嘉樂意大利餐廳

午市套餐，星期一至日都有，11:00am - 5:00pm。套餐有沙律/雪糕、主食、飲品，沒有加一服務費。L9. 水牛芝士比薩（$59）9吋手工 pizza，即叫即焗，上枱熱烘烘。餅底好有咬口，口感少少偏向似麵包。茄醬底有但唔多，所以茄味唔出。芝士足，有拉絲，但味道唔太濃，所以再加芝士粉提味。L11. 鐵板黑椒牛柳粒配黃薑飯（$59）份量適中。黃薑飯唔重黃薑味，因為鐵板夠熱，所以烤到有些少香口飯焦。牛柳粒調味足，黑椒味重，肉質可以，有𡁻口唔太韌，點埋提供嘅黑椒牛扒汁，更夠味。另外仲有西蘭花同蘑菇片作配菜。沙律正常。雪糕係牛奶公司嘅雲呢拿蓮花杯。飲品可選罐裝汽水、咖啡、果汁。…查看更多

【葵青區】【嘉樂意大利餐廳】之前同家嚴想食葵芳呢間嘢，點知佢哋就嚟 last order 唔做我哋生意，之後就冇乜機會過嚟呢邊喇。始終本身都係貪呢度有美國冒險樂園可以玩，而家搬埋去新都會之後都唔知有咩動力過嚟呢邊喇。吖，一時忘記咗家嚴，可能真係要搵佢食飯先有機會再過嚟。不過我自己就過嚟呢度食咗先啦，上次食唔到硬係有啲可惜咁。去到見到真係比較少人，唔緊要，未食就唔知味道嘅。叫咗 $69 嘅「鐵板黑椒無骨豬手配薯角」，跟餐配「杯裝雪糕」同「熱朱古力」，加 $7 要咗「蒜蓉包」同加 $6 要埋「溫泉蛋」。主菜幾有薩莉亞 feel，尤其個鐵板，味道對得住價錢，薯角偏辣。餐飲可以，唔會好淡。蒜蓉包得牛油味，缺乏蒜香。溫泉蛋正正常常，冇特別。跟餐杯雪糕要埋單嗰陣問先記得，不過埋單 $82 係冇加一嘅，所以都唔 expect 會有好好服務，自己拎雪糕走啦。。。（地址：葵芳榮芳路9號恆景商場2樓205-206號舖）#1amfoodie #foodie #hkfoodie #hkfood #food #foodporn #instafood #followforfollowback #foodstagram #foodiesofinstagram #love #restaurant #foodblog #eat #1am葵青區 #葵芳 #嘉樂意大利餐廳 #鐵板黑椒無骨豬手配薯角 #杯裝雪糕 #熱朱古力 #蒜蓉包 #溫泉蛋 #1am1762 #1ambackup…查看更多

其實知有呢間舖頭好耐，但從未食過，今日經過順便快食就搵咗佢。首先，門口正正常常，不過望入去地方都算大但得幾枱客，中午閒日附近又多寫字樓，樓下幾間餐廳都滿客，佢呢種客量狀態令我有小小擔心。入到門口冇人理你就求其搵個位坐底，話明意大利餐廳，先唔理正唔正忠啦，都冇理由係播大媽廣場舞嘅歌呱？茶記都唔會咁做啦，食慾已經大減一半... 跟住. 落單原來係有張點餐紙俾你寫.. Lunch set係 前菜+主食+飲品。 嗌左個沙律. 蕃茄海鮮意粉. 凍啡.. 話就話沙律.. 只係加左沙律汁嘅生菜，我明呢個價錢唔應該咁高要求，意粉先講賣相，已經冇乜要求，感覺就係炒埋一碟，意粉一大碟唔係多就叫好，根本就係求其，連個碟邊都勁多汁，個底多汁到水汪汪咁，唔講以為湯意粉，海鮮有蜆同魷魚圈，蜆有腥味..魷魚圈有雪味..汁太稀掛唔到麵.. 食落好似有d硬硬地有沙嘅感覺..... 意大利餐廳？連意粉基本都未搞得掂。凍啡要加4蚊.. 現成啡本來都冇乜要求。 唔講食物講服務.. 其實個女待應每擺底一樣嘢落黎都好似好衝忙好趕急咁樣就咁放低，唔明個場少人到5隻手指數得哂都好似好趕咁。最後，食完行左去收銀賣單，找錢佢都係背住我單手唔望人咁遽返d錢俾我。唔知佢係老闆定員工 ...當食物服務都咁差嘅時候，再平d都唔會再返黎食，賣單55蚊同區可以搵到更多好好食嘅餐。平而造到食物要求咁低真係唔係籍口，重要係依家呢個市道諗唔明點解可以重捱到落去。 更唔明嘅係.. 係openrice竟然見到咁多好評....…查看更多

聖誕節找老闆替我們預備一個40人份的到會。食物好有驚喜！色香味全。由冷盤到熱食，同事都讚不絕口。食物香氣充滿整個場地，甚至場外也能聞到。不得不讚老闆替我們預備的酥盒，又香又脆，4種味道都非常非常美味！整體食物都很有質素。例如巴馬火腿伴哈蜜瓜，火腿靚，哈蜜瓜鮮甜。沙律新鮮，菜很乾爽。醬燒魷魚筒嫩滑多汁。紅酒燴牛腩味道剛剛好，配飯令你吃不停。不得不提雞肉大葱串，咬開雞肉，大葱香氣立刻釋出，滿口香葱味，鼻裏也有香氣，絕對是美味！老闆也替我們預備了火雞，感激！不只美味，食物份量十足，送貨準時。感激老闆用心替我們預備！可惜我們都只顧著吃😋，沒怎樣替食物拍照，沒有很多相片分享。…查看更多

無意中發現呢一間好似薩莉亞嘅餐廳個Menu有九成似 上網睇評價都參半大部份嘅嘢都係$30-40當然其他豐富啲就貴少少黑松露蘑菇忌廉燴飯 ($38)好大碟😯 Menu寫呢一個係會偏向似糊仔嚟到又唔係好覺 啲飯都粒粒分明口感幾好 如果鍾意食軟飯就應該麻麻哋😂上面有少少黑松露 個飯個味似葡汁雞飯所以整體撈勻左都冇黑松露味不過以呢個價錢嚟講都冇咩要求冇期望反而覺得都比想像中好👍🏼蜜桃燒雞pizza ($58)呢樣係三樣之中最好食雖然唔係幾似pizza 因為個底唔夠脆但係食落個麵包有幾煙靭幾有口感賣相都唔錯 每樣嘢個味唔係好重但係夾埋都幾match 算係唔錯😌芝士焗意大利雲吞 ($36)每一隻都勁大隻 大約有六七隻入面係蘑菇餡 唔係幾食到有味本身已經比芝士味冚過晒食一兩隻已經覺得好漏 呢個麻麻哋成餐買單先百三蚊 真係勁平😂當然唔會話好好食但係我覺得個水準對得住個價錢😌👌🏼…查看更多

今日去咗間餐廳食晚飯，飲宴開始前，我已經滿心期待！嗌咗碗蟹肉魚翅羹，天啊，啖啖濃郁，蟹肉入口即溶，滑得福，湯底鮮味十足！接住叫咗條椒鹽八爪魚，外皮香脆彈牙，鹹香就掂！食完覺得嗲嗲哋，滿足到不得了。😋 接住上嘅係黑椒牛柳粒—啖啖肉感，點嗌都啱，渣滓好適合夏天解膩！哩度嘅叉燒冇得輸，滋味正，肥而不膩，香氣撲鼻，嚟到嘅一刻搶晒镜！咬一口，唔經唔覺間都流晒口水。🤤至於甜品，點咗個芒果西米露，甜而不膩，芒果香甜，西米Q彈，收尾嘅完美之選。飲品方面，我嘅涼茶好解渴，回甘餘韻，至於我太太嘅杏仁茶綿滑得嚟又夠味，呢餐飯食得兩眼發光，心情好晒。總體點評，喺這家餐廳食晚餐，真係食得開心，食得滿足，下次一定再嚟！👍…查看更多

久唔久都會買呢間外賣食下係我心目中係薩利亞既替代品比薩利亞貴少少，但份量亦都多少少，味道合格四十幾蚊有個意粉都叫食得下今日第一次試堂食，反而有啲失望全場得一個樓面一腳踢，送餐、埋單都要啲時間樓面禮貌係okay，但佢真係好多tasks收左加一服務費，但好多野都要自己做包括斟水、拎餐具、寫單等等另外餐廳冷氣太大，野食好快吹到凍曬衡量咁多方面，下次我都係會揀返外賣白汁菠菜三文魚意粉三文魚偏鹹少少，菠菜算嫩無乜渣，碎洋蔥伴碟提味，略嫌白汁唔夠香味，但撈返三文魚鹹味都算合格墨汁海鮮意粉普普通通，無乜特點湯好難飲無影相…查看更多

因為幫同事叫餐，試試呢間西餐叫左夏威夷菠蘿薄餅，白汁菠菜帶子意粉，蘑菇忌廉燴飯pizza$63:賣相好好，熱辣辣好香，餅皮睇落唔厚，同事話菠蘿好多，lunch食曬成個真係好飽白汁菠菜帶子意粉$58：無相，據同事描述意粉太軟，無乜特別蘑菇忌廉燴飯$48:無法提供味道上既comment，不過賣相就相對寡d，飯面撒上了一層芝士粉，表面睇唔到有蘑菇以外的其他配料。如果堂食的話呢個價錢不錯，性價比似薩利亞但如果要加上外賣平台既成本在內，🐼除開每人加7蚊8蚊，或者就不會再叫，想試其他了…查看更多

星期日晚餐多數外賣, 平時有食開pizzahut嘅都會叫2個飯或者意粉, pizza, 再加個雞翼! 今次就係deliveroo試叫dining Gusto外賣! 本身對外賣都抱不太大的期望! 但今次打開, 真係有哇哇聲。。 我哋叫咗個辣味雞翼, 黑椒牛柳粒配黃薑飯, 芝士海鮮焗飯, 夏威夷菠蘿pizza! 雞翼好食, 個仔話同pizza hut嘅味道一樣! 海鮮焗飯好靚, 唔會一pat pat, 黑椒牛柳粒飯牛柳好淋, pizza係薄皮, 送到嚟係凍咗少少。 大致上都ok! 4款野都係$210, 平過pizzahut, 會再encore! …查看更多

約左住葵芳既朋友，帶我去葵廣附近既商場試呢間平價餐廳。如果唔係有佢帶住應該都唔會特登黎呢邊😂，畢竟毒毒對葵芳既印淨係得葵廣😎。呢間style同menu個feel都好似某日式連鎖平價西餐咁，環境就麻麻，不過勝在價錢吸引😝，食物種類多。🔅鐵板炭燒雞扒香腸 ($40)雞扒雖然唔係好大塊，但都厚，有2條香腸，加埋鐵板都夠香👍🏻。🔅菠蘿煙肉比薩 ($49)Pizza見佢寫係特色手拉，都唔錯，雖然大塊，但唔係好厚所以唔會話食完就飽。焗完都幾香，咁既價錢收貨啦😎！🔅辣味雞翼 (8隻) ($38)可能同嗰間日式連鎖餐廳一樣既貨源，味道都差唔多，都辣辣地幾正😝。🔅香蒜蝦意粉 (茄汁底) ($39)蝦就普普通通，但$40有找仲咁大碟，加埋香蒜都ok。🔅即焗蒜蓉包 ($12)好香！好鐘意食蒜蓉包，不過好少食長方形既蒜蓉包😂，但搽左好多醬，焗到燶燶地好正！💬食開好西就唔推介呢間你去試，但如果同我一樣唔介意食頹野接受到殺你亞既可以一試，性價比高🖖🏻。…查看更多

其實見到晚飯時間入面得一枱客都諗係咪麻麻地.入面都坐得舒服同埋夠靜，到落單個後生男侍應冇咩禮貌 .唔係好想應你敢d野食難食，上枱時候好似好熱敢，其實中間係暖，應該係整好曬焗返熱佢.個千層麵好咸，真係咸睇上面好多人都話好平敢，但其實佢每樣野份量都唔多，相對咪平左囉，佢都係用個價錢吸引人，不過試過一次伏就唔會再試，佢地都係做依d生意，即係生客生意，所以人唔多.到準備走果時坐位後面有小強.都係快d走啦….…查看更多

葵芳恆景商場✨Dinning Custo Italian Restaurante✨五點十五分餐廳入面零客人，老實說有少少卻步。不過最終決定一試。✅價錢好貼地▶️套餐有前菜同飲品前菜可以選田園沙律或者雪糕+$10 可以轉餐湯或者辣味雞翼2隻🌈鐵板牛扒配黃薑飯 $75黃薑飯分開上，有色但黃薑味唔夠。牛扒竟然係出乎意料咁嫩滑，CP值好高。🌈水牛芝士PIZZA $52芝士就好夠，不過 PIZZA 邊焗得過左少少有部份係有點硬，要沾湯食先得。🌈鐵板炭燒雞扒雞翼配意粉 $60意粉分開上，意粉口感係岩岩好。辣味雞翼好惹味拍得住大型連鎖餐廳，雞扒係幾嫩滑，可惜個汁太甜有點膩。▶️3個餐1個加錢轉左餐湯2個要左牛奶公司雪糕🛒埋單 $207 ❌加一收費3大1小已經夠哂啦!…查看更多

其實葵芳除咗葵涌廣場之外，都仲有好多美食嘅好地方，例如喺恆景廣場呢一間嘉樂意大利餐廳。其實都唔係第一次嚟，今次嚟食咗下午茶餐，賣相一啲都唔差，香蔥炭燒雞扒包餡料十足，三文魚沙律新鮮，意粉都係新鮮炒，洋蔥好夠香👌呢個價錢來講絕對係性價比之王！…查看更多

大伙兒吃飯來自五湖四海，有的住在東涌，有的在馬鞍山，而小的倆則在將軍澳。為了方便各位的交通，小的揀了西九龍區葵芳一帶集合。難得一班好友，其中一位老師特愛深水埗之大排檔，可是小的覺得那家「小菜王」出品每下愈況，遂尋找別的鑊氣風味。「金潮小廚」在葵芳的恆景商場，離地鐵站有一點距離，不過諸位新界人都不坐地鐵，所以自然沒有影響。當小的揀了這家位處偏隅之地道小店的時候心裡好怕又會給只愛大商場大集團的老伴拒絕。一句甚麼沒有泊車位，隨即便被打入冷宮。幸好原來這家「金潮小廚」被他的區頭老闆盛讚欣賞，小的人微言輕，老闆的說話當然不同凡響，最後成功入選。然而當咱們到達，即使預先訂了檯卻仍需等待，餐廳之門口人流不絕。這樣的自家舖能弄得如此有聲有色，小的不禁更是滿心期侍。店前其門如市，可惜咱們六位卻仍有兩位珊珊來遲，「金潮小廚」要人齊了才准再守候入席。本來小的打算等，老伴與老同學卻都面有難色，老師原來是積犯，一遲幾句鐘乃屬等閒事。老伴小時候就試過出了荃灣，打電話給他卻支支吾吾，一句鐘後再摧竟發現他尚未出門，結果怒氣沖沖地打道回府。不過小的認識老師的時間相對淺，未有這樣的體驗，也認為學校嚴守紀律，老師早已痛改前非。又是小的一個人難敵兩把口，最終咱們跑到商場樓上的一家西餐廳去。這家名曰「Dinning Custo Italian Restaurante」環境黑壓壓，餐牌之美食數之不準，然而價目卻是非常貼地。其感覺有點像開得成行成市的「薩利亞」，不過這裡卻提供更多美食。牛扒、羊架、龍蝦湯、魷魚、炒蜆、菠蘿比薩、辣肉比薩、尚有豬仔骨拼盤，最後還加了客芝士西蘭花。各項美食之份量雖不算多，但扒餐都配有意粉，吃著吃著非常夠飽。本以為餐廳座落樓上一角沒有人流，其實只是咱們來得時間尚早。及至七時許，「Dinning Custo Italian Restaurante」已座無虛席，而且有許多還是預先訂位的朋友。吃到中途還見到餐廳正中居然有一位外藉食客，連老外也鐘意，還懂得尋到這偏遠的角落來，難怪侍應當初冷冷地不准咱們多佔一張二人席以擺放食物，然而結果卻是便宜了一旁的情侶食客霸了個四位。吃過天昏地暗每人埋單還只一百多，以這樣的價錢，餐廳之食物絕對是性價比高！與老伴的一班中學時期的老友飯聚，總覺得他兒時認識的朋友比大學或以後的好。或許是倆小無猜，大家都是窮褲子，沒有甚麼計算妒忌。不似在成年後人們都錙銖必較，不會檢視自己擁有的，卻只眼瞧別人所有的，然後深深不憤，巧取豪奪，卑鄙無恥⋯⋯老伴是個豪爽大方的君子，往往先關顧別人然後莫視自身。這樣的好性情卻會遭一些豬朋狗友親戚同事乘機佔便宜。一次兩次不打緊，三次四次繼續忍，五次六次開始火滾，七次八次還在等，九次十次竟視作安穩？無休止的延續終讓小的忍無可忍！可笑的是當小的發火，老伴竟不斷地幫那些小人說好話！小的給氣得眼底朝天，有時候自己被欺負尚可忍，但傷害到家人就不能忍！或許這就是婦人之小心眼，不過對粗枝大葉善忘腦退化的小的而言，如果那些小人能讓小的銘記，可想而知他們的惡行已不斷地重覆到達無限次，這是一個警號：這樣的小人，一輩子也都如此！…查看更多

葵芳有好多好食嘅餐廳 今日介紹嘅就係其中一間😬雖然餐牌好多食物都同薩利亞好似 但我覺得呢間餐廳嘅格調同衛生應該比薩利亞好好多😂 至少冇見到一隻隻活生生嘅曱甴🪳 今次食咗午餐 包一份前菜 主食 同飲品 前菜有得揀雪糕 我地兩個都想食雪糕多過田園沙律🥗紅酒燴牛腩配黃薑飯 好少地方有黃薑飯食 所以都對呢碟飯有啲期望🙈 不過令人好驚喜嘅係佢嘅牛腩 整得非常入味 而且炆得好林🐮 完全唔會韌到咬唔開 不過黃薑飯味道唔算突出 只係有淡淡嘅味道 俾佢嘅顏色呃咗🙊蜜桃肉醬叉燒焗飯 蜜桃係罐頭水果 所以比較甜 但同個焗飯都幾夾 個飯係炒飯底 其實都幾好食 不過個碟嘅size比較細 好似都唔太夠喉😺熱朱古力 真係同薩利亞嘅好似😂 我覺得可以再苦翻少少 濃翻少少會好飲啲芒果汁 雖然幾特別 但味道有少少假甜味 所以都少少失望🙍🏻‍♂️整體呢間餐廳都唔錯 有機會一定會再食🥰…查看更多