嘉寶漢堡 (和益中心)

營業中

休息中

好多人推薦嘅人氣平價漢堡💛一見到個menu真係平到嘩咗一聲❗️夜晚食餐飯成日都過百 呢到嘅burger只係大約$50 跟埋餐都唔駛$70 真係好抵食🥺香辣孜然羊堡 ($44)見平時多數都係牛雞豬 第一次見有羊 點都要試下😆孜然味同羊味都好香 有驚喜 值得推介❗️配上炒沙蔥絲同特製洋蔥醬 口感更加豐富 好惹味🤤配上生菜同蕃茄 可以中和膩感 juicy得黎又唔會太肥膩 食完真係幾飽 夜晚完全唔駛食宵夜😆跟餐都只係加$16 可以揀薯條、燒賣、炸燒賣同蕃薯條(+$5)蕃薯條同薯條都炸得香脆可口 蕃薯條都幾重蕃薯味 唔駛點醬已經好夠味 薯條同我想像中有少少唔同 係闊扁個隻 但都好食😋炸燒賣不過不失 燒賣唔會炸得太乾身 份量都算多 有7-8粒 但略嫌偏鹹～另外加分位係所有小食都係熱辣辣 唔似某連鎖有時啲薯條會凍哂🍟❣️整體黎講真係好抵食🥺選擇偏多 性格比高 仲可以食蕃薯條同炸燒賣😻

🍔 嘉寶漢堡·香港足料漢堡尖沙咀區食飯價格一向偏高，難得有一間高質的港式漢堡店價格貼地，亦相當高質，今天為大家介紹「嘉寶漢堡」。漢堡價格由 $40-62，加$16可升級成套餐，可選指定小食及飲品。🍔 香辣煙肉蘑菇芝士牛堡 $52漢堡內有厚身漢堡扒、芝士、脆煙肉、蕃茄和生菜及自家製的香辣燒烤醬汁。漢堡排目測有1.2cm-1.5cm厚，相當足料，而特製的煙肉有爆脆口感，非常惹味，充分帶出漢堡的層次感。這款適合重口味的人空食用。🍔 黑松露芝士牛堡 $52黑松露芝士牛堡內同樣有厚身漢堡扒、芝士、蕃茄和生菜及黑松露醬汁。這款漢堡相對更清新，入口多汁，肉質嫩滑。牛肉漢堡充滿肉汁，配以黑松露醬的加持，滋味度滿分。🍟 薯條 餐廳選用粗薯條，感覺會較飽肚，但香脆度會較低。✨ 炸燒賣 燒賣炸過後加了少許椒鹽，入口更煙煙韌韌，惹味可口。🔸小總結：餐廳光潔明亮，性價比極高，平日12:15已滿座，漢堡即點即製，足料好吃，值得回訪。👅味道：4.7/5💰CP值：4.8/5🕴🏻服務：4.6/5🔰餐廳環境：4.7/5🍽 餐廳：嘉寶漢堡🌐地址：尖沙咀寶勒巷9-11號和益中心地下🐮 #cowing吃在尖沙咀#foodie

長期排隊的平靚正漢堡！以平嘅價錢就可以食到又靚又好味嘅漢堡同配菜，認真一流👍先講下我至愛嘅炸燒賣，比平時蒸的更加彈牙，炸完後外脆內彈，口感一流，超讚！炸薯條都好味，但我比較喜歡炸蕃薯條多啲，因為炸蕃薯條比薯條更香甜，超正！漢堡包內的漢堡肉汁夠多，肉味濃郁，麵包外脆內軟，蔬菜新鮮美味，超級可口！香辣煙肉漢堡，片煙肉就一般，因為煙肉炸到overcook 咗，所以硬咗啲，乾咗啲，但個辣汁好好味，有啲似食緊印度漢堡，非常特別，但係偏辣的，如果食唔到辣就唔好叫喇！汽水都有好幾款口味選擇！非常好！平靚正加好味！好想再去食呀！

嘉寶漢堡非常出名！有好多人都會推薦呢間港式漢堡，話佢抵食又好味。假日午市有好多人排隊買漢堡，試過今次嘅雞扒漢堡，都幾好食，如果去開附近又有時間，都值得排隊去支持一下黃店。BBQ菠蘿雞扒堡$40- 菠蘿片烤過，非常juicy，每咬一口都有菠蘿汁同埋雞扒嘅肉汁。雞扒用BBQ醬汁醃得非常入味，肉質仲幾嫩滑，不過為咗健康着想就去咗層雞皮。餐廳都唔馬虎，有用心烘過漢堡包，材料都整得好好食，仲有好多唔同款式，下一次都會想試吓豬肉漢堡！

夜媽媽9點幾搵野食，朋友帶我黎呢間話好好食，環境好大，好中買左野食搵位坐，再等佢整好就去拎，值得一提既係佢有個自動洗手吧，記得洗乾淨對手先食漢堡喇😆我揀左烤布利芝士牛堡，因為我本身好鐘意食brie cheese，食落真係好好味，芝工溶溶地，牛肉勁juicy😋😋😋😋完全對得起$52呢個價錢

2個人叫左好多炸物😂😂 朋友叫左香辣煙肉蘑菇芝士牛堡 我覺得味道好似食緊M 記漢堡 佢就覺得好好食自己叫左BBQ菠蘿雞扒堡 欣賞佢雖然係浸水菠蘿 但佢會煎香佢 而吾系冰火交融 而雞扒稍有失水準 出面肉汁豐富 但中間好乾 但好在燒汁夠甜😋 令到成個包不過不失追加左4款炸物 包括炸燒賣 炸薯條🍟 香脆粟米片雞塊同炸紫菜魷魚鬚 我覺得炸燒賣好咸 但朋友覺得ok 炸薯條建議落多少少鹽 感覺淡左啲 不過有醬汁的配搭都唔錯😊香脆粟米片雞塊 朋友認為沾上粟米片的雞塊好脆口😋炸紫菜魷魚鬚系我比較鍾意食 佢吾會太厚的炸漿 紫菜味雖然唔會好突出 但魷魚鬚夠柔軟 唔會太難咬開 試過某食店的炸魷魚鬚 又厚粉 又硬脆 又細條 超難食炸物加蜜糖芥末醬👍 好多店舖一般都係比芥末醬 加埋蜜糖點炸物好好食啊😍😍星期三的尖沙咀雖然係平日晚上 但仍然好多人幫襯 需要等位先可以坐低 如果想去 最好早少少到埗☺️

▫️久仰大名左好耐，但一次都無食過🥲 聽講長期都爆滿🤯 今次去到竟然好好彩唔洗等位😆✨🍔 蜜糖芥末菠蘿雞堡 $40▫️有好多款配搭可以揀，牛/ 雞/ 豬可以互換配搭🐷 原本呢款係豬堡，但我轉左雞🐔▫️蜜糖芥末同菠蘿兩樣都係我至愛😍🍍 雞扒大大塊😯 煎到好香脆，咬落非常juicy🤤 入面仲有蕃茄同生菜🥬 感覺個包即刻健康左🥸▫️唯一缺點係個包太大個🍔 以我櫻桃小嘴一啖真係好難咬得晒👄🍟 套餐 +$16▫️可以配小食+飲品🥤 食burger點可以唔食薯條🖐🏻🍟 薯條非常厚身，炸得熱辣辣好脆，但都因為好厚所以食完非常飽🤰🏻▫️飲品要左熱薑蜜，驅寒丫嘛🌀 都係茶餐廳飲品啦，不過薑味幾重，我鐘意😆▫️總括黎講，非常抵食‼️ 性價比極高‼️ 以後尖沙咀又多個飯堂😋

介乎港式同美式之間嘅漢堡包🍔黑松露牛肉漢堡好似好多人推薦黑松露醬好runny，但其實唔重味漢堡扒juicy 但無乜牛味包就幾鬆軟👍蕃薯條好jeng 好重蕃薯味😋😋😋不過太多鹽😕😕炸燒賣好少有餐廳賣？可惜偏韌😕Overall 我唔會話係特別好食嘅burger，不過如果喺附近又想食fast food 嘅不失為好選擇（雖然大家預要排隊🤣）

久仰呢間漢堡店大名，終於有幸一試。因為午餐時段會人頭湧湧，為咗有位置可以坐，我們提早到達了鋪頭。係雲雲既漢堡入面，我選了是拉差芝士蛋豬堡套餐。套餐包括三樣嘢，是拉差芝士蛋豬堡、薯條、及飲品。🍔是拉差芝士蛋豬堡個漢堡好圓好美，個包好好味，係用牛油🧈哄過既味道，個包脹卜卜一啲都唔塔落嚟既，而且又唔會濕到剿左。漢堡包入面好豐富，有生菜🥬、蕃茄🍅、芝士🧀、仲有一塊好多汁既漢堡豬排🥩同埋一塊雞蛋🥚。呢啲材料都好新鮮，加埋是拉差醬真係好好味😋。🍟薯條啲薯條全部都係不規則形狀的粗薯條，表面有好多鹽。咬落係新鮮既薯仔味，點啲茄汁更加好味。🫖白玉烏龍茶呢個烏龍茶是無糖的，清清地都幾解渴。間店除了有蕃茄醬，還有蛋黃醬可以拎嚟點。此外，佢有一部自助洗手機，方便客人食完漢堡包後清潔雙手。

今次是第二次到訪嘉寶尖沙咀新店，質素都一如以往的出色💛 平日的晚上特意提早些少到訪，店鋪內已差不多坐滿了食客，非常受歡迎！我們一行二人點了兩個套餐及加了一份小食。漢堡內的烤大啡菇非常多汁，而且牛肉也一樣Juicy，搭配芝士﹑蕃茄﹑生菜等，口感非常有層次～只是因為太多汁的關係吃得有一點狼狽，但外面有紙巾可使用，亦有洗手機提供（每次用餐後必用！超級方便！）😎男朋友點的蝦牛堡絕對是滿足貪心人士的選擇！厚厚的蝦餅，裡面還見到粒粒蝦仁，真材實料🤍再加上牛肉漢堡肉，絕對可以滿足男朋友愛吃肉的要求🤣凱撒沙律 跟餐 +$21沙律的醬汁是分開盛載的，可以自行加入需要的份量；蔬菜都好新鮮爽脆👍吃漢堡包較油膩，沙律就是較清爽的選擇，能中和漢堡包的油膩感。薯條 跟餐 +$16一個套餐選擇了沙律這種較健康的選擇，另一個餐就選回經典的配菜 — 薯條！薯條是粗身的形狀，不會炸得太乾身，而且薯條內是有滿滿的薯蓉。BBQ雞翼2隻 追加價$10BBQ醬汁十分濃郁，但兩個人吃兩份套餐都已經好飽了，建議可不用特意追加😛其中一個餐飲加錢轉配了有氣的伯爵茶，只是碳酸實在太澎湃，每一口也是「氣」🤣基本上不太能喝到茶

嘉寶係我成日幫襯嘅一間港式漢堡店，除咗鐘意呢度夠多選擇，自由度高，幾款漢堡嘅豬牛羊雞都可以轉，性價比好高！｛蜜糖芥末菠蘿牛堡 $40｝可以自選豬牛雞，我今次就揀咗牛，幾有肉香嘅漢堡配上又甜又多汁嘅菠蘿片、新鮮爽口生菜同蕃茄，咬落好濕潤，麵包有稍為烘過，少少脆口。｛香辣孜然羊堡 $44｝第一次食羊堡，好有驚喜！煎香嘅羊肉漢堡扒好嫩又多汁，但又完全唔騷，辣醬同孜然粉嘅醬汁好夾，層次好豐富！加$16就可以轉套餐，配菜可以揀薯條/炸燒賣/燒賣或者蕃薯條/沙律｛+$5｝，薯條係粗條，炸到熱辣辣外脆內軟，唔洗蘸茄汁都超好味！必點邪惡炸燒賣，少少椒鹽係面，食到停唔到口！飲品就揀咗凍檸檬茶同罐裝Coke plus，如果鐘意飲凍啲汽水可以另外加冰底！Ü

抵食人氣嘉寶漢堡🌸日式芥辣蝦堡$45+雞扒$15+芝士$6⭐️⭐️⭐️⭐️⭐️好豐富既漢堡，蝦堡好有蝦味，好彈牙呀！超滿足！雞扒好嫩好juice，加埋芝士入去，少少溶絕對是口感一流。🌸紫菜魷魚鬚+$32連飲品⭐️⭐️⭐️⭐️☆超脆超香紫菜味，魷魚鬚夠新鮮，必叫的小吃🌸香辣煙肉磨菇牛堡⭐️⭐️⭐️⭐️⭐️牛牛5會鞋口，幾多汁又香口，香辣磨菇醬好多好正又惹味，而且有勁多磨菇，煙肉有dd硬身，不過不太影響成個口感，再加上生菜層次豐富。套餐+$16跟下面連飲品🌸蕃薯條+$5⭐️⭐️⭐️⭐️⭐️每條都好粗身，食落口成口蕃薯味，沾上茄汁更加食到停5到口，好滿足🌸BBQ雞翼～追加小食$10⭐️⭐️⭐️⭐️☆BBQ味好重，汁比較杰身，完美痴住晒係雞翼上，十分惹味有醬料自助區，中意多茄汁點薯條既人士，肯定會滿足！======詳情======嘉寶漢堡 (和益中心)📍尖沙咀寶勒巷9-11號和益中心地下================#yummy #香港美食指南 #香港美食 #hkfoodie #hkfood #hkeat #吃貨 #吃貨日常 #RnT吃貨 #相機食先 #美食 #尖沙咀好去處 #尖沙咀美食 #尖沙咀 #RnT尖沙咀 #日式芥辣蝦堡 #

食過多次，每日中午、晚上時段都超多人既爆燈漢堡店，但食物味道仍能保持一定水準。而且另一好處係可以自己彈性配搭食材。蜜糖芥末菠蘿豬堡菠蘿烤得香甜，豬肉內加入疑似軟骨令到更有咬口，超多肉汁超juicy，而且厚度十足醬料味道配搭適宜，唔會過甜或過辣。烤菇芝士牛堡漢堡烤得香脆，餡料牛肉同樣肉質做得好，烤菇size超大但不斷出水，食得頗為論盡。炸蕃薯條、薯條蕃薯條炸得外層脆口有、內裡柔軟香甜，唔使點醬都好夠味。反而粗薯條就相對炸得唔夠香脆，內裡較粉無咩薯仔味，但起碼唔會出現淋左既狀況。炸燒賣雖然只係普通魚肉粉燒賣，但炸得剛好彈牙唔太硬，且加左椒鹽粉更惹味。

相信有睇開討論區既都會聽過嘉寶漢堡🤣呢間大名鼎鼎嘅餐廳果然人山人滿，6:30已經有外賣/堂食單，好彩落完order後有位客人離開，可以坐低享受熱辣辣嘅食物🍔大部分餐廳都係提供豬、牛、雞，而呢度竟然有羊，所以即刻叫咗個孜然香辣羊堡($40)同凍檸茶($17)😛如果有選擇困難症，可以試下蝦牛堡😆當食物準備好，(多數foodcourt會用嘅)機仔就會響，提示你出去攞，我覺得幾適用喺嘉寶，因為客人比較多，咁就唔洗驚等完餐又冇曬位👍🏻麵包兩面都有烘過嘅痕跡，未食已經聞到好香羊味😋雖然話係香辣，不過主要都係茄汁，只有蜻蜓點水嘅刺激🥫最驚喜係有炒洋蔥絲、接近焦糖化嗰種，我生平最鍾意(沒有之一)有炒洋蔥嘅漢堡包，所以佢完全係我杯茶😂雖然食落冇聞起嚟咁重羊味，不過漢堡扒唔會膻/太多孜然粉，羊肉愛好者應該會滿意，因為食完好耐仲會聞到浸味🤣

之前喺葵涌經過都已經想試🥹🥹不過成日都冇機會一係就好趕時間一係就好多人今次同朋友喺尖沙咀等睇戲嘅時候就過黎試試手打漢堡真係唔係間間好食同埋價錢都唔平💰呢間價錢比較親民 但味道竟然屬於高質👍🏻🎈芝士牛堡叫咗個套餐 有埋薯條同埋嘢飲 牛肉漢堡好juicy唔會覺得好乾好硬好重牛味 加咗醬汁又唔會覺得好漏菜嘅份量都啱啱好 👍🏻👍🏻店內環境幾好 整潔衛生食完呢間之後都唔知點樣去返連鎖店😵‍💫😵‍💫下次要試埋其他炸物先！