影片
喜樂雞蛋仔係近年慈雲山新開嘅小食店，喜樂舖位細細間，位於毓華里，附近有好多餐廳、特色地區小店，好適合食完晚飯過嚟買底雞蛋仔做宵夜甜品。………………………………………………斑蘭味 + 原味雞蛋仔 ⭐️⭐️⭐️⭐️⭐️等左大概5分鐘就有，首先拎上手，摸到暖笠笠，雞蛋仔外脆內軟，口感100分，原味有蛋香味，斑蘭味就唔係太突出，同原味唔差太遠。以原味雞蛋仔嚟計，真係一份好高分嘅雞蛋仔，唯一挑剔嘅地方係食到最尾，發現油左少少。………………………………………………一間主打雞蛋仔嘅地道小食店，做嘅都係街坊生意，$20 原味 $28 雙拼確實唔算平，不過勝在份量夠，又好好食，極之值得推介。依啲小店絕對應該私心收藏，你自己親自嚟食過就知！
繼續閱讀