嘉美

便宜是一個賣點, 加上諗食甚麼有時都幾頭痛, 所以久不久就來這裡食午飯. 今日人不算多, 坐得舒服些少. 照舊點了三餸飯. 豆豉豬膶 - 有四大片豬潤, 有少許洋蔥, 味道是可以的.炒雜菜 - 由芽菜, 炸菜, 火腿及椰菜配搭而成, 味道是可以的.生炒骨 - 配料有少許青紅椒, 五件排骨, 每件比例大概是骨與肉各半, 沒有肉味,骨很硬,未能享受咬開骨頭的快感. 例湯是豬骨西洋菜粟米湯 - 有甜味, 可能是落了蜜棗.…查看更多

這個熟食中心在地下, 可能環境久佳, 所以人流不算多, 而這店在眾多店舖中, 以價廉取勝, 所以生意是最好的. 午市時段, 有若干款式的小菜, 二餸飯是十元, 三餸飯是十三元, 送例湯. 若果不想食這些, 可以點炒粉麵飯, 大致價錢約十六元至二十元.我試過叫炒粉麵, 味道是可以的, 但通常都會食三餸飯, 今日亦不例外, 因為覺得很抵食, 而味道和質素又尚算可以接受.炒雜菜 - 包括紹菜, 鮮菇, 豆腐及米粉, 勝在樣樣有些少, 口感較為豐富, 味道是可以的.西芹白蘿蔔魚柳 - 魚柳有二件, 可能經油泡, 很是惹味, 整體味道亦可以的.蕃茄煮魚 - 魚亦有二件, 但可能沒有經過煎炸處理, 有少許腥, 淡味, 較為失色.例湯 - 今日湯渣只有粟米件, 所以攪不清楚是甚麼湯, 但味道是可以的, 之後亦不會覺得口渴. 雖然環境和衛生確實很一般, 但若果對環境要求不高, 又想慳慳哋「豐富」食一餐, 這裡是食得過的.…查看更多

天氣漸涼都係時侯揾番D煲仔飯或煲仔菜食吓，但係晏晝都無乜邊間有煲仔飯食，記得呢度晏晝都有得食，不過當時天時熱無試到，而家就啱啱好。煲仔飯獨沽一味咸魚臘味肉餅飯（$19）送例湯，改咖啡/茶加$1，仲要係即叫即做，不過見到有枝竹羊腩煲（$24）仲正，就梗係食呢味，呢樣已經係全店至貴，真後平到唔信，都係即叫即做，等咗成十五分鐘至有得食。個煲熱辣辣上，打開蓋都幾香南乳味，羊腩都有成6、7件，加埋生菜同枝竹都幾大煲，羊腩有少少羶味，可惜無馬蹄如果有就仲正，D例湯同羊腩嘅味道都係偏咸，不過咁嘅價錢都唔可以挑剔咁多。呢度午市都有煲仔菜都係賣$19，揾日又嚟食。…查看更多

今日繼續到和宜合道熟食市場覓食.呢個熟食市場以圓形設計,鋪位散佈四面,中間空位,大部份被今次幫襯的食肆所佔,呢度最大弱點是冇冷氣,如果夏天嚟都幾辛苦.講番嘢食,呢度有$16嘅三餸飯或指定幾款炒粉麵仲要有例湯,飲品,真係平到你唔信,同檯有位仁兄叫咗三餸飯,佢話好普通咋,咁就要咗個黑椒牛肉炒意粉同凍擰茶.睇著佢即叫即炒,仲要用鐵板上,十零蚊就做到咁足,服咗佢.至於食物方面一D都唔差,牛肉幾淋但無乜梳打味,辣辣地好香口,最好係唔算多油,意粉炒得夠乾身,實在唔錯.有D咁平又食得過嘅食肆響度,金融風暴嚟都唔驚啦!…查看更多