喜點

營業中

休息中

幫襯過3次午市，唔算多人，餐廳格局確實係行有風格嘅路線，見到佢餐牌個價錢，起初以為有返咁上下水準，可惜每次食完都失望。老實講，如果唔係就腳，同埋貪佢唔駛等位，我都唔會幫襯3次咁多。午餐主菜幾次都中伏，D扒煎到超硬，好似食餅乾咁，白飯都係勁硬。餐湯、沙律同小食都係唔錯嘅，只係個主菜有D可惜。(3次唔同款嘅主菜都係好差)成日餐廳貼滿「規則」，最低消費、用餐最長時間、早餐只限現金、入會方法、續會優惠等等我明白好多餐廳都有呢D規則，但都無佢咁多變化+長篇，可能佢地遇過太多騎呢客人，要寫到D規則非常仔細..........侍應方面都係嘛嘛地，見過3批唔同服務員，兩次都係後生女，但帶大陸口音，好似唔太明我地D廣東話咁。其他就好似唔太熟自己間鋪D規則咁，一時一樣。另外有兩次落錯單，要後改，再有一次聽錯我friend講嘅英文，結果送左另一樣嘢嚟。咁其實唔明個英文無所謂，你可以問，就唔係扮明。(我friend可能當呢度好高級，講左句英文)$80-100食個lunch，仲要好多都係禿飯嘅選擇，仲要10%服務費，我暫時睇唔出個價值喺邊度？仲有個會員制，好似月費$200，但只有部份餐有會員價(大約平$10)，

幾位朋友聖誕相聚，訂了這間餐廳的聖誕套餐，這裏環境很有情調，燈光柔和，落地玻璃窗，好chill。食物方面，每一碟也十分美味，牛扒煎得剛好，肉質鮮味、鹹豬手夠脆皮、心太軟朱古力流心好正，青口也有鮮味。朋友們和我都讚口不絕，這個價錢實在超級便宜，大家一致認為性價比超高，連廁所也很大很乾淨。要不是地點有點偏，相信一定很難訂位。好友難得一見，相聚時能夠選一間好餐廳，實在很重要，很愉快很美好的一晚。以後我也一定會帶不同朋友來多多幫襯。

駕車途中，看到這間餐廳，位於太子大埔道口，後面街有很多錶位，於是泊車一試。環境舒適，座椅坐得舒服，牆壁掛了很多人生哲理的句子，枱面印上像中國古代甲骨文字。還有背景音樂。食物選擇與茶餐廳差唔多，除了一般通粉，公仔麵，烏冬，三文治，扒類，多了Pancake，沙律菜。點了一個炸魚柳手指炒蛋牛角包餐，魚柳手指沒什麼特別，炒蛋算滑，味道都唔錯，盛惠$45。這個價位ok啦！不過早餐只收現金。還有洗手間十分清潔。

喜愛吃牛嘅可以去試吓西冷牛扒11:30-5:30都糸下午時段，有沙律或湯、加件扒可以配薯菜，意粉或飯仲可以每個餐加小食及甜品，設有其他飲品🍸西冷牛扒試過，下次可以試吓肉眼加$80下午時段

星期日中午去到，成個場得一圍八人檯食客，我們2人，和男同事講想坐另一邊靜一點，畢竟呢個場都係想人舒舒服服食下嘢傾下計，然後男同事話嚟緊會full及訂咗位，要我哋坐多人嗰邊嘅二人枱，都算。後來有新食客再嚟就畀佢坐另外靜嗰邊，如果本身個場爆我都可以接受，嗰下覺得自己仲衰過乞食，即走無下次，最後情願去附近茶餐廳食。

位於深水埗同太子交界，一間坐得幾舒服嘅食店下午茶時段叫左份英式扒餐$65，揀左豬扒加炒蛋火腿扒，另加$12配個濃湯意；豬扒好大塊，煎煮同調味都好到位，沙律菜好新鮮好好食，但個濃湯意反而唔夠味同油～另外叫埋個期間限定 2人 T-Set，盛惠$168煙三文魚雜菜卷，蕃茄牛油果醬多士 同 開心果芝士餅都有驚喜，其它就普通無咩特別。轉轉下打下卡，偶然slow down一下都唔錯喜點 擺設裝飾都有心思，杯杯碟碟都好靚，坐得非常舒服，傾下傾下就一個下午

之前通常都係過嚟食lunch都覺得不錯不錯價錢合理 環境舒服而且店員又好禮貌今次就過嚟試下晚餐叫左嗰漢堡包醬汁岩岩好唔會太漏仲叫左嗰羊架十分出色熟度剛剛好 唔會太騷佢嗰飯係好特別 口感好分明我未試過呢個飯值得去試試 地點又方便

今日嚟到呢間(喜點）餐廳,我哋一家四口就試吓呢間嘅西餐廳,餐廳環境氣氛不錯.牛味都幾突出，肉質啱啱好，仲有熱辣辣嘅薯條🍟小朋友最愛沙律真係好多菜，個汁條配得剛剛好叫咗個意粉小朋友好快食晒，佢哋覺得好好味，個老闆娘超細心。最欣賞係個甜品,值得encore🥰

店鋪地點適中，座落在深水埗和太子區之間的白楊街/長沙灣道/大埔道。店內地方簡潔開揚，令人舒服地開懷大嚼。喜歡慢活的，又可以坐於店方特設的(酒吧吧檯高椅)，輕嚐淺酌，透過落地大玻璃，望著街景，一樂也。該店的(焗肉🥩醬意粉🍝)好好味，焗得香且透，我和太太已經急不及待(光盤)了。我太太是羊架🐑迷，對該店的羊架讚不絕口，跟碟上的芥末和醬汁，配合得無與偏比，更顯相得益彰。去到甜品一環，當然，像書法收筆的一刻，更加不能不讚賣相別緻，嚐味吸引的甜品……(香蕉藍莓格仔餅)，簡直驚為天人，味甜而不膩，怕致肥的人也會不禁要(再來一碟)。整體而言，我本人極之滿意店內的陳設，食物質素和服務水準。晚餐的人均消費大約$200至$250元(豐檢由人)，適中的收費，值得推介。

朋友帶我覓食～好少行到咁入🤣餐廳裝修幾靚 但有少少迫安排坐窗口位🪟的確幾開陽（望街景）仲撞正當日有live band🎤🎶整體氣氛唔錯 值得一試嘅小店🩵🍴$520 2人餐包餐湯🥣、飲品🥤當日餐湯:蘑菇🍄 有蘑菇碎但未到濃郁飲品:蜜桃烏龍、荔枝梳打都好好飲👅 唔會好甜📍燒牛肉雜菜沙律叫左汁另上、原本落芝麻醬燒牛肉都有6-7塊「色水」😍好靚 燶邊 再加 肉質粉嫰🩷 Outlook非常okay~牛肉嫰口 🐮但未到好juicy連雜菜沙律食好fresh🥗 健康人士必食📍喜點招牌芝士炸雞窩夫餐廳皇牌👑 賣相好澎湃 又高又大窩夫 > 炸雞 > 芝士醬 >太陽蛋🍳芝士醬好rich 配炸雞100分炸雞🍗係皮脆肉嫰 份量好多 (最後食唔哂)但略X 有小小肥😭窩夫🧇仲好熱好脆 🔥配炸雞係意外地夾有芝士醬又唔會好乾 幾好幾好~📍大蝦明太子忌廉意大利麵好中意呢個Pasta🍝勁creamyyyy大蝦🦐咬開仲有小小蝦膏 正~仲有紅椒、洋蔥一齊煮個sauce 仲有勁多明太子 好好食5分鐘就食晒個意粉😝😝

今次覓食來到深水埗和太子交界，這間餐廳開業不久，一塊落地大玻璃隔絕了窗外繁囂的街道，店內簡約木系裝潢，柔和燈光和Live Music ，十分適合 👦🏻👧🏽 消磨時間，享受的週末懶洋洋的晚上 。▪️晚市二人套餐 HKD568跟餐配有炸雞·溫泉蛋凱撒沙律、前菜法式焗扇貝和餐湯，除了足料手雜菜湯，推薦大家+$38 轉龍蝦湯 🦞 味道香濃，仲有已剝殼的彈牙大頭蝦。主菜老闆娘推薦了加拿大黑毛豬鞍 👍🏻 豬胺亦醃得夠味，肉質肥瘦混雜，帶點脂肪，口感爽脆有彈性，肉味濃郁且油份重。另一客主菜黑松露野菌鳳尾蝦忌廉燴珍珠飯，上枱已經有陣陣黑松露香味，仲有四隻大蝦 🍤 超充料！飯粒有點偏生，再濕腍一些就完美了。最後是甜品雜莓窩夫 🧇 香噴噴甜絲絲的味道，外層烘到香脆，口感煙煙韌韌，甜度剛好，大滿足！週末的晚上，餐廳早已客滿；當晚更有 Live Music ，可以點唱或高歌作樂，香港人多地少，餐廳老闆仍然謄出位置，這份用心的確吸引了不少食客回頭。

喺度食過都有三次，三次都有水準有服務，小朋友就好好胃口啦！咁好嘅小店梗係要寫返一個食評啦！第一，雖然係小店，一次就話撞彩啫，但每一次碟食物有賣相都幫你執到靚靚先俾你、而且仲要都偏大碟，男士食都冇問題！食材仲要好新鮮，pui嘅蔬菜份量仲好足夠，啲菜仲要係有味道，唔似有啲西餐廳就咁白烚第二，店員都好後生，但係就好有禮貌，亦都好幫手，見你有小朋友就即刻攞小朋友嘅碗筷俾你，午飯時候都坐滿，但係店員都唔會鞋口鞋面、亦無面色，不過我哋自己識做啦學生仲要超級抵㖭啊，每個餐減十幾廿蚊，有良心、絕對會有下次

深水埗近排新開張一間cafe, 幫襯過幾次,佢哋嘅食物及咖啡質素保持到好水準,所以想開心share介紹畀大家!食物美味,環境優雅, 餐廳樓底夠高,裝修以木及仿綠植物作裝飾為主。本人推介燕麥咖啡及 tonic coffee ,午餐西冷牛扒夠juicy,煙三文魚鮮茄意粉, 意粉煙韌程度適中, 而甜品更令人回味😋可能我去親都唔係peak hour ，甚少趕走啲客，可以坐好耐，值得支持呢type heartful小店✨✨✨

🍻手工啤酒☕️精品咖啡🧇甜品初7🧧人日🎂🎊ℍ𝕒𝕡𝕡𝕪 𝕓𝕚𝕣𝕥𝕙𝕕𝕒𝕪 𝕥𝕠 𝕪𝕠𝕦 💕「喜點· ʟɪᴠᴇ ɪɴ ᴛʜᴇ ᴍᴏᴍᴇɴᴛ」見開了新店去了食ᴅɪɴɴᴇʀ (⁰▿⁰)海鮮二人餐 $468二人套餐包咗好多嘢，包括餐湯/ 沙律/主菜/甜品••••(*´∀`)~♥🥗 sᴀʟᴀᴅ 蔬菜包含常見車厘茄生菜等等，仲有煙三文魚，食材方面算新鮮，配搭咗日式芝麻醬幾好食。🧡ᴀᴘᴘᴇᴛɪᴢᴇʀs香草忌廉青口青口大大粒，上面佈滿香濃芝士和香草🌿碎，調味亦啱啱好，唔會過鹹，ʏᴜᴍᴍʏ！🥣 sᴏᴜᴘ蕃茄雜菜湯充滿蕃茄和其他雜菜。🤎ᴍᴀɪɴ燒美國特級西冷拼大蝦·薯菜呢塊西冷質素不錯，肥瘦均勻，牛扒🥩質素好就只需要簡單的鹽和黑椒調味，輕輕煎香牛扒表面，留住入面嘅肉汁，入口夠juicy，大蝦🍤好大隻，蝦肉彈牙保持原有鮮味。🍝ʀɪsᴏᴛᴛᴏ羽衣甘藍蟹肉意大利飯羽衣甘藍呢個配菜比較少見，炸到好香脆減低本身苦味，意大利飯質地偏腍，配合返香港口味，醬汁方面似粟米湯，入面仲有粒粒粟米，混合左大量蟹肉，呢個配搭都幾好食。🩷ᴅᴇssᴇʀᴛs ᴍɪxᴇᴅ ʙᴇʀʀʏ ᴡᴀғғʟᴇ 雜莓窩夫 🧇呢個擺盤真係好靚，甜蜜香蕉配

附近放工見到依間新 cafe,諗住同朋友入去試一試,叫左生蠔、雞翼、煙肉帶子、扇貝、南瓜飯、卡邦尼意粉,生蠔好鮮甜,雞翼雖然辣度唔夠但好香口,煙肉帶子邪惡得 黎又唔會太油膩,重點店員推薦既係個南瓜 飯連我唔食南瓜都唔會對個飯反感仲覺得幾好食。另外仲叫左蜜桃烏龍茶、紫薯鮮奶同海鹽朱古力鮮奶,個茶一黎就聞到好香既蜜桃味而紫薯鮮奶係依個寒冷既天氣飲落去個人好溫暖係幸福既感覺,最後叫既朱古力 鮮奶上面個圖案感覺到店員好有心思!依間平民小cafe比起其他連鎖店簡直係性價比極高!