嚐在心米線

經開黃埔 唔係咁肚餓就食碗麵 試一試呢間價錢都幾抵食 餐廳細細地 都幾窄但香港地寸金尺土 咁平都預咗唔好坐明白既！男朋友嗌咗個閩東肉燥飯配 蝦皮紫菜湯 $44好好食！！佢唔係台灣個種入口即溶個種但個味調得好好！鹹鹹甜甜咁同出面既肉燥係唔同同埋佢真係食得出用偏瘦既肉唔係台灣個種肥豬肉菜又比出面多！感覺好似平時媽咪煮既飯健康得黎又好味而我就係嗌咗藥膳牛肉米線 加$2 轉咗扁麵呢個都好好味首先個扁麵口感好好！我好怕米線太滑 無哂口感佢個麵似上海麵 軟硬度岩岩好！而且牛肉份量多！$44一碗有成十塊八塊但就唔算太驚喜！菜亦比出面多！最正最正係湯底！真係有淡淡既藥膳味！唔算好濃！易入口唔係好似出面好勁藥味個種飲得出唔係味精湯佢仲要加咗好少好少既麻辣食到最後少少麻好味整體黎講呢間小店抵食又好味！服務都好好味精又唔多岩哂健康或者想清淡少少既！我就一定會再食試埋其他！！唯一美中不足既係除咗唔太好坐之餘佢個電視好大聲咁播緊浙江衛視...........好大聲既普通話都幾影響 幾嘈我寧願佢播返Tvb.......…查看更多

米線是香港人至愛的食物之一，位於紅磡德民街的小巷，有一間小店值得推薦給大家～～湯底選擇主要有兩款：藥膳湯底、豬骨湯底。每款湯底食得出不含味精，全部真材實料製作，藥膳配牛𦟌，豬骨配肉燥。份量十足，中午時段還有套餐選擇，送一客小食及飲品。…查看更多

雖然自己是個米線控，卻未試過這間位於德民街的小店。這天和老公晚上去看演唱會，所以決定先來黃埔覓食再行上去。因為是日有點不適，所以決定吃這間開始清一點的米線店。我們叫了一個藥膳牛肉米線、一碗番茄肉碎米線，再加個醉豬手小食。牛肉米線湯底都是吃不出太濃的藥膳味，反而牛肉似有點藥膳，酸菜的味道跟別的米線店好像有點不一樣，不會醃得太酸。雖然味道清清地，感覺也不錯，更加健康。我更喜歡番茄肉碎米線，吃得出蕃茄自然的酸味挺開胃，是感覺真材實料的湯底，明顯地沒有加任何味精，難怪標榜自己是有營食肆。它不是走濃味米線方向，第一眼好像不太吸引，但卻令人更有家的感覺。加了份醉椒豬手，看見另外兩台都有點，似是很受歡迎。沒有感覺到「椒」，倒是有很濃的酒味。…查看更多

位於黃埔A出口附近舖仔細細 位置唔算顯眼周邊有3間算出名食肆 (港式雞蛋仔, 台式飲品同雞翼店)但係都坐滿架老闆娘好勤力 起門口招呼客人落單每人一張紙我揀咗 藥膳牛肉米線 ($42) (走酸菜 走辣 走油)再另加 菠菜($6) 特製大魚丸 ($23) 特製蝦丸 ($12)好大碗啊👀原來原先已經有生菜 不過幾條咁 $6加菠菜份量ok樣子很健康 湯底望落清淡的確而且湯底唔油之餘好香藥材味 放心 香得黎唔似飲緊中藥 反而覺得係健康養生唔係加工味精👍🏻米線份量好多 即使食到尾米線仍然唔淋唔易斷 少許彈牙 較滑身 都唔錯牛肉食得出新鮮牛味 少許肥肉 都算淋 可惜太少! 得幾舊細嘅 而且多數薄嘅😢特製大魚丸 ($23)雖然貴啲 不過有8粒 可以share食頭兩粒okay嘅食得出佢係新鮮材料整因為真係有魚腥味食到最後個2粒 可能係我唔好彩...係咁食到啲硬硬地嘅嘢...原來係因為佢真材實料 用真魚肉所以有短短嘅魚骨!!!想吞但係啲骨又硬得濟 粗咗啲仲有條叉咗起牙肉到😣蝦丸 ($12)其實依個係食完魚丸後加依個得3粒一開始諗佢會唔會都有蝦殻 好在冇反而幾好食🦐冇真係食到蝦 但係都有蝦味而且其實佢啲丸特別在 佢唔似一般魚蛋/丸咁彈牙同埋外皮脆而係似魚肉口感 冇咁滑 但係都少少彈牙我估係魚肉/蝦肉加澱粉比例唔同?!所以我覺得似係新鮮/自製 多過雪藏-除咗牛肉少啲同埋魚丸有骨出事之外其他野都okay唔錯藥膳湯底更是值得讚賞👍🏻另外就係老闆娘服務超有禮貌 又樂於設合客人要求同需要全程面帶笑容 埋單多謝前多謝後亦睇得出佢真係好落力 見佢雙手收錢 露出滿意、開心嘅神情 因為係血汗錢 亦係用黎維持生意嘅錢雖然未到我覺得超好食嘅地步 起3-4星之間但係試試冇仿啊 或許你會鍾意 因為佢唔會差得去邊 算抵食又較健康有營嘅選擇…查看更多

第一次來試食藥膳牛肉湯麵，走辣。來到既時候大概6.10 pm, 人唔多，仲有好多位揀。有電視睇，座位都唔算好逼，正常。waitress服務態度不錯，有笑容。等待上菜時間正常。藥膳湯唔算好重藥膳味，d牛肉都幾易咬，如果再切薄少少可能更好，米線幾彈牙。整個米線唔算非常驚喜，但唔係差，可以一試。…查看更多