嘉多利餅屋

營業中

休息中

做布甸麵包做到街知巷聞嘅「嘉多娜」相信大家都唔陌生，小編一直都好想試可惜一係賣晒，一係就冇時間排隊買🤷🏻‍♀️ 今日竟然食神來了，除咗《布甸包》，仲試埋《脆皮泡芙》，即管睇吓係咪真係傳說中咁好食🤔😌《 原味布甸包 》 $15 / 個 4.5 / 5食過幾間布甸包黎講味道算唔錯，鍾意布甸多過包嘅會好鍾意，因為佢布甸餡勁多😛 比例就係4/5係布甸，其餘先係包😋 亦因為咁所以包皮食落有啲靭，比平時麵包要再咬耐啲😂 布甸餡好香雲呢拿味，稍甜，質地算係食過嘅布甸包入面最滑溜嘅個個🤤 份量好大勁飽肚！《 脆皮泡芙 》 $20 / 個 5 / 5 🌟🌟🌟🌟🌟一拎上手就覺得勁墜手好重好有份量😍 未咬開都略略見到有餡吱左出黎🤤 最自癒係一擘開啲餡流晒出黎😍 餡料又多又順滑，吸整都有🤤 加上脆皮好香口，凍左都會脆卜卜咁所以口感一流！👍🏻整體來講質素相當唔錯，泡芙較布甸包優勝😋👍🏻———————————————🏠環境舒適度：外帶🥡👅舔脷回頭度：💛💛💛💛💛📸打卡able度：💛💛💛💛———————————————

早一星期去訂了個芒果蛋糕，預定今日中午取餅，但早兩小時，有個男人打來話d芒果唔靚，改黑森林/粟子蛋糕好唔好？(咁都得？？？）我先生話改什果蛋糕啦，屋企人唔食黑森林/粟子蛋糕㗎。到取餅時，店員拎左個什果蛋糕俾我（一望個餅賣相不太好），我望望餅櫃，咦！ 點解有個芒果蛋糕嘅！，我問店員又話無芒果嘅，嗰個係咩呢？我立即話我要餅櫃嗰個。店員話芒果酸喎，我話我唔怕呀！ 成件事好奇怪， 究竟係咪漏做蛋糕， 想人要現成蛋糕？ 如果芒果唔靚，點解餅櫃又有呢？ 員工又攪乜呢？

呢間位於何文田窩打老道69號地下C2號舖，紅色招牌寫住Kadoorie Bakery既嘉多娜餅屋非常顯眼，出名既係法式布丁包，將已掏空既發包盛載，法包以無添加雞蛋和牛奶製成的冷凍麵團製成，注入正宗法式布丁蛋漿，放入焗爐20分鐘後，新鮮出爐熱辣辣嘅法式布丁出世喇🥳🥳🥳🥳震騰騰既布丁非常吸引，食落充滿蛋香而且口感好滑溜，配上鬆軟略帶煙靭嘅法包，多重口感，甜而不膩，好正🥳🥳🥳🥳🥳🥳個人覺得說動後最正😋😋😋😋😋😋

同事成日話嘉多娜餅屋嘅布甸麵包好好食 今次真係有口福啦!!真係好好味呀(●’◡’●)ﾉ法包嘅外層焗咗陣再食好脆口(✯◡✯)啲布甸好滑 甜度適中👍🏻聽講3點鐘會出爐 但都都必每次都買到(ಡ‸ಡ)同事仲話平時佢會放係冰箱雪到凍一凍 食落就好似食緊雪糕咁(๑˃ᴗ˂)ﻭ•📍 嘉多娜餅屋 (何文田)何文田窩打老道69號地下C2號舖

係平日三點半左右去到嘉多娜問仲有無法式布甸麵包，雖然鋪面睇唔到有，但入面嘅職員話有，就會問你要幾多個，再攞出黎畀你，今次幸運地唔洗排隊就買到😂岩岩買番去嘅布甸其實已經係凍左，所以番屋企就用氣炸鍋200度2.5分鐘，個麵包就變番乾身同脆口好多，如果唔整番熱個麵包就會變得煙靭，要用力先咬得開。不過，無論整唔整番熱嘉多利嘅法式布甸麵包最正嘅係入面嘅布甸，切開都係好似流心咁，聞落好香蛋味，好順滑，好creamy。係味道方面，佢比其他鋪頭嘅布甸都偏甜，連埋麵包食就岩岩好👍🏻如果唔洗排隊係值得一試👍🏻

好味指數😋😋😋😋😋回頭指數 ⭐️⭐️⭐️⭐️開心指數🤗🤗🤗🤗🤗呢間人氣店，我一直都未試，因為我實在唔鍾意排隊。住響呢間店附近嘅朋友話，呢間店係比較少人，我非常感謝朋友為咗令我試到，下晝 2:30 就碌咗去買，佢話有幸唔使點排隊。本身想試一個焗返熱，一個用返室溫食，但係摸到個法包已經軟咗，可能會韌，所以焗完一個後都係決定焗埋另一個食。用氣炸鍋200⁰C 翻熱3分半鐘，個法包焗到好脆身，布甸面可能因為遇熱會有層膜，切開之後勁流心，一啖咬落去非常爆漿，食到成手都係！試過其他店嘅布甸麵包後，果然呢間係最好食，佢嘅 custard 好香濃好滑，單純用custard 作比較，的確比其他店優勝！凈食時甜度比正常係甜咗少少，但配埋冇咩味嘅法包一齊食係啱啱好，如果唔使點排隊，絕對值得再食！至於要排隊呢，15分鐘內嘅都會排嘅，如果超過半個鐘呢，我都應該唔會。

唔係有好多地方有賣老公餅所以買個嚟試吓（$7）雖然佢有寫係紅豆餡但估唔到同普通紅豆酥冇分別……　個皮好厚好實雖然有好多層但冇酥脆同食唔到層次嘅感覺　至於紫薯麻薯包（$7）個包係咸包而且食得出有化學味可能係發起麵包嘅膨脹劑同埋張相都見到個包係扁嘅個餡係唔靚嘅番薯有浸奇怪嘅味（日本梅酒嘅味）中間嘅麻薯都冇好煙韌或者出色純粹有舊黏黏地口感餡喺度　以上嘅產品都可以唔使買 建議加多兩蚊買芋頭酥嚟試吓可能仲開心…….

夏日炎炎，去何文田探朋友，咁啱喺佢屋企附近見到有人大排長龍，仲有個阿叔拎埋櫈仔！真係好誇張！原來係一間餅店，外表睇落都有返咁上下歷史，好懷舊嘅感覺。 原來依間餅店每日下晝2:30左右就會有新鮮嘅麵包布甸出爐，既然一場嚟到，相請不如偶遇，咁我梗係排埋一份啦😎😎麵包布甸$15個，買兩個係冇得平嘅， $30😆😆拎上手都幾重手，有返咁上下份量，即刻趕住衝去朋友屋企一齊試試佢。味道方面，蛋味都幾濃郁，因為凍凍地，感覺都幾清新，至於個麵包，口感煙煙韌韌，都幾過癮㗎，整體都唔錯，唔怪得知咁多人排隊啦

其實都食過嘉多娜個法式布甸麵包幾次而家抄到周圍都係了香港人真係好有效率既姐雖然日日咁多人排咁大需求佢地都堅持唔會量產製作每日指定時間出爐覺得佢地水準真係保持得好好有心機做既野食真係感受到 ܸ.  ̫ .ܸ  每次買到番屋企都有再焗番熱食個法包外脆內軟 絕對唔會咬唔開個布甸再焗都唔會失色暖暖地 一樣勁滑我覺得可以減dd甜 不過可以接受既仲可以食到蛋香其實呢個價錢呢個size呢個手工呢個味道真係無得投訴啦買個空氣包都要

平日經過呢間餅店，見仲有想試嘅中式糕點，所以就買左黎食，全部一買返黎都係暖笠笠嘅。台灣3Q餅- $9外面有黑白芝麻，係用一般中式酥餅皮，皮薄餡多，內餡有紅豆蓉、麻薯、蛋黃同肉鬆。麻薯口感唔太岀，太軟，同紅豆蓉融左一體咁。整體鹹甜鹹甜咁，都ok。椰汁芋頭酥- $9內餡係芋頭蓉，整得好滑同綿，仲有一啲芋頭嘅顆粒感，整體唔太甜。如果我要再買，就會揀呢款！鹹蛋酥 -$7同一般蓮蓉月餅嘅味一樣，只不過佢係酥餅，所以一般啦。

呢度唔只得布甸包賣架 其實佢仲有好多特色麵包賣！佢哋嘅鬆餅真係超級抵食 幾蚊大大過 平時冇$20都買唔到🙈有提子同咖啡兩隻味 兩款嘅口感都係外面硬脆 入面就鬆軟 不過就唔夠鬆化 口感有啲似麵包 而且冇乜牛油香 反而蛋味幾香😂

聽聞呢間布甸麵包好耐，一直想試但聽講要排一至兩個鐘隊，今日假期經過何文田，竟然唔洗排隊比我買到去到店門口，見到話會分時間派籌，以為無機會。不過都入去間鋪睇睇有咩買，竟然睇到布甸麵包！係用膠帶將兩個布甸麵包裝埋一袋，買4個就會用盒裝，一場來到，就買左4個試下試左凍食同熱食，熱食係微波爐叮左之後，個皮好脆，布甸嫩滑可口，又有蛋香，好味跟住又試左凍食，好似出面果d甜品🍮，但15蚊就買到！如果唔洗排隊，一定會再去買

📍嘉多娜餅屋（何文田店）食物：🍮🍮🍮🍮🍮/5 （法式布甸）服務：🍮🍮🍮🍮/5衛生：🍮🍮🍮🍮🍮/5環境：🍮🍮🍮🍮/5抵食：🍮🍮🍮🍮/5回頭頻率：可以一星期食一次係甜品應該要凍食，不過凍食個包真係好韌 😅 亦偏甜有啲漏。最後我冇理到，雪一晚後，烘咗一下個底，個皮脆咗，個餡仲凍，個人覺得超好味，好味過即買即食。都可能因為餓咗一晚做早餐，完全唔覺得漏 😆唔似佐敦店，何文田店呢間買兩個都有個紙盒裝 👍🏻 令個包同餡保持飽滿，唔會撞崩。平日下午三點幾都有得賣喔。

位於何文田的嘉多娜麵包店，每日下午時份都會有人排隊買麵包，所講的當然不是雞尾包、吞拿魚等……而是人氣熱潮都未退過的法式布甸麵包，🍞🥯🍳約2：30pm出爐，我剛早10分鐘排隊，有6、7個人已排緊，可是都要遲多15分鐘先開始可以購買，因為店員正在忙於包裝麵包入盒，每人可限買4個法式布甸麵包，每個$15，店員話可以存放雪櫃內。😄可是此分店沒有京都抹茶紅豆麻糬嗰款，🍵今次唯有試下品嚐原味，個雞蛋漿好流心也澎湃，本身是凍食，有朋友教路返到屋企可以用焗爐烤焗下會效果更佳，麵包會更脆香，😆可是家中沒有焗爐。不要緊都不妨試下凍食的口感，入口個蛋漿質感好稀身略帶甜，凍冰冰且好creamy ，🥯似食緊吉士般，同時蛋味晤夠重，室溫的麵包咬下煙韌要點力撕開，帶嚼勁，覺得試一次都可以，但回頭的次數不會多，感覺一般，沒太大驚喜。😏

下巴仔評分（5星為最高）此次為外賣自取體驗味道：🌟🌟服務：🌟🌟🌟🌟抵食：🌟🌟🌟重點推介🤤👍🏻 法式布甸麵包挖空左法包既中央 注入法式布甸漿 就成為呢個令大家吹捧 日日排長龍既布甸麵包🥖布甸偏甜 雲呢拿味道比較人工 但呢個價錢能夠食到creamy 又有蛋香既滑滑法式布甸 我覺得ok🙆🏻注意事項⚠️- 呢款麵包只會於星期一至六14:30開售 每日只售一轉 而星期日係停售❌- 好多客人都慕名而來排隊購買 想食就要早D去啦😊