得唔要呢樣配料都足夠椰汁西瓜涼粉$33平凡所以無影相啦～🐻西瓜同椰汁唔係好夾，🐻‍❄️但椰汁加涼粉係非常安全嘅配搭，味道正常結論：以中學課室做主題，打卡幾啱

喺旺角食完飯之後，好多時候都會搵間甜品舖繼續楚，同朋友繼續敘舊傾偈。本身諗住去隔籬嗰間甜品舖食，但係因為見到呢間好多人排隊，所以就被騙左入去食😂餐廳環境係賣香港中小學情懷，Menu費用後嘅藍色寶面，環境嘅擺放左啲中學用嘅locker，廚房命名為教員室等等。伊藤花園配料有綠茶豆腐花，白玉，紅豆，同兩粒綠茶湯圓。豆腐花真係有淡淡的綠茶味就好喺其他地方應該比較少見。綠茶湯圓嘅餡爆曬汁，個人覺得呢啲健康得來又清新嘅。Miss芒材料有芒果沙冰，蘆薈，涼粉和啫喱等等。夏天食呢個真係幾消暑，而且啲芒果肉好甜，味道唔錯㗎。整體而言食物質素唔錯，但係服務叔叔一坐低就不停催落單，，呢樣嘢建議俾多啲空間顧客選擇，唔好催會比較好。

我記得第一次黎食係十年前，咁多年周不時都有過嚟食吓裝修同埋味道就冇乜點嘅改變價錢唔會話好貴，味道不過不失喺旺角區嚟講都算係實惠嘅甜品店👍喺旺角諗唔到食咩糖水就會嚟呢度食

同朋友食完晚餐，意猶未盡，想去食糖水。因為身處旺角，所以諗起旺角有條街有幾間糖水。所以去嗰度碰吓運氣。果然幾間都要排隊，嚐糖同另一間糖水店係隔離，嚐糖快啲有位，所以我地揀左嚐糖。一進去，鋪頭細細的。見到好耐無見過既學校枱櫈，懷念讀書時的好日子。餐牌都幾得意，係exercise book 📚. 我地叫左熱紫椰西米露及熱腐竹白果薏米糖水+湯丸。味道ok, 因為我地叫左熱的，不過感覺不冷不熱。還有很大的改善空間。